سلام اخت سيرين بهنيكي على دقة اختيار مواضيعك مرة تانية
انا مع وضد هالعادة مثلا تكون الهدية لشخص صغير بالسن مثلا نجح بالاعداية اكيد بيفرح وتكون حافز بس لوحدة متلك تخرجت يكفي نقلك الف الف مبروك لانك ذكرتي الاسباب وبعدين لا تنسي نحن مجتمع شرقي 70 % من عاداتنا بدها تغير او خذفها من ادمغتنا و على قولت امي كل شي دين يلي اجا نروح ويلي ما اجا مابروح ههه
بس اهم شي نعرف انو العادات والتقاليد هي نفسها اتفاق مجموعة من الناس او مجتمع مهما كان صغير على شي اصبح عرفا عاما يحتذا به وان كان مغلوط أو مشكوك بصحته العادات والتقاليد براي هي قيود تكبل الانسان عن التحضر والتقدم بس المهم فيها انو مفيدة كتير كتير وهذا سوالي الك ؟ ليش ؟
ـــــــــــــــــــــــــــــــــــــــــــــــــــــــــــــــــ يتبع في الحلقة القادمة

سيرين,
وعليكم السلام كالعادة موضوع جدلي جميل
بالنسبة للهدايا هي مو عادة جديدة .. الشي الجديد هلأ هو نوعية الهدايا هي والمبدأ الي بيقول "كل ما غلّينا الهدية كل بيضنا وجهنا أكتر وهيك ومنكبر بعين الناس" ..... لك والله الهدايا بتفرّح وخصوصي إذا كان الشخص بيستاهل .. في عالم كتير بتفكر أنو لازم نعطي هدية متل ما عطا غيرنا ( من مبدأ الغيرة يعني ) وحتى نوعية الهدية كمان .. بس أكيد هالشي مانو مقياس على غلاوة الشخص هاد .. ممكن تكون الهدية رمزية جداً بس هية أحلى هدية .. طبعاً في ناس ما بتفكر بهالطريقة وبتعتب كتير لذلك الواحد بيضطر مخاجلة أنو يجيب شغلة محرزة يعني لازم الشخص يحاول يلاقي حل وسط وإذا كان بفترة معينة متدايق ومو قادر ممكن يأجلها .. وإذا مو خرج يأجلها فيو يختار هدية تكون بسيطة بحيث أنو ما تأثر كتير على واجباتو التانية .. بس للأسف القصة متل ما ذكرت قبل البعض بيفكر أنو لازم بيّض وجهي أدام الجماعة وتكون هديتي تقيلة لحتى ما حدا يحكي عليي
بس برجع بقول أنو الهدايا حلوة لا ما عم سمّعك و عنجد أحياناً بتكون محفزة للشخص .. رفيقتي كانت موعودة بسيارة عالتخرج وبالفعل شدت همتا وتخرجت واجتا السيارة مو متلنا يا حسرة ...
مشكورة عزيزتي عالموضوع

emelos,

يا هلا فيكي و لو أنها متأخرة شوي بس الله يبارك فيكي هي النقطة ألي كنت فعلاً حابي علقك عليها
لأنو بالفعل ما عاد حسينا بقيمة الهدية الحقيقية و الغاية ألي نوجدت من أجلها الهدايا .... و ياما سمعنا و عم نسمع بكل مناسبة عبارة " الهدية دين و وفى "
حلو يكون في هدايا بين الناس , بس وقت الناس بتتعامل مع الهدايا من هاد المنطلق برأيي بتفقد الهدية قيمتها لأنها وقتها بتصير متل الهم على قلب صاحبها . طيب رح جاوب
من وجهة نظري متل ما كلنا منعرف لكل أمر سلبيات و إيجابيات قد تتفاوت النسب بينهما و لكن بالنهاية الوجهين موجودين ... ممكن ناس تنقاد وراء السلبيات أكتر و ممكن العكس و هاد بيرجع لنظرة كل شخص و تعاملو مع الموضوع من منظورو الشخصي , بس بيبقى في الصح و في الأصح .. و بخصوص الهدايا مثلاً من عهد رسولنا الكريم عليه الصلاة و السلام و متل ما تعلمنا و سمعنا " تهادوا تحابوا " , و فعلاً أنك تشاركي الناس فرحتن شيء كتير حلو و بزيد المحبة بين الناس و كتير منسمع عبارة " فرحكن لفرحنا بيعني كتير بالنسبة ألنا " , بس الظاهر أنو متل ما قالت رغد : يمكن تفكير البعض بالهدية من هاد المنطلق ترك آثار سلبية عند معظم الناس لأنو في ناس عندها مقدرة تهدي و تكون هالهدايا بأسعار غالية , بس بالمقابل في ناس رح توقف كتير وقت بدها تسمع و تشوف هيك و رح تدايق لأنو رح يلاقو هديتن و لا شي قدام باقي الهدايا أو رح يضطروا يدفعوا مبلغ فوق طاقتن للهدية و رح يروحو و يباركو بس أكيد رح يبقى الهم مرافقن بس الديون ألي من الممكن أن تترتب علين
شكلي طولت الإجابة بعد شوي برحلي علامات لأني ممكن كون طلعت خارج نطاق السؤال
على كل حال بتمنى كون جاوبت بالشكل المناسب
emelos,
سعيدة بمتابعتك لوجهة نظر و ما يطرح فيها من مواضيع و بانتظار الحلقة القادمة

