بسم اله الرحمن الرحيم

السلام عليكم :

" بورك لأمتي في بكورها "

دعوة لتحدي النفس و ذلك بالعودة للنوم المبكر و الاستيقاظ المبكر .



وَهُوَ الَّذِي جَعَلَ لَكُمُ اللَّيْلَ لِبَاسًا وَالنَّوْمَ سُبَاتًا وَجَعَلَ النَّهَارَ نُشُورًا (47) الفرقان

وَجَعَلْنَا نَوْمَكُمْ سُبَاتًا (9)
وَجَعَلْنَا اللَّيْلَ لِبَاسًا (10)
وَجَعَلْنَا النَّهَارَ مَعَاشًا (11) النبأ

ما رايكم بتجربة هذا التحدي و ذلك بالنوم باكراً ( العاشرة و النصف ليلاً ) و الاستيقاظ باكراً عند السادسة صباحاً .

لقد قمت بهذه التجربة منذ فترة ( النوم الباكر و الاستيقاظ الباكر ) و لاحظت فوائد أذكر منها :

النشاط , الحيوية

البركة في استغلال اليوم : تجد انك قادر ان تقوم بنشاطات واسعة في يوم واحد

و أهم فائدة ( راحة البال ) و قلة التفكير :

الاتسيقاظ الباكر يجعلك تعمل أكثر مما تفكر في حين لاحظت ان الاستيقاظ متأخراً يجعلك تفكر أكثر مما تعمل .

و جانب آخر يرتاح بالك من ناحية انه لن تفكر ( ماذا و لماذا و ما القصد )

ستجد نفسك اكثر طيبة و تسامح , و محباً للحياة

و الاهم :


دوماً , ستنظر للحياة ببساطة دون تعقيد


..............

لقد كانت تجربتي شتاء , كنت اصلي التهجد ( قبل نصف ساعة من صلاة الصبح ) و اعود للنوم لكن دون نوم , ثم اقوم و اصلي الفجر , و ابقى مستيقظة

في هذه الحال كانت الفوائد تفوق الفوائد التي ذكرتها ( و التي كنت فيها اعود فيها للنوم من بعد صلاة الصبح ) , النشاط و الحيوية بالاضافة الى امر لا حظته ربما لا يوجد لها تفسير

ذهاب ريح الفم السيئة , البعض لاحظ اني اصبحت اكثر طولاً وهذه الملاحظة لاحظتها ايضاً على نفسي , قالت لي مرة اختي ان عملية الطول تحصل اكثر خلال النوم اثناء الليل . لكن غير اكيدة من المعلومة

لكني هذه الايام قد تكاسلت و استيقظ ضحى 9 , 10 , او 10:30

و اشعر بالسلبيات للتأخر بالنوم و الاستيقاظ , تشعر بالكسل طول النهار , ترغب بألا تتحرك من الاريكة

تفكر كثيراً و اي نقاش ترغب في المشاركة فيه , مع ان ذلك لم يكن رغبة سابقاً

اي المجال مفتوح أكثر للوقوع في ذنب ( الغيبة و النميمة )

عند استيقاظك ( بتحس و كأنك آكل أتلة , جسمك محرطم )

بالاضافة الى وجود تنفيخ في الوجه و العينين , و يبدو شكلك يميل للكسل و الكبر

في حين كل ما ذكرته من سلبيات لم يكن موجود في تجرتبي السابقة

كانت الحيوية تملأني و البعض يقول اني اصغر سناً مما سني .

................

المهم :

من يشاركني التحدي الذي سيبدأ من غداً , وهو ان تستيقظ من السادسة صباحاً ( اضع افتراض انك صليت الفجر و عدت للنوم )

لكني ارغب غداً ان ابقى مستيقظة بعد صلاة الفجر للدراسة

و سأتحدى نفسي في في ذلك واذا شعرت بالنعاس سأنام وقت القيلولة عند الظهيرة ( بعد صلاة الظهر ) اي من بعد الساعة الواحدة حتى صلاة العصر ( الرابعة و النصف عصراً )

لكن طبعاً قيلولتي ستكون حتى 30: 3 ظهراً

ألقاكم عند السابعة مساءً

لأخبركم لاكتب تعليقي و ماذا فعلت

[center][table=width:70%;][cell=filter:;][align=center]شاركوني ....لتعد الحياة للامة
و لنقل وداعاً للاوهام و الكسل و الخمول[/align][/color][/cell][/table][/center]




............

.........

