كل واحد بيلعب حديد بيتمنى يكون ضخم او جسمو مفصل تفصيل وكل واحد بيتمنى هاد الشي يصير بسرعة
بعدين بيسمع عن الكرياتين والامينو وغيرهم كثير
نصيحة من ثم نصيحة من مجربين كتار اوعا العجلة لأنو متل ما بتطلع العضلة بسرعة بتروح لما تترك النادي بسرعة ناهيك عن الامراض الي بتخلفها هالمواد الصناعية
المهم حبيت نبهكم من هالمواد لأنها مضرة جدا ولاترد على مدربك لأنو لما يبيعك بدو يربح منك مو اكتر
خليك عالغذاء الطبيعي وحب الفيتامين وزيادة لأنو لعبة الحديد هي لتقوية الجسم مو لتنفخوا وتحمل اوزان زيادة منشان ما ينضرب فيك شي بعدها ما تقدر تلعب هاللعبة بحياتك
وكل واحد عندو اي استفسار انا جاهز بعيونيي

Sako87,

شكرا عهل نصيحة ........صحيح 100% لان المواد الكيماوية متل الهرمونات مضرة للجسم و هي ما بدا طبيب يفتي فيا
انا ما بلعب حديد ما ناقصني عضلات ...
بس لما بقرر العب اكيد رح اعتمد بشكل اساسي عل غذاء الطبيعي

Sako87, Saher,

أخوتي الأعزاء ليس كل ما يتناوله لاعب بناء الأجسام هو هرمونات
وإن الهرمونات محرمة لإتحاد العالمي لرياضة كمال الأجسام
وإن الذين تروهم يأخذون البطولات هم بعيدون كل البعد عن المواد الستروئيدية (الهرمونات)

وهناك الكثير من الأغذية والمكملات الغذائية التي له من الفوائد ما لها وليس لها أي ضرر و هده المواد مستخلصة من المواد الطبيعية

ولكن كما درجت العادة عندنا أن نتداول المواضيع بدون دراسة علمية

أما عن المواد التي ذكرتها أخي العزيز Sako87,
الكرياتين فهي مادة طبيعية وليست كيميائية وهي له من الفوائد الجمة مالها ولكن يأتي ضرر هذا المكمل مثل أي شيء في الدنيا إذا زادت الكمية المتناولة وحتى حب الفيتامين الذي ذكرته له مضار ويمكن أن يسبب التسمم عند زيادة الجرعة
والمهم من كل هذا الكلام هو أن لا نسمع الكلام العام ونقتنع به ولكن يجدر بنا البحث
والقراءة عن هذه المواد التي ظلمت بمجتمعنا بسبب إنعدام الثقافة الغذائية
لا أقول قلة وإنما إنعدام وأرجوا من الله أن أكون قد أوضحت لكم القصد والحمد لله رب العالمين

وأنا مستعد للمناقشة أخي الكريم Sako87, مناقشة بناءة

Saher, صديقي العزيز ياريت تخبرني مين قال إنو هالمود كيميائية يا أخي ما بصير التأكيد على شيء بدون علم واضح بالشيء ودراسة

ولكم مني كل الإحترام والتقدير

حبيبي Amd الكرياتين معروف هو موجود باللحمة الحمراء هاد الكرياتين الطبيعي
اما الي عم تحكي عنو انو مركب طبيعي فليش الو أضرار كبيرة بحق الكبد
وبما انو البودرة مادة ذوبانها صعب لا تنسى انو بتعمل ترسب بالكلاوي بتقدر تنكر هاد الشي
ومتل ما حكيت انت( انو زيادة حب الفيتامين مضرة) انا ما قلت زيدو بأخذ حب الفيتامين
بس لما تأخد الكرياتين تزيد قوتك وبالتالي انت عم تحمل وزن اكتر من طاقتك يمكن يصير معك ردة عكسية بالعضلة
ولاحظ بتصير تكثر من شرب الماء اكثر من العادة بكثير لأنو الكرياتين الي أخدتوا بيسحب ماء الجسم وبيخزنه بالعضلة منشان هيك بتلاقي فرق بالحجم ( ضخامة ) لما بتاخدو وحتى العضلة ما بتحافظ على قساوتها وبتصير اطرى لأنو الخلايا ما تكاثرت بل تتضخمت وصار ماء جسمك داخلها
انا كنصيحتي
انو الواحد يترك كل هالشغلات الغالية ويستعيض بأكل طبيعي وشوية مكملات
بسيطة لأنها رياضة لتقوية الجسم ومناعته والمكملات متل حب خميرة البيرة وحبة فيتامين هدول كافيين ووافيين منشان تعوض غذاء مو اكتر
والتجرية اكبر برهان
قبل التجربة نسيت اقول انو : أسألوا الأطباء بالدرجة الأول بخصوص هي المواد الي مكتوب عليها طبيعي 100% وشوفوا شو رأيهم بخصوص هالمواد ( كرياتين - أحماض امينية ) هيكون رأيهم سلبي أكيد لأني سألت كتييير قبل ما جرب
وبالدرجة الثانية أسألوا أي صيدلي عن تركيبة هالمواد ونادر جدا لتلاقي صيدليات تبيع منها لأنو ضررها معروف
ان شاء الله كون فدتكم بهالموضوع وانا بحترم رأيك كتييير سيد amd

