آرتين لتعليم اللغات
https://forum.art-en.com/

الـتجـربـة الـفــاشـلـة لـيـست مـعـيـارا
https://forum.art-en.com/viewtopic.php?t=12965		 صفحة 1 من 3
الكاتب:  ثـــائـــر [ الخميس أكتوبر 30, 2008 2:53 am ]
عنوان المشاركة:  الـتجـربـة الـفــاشـلـة لـيـست مـعـيـارا
نحمل أحلامنا على راحاتنا و نسير في لجج الحياة الصاخبة ...نطبق بين اهدابنا على أطياف أفراحنا الهاربة من عمق الزمان المرير ..

نرقص على ايقاع آلامنا في وضح النهار و نعلن للشمس و الريح و المطر أننا أبناء بررة لعالم الطموح و الآمال ..مرة بعد مرة نتجرع كأس مرارة الهزيمة و لا نتراجع عن طرق أبواب العمل الحثيث لتحقيق الانتصار

نحب الحياة و نفتح قلوبنا لندى الازهار ...حين نضحك تطرب الدنيا و يعبق الأريج في المكان ..نهوى الحديث للقمر و ليالي السهر ..و نشرع أيدينا لنستقبل كل ما ستحمله في جعبتها لنا الأيام ...

نرسم كلماتنا على الرمال ..نخطها على أمواج البحار ..نحكيها للصدف و المحار ..نوشوش نسائم الصيف ..و نكتب عن أفراحنا و ألامنا و كل تجاربنا ..و لكن إخفاقاتنا في تجارب الحب العابرة ليست محورا للكون ... فالحياة تمدنا يوميا بتجارب و خبرات و علاقات علينا أن نستفيد منها ... و التجربة الفاشلة هي حافز لتجربة حب أعمق و أنجح ...

لنفتح قلوبنا و لنعيد بناء مملكتنا ... و لنفتح قلاعنا لنستقبل الحب بجيوش الامل و أسلحة الاصرار ..
و قوة الحب .... و فرح الانتصار .... و لنمحو كل آثار الحروب التي مرت بها مدننا ... فما من قلب لم يتعذب .. و ما من قلب لم تلدعه نيران الفراق ... و لكن لكل شئ نهاية ... و لكل هزيمة انتقام .... انتقم من حزنك ..
انتقم من الشي الذي يسمى الفراق .... و لتجعل قوة الحب سلاحك في كل الحروب ...

إهداء من عميد كلية الحب لكل من ظلم الحب و أعلن الاستسلام لجيوش الفراق ...
الكاتب:  عبد الرحمن [ الخميس أكتوبر 30, 2008 3:04 am ]
عنوان المشاركة:  الـتجـربـة الـفــاشـلـة لـيـست مـعـيـارا
ثـــائـــر,

الله الله ياثائر شو هاد والله العظيم كلام رائع وحطيت ايدك عل الجرح وداويتو بهل الكلام

مشرف بوح المشاعر شو بدو يطلع معو غير هيك كلام حكم ودرر لك يسلم هل التم *1
اقتباس:
و لنمحو كل آثار الحروب التي مرت بها مدننا ... فما من قلب لم يتعذب .. و ما من قلب لم تلدعه نيران الفراق ... و لكن لكل شئ نهاية ... و لكل هزيمة انتقام .... انتقم من حزنك ..
انتقم من الشي الذي يسمى الفراق .... و لتجعل قوة الحب سلاحك في كل الحروب ...

شو بدو يحكي الواحد مع هيك كلام لك قلي :?:

بهنيك من كل قلبي على كتابتك لهيك كلام يسلمن عميد *1 *ورود
الكاتب:  لجين [ الخميس أكتوبر 30, 2008 3:08 am ]
عنوان المشاركة:  الـتجـربـة الـفــاشـلـة لـيـست مـعـيـارا
اقتباس:
و لكن إخفاقاتنا في تجارب الحب العابرة ليست محورا للكون ... فالحياة تمدنا يوميا بتجارب و خبرات و علاقات علينا أن نستفيد منها ... و التجربة الفاشلة هي حافز لتجربة حب أعمق و أنجح ...


