اقتباس:
عندما تكون فلسطينياً
سيكون لديك تدريب يومي على إخفاء دموعك
بالعكس مو لازم تخفيها وتخليها ظاهرة للعيان بركي اللي عندو بقايا ضمير بيحس ع دماتو شوي وبيتحرك ولو بشكل مخفي شوي ليقدم اللي ضمن طاقاتو لدعم اخوتنا بفلسطين وبغيرها من المناطق المحتلة
اقتباس:
عندما تكون فلسطينياً
لن تستطيع ان تتمادى بابتسامتك
بالعكس لازم تبتسم انك ما زلت الوحيد الصامد بهالزمن اللي كتر فيه الخنوع والرضوخ لليورو وقبلو الدولار من قبل العرب كلهن
اقتباس:
سيعاقبك عليها التاريخ
معناها الله يجيرنا نحن المتفرجين القابعين دون اي حركة او حتى نفس
اقتباس:
قيلولة تحت شجرة البرتقال في حيفا
وفنجان قهوة على ضفاف طبريا
وصلاة ركعتين ودعاءٌ.. يعرج إلى السماء متتبعاً خطى الحبيب في معراجه من هناك
رح يكون احلى حلم بالحياة انو اقدر حقق هالشي بحياتي بس للاسف بالواقع اللي عم نمر فيه هالشي صعب انو يصير ولا بعصر احفاد احفادي بس الامل بالله كبير
وصدقي هالحلم افضل من السيارات والمال والمدري شو عند اللي بيفهم وبيقدر
اقتباس:
وما ستصير إليه فلسطين
لك اااااااااااخ لسا في اكتر من هيك رح نشوفو بفلسطين وبرا فلسطين
اقتباس:
ومثاراً للإعجاب أحياناً
انا عندي هالحالة ع طول
اقتباس:
عندما تكون فلسطينياً
ستعمل قسراً.. مروجاً لخلقٍ كاسدٍ يدعى: الكرامة
فقد انخفض تداوله بشكل ساحق منذ أن اختُرعَت قواميس جديدة للأخلاق
للاسف .... كرامة ....
بهالايام مافي غير فريق الكرامة الحمصي عم يذكرنا بهالكلمة
وصورة الطفل الفلسطيني الرافض انو يرضخ للذل وبحجرة زغيرة بايدو عم يعمل اللي مو قادرين الملايين يساووه حتى باحلامن
اقتباس:
سيلهج لسانك بالشكر لمن اخترع الأرقام
اي يلعن اخت هالاراقام
بس مو طالع بالايد شي لانو حتى نحن اللي مو فلسطينية مو معروفين بدولتنا غير بالرقم القيد والنفوس
اقتباس:
عندما تكون فلسطينياً
ستعيش حنيناً دائماً لماضِ لم تعرفه
ولمستقبل ليس بإمكانك ان تعرفه
المهم انو عايشين مو متل بقية الشعوب عايشين كالاحياء الاموات
اقتباس:
كل ما يعنيك هو أن فلسطين سُلبَت
ويجب أن تُعـــــــاد
ان شالله بتعود بس المشكل فيكن انتو مو فينا لانو الحل بايديكن وبس اما العرب فلا حياة لمن تنادي
اقتباس:
سأقطع حديثي وأغادر إلى بيوت العزاء في المنفى
حيث تموت الأفكار رافضة أن تكون بلا وطن
باذن الله رح يجمع كل هالافكار وطن
بس بقلك تذكرت كلام محمود درويش الله يرحمو الويل لامة كثرت فيها طوائفها وقل فيها الدين
MaI.Sh,
مشكورة لنقلك هالكلمات الكبار كتيييييير
والله يسلم ايدين بيبا اللي كتبتن
والي عتب عليها ليش ماكانت تنزل هيك روائع من قبل
بس يالله جاي الايام واكيد ما رح تقطعونا انتو ال2
تسجيل الدخول
التسجيل
MOB
الأسئلة المتكررة
بحث
