اللهم لا شماته .... ثـــائـــر على كرسي الاعتراف جالساً !!

ثـــائـــر · **مرسل:** الاثنين نوفمبر 17, 2008 2:12 am

Hiba.Sh,

اقتباس:

انا بحب توقيعك كتير ..
أديه بعبر عنك بالميه؟؟

بعبر عني مليون با المية لانو يلي بكتبو بتوقيعي هو الشي يلي بحسو ثائر ...

اقتباس:

إذا استعرضنا معـــــًا أجمل محطاتك في :الطفولة ،الحارة، الدراسة
فماذا سنجد في جعبتك من مواقف لم تزل قائمة في الذاكرة ؟؟؟

الطفولة ... يااااااه على هديك الأيام ... كنت انا الوحيد الولد بين 27 بنت ..كنت العب بنفس الالعاب تبعيت البنات .المطاطة ..الحيز ... و كنت حط بكل شعر .... ايااااااام .

الحارة : لما كنت صغير كنت انا أسرع واحد با الحارة ... و بتذكر لما تعلمت الركب على البسكليت ( الدراجة )

صاروا ركبي ما يبينو من كتر الوقعات ..

الدراسة : التاسع .. لما كنت اطلع على السطح و ادرس .. و بنات الجيران من جميع الانحاء .. و انا على اساس عم ادرس ..

اقتباس:

ماذا تعني لك :
دمعه الطفل
دمعه المرأة
دمعه الرجل

دمعة الطفل : البراءة بحد ذاتها ...
دمعة المرأة : السلاح الذي يسبب الدمار الشامل في قلب الرجل
دمعة الرجل : زلزال في القلب و دليل على نهاية شئ ما ...

اقتباس:

عالم المنتديات .. عالم واسع وكبير .. تقابل اشخاص .. تتناقش معاهم ..
الرابط "شاشه وسلك"
للمنتديات سلبيات مثل ماله ايجابيات كثيره..
في رأيك ماهي السلبيات والايجابيات للمنتديات.؟؟

السلبيات هي با الطرق السلبية و الطرق الخاطئة يلي بستخدمها فيها .. يعني انا بتخيل المنتديات متل أي شي با الدنيا الو وجهين للاستخدام .. في الخير و في الشر

هدى,

اقتباس:

1. مين هني الأعضاء اللي عم تتحمّالن بعد هالقعدة على الكرسي ؟

سنا و مون لايت .. و في عندك عصام ... و لسا كتار ...

اقتباس:

2. شو شعورك لما شفتني عم أسألك ؟

انبسطت لانو بعرف اسئلتك حلوين و خفاف نضاف

اقتباس:

3. عم تفكر تطور شي بأقسامك من خلال موضوعات معينة أو تقسيمات ؟

اكيد ..بس لأاخلص من ها الورطة يلي انحطيت فيها ...

اقتباس:

4. في أعضاء متوقع يسألوك ولسه ما سألوك ؟

اي اكيد :: الملاك .. تيماء ...

اقتباس:

5. طيب شو هي الأسئلة اللي متوقعني أسئلا وما سألتا ؟

بصراحة ما عندي أدنى فكرة عن نوع اسئلتك ...

شادي,

اقتباس:

1- يقال [ الصمت أبلغ من الكلام ] ترى هل تلكم الجملة تُعد قاعدة شمولية غير خاضعة لمرآة النسبة والتناسب ؟ أم هي لديكَ ميزان رؤية يقينة بتبعية متحدة ؟ و متى يمسي الصمت إحياءً لحروفٍ قد أغتيلتْ بفعل زوبعة فن كلامي يحمل أصداء الوجهين معاً : ( شفافية الوضوح ) و ( الضباب الركامي ) ؟

يا عزيزي احيانا يكون الصمت جدارا يحبس بداخله آلاف الكلمات التي لو خرجت لأذهلت العقول و أجفلت القلوب .. الصمت لغة لا يشعر بها و لا يتقنها الا المبدعون ..