Sako87,
يسلمو ع هالموضوع
انا بلعب طابة بقا شفلي شي موضوع
بس انا اللي بعرفو انو الكرياتين مالو هالاثر الزايد بس هو مادة منشطة

واللي بعرفو انو فول الصويا ممتاز كتيييييييييييييييييييير

صح كلامك فول الصويا من افضل وأقوى المكملات الغذائية
واذا بدك أقوى تمارين احماء للكرة ( السلة او القدم ) أنا جاهز بعيوني عمي عصام
والكرياتين معروف مادة منشطة ومقوية جدا بس كلشي مقابل شي
يعني مقابل هالطاقة الي بتاخدها زيادة ( العضلة بتصير تحمل زيادة عن طاقتها كتييير وهاد أول الضرر ولعبة الحديد لعبة مقاومة يعني الواحد يلعب على أدو ) مو لعبة مين بيشيل أكتر
بعدين لما بتقطع تناول هالمادة بيصير الجسم أضعف من الأول لأنو اتعود على طاقة كبيرة عم تجيه من الخارج
بقى الكرياتين الطبيعي موجود باللحمة الحمراء كول لحمة وشوي شوي بتتحسن طاقتك وكتلتك العضلية ( لشو هالمادة ) مدام بتقدر تاخدها طبيعي

Sako87,
أخي الكريم جزاك الله كل الخير وزادك علماً ومعرفة ونورا
السلام عليكم ورحمة الله وبركاته

شكراً لك أخي الكريم على سعة صدرك وحسن خلقك
سو أتناقش معك حول ما كتبت أخي الكريم بإذن الله تعالى مشان الكبد ومشان صعوبة ذوبان البودرة بالماء أخي الكريم كلامك صح 100%
بس هناك بعض المكملات الغذائية والكرياتين خصوصاً مستخرج من المواد الطبيعية
كما ذكرت أنت مصادره اللحم الأحمر وهو سريع الذوبان ولا يؤثر على الكبد أما ما تحدثت عنه الكرياتين الذي يؤثر على الكبد وذو صعوبة في الإنحلال
هو مزيج من الكرياتين الصناعي (عدد من المواد الكيميائية و المحسنات )
هو صاحب التأثير السلبي على الجسم . أخي الكريم أنا قصدت لكل شيء قواعد في إستعماله وحتى المواد الطبيعية وكمثال عليه الطعام الذي نتناوله وخصوصاً اللحوم فإذا أكثر الإنسان من تناول كميات كبيرة من اللحوم فإنه في كثير من الأحيان يصاب بفشل كلوي بسبب الحموض الموجودة في اللحوم
لذا أنا قصدت من ذكر مثال حب الفيتامين أن الأساس في تناول المكملات الغذائية
هو إتباع التعليمات الموصى بها إما من قبل أخصائي التغذئية أو من قبل النشرة المرفقة مع المنتج أخي الغالي وفقك الله لما تحب وتريد
إن مهمة الكرياتين كمكمل غذائي هو إطاء اللاعب مزيد من الطاقة للتحمل (لا يعطي القوة )(فهو غير منشط ) أي إن وظيفة الكرياتين إبطاء تشكيل المادة اللتي تفرز بالعضلات (حمض اللبن ) كإسم شائع وهو يؤثر على إستمرار تقلص العضلات
فالكرياتين يقوم بتأخير إفراز هذه المادة لذلك عند حصولك على كمية 5 غرام من الكرياتين قبل التمرين (إذا كان اللاعب أنهى مرحلة البناء 6 أشهر )
فيستطيع إجراء تكرارين إضافيين
وكما قلت في الرد السابق الوعي أهم من المكملات الغذائية
فإذا كان اللاعب واعياً حاجته وهدفه فهو سوف يلتزم بالأوزان اللتي تسمح له بإنجاز من 10 إلى 12 تكرار طبيعياً
وأما عن حبس الماء الذي ذكرت فأنا أعرف هذا التأثير هو ناتج عن إستخدام الهرمونات السيتروئيدية وليس الكرياتين . نصيحة جميلة جداً ولكن أخي العزيز أحياناً يكون لاعب كمال الأجسام من الذين عندهم ضعف جيني بإحدى العضلات لذا لا مانع من إستخدام بعض المكملات الغذائية الهامة وأنا على العموم لا أنصح أحد يلعب كهاوي بتناول الكرياتين وإنما أنصح الهاوي بتناول البروتين لما له من فوائد جمة على العضلة وعلى العقل وعلى كل خلية من خليا الجسم
والجسم الطبيعي يحتاج لكل 450 غرام من وزنه لـ 1 غرام بروتين
والبروتين الموجود في الأسواق الآن هو مستخلص من اللبن وهو أهم أنواع البروتين
أو من البيض أو من الصويا . هذه كلمة حق وأن من الذين تعبوا كثيراً في هذا المجال وعانيت كثيراً للحصول على المعلومات الصحيحة أخي الكريم هذا الكلام جميل جداً ورائع واتمنى من الجميع سؤال أخصائي
وأوكد على كلمة أخصائي


ولك مني كل الشكر و الإحترام وشكراً لك على الصدر الرحب
والسلام عليكم ورحمة الله وبركاته