| آرتين لتعليم اللغات https://forum.art-en.com/ |
|
| كيف تتصرف لو حدث معك هذا........؟؟! https://forum.art-en.com/viewtopic.php?t=13813 |
صفحة 11 من 19 |
| الكاتب: | Wissam [ السبت ديسمبر 20, 2008 11:48 am ] |
| عنوان المشاركة: | كيف تتصرف لو حدث معك هذا........؟؟! |
Hidding Rose, يا مية هلا........هلق الفكرة كانت موجودة عندي بس تأخرت شوي  بس عادي ولا يهمك يعني هلق رح يصير في فترة انقطاع وبعديب بيرجع بيمشي عادي  عم نستنى مشاركاتك  يا جماعة لا تلتزمو بأدوار اللي بدو يحط موقف يحطو فورا.......والأعضاء بعدين بيناقشوه 
|
|
| الكاتب: | الملاك [ السبت ديسمبر 20, 2008 9:05 pm ] |
| عنوان المشاركة: | كيف تتصرف لو حدث معك هذا........؟؟! |
على فكرة بعد اليوم أنا رح ازعل لو حدا استأذن قبل ما يحط الموقف أو حدا حجز دور ما اتفقنا عالعشوائية  ..خلص اللي عندو موقف بحطو...ولو اجو أربع خمس مواقف مراب بعض...بيجو الردود بعد هيك ل واحد بجاوب على كل المواقف سوا يلا أنا ناطرة من صفاء وتيماء وهيدنغ روز مواقف 
|
|
| الكاتب: | Wissam [ السبت ديسمبر 20, 2008 9:07 pm ] |
| عنوان المشاركة: | كيف تتصرف لو حدث معك هذا........؟؟! |
تيماء, أهلييييييييين تيمو لك المشكلة إنو بس بلشتو تلتزمو بادوار ما عاد حدا طج شي مشان هيك اللي بدو يحط موقفو يحطو وين ما كان والنقاش بيصير بعدين عم نستنى موقفك إم التيم
|
|
| الكاتب: | Wissam [ السبت ديسمبر 20, 2008 9:09 pm ] |
| عنوان المشاركة: | كيف تتصرف لو حدث معك هذا........؟؟! |
الملاك,  أنا معك كل واحد بدو يحط موقف يحطو وين ما بدو
|
|
| الكاتب: | Hidding Rose [ السبت ديسمبر 20, 2008 11:37 pm ] |
| عنوان المشاركة: | كيف تتصرف لو حدث معك هذا........؟؟! |
Wissamo.... تسلم كلك زوق تيماء.... لك اهلين ام التيم ... يعني طجه و علي الأمان الملاك........ اقتباس:
على فكرة بعد اليوم أنا رح ازعل لو حدا استأذن قبل ما يحط الموقف أو حدا حجز دور لك طولي بالك شو تزعلي ما تزعلي ما بيهون علينا زعلك ... مو هيك شباب ؟ خلص متل ما بدك بدك انطج مواقف بنطج المهم يا سادة يا كرام ..... انا بدرس صف تامن و عندي بنت بالصف كتير ضعيفة يعني ما بتعرف شي بالانجليزي .. المهم بأول السنة اجت امها و طلبت مني ادرس البنت دروس خصوصي طبعا أنا رفضت ... و اكيد رح تسألوا ليش ؟؟ رح قلكن ليش .. لانو ببساطة يمكن هاد الشي يسيء الي يعني يمكن يصير حكي انو المعلمة ما عم تعطي منيح بالصف من شان تعطي دروس( يعني اللي عاش بالامارات اكيد فهم علي و بيعرف عن هالشي ) لانو فعلا في مدرسين كتير بيعملوا هيك بس مو سوريين  المهم انو هالأم كل فترة بتتصل علي و بترجع تطلب نفس الشي و المشكلة انها بتجوه الله و بتأمنني انو حط بنتا ببالي ازا صار عندي وقت و لو نص ساعة على اعتبار اني فهمتا انو ما عندي و قت لدرس بنتا بس الحقيقة انو انا ما حابة اسمع اي شي من حدا .. الأم بتوجع لي قلبي و الله و بحسا ملهوفة ع بنتا كتير .. مبارح كمان اتصلت و ضلت تترجاني ساعة قلتلا لشوف وقتي ... و انا مترددة كتير و ماني عرفانة شو لازم اعمل ... حكيت هالشي لمعلمة تانية ((قالتلي عادي بس هي ما تحكي شي )) ... المشكلة كمان انو فوق ما البنت ضغيفة كمان عندا قناعة انو ما بتتحسن لتدرسها مدرسة لوحدا .. بقا شو لازم اعمل و شو الصح ماني عرفانة ... ؟؟؟؟ بدي مساعدتكن و ازا ممكن بسرعة من شان كون قررت ازا رجعت حكت معي ؟؟؟ شكرا للكل الملاك .......هي موقف وهاتي الحل لنشوف
|
|
| الكاتب: | أوركيدا [ الأحد ديسمبر 21, 2008 4:10 am ] |
| عنوان المشاركة: | كيف تتصرف لو حدث معك هذا........؟؟! |
