هدى,
اقتباس:
ولتكن الأسئلة بالفصحى .. فنحن مع أستاذ نحو قدير
بدك ما تواخذيني هدى

أنا طالبة انجليزي قديرة وماني قد الفصحى
بعدين أسئلتي رح تكون شخصية
بتعرفيني بحب أتعرف عالشخصيات العلمية البارزة من جوا...وبكون هدفي حياتن الشخصية
اقتباس:
مع الدكتور عصام الكوسا .. دكتور مادة النحو ومن أقدر دكاترة النحو في كليتنا

تشرفنا
الأسئلة
1- هل الدكتور عصام حمصي؟
2- أديه مواليد الدكتور عصام؟ وكام سنة إلو بالتدريس؟
3- نبذة عن:- المدرسة الابتدائية وطفولة الدكتور..وهل كانت مرحلة سعيدة؟
- المرحلة الاعدادية والثانوية وهل ظهر فيها حب الدكتور للغة العربية؟
-سنوات الدراسة الجامعية ومستوى الدكتور خلالن
4-سؤال أهتم به دائماً لعمق دلالته على شخصية الانسان ويقابل دائماً بالتجاهل

:
من هم والد ووالدة الدكتور وكيف يصفهما لنا؟
5- بيعتبر نفسو الدكتور انسان حقق حلم والديه به؟
6- طيب هل مجال التعمق باللغة العربية "بغض النظر عن نيل شهادة الدكتوراه

" هو حلم حققو الدكتور عصام؟
7- لكل امرءٍ من اسمه نصيب....فما نصيب الدكتور عصام من اسمو؟
8- للدكتور بنت "يخليلو اياها

" خلصت بكالوريا حديثاً..فشو سجلت؟ وهل حققت رغبتا أم رغبة أبوا بالفرع اللي اختارتو؟ وشو بتتمنالا مرتبة ودرجة جامعية؟
9- درجة الدكتوراه وشرفا شي..والعمل كمدرس بالجامعة بدرجة الدكتوراه شي تاني

فهل الدكتور عصام ممكن يشجع بنتو "أو أبنائوا" على خوض هالمهنة بعد اللي شافو من عذابا؟
10- أم هل بيعتبرا ممتعة؟
11- كيف تم التعارف بين الدكتور عصام وزوجتو؟ وهل كان زواج تقليدي؟ وشو عندك أولاد؟
12- مين هني الأدباء اللي بحبن الدكتور عصام؟ وأي نوع من أنواع الفنون الأدبية بفضل؟
13- الدكتور بيكتب بأي مجال من فنون الأدب؟ أو بينشر شي؟
14- اسم الشاعر "الشعراء" اللي بحبن الدكتور..وأي شعر بحب الدكتور؟ وأي عصر؟
-منحى آخر من الأسئلة
15-هل للطلاب الحق باتهام الدكتور عصام "بالصعوبة" ولذلك ما بينجحوا بمادتو؟
16- الجدية...واللي هي أول كلمة بيوصفوا طلاب الدكتور عصام دكتورن فيا..هل هي طبع أم أنو نوع من المحافظة على مكانة معينة للدكتور أمام طلابو؟
17- شو رأي الدكتور بالوصف التالي اللي سمعتوا عن موقف الطلاب منو:
الطلاب قسمين..قسم بحبوه وبقدروا جهودوا وبحسوا بفضلوا وبيعترفوا فيه وقسم ما بحبوه لأنو بيعتبروه ظالم والنجاح عندو صعب.
سؤالي الأخير الخاص
18- هل ممكن لانسان لم يتعامل مع اللغة العربية أكاديمياً أنو يأتقنا ويأبدع فيا ويسبر أغوارا؟ وتعترف الناس فيه؟
وختاماً

كل الشكر للدكتور عصام على موافقتو بإجراء هالمقابلة

وبتمنى منو يغنيا ويجاوب عالأسئلة باسهاب
ويتحملنا فممكن ما نحصل على شرف مقابلتو مرة تانية
والسلام

_________________
لــلــمــلائــكــة حــضــورهــا