أول شي بعتذر كتير عن عدم دخولي على الموضوع لكل الفترة اللي راحت لأني كنت مسافر وما كنت فوت نت بنوب

تاني شي رح رد هلأ على الكل وبوعدكون انو ما حدا يطلع من الموضوع إلا وهو رضيان ع الآخر والمسنجر شغال معو عالأربعوعشرين ... هع

ببلش ب هـ بلاسم ـاني,
واياكم يا غالي ويتمنى انو يكون مشي الحال معك

Golden RoSe,


المشكلة انو الموضوع مثبت من أول يوم نزل فيه .. بس انتي الله يصلحك مو متابعة جديدي هع

والحل اللي لقيتيه شغال تمام وهو نفس مبدأ الأداة اللي أنا نزلتا بهالموضوع وهي انو بتلغي عمل التحديث للمسنجر .. بس الأداة اللي عندي مدموج فيها هدية ها

بالتوفيق والحمد لله على سلامة المسنجر

سحر,

في برنامج مخصص خصيصاً لحذف المسنجر من جذورو اسمو ZapMessenger

رفعتلكون اياه على الرابط المباشر فيكون تحملوه من هون وحجمو بس 80 كيلو بايت

http://www.sourialovers.com/art-en.com/Remove_Messenger.rar


عصام,

حبيب فيك تاخد نسخة من سمايلات المسنجر من خلال البرنامج اللي رفعتلك اياه كمان هلأ وحجمو 200 كيلو بايت

هاد رابط البرنامج يا غالي
http://www.sourialovers.com/art-en.com/Backup_For_Messenger_Smiles.rar

ورح أعطيك كمان نسخة مسنجر 8.5 أنا شخصياً بشتغل عليها وواثق من أدائها ومركبها عندي على كل أجهزة المقهى الأربعين جهاز وما شاء الله عليها

ورابط تحميلها من هون حجمها بس 16 ميغا ...

http://www.sourialovers.com/art-en.com/Messenger_Live_8.5.1288.816-AR.rar

واذا حبيت تنزل النسخة الجديدة من المسنجر أنا كمان سحبت نسخة مسنجر الجديد فقط المسنجر من دون الاضافات اللي معو متل مستعرض الايميل وبقية الخيارات وحجم النسخة 33 ميغا بايت تقريباً بس ورفعتلك اياها على هالرابط المباشر كمان .... جخ يا عمي هع

http://www.sourialovers.com/art-en.com/msn_en.rar

وانشا الله يمشي الحال معك وما يضيع ولا سمايل من اللي عندك وأي مساعدة أنا جاهز تمام الجاهزية يا غالي

سحر,

متل ما قلت سحر أنا البرنامج اللي حكيت عنو قبل شوي هو الكفيل بازالة المسنجر من الأساس وبالتوفيق

عصام,

يا غالي حمل الأداة وبرنامج المسنجر وكمان جرب الموضوع الموجود برد Golden RoSe, لأنو الطريقة والفكرة نفسا والا ما يزبط معك وان ما مشي الحال أنا براسي بيجي على حمص وبشغللك المسنجر

أنس الدالي,

حبيب البي يسلمو على مرورك وانشا الله يمشي الحال معك وانا بالخدمة يا غالي
الله يسمع منك يا حئ

لجين,

اي لجين يفضل انك تحمليها وتحطيها عندك احتياط لأنو ممكن بأي لحظة يطلب منك التحديث اذا كانت نسختك 8.1 أو 8.5 وانشا الله ما يطلب هالشي من الأساس
شكراً لمرورك مراقبتنا العزيزة

Safa alaasi,

ان زبط الحمد لله وان ما زبط لازم ترجعي وتقولي شو صار مشان نحللك المشكلة وما تكوني غير رضيانة ... أهلا بمرورك

Soledad,

أهلا فيك يا غالي بس يا غالي انت لازم تتأكد من نسخة المسنجر الموجودة عندك واذا ما مشي الحال بنوب استخدم أداة ازالة المسنجر اللي ذكرتا بهالرد وارجع حمل النسخة الموجودة كمان بهالرد اللي هي 8.5 وبعدين شغل الأداة وقتا لازم يشتغل
سعدت بمرورك ...

Mazen Aloush,

أهلاً بك أخي مازن وبالنسبة للبرنامج أنا جبتو ورجعت رفعتو مرة تانية لعيونكونكون ولعيون الغالي عصام بس كلو وما يروحو السمايلات اللي عندو

وهاي رابط البرنامج حجمو 1.8 ميغا تقريباً

http://www.sourialovers.com/art-en.com/BackUp_My_Winks.rar

وفي برنامج تاني لقيتو بطريقي كمان شغلتو هالشغلة بس للصراحة ما جربتو بس أنا جبتو ورفعتو قلت بلكي بفيد وهاي رابطو وحجمو 3.2 ميغا بايت

http://www.sourialovers.com/art-en.com/msnbackup134.rar

يا مازن ما بصير انو ما يمشي الحال لأنو من المفروض انو يمشي إلا في حالة كان المشكلة من النظام الموجود على جهازك لأنو والحمد لله هالطريقة جربتها على أكتر من 100 جهاز لحد الآن وما حدا شكى منها

على كل خبرنا شو الأخطاء اللي عندك وانشا الله ما بتطلع من هون إلا والمسنجر شغال معك

MÖØÒÕNL!GHT,

الله يسلمك يا مزوءة انتي ويوفقك ربي شكراً ع المرور

بعتذر مرة تانية على التأخير بردي هاد وانشا الله هالشي ما بيتكرر مرة تانية

متابع لردودكم وأتمنى أن أقدم الفائدة المرجوة

تحياتي

MoondanceR,

الله يعافيك ويعافي ألبك

بالتوفيق وخبرنا شو بصير معك

تحياتي

ابراهيم محمد,
زبط زبط و عنجد ألف مليون ترليون شكرا على هالاختراع لأنو كان هالكني المسنجر

MoondanceR,

الصراحة ما جربت الموضوع على معالجات 64 بت بس رح أسأل عن الموضوع وردلك خبر انشا الله

Safa alaasi,

اي ألف مبروك انشا الله والحمد لله ع السلامة

عصام,

إلا ما تزبط يا حبيب جاييك ع حمص شغللك اياه منيح هيك ؟