ريمي1,

يعني كنت بتمنى اقدر ساعدك بس المشكلة طلعلك بجامعة الفرات مو بالبعث .. و حسب معلوماتي كل جامعة والها قراراتا الخاصة ..
بركي شي حدا من جامعة الفرات بيقدر يساعدك!!!

و بالنسبة للسكن الجامعي .. هلق الي بعرفو انو افضل سكن بسوريا هو سكن جامعة تشرين .. اما بالجامعات التانية فصعب جدا انو يقدر الواحد يدرس بالسكن
لأنو ببساطة الغرف بتكون صغيرة و عدد الطلاب كبير .. 4 بالحد الأدنى .. و الرسوم هي 4 ألاف .. و أول سنة بيدفعوا الطلاب ألف زيادة هو ألف التأمين بيسترجعوه لما بيطلعو من السكن ...
و كمان متعارف عليه انو طلاب الآداب حظوظون قليلة بالسكن .. يعني الأولوية لطلاب الكليات التانية و بعدين اذا تم في محلات شاغرة بسكنوا من طلاب الأداب . . .
بتمنالك التوفيق و النجاح بجامعتك

شكرا كتير لك أخي علاء كأنك ساعدتني
أنا بعرف أنو كل جامعة لها قوانينها و نظامها بس بعتقد موعد بدء التسجيل نفسه بكل الجامعات ياريت اذا بتعرف أي شيء عن موعد بدأ التسجيل ( حتى لو كان بجامعة البعث ) تخبرني لأني بحثت كتير على النت ما شفت أي معلومة تفيدني
شكرا كتير و تحياتي لك

مشكور أخي على المعلومات بالنسبة للسكن بس و الله خوفتني كتير أنا بالأساس مش حابة أدرس بدير الزور و الله لولا علامة وحدة كان طلعلي بتشرين بس ما بعرف ليش هيك حظي ؟؟؟

عموما شكرا كتير لك و أنا كمان بتمنالك التوفيق و السعادة بحياتك من كل قلبي
تحياتي لك

ريمي1,
بخصوص التسجيل فمانو هالمشكلة الكبيرة لانو بالعادة بيبلش الدوام والطلاب لسا عم بيسجلو
وبشكل عام بما انو طلعت المفاضلة مبارح فلسا بدها شي عشر ايام وبيبلش التسجيل بتوقع بين ماتصل الاسماء وغيرو عالكليات
وانشالله بالتوفيق بالتسجيل يارب وبالسكن


اي يازلمي بسمع حكاوي وحكاوي عن السكن بتشرين بقا شو مشان

شكرا لك أخي عصام على المعلومات
بس أنا كان بدي أعرف موعد التسجيل منشان سجل بسرعة على السكن الجامعي بخاف اتخر و مايطلعلي غرفة بالسكن
عموما شكرا كتير لك

ريمي1,
خليكي متابعة موقع الكلية الرسمي او حتى مراكز التسجيل تبع المفاضلة اكيد بيخبروكي وابقا كمان هون وقت بندرا باي جديد بنحبرك

شكرا كتير لك على اهتمامك بالموضوع و مساعدتك لي
و أكيد المسؤلين عن المنتدى ما بيقصروا بأي معلومة
أنا رح ضل متابعة للمنتدى و انشالله نسمع الخبر الصحيح بأقرب وقت

مشكور أخي على جهودك و على اشرافك المتميز