صحي انست قول شغلة
علما انو الشب الي مات ما كان بيناتنا حتى سلام
يعني يا دوب اعرفو بالشكل
| آرتين لتعليم اللغات https://forum.art-en.com/ |
|
| كيف تتصرف لو حدث معك هذا........؟؟! https://forum.art-en.com/viewtopic.php?t=13813 |
صفحة 13 من 19 |
| الكاتب: | Safa alaasi [ الثلاثاء ديسمبر 23, 2008 5:30 am ] |
| عنوان المشاركة: | كيف تتصرف لو حدث معك هذا........؟؟! |
صحي انست قول شغلة علما انو الشب الي مات ما كان بيناتنا حتى سلام يعني يا دوب اعرفو بالشكل |
|
| الكاتب: | nadeem [ الثلاثاء ديسمبر 23, 2008 8:58 pm ] |
| عنوان المشاركة: | كيف تتصرف لو حدث معك هذا........؟؟! |
مرحبا للجميع اوركيدا : عنجد الموقف صعب كتير وانا محلك كنت انقهرت وزعلت منن لانو كلمت نسيناكي هي لحالي مشكلة بس كنت زعلت بوقتا وبهدلتن وبعدين كل شي بيرجع متل ماكان وخصوصا انو هاي رفيقتك المسامح كريم صفا : كيفك موقف صعب وبصير بس معقول انو العيلة كلها بتعرف (على حسب قول ارايبتكن ) وانتي مايكون عندك خبر الا اذا كان عم تمزح معك على كل حال الشب مات الله يرحمو انا محلك مابعمل اي شي لانو مافينك تعملي شي بهيك حالة |
|
| الكاتب: | Wissam [ الثلاثاء ديسمبر 23, 2008 9:22 pm ] |
| عنوان المشاركة: | كيف تتصرف لو حدث معك هذا........؟؟! |
Safa alaasi, بصراحة موقف غريب جدا  يعني بصراحة أنا ما بعرف شو رد عليكي بهالموقف  هلق من جهة شو بتعملي ما فيكي تعملي شي عكلن..بس تدخل دكتورتنا ( الملاك  ) هي بتبدي رأيها وأنا بصراحة حابب شوف ردها على هالموقف 
|
|
| الكاتب: | أوركيدا [ الثلاثاء ديسمبر 23, 2008 10:22 pm ] |
| عنوان المشاركة: | كيف تتصرف لو حدث معك هذا........؟؟! |
تيماءـ صفاءـوسام ـ الملاك ـ نديم.... شكراً لنصائحكم .. مشان رفيقتي ... أنا اضطريت احكي معا مشان كتب ودراسة وهيك .. ولما سألتني كيفك ... قلتلا مطبوزة  ما سدقت  فتحت النت ... وفرجيتا هادا الموضوع ... طقت من قهرا ... واحمرت واخضرت .. قلتلا لكن اكزب عليكي وقلك ماني زعلانة  قالتلي أنا لو كنت محلك .... ما كنت انقهرت ..كنت بكيت  شوفو التناقض المهم انقضت ع خير ... وأكلت كلمتين مرتبات من أختي الملاك ... طبعاً صفت بصف البنت بس مشي حالنا الحمد لله ..وشكراً للمساعدة .. Safa alaasi, معقول .. هالشب ما طلبك ولا مرة .. ولا كان في أي حكي بين الأهالي مثلاً ؟؟ فعلاً صدمة ... الصدمة الكبير كلمة ترملتي ومزعجة جداً ..أنا برأيي أي حدا بيحكيكي بالموضوع بهالطريقة ,,, فوووووووراً قوليلو .. أنا ما في بيني وبين هالشب شي .. وشو يلي خلاكن تحسوا هيك واجهي كل شخص بيفتح معك هالموضوع ... بس لما بتسكتي .. بيقولوا( ياقلبي عليها .. من زعلا عليه ما طلع معا ولا كلمة) بتمنى كون أفدتك
|
|