بلشتي بالصعب فوراً
كيف بدنا ننام من ال10 ونصف ؟ أذا انا صرلي شهرين عم برمج حالي اني اقدر نام 2 وما عم بقدر .....
اذا بتبلشي بشغلة اسهل من هي بشاركك

Portia,

المشكلة إنو أتا من 7 سنين ما بنام قبل الساعة 2 أو 3

وهلق طول فترة الامتحانات بنام الساعة 7 الصبح و بفيق الساعة 2 أو 3

المشكلة التانية إنو أنا مضطر نام للضهر و ادرس باليل لأني عندي شغل أولا و تانيا ما بعرف ادرس غذا في أي صوت شقد ما كان خافت حدي

لذلك الوقت الأنسب للدراسة عندي من 2 - 6


بقى شو مشاتن ما بيظبط التحدي معك بنوب

فعلاً ..بالنسبة لموضوع الفيقة والنومة هالأيام (أوقات الامتحانات ) فبتختلف من إنسان لآخر لكتيير أسباب .......منها الجو الشوب...في كتير ناس ما بتحسن تدرس منيح بأوقات الشوب .....في عندك كمان الضجة.....فمثلاً خدي هالمثال عني .. بيتي واقع على شارع مزدحم بالسيارات طول النهار وكافة أنواع نشاطات التجارية تحت شباك بيتي...فكيف فيني أدرس؟؟؟ تخيّل الواحد إذا بيتو بيطل على سوء الخضرة ...إي هاد شلون بدو يدرس..إي رح تفوت أصابيع الببو يا خيار و4 ب 100 يا بندورة مع دروسو فلذلك الواحد حسب ظروفو ....خدي كمان إذا الواحد عندو البيت مليان ولاد صغار أخواتو أو أيا كانو ...فهاد كيف رح يحسن يقرأ بظل الواع والويع ..طبعاً بيستنى للساعة شي 11 بالليل لحتى هالولاد كلهم نيام لتنحل المشكلة....
طبعاًُ كل هالحكي لأيامنا هي (أيام الدراسة)
وموضوعك ممتاز ومظبوط 100% بس مو بهالفترة...بس بعد الامتحانات رح يتغير كل شي .........عفواً عالإطالة ولك جزيل الشكر Portia, علموضوع الرائع والمفيد

Portia,

و الله طول عمري بتمنى انو يصير هيك نظامي .... بس بحط راسي بالتخت من 12 ما بنام للـ 2

عموما بدي جرب ما نام اللي كلو و بالنهار اللي بعدو أكيد ما رح ضاين للـ 12 .... الساعة 11 بكون طابب بالتخت ع وجهي


و مشكورة ع التشجيع و فكرتك كتيييييير حلوة

Portia,


حاسك لهلق نايمة و لهلق ما فتي على النت و خبرتينا شو صار معك

والله لما الرسول صلى الله عليه وسلم قال ماقال عن البكور كان عم يبني أمة فيها الجار براعي جارو في اداب للطريق و للجيرة و للصداقة
معنى الحكي لما بدك تفيق بكير هالأيام لتدرس بدك تحسب حساب صوت السيارات و هي عم تزمر بداعي و بلا داعي خاصة صار الزمور وسيلة للتحية بين الشفيرية و تحسب أولاد الحارة و الجيران و ولاد الخالة و العمة و الصهر و بنت الخال و هلم جرا من المشاكل " النهارية" إذا صح التعبير
فما في غير الليل ملجأ للي بدو يدرس

السلام عليكم :

شذى :
ما هوي هون التحدي

عامر عبد الحميد الرشواني :
هو الواحد بيجرب بعدين بيشوف اذا بيزبط او لا

Zkortawe :
وهيك شايفة انو بعد الامتحانات شكلو حيكون افضل لأنو صعب فجأة تغيرو النظام , لأنو بينخاف يصير في عدم تركيز لأنو هالايام انتو بحاجتو , ففكرتي انو نأجل التحدي لبعد الامتحان


فارس :
جرّب و خبرنا


.......................
و الله يا اخي عامر دخلت , و كتبت بس عالسبعة ونص بس لبين ما انتهيت ادن المغرب , فتركت و رحت لصلي , ووقت رجعت مشان اعمل اتصال و حط رد طلعتلي نافذة لغتلي كل شي و هلأ رجعت كتبت من اول و جديد .

..............

بالنسبة لي :

مبارحة نمت عل 30: 11 بس الحقيقة ما غفلت و ما بعرف بالضبط ايمت غفلت , ( بس النوم عبكير كتير مهم ) يعني لازم نكون نعسانين حتى نام عبكير
استيقظت على آذان الفجر ( 37 : 3 صباحاً ) و صليت الفجر و قرأت القرآن الكريم , و بقيت مستيقظة عم ادرس حتى الساعة الثامنة ( هون بئى ما عدت ركز بنوب ) فنمت من 8 حتى 11 الا ربع .
هلأ مرة تانية نمت عند الظهر الساعة ( 30: 2 ) و حتى الرابعة

و لهلأ فايئة مصحصحة

.............

اما التحدي الثاني : فللاسف ما انتهيت غير من تشابتر و تلات رباع من التعبير الكتابي

وحاسة بالتقصير و هالشي زاعجني

حابة غيّر , و في فكرة اني اطلع من البيت يمكن تغيير المكان بيعطي روح جديدة

بس المهم لازم انحج بالمادتين الاخيرتين

و يا رب

............

اما التحدي ( النوم المبكر و الاستيقاظ باكراً )
بنرجعلو بعد الفحص

ان شاء الله

.........