اليوم Z-r-11 على كرسي الاعتراف

Raghad · **Posted:** Tue Oct 21, 2008 2:14 am

z-r-11,
*Hi

مررررحبن

أنا حابة آخد بالتار من ورا قعدتي عالكرسي بزماني :mrgreen:

وما رح تروح غير عليك :mrgreen:

هلأ رح أسألك سؤال واحد بس وبعدين بكفي *ممم

وما لحقت اقرا كل شي انسأل بس بدك تجاوب *hh

ما هو الشيء الذي ندمت عليه ندما" شديدا" أنك لم تفعله في حياتك *ممم

ويا ترى إذا سنحت الفرصة هلأ بتساوي او لاء :mrgreen:

هي نص بالفصحى ونص بالحموي :mrgreen:

جاوب عاد

z-r-11 · **Posted:** Tue Oct 21, 2008 2:22 am

Ruba,

Quote:

صباح الخير أنس

حبيت إني شارك بكم سؤال بتمنى يكونو خفاف

صباح النور اهلا و سهلا

Quote:

1- على إعتبارك شب بمجتمع عربي مو حلها بقا هالشباب العربي بشكل عام إنن يعملو شي لحتى تفيق هالأمة من هالسبات العميق ؟ و برأيك شو أول عقبة لازم نعمل على إزالة من طريقنا ؟

ابل ما نشوف اخطاء حدا لازم نطلع ع حالنا و نشوف شو في اشيا غلط فينا و نعمل على تصليحها بعدين بتفضى عاد لحل مشاكل الفئات الاخرى لانو نحن الشباب بنشكل فئة كبيرة من الامة ان لم نكن الاكبر :roll:

و ما فينا نحصر شي و نعتبره انو عقبة اولى او اكبر لانو كلو عم يجر كلو بس اذا قصدك الاساس رح يكون اساس مشاكلنا هو ابتعادنا عن عاداتنا و تقالدينا و دينا

Quote:

2- بتشوف طريقة تربية أهلك إلك صحيحة ؟ و للمستقبل , كلنا بنعرف إنو كل عيلة بتحط أساس معين لتربية ولادها شو هو الأساس اللي رح يربي عليه أنس ولادو؟

والله اهلي عملوا الي عليهن و تعبو فيني و خصوصي اني وحيدن *hh

و انا علي عاد كمل ببناء حالي و شوف شو الصح و اعملو و وين الغلط و بعد عنو
و ان شالله ناوي اتبع نفس الاسلوب بتربية ولادي

Quote:

3- بتفضل زوجتك تكون موظفة أو بيكفي تكون ست بيت ؟

عاد ما بتفرق بس بفضل تكون ست بيت كل همها تدبير شؤون الهاوس :mrgreen:

و العناية بولادها و تدليل زوجها *sla

Quote:

4- إنتو شلة بالمنتدى ؟ ممكن تذكر الأسماء .. و ياريت توصف كل شخص من هالأشخاص بكلمة هو صح كلمة رح تكون قليلة ... بس أحيانا كتير بتكفي ... و إذا حبيت تهدي هالأشخاص أغاني شو بتهدي كل واحد ؟

اييييييييه شلة كبيرة و مسمين حالنا شلة السعادة و تتألف من (مع الوصف بكلمة):
انا (ما رح احكي عن حالي

),عبدالرحمن (البريء) ,شادي (الغائب), عصام(حباب) ,ثائر (شاعرنا),شريف(الفطحل هع),احمد (enegma) (ملك التركس ),عبدالرحمن (lovewhisper) (الكول), نزار (sweet) (العكيد) ,عبدالله (كمان بريء) :mrgreen:

وبقلن يا رب تدوم ايامنا سوا :mrgreen:

Quote:

5- شو هو الشي اللي كل ما إجتمعت الشلة بتحكي عنو ؟ يعني ضروري بكل قعدة تجيبو سيرتو ؟ ما تقلي الطابة شي غيرها