فعلا ثائر...كتير قصص حب انتهت بنهاية حزينة جدا وأصحابها انظلمو ...بس مالازم نحكم على كل القصص بنفس النهاية...الدنيا بتعلمنا كتير ولازم نستفيد من كل تجربة بتصير معنا....وأثر فيني هاد السطر انو التجربة الفاشلة هي حافز لتجربة أعمق وانجح..لازم كلنا نمشي على هاد الخط ونخلي هي الفكرة ببالنا دائما ونؤمن فيها.
اقتباس:
لكن لكل شئ نهاية ... و لكل هزيمة انتقام .... انتقم من حزنك ..
انتقم من الشي الذي يسمى الفراق .... و لتجعل قوة الحب سلاحك في كل الحروب ...

الفراق....قديش هالكلمة صعبة علينا كلنا...لازم نقوى على نفسنا قد مامنقدر مانخلي شي يأثر علينا ويخلي حياتنا توقف عند حد معين...ومتل ماقلت كل شي عندو نهاية...وانا بأكد معك هي الكلمة

قد ماكتبت بكون قليل...شكرا ثائر.. كلامك رااائع وضرب على الوتر الحساس :wink:

ناطرين كل شي جديد منك
*ورود
الكاتب:  أحمد الدالي [ الخميس أكتوبر 30, 2008 4:28 am ]
عنوان المشاركة:  الـتجـربـة الـفــاشـلـة لـيـست مـعـيـارا
ثـــائـــر,
كلامك بيعطي تفاءل وحب للحياة شلون ما كانت تكون
بالفعل الحياة دائما فيها فراق وبمراحل متعددة
ولكن لولا الفراق ما كنا بنشعر بلذة اللقاء
كلامك بعتبرو دعوة للتفاءل وما بعتبرو إهداء
وأحلا وردة لأحلى عميد *1
اقتباس:
انتقم من الشي الذي يسمى الفراق .... و لتجعل قوة الحب سلاحك في كل الحروب ...
*good *good *good
الكاتب:  ثـــائـــر [ الخميس أكتوبر 30, 2008 9:49 pm ]
عنوان المشاركة:  الـتجـربـة الـفــاشـلـة لـيـست مـعـيـارا
عبد الرحمن, لجين, Acrobat,

مشكورين كتير على مروركم و انا بصراحة نزلت ها الموضوع بعد مقابلة شخص لاول مرة و هو من المنتدى ..المهم قابلتو و شفتو ....
الشي يلي تفاجأت في هو انو هالشخص مرق بأربع تجارب حب و الاربعة كانت فاشلة و يلي صدمني هو انو ها الشخص اعتزل شي اسمو حب و فقد الامل من انو يحب من جديد .. و انا ماقدرت الا انو اكتب ها الموضوع عشان يعرف انو فقدان الامل با الحب بيشبه الانتحار
الكاتب:  بثينة [ الخميس أكتوبر 30, 2008 10:26 pm ]
عنوان المشاركة:  الـتجـربـة الـفــاشـلـة لـيـست مـعـيـارا
اقتباس:
نرقص على ايقاع آلامنا في وضح النهار و نعلن للشمس و الريح و المطر أننا أبناء بررة لعالم الطموح و الآمال ..
ثـــائـــر, كلامك كتير رائع و بالعفل بيعطي تفاؤل كبير الله يسلم ايديك يارب بس بجد الكلام غير الفعل :arrow:
يعني صح لازم مانستسلم و لازم ولازم و لازم ... بس الجرح بيضلو معلق جوى القلب ..

ثـــائـــر, يسلم ايديك يا أحسن و أطيب عميد بالدنيا *1
الكاتب:  أنس الدالي [ الخميس أكتوبر 30, 2008 11:10 pm ]
عنوان المشاركة:  الـتجـربـة الـفــاشـلـة لـيـست مـعـيـارا
اقتباس:
انتقم من حزنك ..
انتقم من الشي الذي يسمى الفراق .... و لتجعل قوة الحب سلاحك في كل الحروب ...