ثـــائـــر · **مرسل:** الاثنين نوفمبر 17, 2008 2:47 am

سحر,

اقتباس:

الي دخل بعلاقة وفشلت بس ما قدر ينسى شو يعمل؟؟؟

( وداويها بالتي كانت هي الداء ) يعني داوي الحب بالحب ... بس انت اكيد رح تفهميني غلط و رح تقولي انو لازم نحب غير الشخص يلي ما عم نقدر ننساه ...
و انا بقلك انو خليني فهمك ....
لازم نلاقي حب تاني بس مو ضروري نحب شخص تاني ..بتقدري تحبي حالك ..تحبي دراستك .. طموحك ..اهلك ... أي شي بالدنيا نعطي جل اهتمامك هو حب ..
و انا ضد فكرة انو لازم نلاقي حب مباشرة بعد الفراق و يكون كتعوض عم يلي فقدناه ..انا ضد ها الفكرة تماما .. لأنها أكبر سبب في الاختيار الخاطئ ...

اقتباس:

لو كنت تحب او حبيبتك الي انفلصت عنها كانت من دين تاني

واهلك رافضينها , وهي خيرتك بين دينك واهلك وبينها شو تعمل؟؟؟

يلي بدها تخيرني بين ديني و اهلي هاي مع احترامي لقلبي ..ما بشرفني انها تكون حبيبتي ... بكل صراحة .. مع احترامي للحب ايضا ... لذلك بتركها و لا بتطلع وراي لانو ما بتستاهل اني طلع وراي مشانها ...

اقتباس:

او اجتك فرصة شغل وهي فرصة عمرك ل تحققالي بدك ياه وهي الفرصة الي بتدور عليها من زمان
بس ما بتقدر تاخد الي بتحبها شو بتعملشو بتختار؟؟؟

بخليها هون و اذا بتحبني فعلا و اذا كانت بستاهل لقب حبيبة العميد ... بتستناني لحتا ارجع و حقق حلمي ..لانو حلمي هو حلمها ...

اقتباس:

اذا اجتك بنت وقالتك اني بحبك وانت ما كنت شايفنيومو حاسس فيني شو تعمل؟؟؟؟

بحاول شوف شو عندها وشو مشاعرها و بحاول اني حبها .. لانو مو كل يوم بنلاقي حدا يحبنا بصمت ... الحب الصامت من أقوى انواع و يستحق المحاولة ...

اقتباس:

لو كنت محل أوباما شو بتعمل حتى تحل الأزمة الاقتصادية

وقضية العراق وافغانستان؟؟؟؟؟

مشان الأزمة الاقتصادية بعبي كل شناتي الكونغرس دولارات و بهرب ...

قضية العراق ..بحاول اني الغي فكرة الطائفية و التقسيم و بلغي دور اي دولة با العراق و بمنع أي دولة من انو تتدخل فيه ...
أفغانستان : بنعش الاقتصاد و هي الخطوة الاهم و بخلي الشعب يعيش بسوية و بحاول ناقش كل مين عندو اي اعتراض لها الافكار ....

اقتباس:

اذا صادفت الرئيس بشار الأسد ماذا سوف تطلب منه اولا وماذا سوف تقوللللللله؟؟؟؟؟؟؟؟
على مسؤوليتي ثائر ولا يهمك عليك الأمان

انو يمنع النقل بين الجامعات السورية نهااااائيا .... ( يمكن الكل يعارضني بس انا هادا يلي ممكن قولو ) و بكل صراحة ...

اقتباس:

في حال أصبحت وزير البيئة وطٍٍُلب منك حل مشكلة التلوث في حمص

ماذا أنت بفاعل؟؟!!!!!!

ما بدي اعمل شي ..حومص هي جنة الأرض بتلوثها و هواها تبع المصفاية و ميتها النضيفة ..

ما في بعدك يا حمص ...

3a$õØöLê · **مرسل:** الاثنين نوفمبر 17, 2008 2:51 am

كأنو اجا دوري.. مع أنو ماضل أسئلة
بس أكيد مستغرب كيف لهلئ ماعملت وجبة أسئلة.. وحتى هي مو محسوبة يعني..

