بعتقد هون السؤال عن نوع التصال الجديد اللي عم تتيحو سيريا تل و MTN هو الـ 3GP اللي سرعتو 3.5 ميغا بت بالثانية
يعني مع الأسف .... بعمرنا ما منطور
هاد النظام هو انو تشتري اول شي الموديم 1500 ليرة ... و هي عنجد حلوة و يا بلاش
بعدين بيجيك اول صواب انو الاشتراك 1500 ( مو مشكلة ) بس المشكلة انو بيعطوك 2 غيغا كتبادل بيانات فقط خلال الشهر سواء رفع أو تحميل و كل ميغا زيادة بليرة و نص
الصواب التاني انو مع الأسف انو الخدمة من الأبراج هي تشاركية .... يعني كل برج ببث فقط 3.5 ميغا و ازا كانو تنين عم يشتغلو من نفس البرج بتقسم ع تنين .... و ازا كانو مية واحد بتقسم ع مي و هيك بالآخر يا بيصلك 5 كيلو بالثانية يا ما بيصل .... طبعا للعلم انو كل برج بغطي تقريبا مساحة 2 كيلو متر مربع بشكل دائري .... يعني تصور كم واحد عم يشتغلو بهيك مساحة
الصواب التالت و اللي هو القاتل .... انو حتى لو بلعنا الصوابين اللي قبلو .... بيجي صواب انو هي الخدمة ما مفعلة بحماه .... ولا بحمص ... فقط بالشام و حلب و تدمر و مدري وين في منطقة تانية
بئا تأمل يرعاك الله
ملاحظة مشان تحس بالصوابات بشكل فعلي ....
هي الخدمة موجودة بالسعودية مثلا بس شوف شو الفرق
موجودة بكل المدن و حتى الأرياف
السرعة 7.2 ميغا بت
البث من كل برج مو تشاركي .... و انما بيصل لكل شخص هيك سرعة !!
الاشتراك شهري و مفتوح و ازا عدلتو ع السوري بيطلع بشي 1400 تقريبا بس
لاحظ السعر و الميزات و قول معي لك آآآآآآآآآآخ
)