انا ببداية الفصل التاني نزلت موضوع
يتعلق بطرائق التدريس
وفيو متل ملخص عن المادة
وكل محاضرة اخدناها

وكان هاد الموضوع غايتو يصير في تفاعل بين الطلاب والدكتور
منشان يلي عندو اي استفسار يسئلو مباشرة للدكتور
وهاد يلي صار

جيت انا مبارح بدي شوف شرح كان كاتبو الدكتور
لانو بساعدني بعلم اللغة
واذذذذذذذذذذذ بتفاجئ
 انو الموضوع من اصلو مو موجود

انو موضوع متل هاد مو المفروض انو ينحذف
لانو فيو تفاعل بين الطلاب والدكتور
ولانو فيو معلومات ممكن تفيد الكل
وممكن كتير عالم تحاول تتذكر شي ترجعلو
وانا اول وحدة رجعتلو

اعتراضي هو على حذف هاد الموضوع
مو لانو انا يلي كاتبوتو بس لانو بقدم مساعدة

عاشقة العربية,  

انا قبل ما اكتب الموضوع هون
دورت عليه بمشاركاتي
لو ما دورت اكيد ما كنت كتبت شي

شكرا لردك

عصام,
ليش بتضلك تكسرلي من مشاعيري  

فارس,  
شكرا

صراحة انا وفرتي عليي 125 ليرة وهيي اجرة النزلة ع حمص مشان شوف بالمكاتب شو منزل الدكتور لما نزلتي الصفحات المطلوبة وهيك ... بس انو حصلي اذا بتحصلي هع
بلكي الشكر بيعوضك عن موضوعك اللي انحذف !!
Hails ...

الموضوع انا حذفته مع مواضيع تانية إلا علاقة بالطرائق, و السبب الاساسي انو المادة اتقدمت دورتين و احتمال يكون في تغيير بالمنهاج السنة القادمة فمشان ما يصير خربطة حذفته و بالاضافة لاسباب تانية منها اساءة استخدام المواضيع اللي عم تنزل و فيا شرح او تلخيص للمحاضرات و اللي الهدف كان منا متل ما ذكرتي التفاعل و الافادة بس للاسف البعض اخدوا وجه كتير و استغلوا الامر و صارت الشغلة بدل ما تعود بالفائدة تعود بالضرر و حتى البعض ترك الكتاب و المحاضرات و صار يقرا التلخيص و يقول انو هادا هو المطلوب فقط مع انو انذكر اكتر من مرة انو تلخيص بس لا حياة لمن تنادي و  البعض الآخر انحذف لانو ما في منه فائدة نهائيا.
حقك عليّ و الخطأ ما من الموقع او المشرفين و بعتذر انو ضيعت عليكي فرصة مراجعة الموضوع و اكيد شكرا إلك بالمقام الأول لانو مهتمة و نزلت الموضوع بالأصل.
و لا تترددي اذا عندك اي سؤال عن المادة او غيرا اسألي اما بموضوع او رسالة و اكيد بجاوبك عليه.
تحياتي

M. Samhar AlAbiad,  

بالنسبة لسبب الحذف اكيد بتفهمو دكتور
بس يمكن وقت الحذف كان بالنسبة الي بكير شوي
بس انشالله بنجح المادتين وما بحتاج ارجع لاي موضوع سابق
وطبعا اذا القصة فيها اساءة بالاستخدام فحئك تتصرف بالطريقة يلي بدك ياه
وشكرا لردك

اما منشان الاستفسارات فهي مابدها تنين يحكو فيها ابدا
وانا وقت بيخطر ببالي اي سؤال اكيد رح اسئلك ياه
لانو لحد  هلئ ردودك كانت جدا مفيدة

وشكرا انك عم تضل تتابع الطلاب هون على ارتين

اذا عرف السبب بطل العجب
بعتزر من المشرفين ومن فارس اني فكرتن حذفو الموضوع
بس هلئ عرفنا وينو