كان يوم متعب..
هلأ رجعت ع حمص و عندي طلعة الصبح بكير عالشام..
بس صارت معي شغلة كتير حلوة حلتلي اليوم
..
هلأ رجعت ع حمص و عندي طلعة الصبح بكير عالشام..
بس صارت معي شغلة كتير حلوة حلتلي اليوم
..| آرتين لتعليم اللغات https://forum.art-en.com/ |
|
| كيف كان نهارك اليوم ...وهل أنت راض عنه https://forum.art-en.com/viewtopic.php?t=11098 |
صفحة 41 من 59 |
| الكاتب: | z-r-11 [ الخميس مايو 14, 2009 12:17 am ] |
| عنوان المشاركة: | كيف كان نهارك اليوم ...وهل أنت راض عنه |
كان يوم متعب..
هلأ رجعت ع حمص و عندي طلعة الصبح بكير عالشام.. بس صارت معي شغلة كتير حلوة حلتلي اليوم .. |
|
| الكاتب: | ËVË [ الجمعة مايو 15, 2009 2:53 pm ] |
| عنوان المشاركة: | كيف كان نهارك اليوم ...وهل أنت راض عنه |
بالنسبه الي يومي لسه ببدايتو بس كتير بشع لهلأ ياربت لو ما اخترعو الموبايلات لأنو الاخبار السيئه بتجيك دغري بأي لحظه حتى لو نايم |
|
| الكاتب: | Safa alaasi [ الاثنين مايو 18, 2009 12:32 am ] |
| عنوان المشاركة: | كيف كان نهارك اليوم ...وهل أنت راض عنه |
اليوم كان رائع الحمدلله ..في شغل وتعب ...و بنفس الوقت سهر وبسط وكيف  بس حاليا نعســـــــــــــــــــــــــــانة ليوم النعس ...بس ما بدي نام 
|
|
| الكاتب: | ËVË [ الاثنين مايو 18, 2009 9:38 pm ] |
| عنوان المشاركة: | كيف كان نهارك اليوم ...وهل أنت راض عنه |
نهاري كان حلو مع اني خبصت الدنيا بفحصي وكان شـــــــــــــوب كتيييييييير بس والله كتير انبسطت مو هيك بانه ولا عندك رأيي تاني انا راضيه عن نهاري  بكفي اني تغديت غدايين أهم شي
|
|
| الكاتب: | بانة [ الثلاثاء مايو 19, 2009 12:57 am ] |
| عنوان المشاركة: | كيف كان نهارك اليوم ...وهل أنت راض عنه |
ËVË اقتباس:
بس والله كتير انبسطت مو هيك بانه ولا عندك رأيي تاني
لا ما كان عندي رأي تاني لولا بتعرفي شو , , والله فشكلي نهاري اليوم فشكلة فوقاني تحتاني  مع إني كنت رايقة ومبسوطة ..... بس مع هيك ضل هاليوم حلو ....