| الكاتب: | Hidding Rose [ الأربعاء ديسمبر 24, 2008 2:47 am ] |
| عنوان المشاركة: | كيف تتصرف لو حدث معك هذا........؟؟! |
اوركيدا ..... برأيي ما كان لازم تزعلي هيك ... انا لو محلك برد عليها و بقلا: تنسي حالك ان شاء الله ليش انا بنتسى شو هيك الشغلة سابية و بضحك و بقوما تدور لي ع كرسي كمان عقابا الها سدقيني مو بهالسهولة الواحد بلاقي اصدقاء فلازم نحافظ علين كتير منيح الحمد لله انو القلوب تصافت و هاد اهم شي .... و بيعينك الله ع كلمات الملاك المخلوقة محقانية ما بايدا صفاااا .... فعلا هالناس غريبة ..... يعني بجوز الموضوع انطرح مرة و مع البهارات صار هيك عند العائلة الكريمة .... بس فعلا شي مزعج كتير خاصة الكلمة اللي استعملتا معك بكل الأحوال الشب الله يرحموا... و برأيي انك ما تفتحي الموضوع قدام حدا و تسكري عليه طبعا الا ازا حدا كان كتير مهضوم و سألك صحيح هالشي انت بتقولي انو مو صحيح و بتنفي هالشي بقوة من شان يعرفوا انو مافي شي من هاد .... بعدين سدقيني بيكون قسم منيح من العيلة بيعرفوا انو مجرد كلام من طرفه هو ... بس هيك بحبوا يحكوا فانت لا تسمحي لحدا يتمادى معك بالحكي و النقاش و اقصريها فورا بطريقة جدية و حازمة كمان و وقت بيشوفوكي هيك بيسكتوا و بيسكروا الموضوع حتى بين بعضن ... (يعني بخافوا )هــــــــــــــاد رأيي و عن تجربة كمان
|
|
| الكاتب: | Safa alaasi [ الأربعاء ديسمبر 24, 2008 3:11 am ] |
| عنوان المشاركة: | كيف تتصرف لو حدث معك هذا........؟؟! |
nadeem, Wissamo, أوركيدا, Hidding Rose, شكرا لآراءكن ,هاد الموقف راح يصرلو سنة ,والحمدلله انتسا وما عاد حدا جاب سيرتو لاني انا ما حكيت فيه ,مع اني كنت جدا مدايقة ,بس بتوقع السكوت بهيك حالة افضل من الحكي مشان ما يترسخ بذهن العالم أكتر واللي حكا هالحكي بيعرف حالو عم يكزب او عم يتمسخر,فأنا اتجاهلت الموضوع تماما ولا كانو بيخصني قامو نسيو فورا وما حدا بيجيب سيرة هلئ (بس ازا حدا رد حكى را يشوفو شو راح أعمل )
|
|
| الكاتب: | naya [ الأربعاء ديسمبر 24, 2008 4:02 pm ] |
| عنوان المشاركة: | كيف تتصرف لو حدث معك هذا........؟؟! |
لا انا براي انو لازم تحكي يا صفاء اذا رجع انفتح الموضوع ,وانا كمان صار معي نفس الشي تقريبا كل القرابيني كانو متوقعين انخطب لشخص من عيلتي مع انو هو كان مغترب برات سوريا وما بيجي ع سوريا غير شهر بالسنة وبيني وبينه ما في غير مرحبا ما بحياتي فتحت معه حديث او عبرلي عن اعجابه فيي وانا كان نفس الشي ما بيعنيلي ابدا شي المهم انخطبنا وانا كتير اتفاجأت وقت اتقدم لخطبتي وما كنت متوقعة ابدا يتقدم لخطبتي كانت صدمة ومفاجأة كبيرةوالظريف انو كل العالم متوقعين ننخطب لبعض من زمان كتير والاظرف من هيك وقت خبرت رفيقت عمري انو انخطبت اسى ماقلتلها مين قالتلي اسمو رغم انو هي اول وحدة خبرتها بخطبتي قبل حتى ما خبر عمومتي وخوالي واقلتلها شو عرفك انو هوي اتقدم لخطبتي قالتلي متوقعة ولحد الان ما بعرف شولي اوحى للجميع انو نحنا لبعض, بس باقلك دائما بس يكون في شب بالعيلة عزابي وفي بنت صبية دائما بيقولوا هدا الشب لهيدي البنت هيك؟ بدون سبب يذكرما في غير هيك تفسير انتو شو رايكم؟؟؟؟؟؟ |
