نهاري اليوم بقدر أوصفه بأنه يوم كان يتطلب السرعة
كوني مبارح سهرت على رواية "ذاكرة الجسد" اللي إلها حوالي السنة قدامي وما كنت عم فكر أقرأها , سمعت إنهم رح يمثلوها بفيلم مصري , لذلك قررت إني وأخيرا أقراها ... ووقت بدأت فيها حسيت حالي لاني عم إقدر أتركها من كتر مانها مؤثرة ولا هي عاد تخلص
.. لذلك نمت متأخرة كتيييييير 
محاضرتي الأولى كانت المفروض الساعة 8 وبما أنها نظري طنشتها
والمحاضرة التانية كانت الساعة 10 وبما أنها نظري كمان طنشتها ,,, بس خلص محاضرة الساعة 12 ما قدرت طنشها لأنها عملي 
لذلك صحيت 
الساعة 11.15 وخلال نص ساعة كنت بالجامعة لأني اكتشفت إني نايمة وجوالي صامت ورفقاتي بصراحة خايفة شوفهم على قد ما كانوا رانيلي عالجوال 
وانا ناااااااايمة دخلت عالكلية
وكانت زحمة مووووووووووووووووووووووووووو طبيعية (من غير شي كليتنا صغيرة و قال فرحانين فاتحين فروع جديده فيها 
) والناس فوق بعضهم البعض , لدرجة إني عم بحكي مع رفقاتي عالجوال وهنن قدامي وماني شايفتهم من كتر مافي ناااااااس 
اكتشفت وانا بقمة السعادة
إنه دكتوري المادتين اللي ما حضرتهم كانوا غايبين وفرحت أكتر إنه معيدة العملي للمحاضرة الجاية أحضرها كمان غايبة 
لذلك فيني قول إني فضيت لرفقاتي وللمعارف 
... حسيت حالي اليوم سلمت على كتيييييييييييير عالم 
بما أنه مافي محاضرة الساعة 12 إذن معنا حوالي الساعة نشوف حياتنا فيها
لذلك قررنا بعد نقاش طويل إننا نتجه لنشوف المعارف والأصدقاء بالكليات التانية وطبعا بدأنا بالدور ,, وكانت وجهتنا الأولى واللي بالحقيقة كمان كانت الأخيرة كلية الآداب لأننا كالعادة غالبا منضيع بعضنا بالأخص بهالكلية نسينا حالنا ورجعنا كرررفتة وبسرعة على كليتنا كونه عندنا محاضرة كمان عملي .. وما تبقى من رفقاتي تأخروا وأكلوها غياب وطيران علامتين من المعيدة