Raghad,

رغد في ديارنا يااااااامرحبا يا مرحباااااا فعلاً رغد و الله حطيتي إيدك ع الجرح لك خلص أنتي تخرجي و ألنا أحلى عزيمة على حساب بعض الناس شو نسيتي ؟؟ و هي هدية محرزة و غير شكل متل هيك حالة ... أكيد الأهل عندن القدرة و أحوالن المادية بتسمح تكون الهدية سيارة و إلا ما كانوا عطوا بنتن وعد بهيك هدية من الأساس ... بس الأحلى يصيرو الكل بدن سيارات هدية ع النجاح وقتها بصيرو الاهل يغنوا يا ليل يا عين
و أكيد يا رغد أنتي و نجاحك أغلى هدية لأهلك و أهلك بالمقبابل أغلى هدية بالنسبة لألك
انبسطت كتير بمرورك الحلو و انبسطت أكتر بمشاركتك الكريمة و بتمنى دائماً نشوفك منورة وجهة نظر

اول شي بدي قلك موضوع مهم كتير و حلو و بالفعل اختيارك للموضوع فيه دقة
يسلمو كتير

متل ما قال Raghad, هي مو عادة لأن سيدنا محمد عليه الصلاة و السلام كان يحب الهدية و بنفس الوقت كان يقبل الهدية و يهدي و تهادو تحابو
هدول بقى حتى ما ينحكى عليهن لان مجتمعنا ما بيرحم و الحق معون بعد عن الشر و غنيلو

لا ما بحرم نفسي باخد حل وسط و ساعتها بجيب هدية قيمتها لا غالية و لا رخيصة يعني وسط اذا كنت متدايقة

سيرين,

يا سلام ..لك يا سيرين جيتي عالموضوع اللي بعتبرو عادة من العادات و التقاليد اللي لازم تنقرض
يسلمّن يارب و طبعا الحكي اللي رح أحكيه هلق يشمل معظم الناس بمجتمعنا و طبعا لكل قاعدة استثناء.
أعتقد أنو الفرق بين قديما و حديثاً أنو الناس كانت قديما تهدي بعض لأنو هيك جرت العادة و أنو "الواجب الإجتماعي" هيك بيملي عليهم يعني كانت الشغلة "واجب" على نحو كبير, أما الآن فأنا بشوف أنو الهدايا صارت متل ما قلتي للوفا و الدين أنو أنا هديتك هدية تقيلة مثلاً, مشان أنت كمان تتذكريني بوحدة متلا بوقت المناسبة الجاية.
يعني أنو الهدية ما عاد إسمها هدية بشكل مجرّد و إنما صارت شيء للاسترداد لكن بطريقة الهدية.