|
| الكاتب: | Safa alaasi [ الأربعاء ديسمبر 24, 2008 5:41 pm ] |
| عنوان المشاركة: | كيف تتصرف لو حدث معك هذا........؟؟! |
naya, قصتك حلوة يانايا وفعلا ,غريب كيف بيفصلو هالعالم قصص وحكايا وهاي شغلة بتصير بكل عيلة بس نحنا بعيلتنا عنا الزواج بين الاقارب غير مطروح يعني اتصوري بكل العيلة ما حدا آخد اقارب بالمرة ,فيكي تقولي عالم فاضي بدا تتسلى بمشاعر الآخرين
|
|
| الكاتب: | Safa alaasi [ الأربعاء ديسمبر 24, 2008 11:00 pm ] |
| عنوان المشاركة: | كيف تتصرف لو حدث معك هذا........؟؟! |
تيماء, يا قلبي ياسماسم ,موقف صعب جدا انا لو مكانك بتغما بعيوني شوي مشان نسي الي قدامي هول الحكي وما بحكي عن الموضوع بنوب ,بغير السيرة انا صار معي قريب من هالموقف اتعرفت عوحدة حبيتا كتير وصار بينانتنا صداقة واز بتطلع زوجة دكتور عنا بالجامعة (كتير معروف)بس ربك حميد انا ما من النوع الي بيحكي عالدكاترة بنوب حتى لو دايقة منن ,بس من خلال زوجتو كتير شغلات اتوضحتلي عنو وصرت عزو كتير
|
|
| الكاتب: | Wissam [ الخميس ديسمبر 25, 2008 1:51 am ] |
| عنوان المشاركة: | كيف تتصرف لو حدث معك هذا........؟؟! |
اقتباس: إني أرى ابتسامة عريضة في وشوشكم 
والله ضحكتيني من كل قلبياقتباس:
إي بقا ..
موقف ماكن موقفنا لهذا اليوم هو كالتالي : انت او انتي طالب بجامعة ما .. وبيصير نقاش ( كالعادة ) عن المحاضرات و الدكاترة ... وانت بتصير تحكي عن أحد الدكاترة .. شروي غروي يعني مثلا مو عاجبك طريقة اعطائو ولا تعاملو ولا اسئلة امتحانو ... ولا شي .. وبتنصدم بعدين بجملة من حدا القاعدين معك ... " اي هاد الدكتور بيصير خالي " ياللهــــــــــــــــــــــــــــــول و بيصير وشك يعطي الوان شو بتعمل ؟؟؟ وكيف بتتصرف ؟؟ بتم ثابت على ارائك .. ولا تعتذر .. ولا تتمنى الارض تنشق و تبلعك ... أنا برجح الخيار التالت اتحفوني بقا بآرائكم ..... هلق بتصير هيك إنو الواحد بيكون عم يحكي عشخص معين بقوم بيطلع واحد بيعرفو.......بس بهالطريقة بتكون بموقفك إنتي لو أنا اللي متعرضله ( لا سمح الله )بصراحة بعتذر من ابن إختو للدكتور عالحكي اللي بدر مني بس مع ذلك بضل عند رأيي لأنو أنا عم إبدي رأيي ومو خايف من حدا بس شوبدك بالحكي موقف بشع الله لا يورطنا
|
|
| صفحة 13 من 19 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|