اقتباس:
انا راضيه عن نهاري بكفي اني تغديت غدايين أهم شي
منيح والله إنك حسبتي الأول إنه غدا  , نسيتي شو ضل للعصافير والقطط يبدو
|
|
| الكاتب: | الملاك [ السبت مايو 23, 2009 11:40 pm ] |
| عنوان المشاركة: | كيف كان نهارك اليوم ...وهل أنت راض عنه |
يااااااااااااااااااخ يبعتلكن الهنا  أنا فرحت قلت الموضوع عم يشتغل لنفوت نطج الأحداث المهمة والعظيمة اللي عم تصير معنا لقيت كل رد سطرين أنا ما بشبع هيك ولا شو ايف وبانة؟ بدكن تحكو شو تغديتو....وكأنكن كنتو مع بعض؟  z-r-11, يعني شم ولا تدوق شو الشغلة اللي حلتلك نهارك؟...ما بدنا نعرف مشان نفرحلك ويمكن نقلدك الله أعلم أما يومي فرح يخلص على اعتبار أنو الساعة وكان يوماً حافلاً بالشطف و عطيت درس انجليزي ودرس فرنسي وهي قمة الكآبة بالنسبة إلي لأني بكره درّس وبعدا شوط رياضة وعشا دسم وشوية خناقات مع أخواتي وهلأ جلسة كمبيوترية منوعة ما كتيير رضيانة عن هاليوم لأني ما درست  وهلأ سلام شباب  ديرو بالكن على أخباركن وخففو دم طول النهار مشان نقرا يوميات حلوة 
|
|
| الكاتب: | Safa alaasi [ الأحد مايو 24, 2009 12:35 am ] |
| عنوان المشاركة: | كيف كان نهارك اليوم ...وهل أنت راض عنه |
اليوم يومي بالمرة مافي تميز ...عأساس كان غيرو أميز بس راح احكي شوي ..اليوم رحت عالشغل بكير طبعا و أكلت ملاحظة على خطي المفشكل مع انو ما مفشكل كتير ..بعدا رحت جبت وجبات من كريش لانو ما كانو طابخين ...و كان عندي دروس العصر قمت فتت نمت عأساس نص ساعة وراحت معي 3 ساعات وفقت عصوت الرنات شي من الموبايل وشي من التلفون (عأساس قاتلين حالن عالدراسة والشطارة يا بعدي ) و بعد مناورات عديدة انو ما بدي روح رحت بالضغط من أمهات الطالبات الخائفات على مستقبل بناتهن (حلوة هالوصلة باللغة العربية ) المهم رحت عالدروس وارجعت عملت نص ساعة كر و شوية أشغال عامة لايخلو منها أي بيت و هي قعدتي ...على فكرة يومي مبارح كان في انجازات أكبر و أحلا شي كان فيه المشي مع المذكورة أعلاه و على فكرة كمان لسا في كتييير حكي ما حكينا فيه يالله الأيام جاي وشارع الخراب قصدي خالد مانو هربان ..
|
|
| الكاتب: | kma [ الاثنين مايو 25, 2009 7:39 am ] |
| عنوان المشاركة: | كيف كان نهارك اليوم ...وهل أنت راض عنه |
لك آآآآآآآآه على صباح فيروز ما أحلاه... بس أنو صباح ؟ اذا انا بعد ساعتين بدي نام نومة الليل  الله يقرف عمر الدراسه وساعة الدراسه...بدي بطل  شو بدي أحكي عن يومياتي التاريخيه التي تتراوح بين التلفزيون والموبايل والنت يعني شو بدي أحكي لأحكي(آه صحي نسيت في لحسة دراسة بالموضوع) والله فقت الساعه 5العصر (يعني مبارح) على جرس أهلي الموقّر يلي بلقبو (جرس بافلوف) مشان قوم أتغدى بالله... في واحد بفيق من النوم وبيتغدى!!!!! أنا  واذ....تاتاتا...يبرق علما أنو ما كتير بموت بهالأكلة بس بالفعل كنت رح موت بعدها من الشبع وبعدها كاسة شاي ووجبة نت يوميه عالموبايل وكم تلفون ...كانت صارت الساعه 9 .....و هب شدّيت همتي وحزمت أمري وحطيت الطاولة والكرسي والآلة الحاسبه وشغلت أم كلثوم وطلعت تمشيت مع رفقاتي شوي!!!!!!! حدى جاب شي سيرة الدراسه!!! ورجعت عالبيت وعدت الكرّه من أول وجديد على لقمتين عشى وشوية تلفزيون ووجبة نت وهب بلشت دراسه اي قسما بالله قريت شوي....