كيف كان نهارك اليوم ...وهل أنت راض عنه

Ranaa · **مرسل:** الاثنين فبراير 16, 2009 11:37 pm

اليوم هو أسوأ يوم بحياتي ...ياريت يخلص بسرعة ...الله يستر من الباقي..........

Ranaa · **مرسل:** السبت مارس 14, 2009 11:04 pm

اليوم و امبارح كانوا أحلى يومين من 3 سنين ........يا ريت يتكرروا .وأنا راضية عنهم تماما .

عبدالله · **مرسل:** الثلاثاء مارس 24, 2009 5:28 am

عاااااااااااااااااااااااااااااااااااااادي مع شوية إنجازات

يوسين 9889 · **مرسل:** الاثنين إبريل 13, 2009 8:28 pm

أحيانااا الواحد بيدخل بحالات ما بيقدر يفسرهاااما بيعرف ليش زعلان ولا بيعرف شو حاسس.....أنا ما عم ادرس فلسفة...بس اليوم ما حاسة بشي. ..غير اني حابة كون لحالي وبس ...من الصبح ما حابة شوف حدا ولا احكي مع حدااا...مع هالشي طلعت ع الجامعة وشفت رفقاتي..وهلأ أنا هوووون...صحيح أنا ضيفة بمنتدى أرتين..ومش من جامعتكن .. بس بحس انو برتاح هون لما بكون مابدي شوف حدااا

الملاك · **مرسل:** الثلاثاء إبريل 14, 2009 9:22 pm

يوسين 9889,
ضيفة

هلأ 6 مواضيع وكل هالمشاركات معناها عضوة سعرك بسعرنا ومتل ما بترتاحي معنا منرتاح معك ومنحبك

بقا يا عضوتنا العزيزة طبيعي جداً "الشغلة ما بدا فلسفة" أنك تكون بمزاج معتدل جداً ونفسية مستقرة جداً هاليوم لدرجة أنو مانك حاسة بأي شي

هادا وضع طبيعي مريح وبسيط ومسالم ...والمفروض نحبو وننطرو
بس سبحان الله الناس بكل لحظة ناطرة سعادة هائلة أو حدث مميز وبما أنو بتقابل بالعكس ..فعطول عم تعيش تجارب شعورية متضاربة وملخبطة ودائماً قوية

لأنو نحنا بدنا هيك

بس الوضع الطبيعي للانسان أنو بيوم عادي وجو هادي ومافي أحداث أني قول أني ما حاسة بشي
عادي

تاج · **مرسل:** الأربعاء إبريل 15, 2009 12:07 am

يااااااااااااااااااااااااااااااامحمد اديه الي مافتت لهون
اي بس ماكان في شي جديد ..كان كل يوم اذا ما أضرب من اللي قبلو فبكون متلو تماما متل كإني كنت عم عيد كاسيت ..
المهم ماعلينا
أيامنا صايرة كلها دراسة على اعتبار اني فايتة ب600حيط ..لهيك بفيق بكير يعني شي 8 وأيام بتروح معي نومة لل10 بقوم بدرس وبدرس وبدرس وبدرس وبشتغل شوي بالبيت (مدري من وين بنكش الشغل )
وبيجو الجماعة بيتغدو وانا برجع بنام شي ساعة والمسا بطلع بطرق عاااااااااااااد
ياسوق يا رفقات يا لعي عالتفلفونات (طلعت عالقافية)
والمسى كتير (يعني هلأ) بكون أون لاين وعم دردش مع الخلق هههههه
وهيك كمان نفس الروتين
وشيت اني رضيانة فأنا الحمد لله دائما رضيانة بس لابد من وجود المنغصات
لنشوف هالفترة شو بيصير معنا شي جديد مشان نحطكن بالصورة

بانة · **مرسل:** الأربعاء إبريل 15, 2009 12:49 am

تاج,
[quote]
شو بيصير معنا شي جديد مشان نحطكن بالصورة
[/quote]
أهمّ شي الصورة لازم تحطينا فيها ولا يهمك ترى علينا البرواز

مارح إحكي عن نهاري لأنه اليوم متل مبارح ما طلعت عالجامعة

, لأني بعرف حالي إذا بدي إطلع , ما رح تلحق حلقة البحش تبعيتي و كدسة هالوراق رح يضللوا بخلقتي , لذلك اعتكفت هاليومين بالبيت , وبكرة عندي تقديم وما عم بتخيل غير الحلقة طايرة وأنا عم طير وراها , بقى دعواتكم

[/font]

تاج · **مرسل:** الأربعاء إبريل 15, 2009 12:57 am

اقتباس:

أهمّ شي الصورة لازم تحطينا فيها ولا يهمك ترى علينا البرواز

خخخخخخخخخخ اللي حطكن بالصورة بجبلكن البرواز شغلة فاضية

اقتباس:

وبكرة عندي تقديم وما عم بتخيل غير الحلقة طايرة وأنا عم طير وراها , بقى دعواتكم

قلك سر عظيم :
اي هاتي حقو خخخخخخخخ
لاجد بتعرفي في عادة علمتني عليها الماما وكتير كتير مفيدة انك قبل ماتعملي شي خطير متل تقديم حلقة البحث قولي 3 مرات (وجعلنا من بين أيديهم سدا ومن خلفهم سدا فأغشيناهم فهم لايبصرون ) مابتلاقي غير المعيدة تكركبت وتغيرت اوضاعها اذا كانت وحش بتصير ملاك والسؤال بيجي سهل كتير ؟؟
انا كتيييييييييير جربتها وكتييييييييير استفدت ...
في معيدة كانت شرشبيل وحافظتني لاني كتير بسالها أسئلة لهيك وقت بدي قدم الحلقة مابعرف شوصرلها صارت تتبسم كتير وطقت معي سولاف عند الله خبرو وسألتني سؤال ظريف واخدت عندها علامة ظريفة وصلت فيها علامة النظري للسما..
جربيها مابتخسري شي ولاتضحكي عليي ولو
موفقة [/color]

بانة · **مرسل:** الأربعاء إبريل 15, 2009 1:05 am

شكرا تاج

بس بكرة أنا مناقشتي جماعية , يعني ما بتعرفي السؤال من وين بدّه يجيكي , من المعيدة وللا من الطلاب , البركة عنّا بالدفعة الطلاب كلهم قصدي كلنا فهمانين

, والكل بدّه يعطي رأيه ,
بس بدي ساوي طريقتك , ورح إبدأ فيها من هلّق

تاج · **مرسل:** الأربعاء إبريل 15, 2009 1:08 am

اقتباس:

البركة عنّا بالدفعة الطلاب كلهم قصدي كلنا فهمانين

في حل تاني بكرا عزميهن عالكافتيريا وحطيلهن سم فيران خخخخخخخخخ
بتصير مناقشتك فردية خخخخخخخخخخ
جد موفقة ألبي معك والله

LATEST_POSTS

كيف كان نهارك اليوم ...وهل أنت راض عنه

الموجودون الآن