آرتين لتعليم اللغات
https://forum.art-en.com/

الى من لديه الخبرة بسايكلوجيا الطفل (اعاني مع هذا الطفل)
https://forum.art-en.com/viewtopic.php?t=18286		 صفحة 2 من 2
الكاتب:  Odysseus [ السبت أكتوبر 10, 2009 5:25 pm ]
عنوان المشاركة:  الى من لديه الخبرة بسايكلوجيا الطفل (اعاني مع هذا الطفل)
LILAC,

أنا عم اقرا كلشي عم تكتبوه .. و عن جد تأثرت جدا جدا بهالطفل .. و حز بقلبي هالحدث:
اقتباس:
طبعا في مواقف غيرها مشابهة
طبعا انا عم خبر المديرة بكل هالقصص
واقترحت عليها تنقله لعند معلمة تانية لاني قلت لحالي يمكن هالطفل ما حبني
وتفاجئت من ردة فعله لما اجت المديرة تنقله صار يبكي وما قبل يروح
اقتباس:
لما اجت المديرة تنقله صار يبكي وما قبل يروح

هالحدث هاد لحالو ببين حجم المعاناة الداخلية الي عم يعيشا هالطفل .. بتصدقي انو دمعو عيوني و انا عم اقرا هالحدث هاد؟؟ :? :?
جد الله يعينك .. و هاد الطفل أمانة برقبتك يا ليلك .. لا تتخلي عنو و بذلي كل جهدك معو .. *1 *1 *1
الكاتب:  الملاك [ الأحد أكتوبر 11, 2009 12:19 am ]
عنوان المشاركة:  الى من لديه الخبرة بسايكلوجيا الطفل (اعاني مع هذا الطفل)
ليلك متل ما سبق وقلتلك أنو كحالة هالولد بحاجة بيتو
بس كحل "بأيدنا" عنا أنتي

وثقي تماماً بأنو تأثير معلمة الروضة عالطفل هائل وكبير...وما بينسى كلامك ووجهك وحركاتك بعمرو

أنتي استمري متل ما بديتي...وحاولي مع الوقت...بعرف قدامك منهاج بس إلك الفرصة وإلك لحظات التعليم مع اللعب لتوصليلو كلامك ورسائلك

وأنا واثقة أنو هو هلأ بحبك...بس اتخيلي أنو سبحان الله طفل صغير وما بيعرف يأظهر شعور الحب
يمكن بعمرو ما شاف حدا عم يعبر عن الحب قدامو
ولشدة الأحداث الدرامية اللي جرت بحياتو خلال الوعي واللا وعي ما بيعرف حتى يتصرف عطبيعتو
عموماً بالنسبة لشغلة أنو بنرفز الآخرين وبعدا بيضربن...معلش خليه يضرب وينضرب
ووقت بيتمكن منو طفل قوي أعطيه مجال يضربو...خليه يتألم جسدياً ويخاف شوي
وممكن هالشي يخليه يتراجع

ولو كان هو الغلطان لا تصالحية فوراً...خليه يتعاقب على خطأو بمعنى آخر
يعني مرة هيك ومرة هيك
منشد ومنرخي

والله ييسر ...خبرينا لو عم يتحسن

*1
الكاتب:  عاشقة العربية [ الأحد أكتوبر 11, 2009 12:29 am ]
عنوان المشاركة:  الى من لديه الخبرة بسايكلوجيا الطفل (اعاني مع هذا الطفل)
بانة,
آسفة ع تأخيري بالرد *1
فهمت من حديثك انو موضع التمثيل هو فقط لنوصّف حالتو ، وعلى هالشي منحل المشكلة
شكرا كتير لتوضيحك الحلو *1

LILAC,
وصفك لمواقفو ممكن يخليكي تلاقي حل *ممم متل أنو تفكير بصوت عالي .
هلأ هو أكيد حاسس انو انت مهتمة فيه بس ما بيقدر يعبّر عن هالشي لأنو ما بيعرف غير العدوانية :|
لهيك حاولي تتعاملي مع الطلاب برفق قدامو ، او تخلي هالطلاب يمثلو هالشي ببعض مسرحياتن مثلا بالصف عن الصدق والتعاون يعني هالأخلاقيات لحتى يشوف انو هالشي موجود بحياتو وبين كل العالم

شغلة تانية .. حاولي تجربيا *ممم
شوفي من أكتر واحد من أهلو عندو اهتمام فيه .. ابو أو أمو، وخبريهباللي عم يصير معو لحتى يتابعوه أكتر ، لأنو متل ما ذكرت الملاك لازمو حنان من البيت ، فحتى تقدري تلاقي نتيجة من شغلك ومتابعتن