ما حدى يستغرب وبعد مضي نص ساعه متواااااااااااااصله من الصفن بكتاب أكتشفت أنو بالمقلوب! شغلت ياني وسيكاره تروح وسيكاره تجي لصارت الساعه 6 صباحا ورجعت قريت شوي قصدي صفنت شوي بس من كتر ماني حربوق اتأكدت من وضعية الكتاب ...وهلق عالنت بس خللصصصص...من بكره إلي كلام تاني مع حالي... يعني حاجه مهيصه صار وقت الجد فأشتدي زيم Safa alaasi, اقتباس:
عأساس كان غيرو أميز
الحال من بعضه....بس عيني تشوف واحد أعتبر حالو أتميز بيوم .....لأعرف شو أكل يومها
اقتباس:
أمهات الطالبات الخائفات على مستقبل بناتهن
الله الله الله.....عظمة على عظمة على عظمة
اقتباس:
عأساس نص ساعة وراحت معي 3 ساعات
ما شاء الله شو مثابره ...عنجد أنا بحسد الناس يلي ما بتقوم من شغله لتخلصها
|
|
| الكاتب: | Safa alaasi [ الاثنين مايو 25, 2009 11:53 am ] |
| عنوان المشاركة: | كيف كان نهارك اليوم ...وهل أنت راض عنه |
kma, اقتباس:
ما شاء الله شو مثابره ...عنجد أنا بحسد الناس يلي ما بتقوم من شغله لتخلصها
 رح احكي اليوم عن قصتي مع المنبه كالعادة رن المنبه ...وكالعادة طفيتو وارجعت نمت ربع ساعة ( يعني ما بعرف هالربع ساعة الي بدا اتشبعني نوم ) هاد غير الأيام الي بفيق فيها قبل ما يرن المنبه بشي 5 دقايق و بيكون عندي رعب من الساعة ...بتطلع فيها و انا عندي أمل اتكون الساعة 6 وباقي كتير وقت للفيقة ...بس بتكون الصدمة انو صار وقت الفيقة والعذاب ...المهم بعدا لما بصحصح وبغلي قهوة وبسمع شوية فيروز بروق وبقول لحالي ما أطال النوم عمرا ....و كل يوم عندي هالصراع مع المنبه وكل يوم بشتهي كسرو ...( بس ما بقدر لأنو المنبه بالموبايل ) و بشتهي كسر كل شي بيرن بكير من جرس الباب والتلفون و موبايلات أخواتي ...و هاد كلو بيرجع لقلة النوم الي عايشي فيه انا لاني بسهر كتير وبفيق بكير و اشلون الصحة بدا اتصير
|
|
| الكاتب: | الملاك [ الثلاثاء مايو 26, 2009 4:23 am ] |
| عنوان المشاركة: | كيف كان نهارك اليوم ...وهل أنت راض عنه |
Safa alaasi, ياخ صوفي ضربتي عواحد من أحسحس الأوتار عندي...ألا وهو "كلشي برن" أنا بكره بكره بكره شي اسمو "يرن" واليوم حطيت ورقة طويتا كتير بقلب الجرس مشان ما يرن  قام وقت أخي رنو انطفا التلفزيون  طلعت ما بفهم بهندسة الكهربا ...بس إلا مالاقي طريقة احرق هالجرس حاولت كتير أحرقة وبحط اصبعتي وبنساها وما انحرق وما انحرق ولو يوم ما رن الجرس من بكير وطفيت الموبايل ببلش الأرضي وحتى لو فصلتو ما بضمن الحداد اللي تحتنا والله عم احلم بالهدوء.....اللي عندو وصفة ما يبخل kma, وبعدها كاسة شاي ووجبة نت يوميه عالموبايل وكم تلفون ...كانت صارت الساعه 9 .....و هب شدّيت همتي وحزمت أمري وحطيت الطاولة والكرسي والآلة الحاسبه وشغلت أم كلثوم وطلعت تمشيت مع رفقاتي شوي!!!!!!! لأ تسلسل منطقي ومقنع أنتو جماعة الزراعة كلكن هيك أما بس حضرتكم بس من كتر ماني حربوق اتأكدت من وضعية الكتاب ... يا أخي أفحمتنا أما يومياتي ما عم لاقي شي اكتبو تعب بتعب بتعب....وحالياً جوعانة
|
|
| صفحة 41 من 59 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|