كيف كان نهارك اليوم ...وهل أنت راض عنه

ابراهيم محمد · **مرسل:** السبت أكتوبر 24, 2009 12:02 am

طيب هلأ بقلكون يومي واليوم اللي قبلو

هاد أنا وقت كنت بحماة على اساس نفيق اليوم التاني الساعة عشرة وراحت معنا للساعة 11.30 حتى فقنا شربنا قهوة وجهزنا حالنا ورحنا على الجامعة لأنو أنس كان بدو يحضر محاضرة وإلا بينحرم من المادة وأنا كنت بدي أنطرو بالكفتريا وحكيت وقتا مع علاء الابراهيم وما قصر قلي ساعة بكون عندك وكان عندي خلال 50 دقيقة وقعدنا بالكفتريا وطلع أنس ومحمد محمد دالي اللي اسمو بالانكليزي وقعدنا بالكفتريا حتى قمنا رحنا أكلنا فول عند أبو غريب مدري شو كان اسمو

بعد ما شبعنا رحنا على النواعير الأربع وطلبنا النفس العجيب وأركلنا حد البحرة والنوافير وأركيلتي كانت بالمي شغلىة كبيرة

المهم بعد ما خلصنا القعدة رحنا وأنا رحت على الكراج وحجزت على الشام وسافرت ورحت سهرت مع ابو جعفر الحبيب وأحمدتو بيك أحلى سهرة بس ما مضت على خير لأنو سناني صارو يوجعوني وانكسر منهون ولسا لهلأ الألم دابحني بس إلا ما يخف لحالو وليكني عمعاني منون

وهلأ اليوم رجعت على البيت تغديت وقعدت شوي على الكمبيوتر أتفرج على ديفيدي الرحلة وطلعت من البيت ع السهرة بالنت للصبح وبكون هيك رجعت لروتيني القديم

بس الجديد هالمرة انو صار عندي ADSL بالبيت يعني لنشوف شو رح يغير فيني هالخط

حلواني · **مرسل:** السبت أكتوبر 24, 2009 8:55 pm

اااااااااااااه يلعن ابو هاليوما لمشؤوم
يعني بصراحة سوء بسوء

Hidding Rose · **مرسل:** الأحد أكتوبر 25, 2009 3:06 am

الملاك, Safa alaasi,

اقتباس:

و أنا هيك عم قول مشان هيك ما قلتلك الحمدلله عالسلامة ... بس والله حلمك متواضع كيا ريو .. اي قولي مورانو.. همر.. جيمس أنا بصراحة هيك بحلم

العالم عم تنخبط بطيارات وصواريخ وانتو لسا عم تحلمو بخبطات السيارات

ابراهيم محمد,

اقتباس:

بس الجديد هالمرة انو صار عندي ADSL بالبيت يعني لنشوف شو رح يغير فيني هالخط

اقتباس:

ADSL بالبيت

*واااو *واااو *واااو *واااو
عيدا عيدا

اي لازم تنقلب حياتك كلا

بدي اسألك سؤال .....
شو شعورك بعد ما صار عندك السيد ADSL ؟؟

ابراهيم محمد · **مرسل:** الأحد أكتوبر 25, 2009 3:35 am

Hidding Rose,

اقتباس:

شو شعورك بعد ما صار عندك السيد ADSL ؟؟

فكرك أنا مبسوط بالخط ؟؟؟؟

ما أنا بشكل طبيعي بسهر يومياً بالكفي لحالي على خط 4 ميغا وخط البيت بس 256 كيلو

يعني ما بخدمني بالتحميل خاصة انو أنا مستر داونلود

وبهالحالة ما رح يكون فيني اسهر متل أول برا البيت

بس يلا الواحد بقول الرمد ولا العمى يعني بظل أشوا من الدايل أب

أوركيدا · **مرسل:** الاثنين نوفمبر 02, 2009 12:28 am

مرحبن

اليوم من أولتو ... شغل بالبيت ... شغل ... شغل...