من قلبي موفقة .. وانا عم تابع معكن كل شي ولو بلاقي اي ملاحظة ما رح قصّر *1
الكاتب:  ميرا [ الأحد أكتوبر 11, 2009 8:45 pm ]
عنوان المشاركة:  الى من لديه الخبرة بسايكلوجيا الطفل (اعاني مع هذا الطفل)
يعطيكي العافية يا ليلك قصة الطفل ما راحت من بالي *ممم
شو صار معك بس انا بتوقع انو في مشاكل بين الام والاب لحتى الطفل هيك عم يتصرف يعني الاب بيضرب الام :x
الكاتب:  LILAC [ الخميس أكتوبر 15, 2009 2:24 pm ]
عنوان المشاركة:  الى من لديه الخبرة بسايكلوجيا الطفل (اعاني مع هذا الطفل)
سلامي للجميع
هالاسبوع كان فيه تطورات مهمة
مارح اقدر احكيكل التفاصيل بس رح احكي الاهم
اولها رح بشركن بتحسن كبير والحمد لله متل ماني متاملة
الطفل صار اهدا شوي
ممكن يكون تعود على جو الروضة
او ممكن تحسنو اجا نتيجة مبادرة رفقاتو بلعب معو
صار عم يتفاعل اكتر
وفكرة المرغبات ساعدتني كتير كتير معو ومع غيرو
شكرا الملاك *1 *1 *1 *1 *1
طبعا هو صار اهدا بس ما بيخلى الامر من حالات تمرد عم تصير بين الحين والحين
الاهل ما بادرو بزيارة

ولانو اخيرا صار عم يرد على اسئلتي (بس طبعا حسب مزاجو
) عرفت منو انووحيد على اربع بنات
وانو امو مسافرة (مابعرف اذا كان هالكلام صح ولا الاب قايلو هيك) *ممم
وانو ما بيلعب مع حدا بالبيت :roll:
اهم نقطة اني اكتشفت ان الطفل موهوب
بيعمل حركات جمبازية من دون ماحدا يدربو عليهن
ما بتتخيلو فرحتو وهو عم يعمل هالحركات قدام رفقاتو
هلشي عزز علاقتو مع رفقاتو كتير
والنقطة التانية هي القصص لي عم اخترعها كل يوم واحكيلهن ياها
ولي غالبا كان موضوعها عن الصداقة
عدوانو على رفقاتو خف بنسبة 60 بالمية من دون مبالغة
نتيجة رائعة خلال اسبوع

الف شكر الكن جميعا
من كل قلبي على افكاركن ومبادرتكن *1 *1 *1 *1
شكري الخاص لبانة *1 *1 *1 *1
بانتظار بقية البرنامج :wink:
الكاتب:  الملاك [ الأحد أكتوبر 18, 2009 11:41 pm ]
عنوان المشاركة:  الى من لديه الخبرة بسايكلوجيا الطفل (اعاني مع هذا الطفل)
الحمد لله يا ليلك أني بديتي تلاحظي التحسن
وأنو الفرق عم يتم بسرعة...اتخيلي أسبوع الماضي كان بقمة الشغب والأذى

وواضح أنك وصلتي لأهم نقطة عندو...وهي عواطفو
وقدرتي تأثري بعواطفو

أنا واثقة أنك صرتي بتعنيلو بحياتو كتير ومتل وما سبق وقلتلك...ما رح ينسى كلمة قلتيلو اياها
استغلي هالشي ومرقيلو كل الأفكار المسالمة والحلوة...وحببيه برفقاتو وحببي رفقاتو فيه

والرائع هو حركات الجمباز اللي حكيتي عنا...ضلي أبدي اعجابك وانبهارك فيا
هو بيتشجع يقدم حرات حلوة ومميزة ومسالمة
وباقي الأطفال بيتشجعو يكونو مرنين ورياضيين
وفرحة الثناء ما رح تخليه يقدر يزعج حدا أو يشاغب

وبأكد عليكي أنو وقت بيغلط عاقبيه....أولاً هو لازم يتعاقب ويحس بألم العقاب وممكن عقاب مؤلم يردعو يكرر خطأ معين
وتانياً الأطفال حواليه ما لازم ينضرو بأنن يشوفو قدامن طفل مخطئ وما تعاقب

والله يقويكي....ويجعل تعاملك مع هالطفل وحتى باقي الأطفال بميزان حسناتك *1
الكاتب:  عاشقة العربية [ الاثنين أكتوبر 19, 2009 12:54 am ]
عنوان المشاركة:  الى من لديه الخبرة بسايكلوجيا الطفل (اعاني مع هذا الطفل)
LILAC,
أسعدتني النتيجة اللي وصلتيلا
اقتباس:
والنقطة التانية هي القصص لي عم اخترعها كل يوم واحكيلهن ياها
ولي غالبا كان موضوعها عن الصداقة
جد برافو عليكي *1 ومافي مانع انك تكتبي تمثيليات صغيرة لحتى الأطفال يمثلوّا وتصير ع أرض الواقع

يعطيكي ألف عافية ويقويكي *ورود
الكاتب:  أنس الدالي [ الاثنين أكتوبر 19, 2009 8:28 pm ]
عنوان المشاركة:  الى من لديه الخبرة بسايكلوجيا الطفل (اعاني مع هذا الطفل)
LILAC,
هيك خبرية لازم قلك عليها ألف مبروك على هالانتاج الي أنتجتيه لهالطفل
والله يعطيكي العافية ويجزيكي الخير
*1 *1
صفحة 2 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/