طبعا دايما عن تحاور و نتحادث
اممم غير الطابة بنحكي عن الدراسة و الكمبيوتر و كتير شغلات تانية يعني مافي شي محدد بس عالاغلب عن الطابة :mrgreen:

Quote:

6 - للصراحة بتقضي وقت المحاضرة منتبه للدكتور أو بتصير تحكي مع رفقاتك و تشاغب ؟

حسب الدكتور و المحاضرة بس عالاغلب لا ما بكون منتبه و بكون عم نتاقش مع الشباب عن مبارة مبارح او شي مبارة لبكرا :mrgreen:

Quote:

شكرا أنس ...

العفو و استمتعت بالرد على اسئلتك الظريفة

z-r-11 · **Posted:** Tue Oct 21, 2008 2:51 am

Hiba.Sh,

Quote:

انا اليوم بس بدي إسألك 3 أسئله..

ايه ممتاز

Quote:

1- شو يعني z-r-11, ؟؟ ليه اخترتو هيك؟؟

جاوبت عليه من قبل و الجواب هو نسبة للاعب البايرن ميونخ زي روبيرتو

Quote:

2-كام ولد وبنت خاطرك يكون عندك بعد ما تتزوج إن شالله..؟؟

الحمدلله شو ما اجا بس بتمنى اول شي يجيني صبي واحد بعدين كلو بنات و ما بهم اديش عددن :mrgreen:

Quote:

إذا فقت بنص الليل و ما عرفت تنام شو بتعمل؟؟

بفوت عالنت بس هالحالة ما عاد صارت معي لانو انا اقل شي بنام شي 2 الصبح يعني ما رح فيق بنص الليل :mrgreen:

يلا مستني دفعاتك القادمة :mrgreen:

بــانــة,

Quote:

هو صحيح حرقتلي قلبي من الأسئلة العاصفة اللي عم تتهافت عليك كما وكيفا . بس ما بخفيك ما قدرت مر بجانب كرسيك وما اطرح عليك كم سؤال

اهلا و سهلا فيكي و بأسئـلتك

Quote:

1- هل تحتفظ بذاكرتك بتاريخ معين ؟ ما رح أسالك ما هو ؟ ولكن ما هي القصة أو الحادثة المرتبطة به ؟

ايه محتفظ بتاريخ استلامي لشهادة البكالوريا و معرفة علامتي لانو صادف بنفس اليوم عيد ميلادي ب14/6

Quote:

2- كتير ونحنا قاعدين بتجي على راسنا أفكار وتساؤلات غريبة عجيبة , بعضها يكون وكأنه شيطاني ... هل سبق وحدث ذلك معك ؟
إذا كان جوابك نعم .. فما هي تلك الأفكار والتساؤلات وهل حاولت أن تبحث وراءها لتجد أجابات منطقية لها ؟؟

يعني بتسأل احيانا انو كيف من زمان يعني من قرون كانو عايشين بدون تكنولوجيا و هالشغلات الي طالعة هلأ و بدون كرسي الاعتراف هاد :mrgreen:

بس ما بعتئد انو هالتسؤلات غريبة بس الاحساس الي بنحسو اذا حطينا حالنا محلن بحد ذاتو غريب

Quote:

3- انت مع أو ضد ما يلي ... وليش ؟
أ- حكم الإعدام .
ب - وهب الاعضاء بعد الموت .
ج- القتل المتعمد تحت ما يسمى "غسل العار "

أ. شنقاً او عكرسي الكهربا فنعم ضد :mrgreen:

ب. اذا فيها انقاذ لحياة شخص رح كون مع
ج. ضد لانو الله الي بحاسب عبادو ما نحن :wink:

بــانــة, اهلا و سهلا فيكي

3a$õØöLê,
اهلا و سهلا باك

Quote:

حاسة رح يجيني قصف..الله يستر..مابعرف شو نوع الكرسي (كلمة كهربا أليل عليه هــع)
عم تجهز من هلئ

