naya,
عنجد موقفك صعب , بس بيني وبينك الهروب ما بينفع يعني خليها تجي وتنام واخلصي منها وبعدا لا عاد تروحي لعندا الا لسنة الجاي لانو مانك مجبورة على الاحراج ....بس الله يصبرك على هاليومين الي بدها تجي فيه هاد اكتر شي بقدر قلكياه اني ادعيلك

khaledenhoo,

أول شي شكرا عالمشاركة
تانيا المشاركة اللي عم تحكي عليها رح يصرلا دهر يا رجل
تالتا شو محملك صرصور؟؟؟؟؟؟
خلص من يوم وطالع بدي بلش اقتل بهالصراصير وخبيون لوقت شي روحة عالمطعم

مشكور لمرورك

[quote="nadeem"][quote]
وانا صار معي موقف انو زوجي ما عايد والدتي بعيد الام وامه ميتة من زمان وكمان عايد عمتو واختو وزعلت انو ما عايد والدتي وهاي تاني مرة بتصير وقت كنا مخطوبين ما عايدها وانا ستحيت اسالو ليش هيك عمل رغم انو كتير صحبة مع والدتي وهوي كتير مذوق بهيك مواقف وانا ما بدي الو عايد الماما بدي اياها تطلع منو لحاله,بس مستغربة من هل التصرف عنجدليش ما عم افهم وخجلانة اسالو شو بتنصحوني؟؟؟؟؟؟؟؟؟؟؟؟؟
[/quote]
في عندك ثلاث حلول
1- اذا كانت والدتك مابتضايق من هذا الشي فبرأيي طنشي عل الموضوع
2- في حل وهو انك انت بعيد الأم تشتري هدية وتقولي لزوجك شورأيك نقدم هالهدية للماما على اساس انها انت جبتلها ياها وبتفرح انها منك

Wissamo,

خطرلي سؤال من زمان حابة اسألك إياه

ببداية الموضوع قلت أنو لو صار معكن موقف محرج...مفرح....محزن....كيف ممكن تتصرفو

هلأ اللي ما فهمتو الموقف المفرح شو الصعب أو المعقد أو الماطبيعي فيه لحتى يستاهل يكون هووووووووووووووووووووون ؟

الملاك,
إنو كيف خطرلك هالسؤال أنا ما عرفت
والله لما شفت اسمك توقعت لاقي شي موقف جديد, وقلت أكيد فايتة ترجعي تفعلي الموضوع
طيب بلا مفرح, أو ليش بلا......خلي حدا يحط شي مفرح مشان نباركلو فيه

رح يصرلو سنة الموضوع ما تفعل !!!!شلون الايام بتمرق كأنو مبارح نزل الموضوع

Wissamo,
فرحتي فيها شي حزين ..
يعني في جمعة لكل رفقاتي باللي ما بشوفون من الرحلة للي بعدها و كتير انا فرحانة و متحمسة بس الشي ياللي بزعل انو في حدا ظروفو ما بتسمحلو يروح .. وهاد الشي ياللي ما بكمل الفرحة ..

Safa alaasi,
يلا هلأ بيرجع بيمشي الموضوع انشالله بهمتكن
سنا,
أنا برأيي هاد اللي ظروفو ما بتسمحلو تمسكوه وتزلو فيه قتل قتل قتل لحتى يفرق
وأنا متتأكد إنو الكل حابب يروح بس في ظروف فعلا قاهرة , وبعين الله أحسن شي

هلأ أنا إجا دوري بحط موقف , شايفين أديش مشرئب , حلوة كلمة مشرئب ما؟
هادا يا سادة يا كرام موقفي اليوم إنو في عندي رفيق بعزو كتير وبصراحة آخر فترة خفت علاقتنا شوي, بس من فترة قصيرة بكتشف إنو في حدا موصلو حكي مو مظبوط وهو صدقو وبلش ينقل هالحكي مع شوية بهارات وتوابل, وأنا وصلني الخبر
وبصراحة كتيييييييير انزعجت منو. فانا قررت حاكيه, بعدين ترددت لانو بصراحة إذا بدي حاكيه بالقصة بدنا نتقاتل عالأغلب وبجوز اخسرو, وبالمقابل لازم حاكيه لحتى يعرف الصح ويبطل ينقل أخبار ويفسر عكيفو
فأنا بصراحة هلأ محتار وما عرفان الحل الصح...
إنتو شو رأيكن؟

صحي انا عندي موقف و بدي الي عندو خبرة يجاوبني و بسرعة
اليوم بدي روح عرفيقتي متزوجة جديد و ماني عرفانة شو جبلا هدية ... اعطوني اقتراحات بليييز ...