الشغلة وفا و دين, ممكن هالشخص هداني هدية غالية بأحد المناسبات و إجا الوقت لردلو ياها, و طبعاً هاد الشي ليس دليل محبة أبداً, لأنو الشخص اللي بحبو إذا هديتو هدية متواضعة و لو شو ما كانت رح ينبسط فيا لأنو بيعرف غلاتو عندي و هون ما بيطلع عالهدية أبداً و إنما عالشخص اللي قدملو الهدية, مشان هيك بتكون الهدية و قيمة الهدايا تتبع لنوعية الأشخاص.
يعني مو بالضرورة أنو الشخص كل ما غلي عليي أكتر لازم تكون الهدية غالية أكتر, لأ أبداً و إنما هيي شي رمزي بيدل على محبة.
و هون في نقطة أنو ممكن أهدي هدية لشخص علاقتي فيو كتير رسمية بس بهالحالة أنا بكون عم ردلو شي أو أنو هالشخص ممكن يأثر عليي بشكل سلبي إذا ما هديتو هدية غالية و هاد الشي أبدا مو محبة و إنما صارت الهدية بهالحالة أداة لتنفيذ غرض ما.
من جهتي بحب الهدايا تجي بلا مناسبة لأنو الهدية بهالحالة بتعبر عن شي كتير حلو ما بتعبر عنو الهدية بوقت المناسبة.
و هلق الحمدلله درجت عادة جديدة بين بعض الناس أنو ممكن تهديهم شي و " ما يعجبهم" و بيصير بدهم يبدلو الهدية بشي تاني ..بقا شو فينا نقول بهالحالة !!
عنجد بتمنى أنو المجتمع تتغير أفكارو بقا ولو شوي من هالناحية لأنو الهدية هيي دليل "محبة" بالنهاية و لازم تحمل هالمعنى اللي افتقدناه بهالمجتمع اللي صار تفكيرو مادي بكل شي.
تحياتي سيرين

Raghad,
كانت موعودة بسيارة لكن ..و أنا كمان بس السيارة ما عجبتني بوقتا

و السؤال : ما الفرق بين عادات الناس قديماً و حديثاً فيما يخص الهدايا ؟؟
الناس من قبل ما كانو ماديين وما كانو بيهتموا بيقيمة الهدية يعني كان مجرد انك انت تذكرت هالشخص بكفي ومثال على ذلك المتل القائل
من اتذكرني بعظمة كنت عندو عظيم أما هلا بالعكس انت كل ما تقلت الهدية ودفعت هداك الميلغ فأنت عند هالشخص عظيم بعتقد لأنو من قبل ما كان في شي اسمو طبقات اجتماعية فقيرة وغنية وكانوا العالم أبسط من هلأ بكتير
- كثير من الناس , و رغم أوضاعهم المادية المتدنية نوعاً ما , يحرصون على القيام بالواجب و تقديم ما غلا ثمنه من الهدايا .ما هو رأيكم فيما يخص هؤلاء الأشخاص ؟؟
برأي هي عالم بطرانة وهما المظاهر من طول عمرها لهدية كل ماكانت رمزية كل مازادت حلاوتها
وبرأي هدول العالم هنن الأشخاص يلي بهمون المظاهر وبس حتى لو كان على حساب حياتون ومصوفهن وعيلتهن و..........
و هل محبتي لمن حولي تعني أن أحرم نفسي و عائلتي من أشياء قد تكون ضرورية في سبيل القيام بهذا الواجب الاجتماعي ؟؟
لأ اكيد لأ لأنو اذا في محبة لازم تكون بالأول لأهلي وعيلتي و بعدين بتجي المحبة للأشخاص يلي هنن غرب عني أو بمعنى أخر هنن مو من دمي ولحمي
- و يبقى لكم في الختام حرية الكلام و التعبير عن كل ما يمكن أن يخطر لكم من أفكار حول موضوعنا الذي اخترناه لهذا اليوم على أمل الوصول إلى حلول و آراء قد تسهم في تغيير أو تصحيح بعض وجهات النظر
الموضوع كتير حلو والحكي فيه ما بيخلص بس الفكرة الأساسية انو عنجد الهدية حلاوتها وقت تكون طالعة من القلب مو غصب من عنا وقت تكون لأشخاص منعزون زمنحبون عنجد وبعيد عن التكلف والمظاهر حتى يكون إلها طعمة وتكون حقيقية وما تكون مجرد دين وفى والله هدتني هي هديك المرة فأنا لازم ردلها , لأنو هون الهدية فقدت قيمتها.
برجع بشكرك عنجد الموضوع حلو ودائما متميزة وزادك الله تميزا وعيد مبارك وينعاد عليكي بالخير والسلامة