1- إزا كنت بدك تخطب البنت اللي بتحبا وإمك مو موافئة عليها بدون أسباب مباشرة شو بتعمل؟؟

2- إنتا إلت أنو لما تكون مدايئ بتلجئ لإنسانة مو سمعان صوتا ولا عندك ايميلا..
شو طريئة التواصل بينكون؟؟
وشو السبب اللي بخليك ترتحلا كل هالأد رغم في هالرابط الأوي بينكون؟؟
وكيف عرفتا؟؟

3- شو السبب الرئيسي اللي بتحطو لرسوبك بالبكلوريا بالسنة الأولى؟؟

4- صحي محد سألك.. كم طولك ووزنك؟؟

5- ليش بتعتبرني مشاكسة؟؟ هــــــــع

يلة حاج..يمكن انا من ضمن المجموعة صاحبة الأقل أسئلة..بس عندي شغل لفوء راسي

Maria Sharapova · **مرسل:** الاثنين نوفمبر 17, 2008 3:07 am

ثـــائـــر, اذا كان عندك صديقة عزيزة عليك كتيييير واثناء صداقتك معا حبيت رفيقتا وبعد فترة صار مشاكل بينك وبين حبيبتك وتركتا ***برايك؟؟؟؟؟؟؟؟؟ ؟؟؟ البنت اللي كانت صديقتك وصديقة حبيبتك لازم تقطع علاقتا فيك كرمال رفيقتا**او تحكي معك عادي بحكم انك انتتت(( صديقا ))من قبل .........................بمكن سؤالي صعب شوي بس plzجاوبني بصرااااااااااااااحة لانو جوابك بهمني كتييييييييييير

عبدالله · **مرسل:** الاثنين نوفمبر 17, 2008 3:09 am

أسيل,

اقتباس:
الإنتقام عند ثائر الغاضب لأي مرحلة ممكن يوصل؟؟ ممكن تهدم حياة شخص؟؟ ممكن تهدم بيت؟؟ ممكن تقتل ؟؟

اقتباس:
بصراحة و بدون ما حدا ياخد عني فكرة غلط ... انا اذا بدي انتقم بوصل لمرحلة اني احرق انسان ادام امو و هو عايش ....

أنا أصعب شي بشوفه وبحزن عليه هوي دمعة الأم سواء إن كانت غريبة أو قريبة وإنتي بتعرف إنو الأم أغلى ما عليها أولادها يا ترى إنتي مفكر أنو بها الحالة رح تحرق قلبه ولا قلب أمه ؟

هاد سؤال

سؤال تاني :يا ترى قلبك كيف بيطاوعك لتوصل لهل ماواصيل؟

سؤال تالت: حط حالك مكانه يا ترى شو بيكون شعورك وقتها ؟

أتمنى الإجابة تحيااااتي

ثـــائـــر · **مرسل:** الاثنين نوفمبر 17, 2008 3:17 am

3a$õØöLê,

اقتباس:

1- إزا كنت بدك تخطب البنت اللي بتحبا وإمك مو موافئة عليها بدون أسباب مباشرة شو بتعمل؟؟

بخطبها ... بصراحة يعني ... مو أمي يلي رح تعيش معها .. انا يلي رح عيش ..و امي لما رح تشوفني مبسوط و مرتاح رح تكون هي كمان مبسوطة و مرتاحة و رح ترضى

اقتباس:

2- إنتا إلت أنو لما تكون مدايئ بتلجئ لإنسانة مو سمعان صوتا ولا عندك ايميلا..
شو طريئة التواصل بينكون؟؟
وشو السبب اللي بخليك ترتحلا كل هالأد رغم في هالرابط الأوي بينكون؟؟

رسائل خاصة و مشان ترتاحي هي معنا هون با المنتدى ... و يمكن يلي بخليني ارتحلا هو انو هي انسانة خيالية بالنسبة الي ..يعني بحسها الانسان الصح يلي عايش جواتي و يلي بوجهني للطريق القويم ...

اقتباس:

3- شو السبب الرئيسي اللي بتحطو لرسوبك بالبكلوريا بالسنة الأولى؟؟

ارتكبت أكبر غلطة بعمري و هي اني تعلقت بإنسانة ماكان لازم اتعلق فيها .. و لهلأ عم ادفع التمن ....

اقتباس:

4- صحي محد سألك.. كم طولك ووزنك؟؟

طولي 173 و ووزني 70 يمكن ... صرلي زمان ما زنت حالي ...

اقتباس:

- ليش بتعتبرني مشاكسة؟؟ هــــــــع

لأنو انت هيك ... بس حبابة ..