آخر شي ... حسيت اني مريضة

ما من الشغل ..
من الجو .. وخصوصاً اني بعد الحمام بطلع مشاوير عادي

بس أكلتا

بعدين خليت أختي الملاك عم تشتغل بالمطبخ ..
وأنا ع أساس عم نضف غرفة النوم

شو بدكن بالحكي..
أغراني منظر التخت

رحت سفقت نومة غير شكل

إجت شافتني الملاك

عملت حالي غفلانة

... لك بس والله مريضة

فقت أكلنا شو ما كان .... الحمد لله..
بعدين إجو لعنا قرايبينا سهرو...
وهلأ عالنت ... بعدين إزا داقت خلاقي بدرس شوي لدورة التوفل..
قال يعني الدراسة ترفيه...
وإزا ما داقت رح ضل هون

Safa alaasi · **مرسل:** الاثنين نوفمبر 02, 2009 1:16 am

أوركيدا,
تضرسي انتي نايمة كنت بدي حاكيكي نطلع مشوار متل هدلاك المشوار ... و خصوصا اني اليوم اشتهيت الشاروووما و ما التئى بنت حلال تاكل معي صننويشي ... و لهلأ عانة عبالي وخصوصا اليوم بالكراجات العالم كلن ماسكين هالصندويش و عم يرئو و أنا كنت جوعاااانة ,,, بس أنا ما بحبا من الكراجات

المهم اليوم يومي من كراج لكراج و من بولمان لبولمان .... بس كنت بحموصة الساعة 2 ضهراً ... و بعدا سحبتا نومة لل 5 و بعدا عزمتني رفيئتي عفنجان قهوة ... و أكلنا كعك و كابتشينو

اشلون زبطت ما بعرف ... علمتني كم سر من أسرار الحياة ...

و هلئ نت ... بس ادعولي أمانة تزبط الشغلة الي ببالي

أوركيدا · **مرسل:** الاثنين نوفمبر 02, 2009 1:38 am

Safa alaasi,

اقتباس:

تضرسي انتي نايمة كنت بدي حاكيكي نطلع مشوار متل هدلاك المشوار

الله يسلمك

قلناااااااااااااااااااااااالك مريضة

اقتباس:

و ما التئى بنت حلال تاكل معي صننويشي

معناتا مالك غير ابن حلال ياكل معك

اقتباس:

بس ادعولي أمانة تزبط الشغلة الي ببالي

أمانة تزبط الشغلة اللي ببالا

AYMAN · **مرسل:** الاثنين نوفمبر 02, 2009 6:40 am

لك ضغوووط كبيرة علي وماعمبعرف اركز بشغلة

والله رح اجن

حلواني · **مرسل:** الاثنين نوفمبر 02, 2009 1:53 pm

[align=center]النهار من اولو كئيب وحزين بس يلا بلكي يتحسن

[/align]

أوركيدا · **مرسل:** السبت نوفمبر 14, 2009 2:23 am

اليوم فقت من الساعة 8

قال شو من شان نركب صوبيات
هلأ وقت الصوبيات

اي بعدين ما اشتغلت شي بالتركيب لإنو كان في قوات مؤازرة فعالة ركبتلنا ياهن

ونمت
ونمت
ونمت
فقت لقيت عنا ولاد خالي .. حطينا سفرة .. أكلت كإنو صرلي شي 65476سنة ما آكلة .. حطينا نص فيلم وقعدنا تفرجنا ..
وبعدين قال قعدت بدي اكتب وظيفة دورة التوفل

كتبت جملتين وكنت حاطة الراديو جنبي طلعت غناي بدا قعدة تفكير في عقل بالي

أخدت الراديو وفركتا*sla
وهلأ هون

LATEST_POSTS

كيف كان نهارك اليوم ...وهل أنت راض عنه

الموجودون الآن