آرتين لتعليم اللغات
https://forum.art-en.com/

شامية معتّرة
https://forum.art-en.com/viewtopic.php?t=11305		 صفحة 1 من 3
الكاتب:  تهاني [ الثلاثاء سبتمبر 02, 2008 10:36 am ]
عنوان المشاركة:  شامية معتّرة
انا طالبة من الشام و حلمي من زمان ادخل أدب انكليزي
قدمت بكلوريا هي السنة و جبت 184 و 39 بالانكليزي على أساس أني أكيد ضمنت الأدب الأنكليزي بالشام
و لكن بسبب المعدلات الخيالية طلعلي أدب انكليزي بحمص

اذا بتسمحوا تجاوبوني على استفساراتي الكتيرة لأني ما بعرف و لا حدا بجامعة البعث

أهم شي بدي أعرف الأوراق المطلوبة للتسجيل

أسماء دكاترة السنة الأولى و أسماء الكتب

اللغة الأوربية في قسم اسباني (هاد أهم شي بالنسبة الي)

و بالنسبة للمحاضرات في مكاتب يتبيع هالمحاضرات ( و اذا في شو هي أحسن مكتبة)

و هل المواد مؤتمتة ؟؟؟؟؟؟؟؟؟؟؟؟؟

و في حلقات بحث؟؟؟


أسفة على كترة الأسئلة بتمنا تساعدوني

و كل عام و أنتم بخير رمضان كريم
الكاتب:  z-r-11 [ الثلاثاء سبتمبر 02, 2008 2:09 pm ]
عنوان المشاركة:  شامية معتّرة
و انتي بخير اختي و اهلا و سهلا فيكي بحمص...و ما تهكلي هم النقلة كل الطلاب اللي بالكلية ظراف و ما في منن
بالنسبة لاسفسارك انا ما بعرف كتير عن الادب الانجليزي لانو ما مسجل اداب يعني بالنسبة للداكترة...بس بعرف انو كل الطلاب بجيبوا محاضراتن من مكتبة وضاح الي بنفق الجامعة(مافي غير نفق واحد) بتلاقيها باخر النفق و انت رايحة عالجامعة على ايدك اليمين...و اعتقد انو ما كل المواد مؤتمت و بالطبع في حلقات بحث...
بالنسبة للاوراق المطلوبة على هاد الرابط:
http://www.art-en.com/index.php?page=pages&id=7

و ارجو انو الاعضاء يفيدوكي اكتر
تحياتي *1
الكاتب:  عصام [ الثلاثاء سبتمبر 02, 2008 2:51 pm ]
عنوان المشاركة:  شامية معتّرة
تهاني
فيكي تراجعي الرابط اللي حطو z-r-11 ومشكور للمتابعة
من ناحية اسماء الدكاترة فما في شي ثابت لانو اللي بيستلم مادة هالسنة مو ضروري انو تكون الو الفصل الجاي
والكتب لما بتداومي بيطلب كل دكتور الكتب اللي رح يدرسها وبتأمنيها من هون
ومن ناحية اللغة الاوربية
فبحمص مافي غير فرنسي والماني
والاغلبية بتسجل فرنسي
اما الاسباني فلسا مادخلوها عنا
المحاضرات فينك تجيبيها من النفق او من مكتبة الكلية نفسها
وانا من ناحيتي بجيب من وضاح كونو اثبت جدارتو
للسنة الاولى اغلب المواد مؤتمتة وهالشي بيساعدك منيح برفع المعدل
وحلقات البحث بتكون عندك الفصل التاني مو الاول

وينعاد عليكي رمضان بخير ان شالله
الكاتب:  تهاني [ الثلاثاء سبتمبر 02, 2008 7:41 pm ]
عنوان المشاركة:  شامية معتّرة
شكرا كتتير الكم