Hidding Rose, التدريس بالإمارات كتيييييييييير صعب وبيستنزف قدرات المدرس .. والقانون انو ممنوع المدرس بالدولة يعطي دروس خصوصي .. برأيي.. لا تخاطري ولا تدرسيها .. وبما انها ضعيفة كتير .. رح تتعبك كتير .. في مدرسين خصوصي ما بيدرسوا بالدولة .. قوليلا عنن.. وانتي بالمدرسة ركزي عليها كتير .. وخليها تشارك .. ولما يصير عندك حصة شاغرة بالمدرسة .. أو بالفرصة قوليلا تمر لعندك .. وساعديها .. بس ما تخاطري بدروس خصوصي .. انشالله ما يكون ردي اتأخر وطجيتيلا ردك للمخلوقة
|
|
| الكاتب: | Wissam [ الأحد ديسمبر 21, 2008 10:12 am ] |
| عنوان المشاركة: | كيف تتصرف لو حدث معك هذا........؟؟! |
Hidding Rose, أوكي هلق إنتي عم تقولي لبنت ضعيفة وما بتعرف شي بالانكليزي.......ليش لتخاطري بتدريسها.....غير السبب اللي قلتيه........ممكن ما يمشي حالها.....بقوم شو بيصير الحكي؟ والله المدرسة فلانة إجت أعطت بنتي بالبيت وما استفدنا مهناها هالمدرسة مو منيحة  صدقيني هادا اللي عم يصير........لأنو الأهل ما بيحطو الحق على ولادن أبدا  هو صحي من جهة إنو حرام لازم حدا يساعد هالبنت......بس كمان مو حساب سمعتو التدريسية مشان هيك أنا برأيي تنصحي أمها باسم آنسة معينة مشان تحكي معها وتكون هالآنسة بتقبل بهالشي أوركيدا, وين ما عدنا شفناكي؟ لازم كل موقف ينحط تبدي رأيك فيه ولهلق لسا عم استنا موقف منك هه
|
|
| الكاتب: | naya [ الأحد ديسمبر 21, 2008 4:56 pm ] |
| عنوان المشاركة: | كيف تتصرف لو حدث معك هذا........؟؟! |
عنجد الموضوع رائع كتير الف شكر الكم وانا را ح شارك كمان انا بنت كتير خجولة اكتر ما بتتصوروا وكتير بتلبك قدام الناس خصوصا اذا كانو غرب عني وما بعرفهم المهم انا اتجوزت وصرلي 4 اشهر متجوزة وصار يجي اصحاب جوزي وقرايبينه يباركولنا وانا مابعرف حدا فيهم واول مرة بشوفهم وطول فترة الزيارة كون ساكتة ومااقدر احكي او افتح موضوع وصرت مل بس حدا يجي يزورنا ولحد الان ما كتير بحكي واغلب الوقت بضل ساكتة وبس احكي مع اهلي او رفقاتي لساني ما بيفوت جوات تمي وعنجد صار الموضوع يدايقني كتير خصوصا بس حدا يقلي سولفينا ليش ما عم تحكي |
|
| الكاتب: | Hidding Rose [ الأحد ديسمبر 21, 2008 5:32 pm ] |
| عنوان المشاركة: | كيف تتصرف لو حدث معك هذا........؟؟! |
| أوركيدا .... مزبوط كلامك و هاد هو السبب الي خلاني ارفض تدريسا من اول السنة و ع فكرة انا ما بدرس بمدرسة حكومية و انما خاصة يعني هاد الكلام ما بينطبق تماما بس ما بعرف حاسة حالي ماني مضطرة حط حالي بهيك موقف و بنفس الوقت حابة ساعدها بس كيف ما بعرف ... بكل الأحوال ماني مرتاحة للموضوع .. اقتباس:
بس ما تخاطري بدروس خصوصي ..
و الله انا ما بعطي خصوصي و لا بفكر فيه و ماني مضطرة اله بس يمكن هالمرة تعاطفت مع البنت مو أكتر اقتباس:
انشالله ما يكون ردي اتأخر وطجيتيلا ردك للمخلوقة
لاء تطمني لأني مترددة و عم استنى اراءكن و الله Wissamo... فعلا البنت ضعيفة كتير و بتتعب كمان اقتباس:
بقوم شو بيصير الحكي؟ والله المدرسة فلانة إجت أعطت بنتي بالبيت وما استفدنا مهناها هالمدرسة مو منيحة
 هاد اللي ناقص كمان  بالمناسبة أنا ما ممكن روح لعندا و لا لعند غيرا يعني ازا وافقت اني اعطي حدا دروس فما بروح لعنده
اقتباس:
مشان هيك أنا برأيي تنصحي أمها باسم آنسة معينة مشان تحكي معها وتكون هالآنسة بتقبل بهالشي
و الله كأني رح اعمل هيك مع اني دليتها ع معلمة قبل هلأ بس قال ما عجبت بنتا  تيماء... و الله هيك الظاهر رح يصير ... و رح ضل على اني مشغولة ووقتي مليان
اقتباس:
ما عاد بدي طج شي
له يا تيموووو ليش ... و الله مواقفك بيجننوا شكرا للجميع و يسلمو عالمساعدة : و الله هالتدريس كله ما عجبني و لا حبيته يعني هالسنة تسلاية لبين ما قدم عالماجستير |
|
| الكاتب: | Wissam [ الأحد ديسمبر 21, 2008 6:45 pm ] |
| عنوان المشاركة: | كيف تتصرف لو حدث معك هذا........؟؟! |
تيماء, له له له له له  شو هالحكي هاد؟ ليش هيك؟ في حدا زعلك شي؟ أنا ما بقبل.........الموضوع بيخسر كتير إذا ما عدتي تشاركي لازم نشوف مشاركاتك عالسريع
|
|
| صفحة 11 من 19 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|