فطوم,

منورة فطوم و شكراً كتير على مقدمتك معك حق فطوم بس المشكلة
شكراً كتير لمرورك و تعليقك عزيزتي و سعيدين بتواجدك معنا و بتمنالك التوفيق و النجاح و هديتنا وقتها لألك أحلى مباركة بآرتين
ماتقوليلي ما عجبتك الهدية ها

Ranaa,

لك يا هلا بالمتابعة الآرتينية النشيطة صاحبة الكلمات العذبة ما بعرف يمكن قديماً ما كان بقصد " الواجب " بس , بعتقد كان من باب المحبة و أنو العالم كلها كانت تفرح لبعض و بغض النظر عن الهدية و قيمتها و قديم أكيد ما كان في تدقيق على حجم و سعر الهدية متل وقتنا بتعرفي شو رنا في ناس وقت حدى بيهدين هدية تقيلة كتير بصيروا يحسبوا فيها و هون بكون الهم بسبب الهدية أكبر بكتير من الفرحة فيها لأنن رح يقعدوا و يحسبوا و أكيد رح يرددوا عبارة " كيف فينا نرد الهدية وقت بصير عند هالشخص مناسبة و احتمال كبير بوقتها ما نكون قادرين على رد الهدية بالمثل " فعلاً هاد ألي عم يصير , وقتها بصير موقف صاحب الهدية شي بجنن ع الآخر

دائماً منورة رنا و شكراً كتير لمرورك و تعليقك الكريم سعيدة بمشاركتك و متابعتك

بروين,
فعلاً هاد ألي كان يصير و هاد الشي ألي منسمعوا من أهلنا
ممكن كتير يكون كلامك صحيح بروين , بس بالمقابل بدنا ما ننسى أنو هالفئة من الناس ممكن أنها ما ترضى على حالها أنها تقصر بواجبها تجاه ناس ما قصروا معن و قدمولن هدايا غالية , و مشان هيك ما بلاقوها حلوة بحقن أنو يقصروا معن و هون ما بعود اسمو " بطر " و إنما ما برضى لغيري إلا متل ما بيرضا غيري لألي هاد الحكي التمام الله يخليكي بروين و تسلمي لقلبي و الله يوفقك يارب و نشوفك بأعلى المراتب و كل عام و أنتي و كل الناس ألي بتحبين بألف خير

عدنـــــــــــــــــــا
الهدية لازم تكون رمزية او معنوية سواء بمناسبة او بلا مناسبة هلا الرسول كان يقبل هدية بس شو كان نوع الهدية اكيد رمزية يعني ما كان يقبل جمل او حصان ( سيارة بهذا الزمن ) هذا يعني اذا هديت وحدة من رفقاتي بهديها حسب معرفتي بميولها ( كتاب رواية قلم ....الخ ) يعني تعرف انو تذكرتها و ماني نسيانتها حتى لو كان وضعي المادي منيح بعدين هدايا مناسبات العائلات تختلف شوي لانها بتدخل بباب (مشان ما بيحكو علينا ) لازم شوي تكون على قدر المناسبة
رنا
من جهتي بحب الهدايا تجي بلا مناسبة لأنو الهدية بهالحالة بتعبر عن شي كتير حلو ما بتعبر عنو الهدية بوقت المناسبة اسف بس الهدية اذا ما كانت الها مناسبة تفقد قيمتها المعنوية وبعدين بهالايام ماحدا بيهدي دون مقابل هذا الواقع
بالنهاية الواحد بيعرف مين هداه وليش هداه كيف وشلون نفتح الهدية نعرف غايتو من الهدية نرده ياه وحدة بوحدة ولا هداها من قلبو
الاخت فطوم عم تقول بعد عن الشر لا انا حتى لو كنت بزنقة بحفظ كرامتي وبرد الهدية على طاقين واكيد بقدر لان مافي شي مستحيل
انا بقول انو السيارة بكل الحوال كانو رح يشتروها بس ما كان في حجة ههههههههههه ولما تخرجت اشتروها مشان ما تفكر كل شي بالدنيا يجي عالبارد المستريح لان هيك ناس الهدية عندن رصيد سياحة صيغة هههههههه
بنات احق شخص بالهدية (( المرأة هي نصف المجتمع وهي التي تلد و تربي النصف الآخر)) مين هو ؟؟؟؟؟