ثـــائـــر · **مرسل:** الاثنين نوفمبر 17, 2008 3:27 am

Maria Sharapova,

اقتباس:

ثـــائـــر, اذا كان عندك صديقة عزيزة عليك كتيييير واثناء صداقتك معا حبيت رفيقتا وبعد فترة صار مشاكل بينك وبين حبيبتك وتركتا ***برايك؟؟؟؟؟؟؟؟؟ ؟؟؟ البنت اللي كانت صديقتك وصديقة حبيبتك لازم تقطع علاقتا فيك كرمال رفيقتا**او تحكي معك عادي بحكم انك انتتت(( صديقا ))من قبل .........................بمكن سؤالي صعب شوي بس plzجاوبني بصرااااااااااااااحة لانو جوابك بهمني كتييييييييييير

طيب ...رح جاوبك بصراحة و جواب كامل و با التفصيل ...

اذا كنتو انت و رفيقتك يلي كانت حبيبتو و هو عايشين ببيئة وحدة مثلا انو يعني بتدرسو بجامعة وحدة مثلا .. فأكيد لازم ما تحكي معو مع انو كان رفيقك قبل ما يكون حبيب رفيقتك .. بس تخيلي معي موقف رفيقتك لما رح تشوفك ماشي معو مثلا او لما رح يتصل فيكي ..هي ما رح تغار اكيد ..بس هي بها الحالة هاي رح يكون بدها شي ينسيها و انت عم تذكريها لما رح تحكي معو ادامها و تمشي معو ... لذلك انا بقلك انو تحكي معو و تتفقي انت واياه على ها الحكي و كرمال رفيقتك تبعدي عنو عا الاقل ادامها .. لانو لازم تضحي شوي كرمالها حتى لو كان صديق عزيز على قلبك ..
بتبقا هي رفيقتك ... و صدقيني ها الايام البنت منكم اذا لقت صديقة بكل معنى الكلمة تتمسك فيها و لا تضوعها من ايدها ... لذلك بعدي عنو ادامها ..
اما اذا كانت هي بعيدة عنكم و انت و هو سوا .. خليكم مع بعض و كأن شيئا لم يكن بس اياكي ثم اياكي .. انو تجيبي سيرتو ادامها و احرف اسمو الغيهم من قاموسك ادامها .. مشان ترتاح هي و تنساه ...

عبدالله,

يا سيدي انا لما بقرر اني انتقم من حدا .. بكون آذيني بأكتر من اني احرقو ادام امو ..

3a$õØöLê · **مرسل:** الاثنين نوفمبر 17, 2008 3:39 am

سؤال: عن شعورك بعد ماخلصت مجاوبة ع هالكم الهائل من الأسئلة؟؟ شو حاسس؟؟
بالله مو هم وانزاح؟؟
لازم كل فترة أسئلك عن شعورك بحسب الموقف هـــــــــــع

ثـــائـــر · **مرسل:** الاثنين نوفمبر 17, 2008 3:47 am

3a$õØöLê,

اقتباس:

سؤال: عن شعورك بعد ماخلصت مجاوبة ع هالكم الهائل من الأسئلة؟؟ شو حاسس؟؟
بالله مو هم وانزاح؟؟
لازم كل فترة أسئلك عن شعورك بحسب الموقف هـــــــــــع

اكيد هم و انزاح و المشكلة انو خايف انو يكون لسا في هجمات مباغتة الله يستر

جورج برناردشو 3 · **مرسل:** الاثنين نوفمبر 17, 2008 3:47 am

ثائر مابدي تقل عليك لوكان عندك رفقين متلي شورح تعمل ؟
بالمستقبل رح تعمل انت القهوة ام مدامتك المستقبلية ؟
شو موقفك تجاه مدير الموقع ؟
شو رأيك بالأعضاء ؟ شو رأيك بالشاعر جورج برنارد شو 3 العضو ؟
هل انت حقا عمكيد كلية الحب ؟
هل تفاعلت مع قصائدي ؟
ما كترت عليك شكرات

LATEST_POSTS

اللهم لا شماته .... ثـــائـــر على كرسي الاعتراف جالساً !!

الموجودون الآن