آرتين لتعليم اللغات
https://forum.art-en.com/

شوية مساعدة حول sentence elements
https://forum.art-en.com/viewtopic.php?t=12980		 صفحة 1 من 1
الكاتب:  حلواني [ الخميس أكتوبر 30, 2008 10:48 pm ]
عنوان المشاركة:  شوية مساعدة حول sentence elements
السلام عليكم ورحمة الله وبركاته


مرحباً بالأحبة والغوالي :wink: كيفكم إن شاء الله تمام والله عم بشتاقلكن كتير بس والله الدراسة والكلية أخذي كل وقتي والدوام عنا كتير صعب يعني ماعندي تفريغ غير الجمعة والإثنين, وأنترنت مافي يعني عم شارك من الجوال وحياتكن وعم بخسر وحدات :) كرمال أحلى منتدى آرتين منتدى الأحبة والأخوة


يعني بعد هالمقـدمة الطويلة :wink: حبيت أدخل بالموضوع متل مابيقولو فوراً من هلأ,, من الآخر :wink:
بدي شوية مساعدة أو بالاحرى معلومات وشرح عن Sentense Functions هي سهلة بس أنا من الدكتور حسيتها صعبة شوي :mrgreen: لانو حكا فيها عن Subject-Object-Complement يعني كل وحدة من هدول ووضائفها أنا راح قلكن الي فهمتو بصراحة :roll: يعني مثلاً عنا ل Subject في prounoun-noun-NP- تقريباً عطانا شغلة 9 أو 10 يعني كيف بيكون بيجي الفاعل (Subject) وهيك بالنسبة لل Object فإذا في مجال تساعدونا وأنا راح أقلكن عن أي شي ما بفهمو,,, *sla وفي شغلى تانية من بعد إذنك يعني ومابي طول عليكن بالطلبات :wink: بس مالي غيركن وحياتكن والله *1 ,, مشان ال Essay كيف تركيبتها هي *ممم *ممم لنو أنا السنة الماضية مادرستها لهيك بدي تعطوني معلومات عنها


[align=center]أنا أسف إذا تقلت عليكن :oops: :oops:
تقبلو تحياتي وبإنتضار اجوبتكم
أخوكم المحب: حلواني[/align][/color]
الكاتب:  Odysseus [ الجمعة أكتوبر 31, 2008 1:06 am ]
عنوان المشاركة:  شوية مساعدة حول sentense elements
حلواني,

أهلا بيك حلواني . . شلون لقيت هالجامعة عندك . . وين أحسن؟

أنا رح جاوبك على essay وأكيد باقي الزملاء رح يحاولو يشرحولك عن sentence functions ,
بالنسبة للمقالة , انا رح احكي عن المقالة الأدبية كونها دراستنا , بتتألف من 3 أقسام رئيسة . .
أولا : المقدمة: بتصير بتلف وبتدور :mrgreen: بالعموميات عن الموضوع المراد مناقشته. . أول جملة بال paragraph بتكون جدا جدا عامة . . الجملة اللي بعدها بتكون أقل عمومية بدرجة . . والجملة اللي بعدها كمان أقل من سابقتها بدرجة . . وهيك حتى توصل لآخر جملة و بيسموها thesis statement . . هي الجملة هي أهم جملة بالمقالة وفيها بتحدد عن شو بدك تحكي . . طبعا المقدمة بتكون بمقطع واحد . .
ثانيا : ال body
وهادا القسم بيتألف من مقطع او 2 او 3 او .. أو . . الخ . . ومتل ما قلتلك . . آخر جملة هي بتحدد العدد. . على سبيل المثال : اذا كانت ال thesis statement عندك كالتالي:
Two reasons make Hassan Nasru Allah great, his modesty and his faith
هون انت لازم تكتب مقطعين , المقطع الاول عن تواضع حسن نصر الله, والمقطع التاني عن ايمانه . . كمان لازم تبدأ كل مقطع من هدول ال2 بجملة بسموها الtopic sentence , وهي أهم جملة بالمقطع . . بتكتبها بعدين بباقي المقطع بتحاول تبرهن أقوالك بأمثلة . .
ثالثا: الخاتمة , بالخاتمة بتحاول تلخص المقالة كلها بكم سطر . . يعني بتعيد كتابة نفس الأفكار بس بكلام تاني . . ولا تكتب اي فكرة جديدة . . ممنوع ثم ممنوع ثم ممنوع انك تكتب فكرة جديدة بالخاتمة . . يعني كل شي بينكتب بالخاتمة هو بس تلخيص للمقالة . .

ان شاء الله بتكون اخدت فكرة منيحة عن المقالة. . موفق ان شاء الله *ورود
الكاتب:  حلواني [ الجمعة أكتوبر 31, 2008 9:13 am ]
عنوان المشاركة:  شوية مساعدة حول sentense elements
Odysseus,
شكراً
اقتباس:
هلا بيك حلواني . . شلون لقيت هالجامعة عندك . . وين أحسن؟
حمص طبعاً

بتمنى من رغد وبقية الزملاء المساعدة
الكاتب:  حلواني [ الجمعة أكتوبر 31, 2008 1:59 pm ]
عنوان المشاركة:  شوية مساعدة حول sentense elements
ارجو من بقية الزملاء مساعدتي *1 *1
الكاتب:  حلواني [ السبت نوفمبر 01, 2008 11:38 pm ]
عنوان المشاركة:  شوية مساعدة حول sentense elements
[align=right]I am still waiting>>>>[/align]
الكاتب:  Raghad [ الثلاثاء نوفمبر 18, 2008 8:46 pm ]
عنوان المشاركة:  شوية مساعدة حول sentence elements
حلواني,
ممكن يا اخ فادي تحددلي أكتر
يعني يمكن فهمت عليك أنو بدك شرح لكيفية تركيب الجملة و عناصرها
وبالنسبة للمفعول به إذا كان بيتعدى لمفعول أو أكتر وإذا ما كان متعدي ؟ :roll:
فيا ريت تقلي إذا كنت هيك بتقصد لحتى أعرف جاوبك *1

بالمناسبة كلمة "جملة" تكتب "sentence" وليس sentense
الكاتب:  أ. مسلم قمباز [ الثلاثاء نوفمبر 18, 2008 10:10 pm ]
عنوان المشاركة:  شوية مساعدة حول sentence elements
مرحبا يا حلواني

انقر وشوف بنفسك اذا بتقدر تكون فكرة عن عناصر الجملة يلي انا منزلون بالحقيبة من 48 يوم تقريباً

http://www.geocities.com/msallam_80/structure5.htm" onclick="window.open(this.href);return false;
الكاتب:  حلواني [ الأربعاء نوفمبر 19, 2008 5:56 pm ]
عنوان المشاركة:  شوية مساعدة حول sentence elements
شكراً استاذ مسلم
صفحة 1 من 1 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/