اني اعجز عن التعليق
ميرسي لالك
الكاتب:  ابراهيم محمد [ الجمعة أكتوبر 31, 2008 1:56 am ]
عنوان المشاركة:  الـتجـربـة الـفــاشـلـة لـيـست مـعـيـارا
شو بدي أحكي بحضرة هالكلمات الرائعة

جد ما فيني أحكي شي إلا اني قول

ثـــائـــر,

انت انسان عظيم وكلماتك هون أعطتني حافز كتير كبير مشان بلش من جديد وحط الفشل وراي وما أتطلع على الشي اللي فات

وما حبيت أقتبس شي من الموضوع لأنو كلو رائع وكل كلمة بتقول للتانية قومي بدي أقعد محلك

شكرأص كتير الك يا غالي على الموضوع الرائع

لك مني خالص الاحترام والتقدير لشخصك الكريم ولحضورك

تحياتي
الكاتب:  z-r-11 [ الجمعة أكتوبر 31, 2008 2:00 am ]
عنوان المشاركة:  الـتجـربـة الـفــاشـلـة لـيـست مـعـيـارا
ثـــائـــر,
طبعا معك حق بكل الي التو بس الواحد بهيك مواقف رح يتخذ قرارات غير مقبولة بسبب اثر الصدمة و هالنتيجة متوقعة و منطقية بس بعدين معو معو بروق و الله بيبعتلو ناس ينسوه الي عم عانى منو :wink:

بعدين التجارب الفاشلة بتعلمنا و بتكسبنا الخبرة ايه لولا الفشل ما كان للنجاح وجود و الواحد متل ما بقولو ما بيتعلم غير من كيسو و الواحد وقت يشتري غرض بضل يجرب لحتى يزبط على زوقو و قياسو :mrgreen:
اقتباس:
انتقم من الشي الذي يسمى الفراق .... و لتجعل قوة الحب سلاحك في كل الحروب ...
*good درر و ما في تعقيب على حكيك كفيت و وفيت
بالمختصر الواحد ما لازم ييآس من شي و كما يقال (تفائل بالخير تجده)

ثـــائـــر,
يسلمووو ايديك و يعطيك العافية يا عميد *ورود
الكاتب:  ثـــائـــر [ الجمعة أكتوبر 31, 2008 2:43 am ]
عنوان المشاركة:  الـتجـربـة الـفــاشـلـة لـيـست مـعـيـارا
بثينة,
اقتباس:
... بس الجرح بيضلو معلق جوى القلب

كل جرح و الو دوا ... و مافي شي بيبقا للابد ... لازم ندواي كل شي بقلبنا ...
اقتباس:
يسلم ايديك يا أحسن و أطيب عميد بالدنيا

الله يسلمك يا رب ....

همسات الحب,

شكرا لمرورك *ورود *ورود *ورود

Shakespearean,
اقتباس:
انت انسان عظيم وكلماتك هون أعطتني حافز كتير كبير مشان بلش من جديد وحط الفشل وراي وما أتطلع على الشي اللي فات

طول بالك يا زلمي ...اول مرة بخجل بحياتي :mrgreen: :mrgreen:
بقولو لكل جواد كبوة .... و الجواد الاصيل يلي بقوم من كبوته بقوة و ثبات .... z-r-11,
اقتباس:
بعدين التجارب الفاشلة بتعلمنا و بتكسبنا الخبرة ايه لولا الفشل ما كان للنجاح وجود و الواحد متل ما بقولو ما بيتعلم غير من كيسو

بهاي انا معك 100 % و اكيد التجارب لازم نتعلم منها اشياء لتكون حافزنا لتجربة اعمق و اقوى و لازم تكون انجح ...
اقتباس:
درر و ما في تعقيب على حكيك كفيت و وفيت

الله يسلمك و يخليك ... و شكرا على مرورك .. *ورود *ورود
صفحة 1 من 3 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/