مشكلتي اني ما رح عيش بحمص بس رح قدم الفحص فيها و رح احضر بالشام المحاضرات

فلذلك انا خايفة من حلقات البحث
الكاتب:  ملاك [ الثلاثاء سبتمبر 02, 2008 9:40 pm ]
عنوان المشاركة:  شامية معتّرة
تهاني, يااااااااااااااااااخ ذكرتيني بحالي لأنو نفس الوضع :(
الكاتب:  Raghad [ الأربعاء سبتمبر 03, 2008 1:07 am ]
عنوان المشاركة:  شامية معتّرة
تهاني,
أهلا و سهلا فيكي حبيبتي *ورود ان شاء الله بينعاد عليكي بالخير :wink:
ما شاء الله الشباب كفوا ووفوا *ورود
اقتباس:
مشكلتي اني ما رح عيش بحمص بس رح قدم الفحص فيها و رح احضر بالشام المحاضرات

فلذلك انا خايفة من حلقات البحث
كمان بيصير ليش لاء .. العضو سلمى كمان بتساوي متلك بتحضر بالشام و بتجي بتقدم فحص وحلقات البحث بحمص
و بدي قلك أنو ما في داعي للخوف ابدا" أي سؤال أو استفسار فيكي تسألي والكل بيجاوبك و ما بيقصر :wink: حتى بالنسبة لحلقة البحث يا ستي لا تخافي من هون لوقتا و لما بيكلفوا فيها رح تدري و تعرفي المأسئلة المطلوبة أكيد *1

بتمنالك التوفيق *ورود
الكاتب:  عصام [ الأربعاء سبتمبر 03, 2008 1:11 am ]
عنوان المشاركة:  شامية معتّرة
كنت فايت رد
بس رغد ماقصرت يعطيها العافية
بس اذا ما بدك تداومي لازم تدرسي مزبوط ها
ولازم تلاقي شي حدن بتعرفيه يقلك عالشغلات اللي ما بتنزل بالمحاضرات لانو فيث كم شغلة زغيرة ما بتنزل بالمحاضرات وما بيلقطوها الا اللي بيحضرو
بس طبعا هدول ما بيفرقو كتير معك اذا كنتي قوية ومتمكنة من المادة
الكاتب:  تهاني [ الأربعاء سبتمبر 03, 2008 1:24 pm ]
عنوان المشاركة:  شامية معتّرة
شكراااااااا كتتير الكم

عنجد ريحتوني .
الكاتب:  تهاني [ الأحد سبتمبر 21, 2008 11:11 pm ]
عنوان المشاركة:  شامية معتّرة
الله يجزيكم الخير يا شباب
أنا اليوم طلعت على حمص و سجلت بالجامعة كمان سجلت بمكتبة وضاح
و أبدا ما دايقت المعلومات يللي عطيتوني ياها فادتني كتير

*ورود
الكاتب:  ثـــائـــر [ الاثنين سبتمبر 22, 2008 8:23 am ]
عنوان المشاركة:  شامية معتّرة
اقتباس:
مشكلتي اني ما رح عيش بحمص بس رح قدم الفحص فيها و رح احضر بالشام المحاضرات

اول شي اهلا و سهلا فيكي و انشا الله ينعاد عليكي با الصحة و العافية يارب

با النسبة لدوامك بالشام حابب نبهك على شغلة مهمة كتير
المحاضرات با الشام و المنهاج بيختلف عن حمص فينك تقولي بنسبة 80 %
يعني يمكن تلاقي رواية او اتنين متشابهات بس الباقي فيهم اختلاف كلي
يعني نسبة الاستفادة رح تكون 20 % ما بتوقع اكتر ... للأسف
انا السنة الماضي كنت سنة تاني و كنت احضر با الشام علما اني بدرس با البعث و لقيت الاختلاف الكبير بينهم و بينا ...

حبيت نبهك على ها النقطة و الله يوفقك يا رب *1 *1
صفحة 1 من 3 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/