اذا ممكن أعرف السبب يلي ما عم يخلي أي ايميل يفتح...
حاولت بكل الوسائل و ما مشي الحال... و دائما بيطلع لا يمكن العثور على الصفحة ...شو السبب يا ترى؟؟؟
و شكرا سلفا...

اهلين Tami,

طيب انت حاطة البروكسي او المقلم صحيحة شوفيها وخبرينا

او بتكوني مانك عم تستعمل البطاقات لأنو البطاقات هون احسن شي هيك فهمت انا اييييييه المهم جربي افتحي النت عن طريق البطاقات وان شاء الله بيمشي الحال

عبد الرحمن,
كلو تمام..البروكسي و الملقم..و دائما بستخدم البطاقة..صدفة لافتح البريد...
بس من شوي وقت بعتتلي لجين و رغد ايميل و كنت فاتحة الماسنجر يعني طلعت رسالة عن طريق الماسنجر من شان اعرف انو في ايميل وصل..كبست عليها قبل ما تروح ففتح الايميل..بس المشكلة انو ما عم يفتح من الصفحة الريئسية لايميلي...
أنا سمعت انو في شيفرة ما عم يقدروا يفكوها.. بس ما بعرف..ممكن يكون في سبب تاني؟؟؟

Tami,

لا لا انا عم افتح ايميلي عادي من الصفحة الرئيسية لا شفرة و لاغير ذلك

ممكن انتي فاتحة شي برنامج firewall او شي برنامج حماية فعليكي تزبيط الاعدادات..
يا أما هيك يا أما عنوان البروكسي عندك خطأ متل ما ذكر الاخ عبد الرحمن.. بس انتي متأكدة منهم فما في الا انو من شي برنامج حماية..هذا والله اعلم

z-r-11,
اذابتقصد جدار حماية ويندوز فالخيار المحطوط هوي (إيقاف تشغيل غير مستحسن) بس انا عم حطو تشغيل مستحسن طالما انو قال هاد بيحمي الكمبيوتر..أما اذا جدار حماية غير هاد فبتمنى تقلي شو هوي...

Tami,
برنامج حماية متل mcafee او norton او kaspersky

و ممكن هاد الخيار الي حاطتيه عم يعطلك ...شيلي الخيار و جربي فوتي عالايميل اذا ما زبط رجعيه.. و خبريني شو بصير معك

z-r-11,
ايوا... الكاسبر سكاي مدري شبو..عم يطالعلي رسائل..متل
Your key has been blacklisted
Update option is not available, which put your computer at risk of infection
مع انو ما صرلو غير كم يوم نازل عندي و المفتاح جديد حتى اني غيرتو قلت بركي بيمشي الحال بس ما مشي الحال و من كم يوم ساويتلو اب ديت و قلي على اساس مشي الحال و العملية تمت بس بعدين صار يقلي العملية غير متوفرة... حاولت مرات تانية ساويلو اب ديت و كان يساوي نفس الشي..بالأول يمشي الحال و بعدين لا...كنت عم استخدم البت ديفندر بس في بياع سيديات قلي انو بعض برامج فيروسات ما بيتعرفو على بعض برامج تانية من شان هيك جبت الكاسبر...

Tami,
هاد بسبب انك منزلتيه نسخة مع كراك يعني مو اصلي فوقت عملتيلو ابديت بين من عند الشركة قامت عطلتلك ياه....فممكن انك عاملة موقع الهوتميل بلوك عالكاسبر سكاي فما عم يفتحلك الصفحة من البداية و بس عم يفتحلك اذا اجتك رسالة هلأ لأنو راح يكون عنوانها غير عنوان صفحة البداية تبعت الهوتميل...هذا والله اعلم...جربي فوتي على اعدادات الكاسبر و شوفي المواقع الي معمولهم بلوك

عبد الرحمن,
شكرا كتير لتعاونك...

z-r-11,
ألف شكر..مشي الحال...الله يجزيك الخير...

Tami,
العفو..الحمدلله مشي الحال..و اهلا و سهلا فيكي