غلاظة

SoMy · **مرسل:** الأربعاء يناير 21, 2009 8:35 am

أسئلةغليييييييييييييييييييييييييظة

يعني مثلا

متصطح بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :

شو نايم ؟؟

لأ !! عم ارقص.. بس الوضع بيوحي إني نايم

معزومين ع بيت جماعة، ولما بتدقوا الباب .. بيفتح شي فهمان وبيقول

بدهشة:هه

شو إجيتوا ؟؟؟

لا والله لساتنا عالطريق، في عجئة بشارع فلسطين

لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت،

بيجي

حدا من أهلك بيسألك، شو رايحلك شي مشوار !!؟؟

لا والله طالع عالأسطوح صلّح صحن الديجتال

حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى

وجهه علائم الاستغراب والدهشة: بدك تحكي بالتلفون؟

لأ شو إحكي !!! بس كنت عم جرب صوت طنة الأرقام

حاطت راسك ونازل بهالكتب والدراسة، بيجي أبوك أو أمك...: عم تدرس؟

لا والله ...!! عم فصفص برز

مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي

بتجاوب: شو بتساوي أول يوم العيد ؟ أكيد بتروح بتزور الأهل والقرايب

لا والله بالعادة بفكر العب شدة وماروح لعندهم

بتطلع بميكرو وبتحط هيك وبتطلع (خمسة) وبتعطيها للي قدامك، وبكل برودة

بيقلك: واحد ؟

لأ 60 واحد ؟ ورجعلي الباقي

بدك تنزل من الميكرو: عاليمين زكاتك.... بتتلقى الرد: نازل ؟؟

لا والله بس عم جرب صوتي

بكون واحد راجع من جنازة .فلما يوصل البيت بيسألو :شو عزّيت

بقوللهم: لأ, عالسمنة

مو أسئلةبتجلط؟؟؟؟

Wissam · **مرسل:** الأربعاء يناير 21, 2009 10:45 am

SoMy,

صاارت عادية الشغلة

مشكورة عالموضوع

omar1983 · **مرسل:** الأربعاء يناير 21, 2009 9:49 pm

ههههههههههههههههههه

Enegma · **مرسل:** الخميس يناير 22, 2009 6:32 pm

العيشة بدها صبر

SoMy · **مرسل:** الاثنين فبراير 16, 2009 11:56 am

وسام

عمر

Enegma

كل الشكر لمروركن

والبسمة ما تفارق وجوهكن يارب

تحياتي

ËVË · **مرسل:** الاثنين فبراير 16, 2009 12:22 pm

والله معك حئ بتجلط

يسلمو حبيبتي

SoMy · **مرسل:** الأحد فبراير 22, 2009 5:36 pm

eve

moondancer

كل الشكر لتواجدكم بين مواضيعي..

وبتمنى يكونو نالو إعجابكن الأسئلة

ولو كانت غليظة

تحياتي

ladoooosh · **مرسل:** الأحد فبراير 22, 2009 7:37 pm

حلوين كتير وخصوصا

اقتباس:

بتطلع بميكرو وبتحط هيك وبتطلع (خمسة) وبتعطيها للي قدامك، وبكل برودة

بيقلك: واحد ؟

لأ 60 واحد ؟ ورجعلي الباقي

لانو بتصير على طول

SoMy,

madlin · **مرسل:** الأحد فبراير 22, 2009 11:14 pm

ههههههههههههههههههههههههههههههههههههه
عنجد شي بيجلط شو هالاسئلة هي بس جد الواحد بدون شعور بيسأل هيك اسئلة
هلق بصراحة انت ما بتسألي هيك اسئلة أحيانا وبتضحكي عحالك انه كيف سألتي هيك سؤال؟؟؟؟؟؟؟؟؟؟؟؟؟
مشكورة

LATEST_POSTS

غلاظة

الموجودون الآن