اقل ما يقال عنه انه كرسي كهربا :wink:

Quote:

1- إزا وحدة اجت وآلتلك إنا بتحبك شو بتعمل؟؟

رح اتفاجئ طبعا و اذا بحبها بئلها و انا كمان و اذا لأ رح اشرحلا عن الوضع و بحاول اد ما فيني ما اجرحا :mrgreen:

Quote:

2- لما سافرت وكنت عم تودع أهلك..شو كانت ردة فعلك؟؟

والله بصير بدي ابكي بلحظة عم شوف امي عم تبكي بحاول طري الجو بس ما بقدر و بنصرف و حابس بعيني دمعة :roll:

Quote:

3- ممكن تبكي بسرعة ولادموعك مابتنزل إلا أليييل وع شي مهم كتير؟؟

وئت كون مئهور بجي عبالي ابكي بس اليل ما ابكي فعلا

Quote:

4- لما تتخانئ مع حدا بتحبو كتير شو بتعمل؟؟

بستنى ليطرى الجو شوي و بعتذر منو حتى لو ما كنت غلطان بس كرمال ما اخسر هالشخص

Quote:

ماعاد في شي هلئ ببالي أفلت

كلو عم يتسجل :evil:

ناطر رجعتك

Raghad,

Quote:

مررررحبن أنا حابة آخد بالتار من ورا قعدتي عالكرسي بزماني وما رح تروح غير عليك

مرحبتيييييين
ايه والله شايفة ما رح تروح غير علي

Quote:

هلأ رح أسألك سؤال واحد بس وبعدين بكفي وما لحقت اقرا كل شي انسأل بس بدك تجاوب

ايه امرك

Quote:

ما هو الشيء الذي ندمت عليه ندما" شديدا" أنك لم تفعله في حياتك ويا ترى إذا سنحت الفرصة هلأ بتساوي او لاء
هي نص بالفصحى ونص بالحموي جاوب عاد

امممم والله كان ابي طالع عالعمرة من سنتين و على اساس نطلع سوا بس كنت يومها باكلوريا فما صحلي
و اذا صحتلي هلأ ما بدها وقفة الشغلة مباشرة بضب غراضي و بلبس هالابيض :mrgreen:

Raghad, نورتي

شادي · **Posted:** Tue Oct 21, 2008 1:36 pm

انووووس

رجعتلك يا حبيبي بعد الفراق والعذاب ؟ <<< كنك شاطر تعرف لمين هالغناي رح قربلك اياها مشان ما تتعقد الي بيغنيا اسما اسمهان يلا جاوب ع السؤال :mrgreen:

طيب هي كام سؤال لاحلى انس و ما رح اقتصد هالمره بالاسئله

1- اذا حسيت حالك عم تعمل شي ع حساب شي تاني شو بتعمل ؟

2 - ايمت بتحس العمر ممكن يأثر على علاقاتنا مع غيرنا يعني ايمت بتحدد بقاء
صداقتك او حبك لشخص على اساس العمر ؟

3 - شو هيي فوائد التفاح الاخضر بالسنبه لمرضى القلب ؟ <<< :mrgreen:

مع اني ما بعرف الجواب

( السؤال الي فوق مشان طري الجو بس ) هلق سؤالي رقم 4- شو جواب السؤال رقم 3 :mrgreen:

5- كتوب اسماء 5 اشخاص بتعرفون وكتوب شو الصفه الي عندون اياها وبتتمنى انك تكتسبا منون ؟

6 - شو الكتاب الي حابب تقراه ولسه ما قريته غير كتبك المقرره عليك ؟

7 - اكيد الواحد بيكتسب من والده كتير صفات فشو الصفات الحلوه الي اكتسبتا منو (وطبعا ما حدي كامل ومعصوم عن الخطأ الله يخليكون لبعض ) فاذا في شي سلبيه اكتسبتا كمان شو هيي ؟

8 - رح حط ها لسؤال لاني ما بحب الارقام الفرديه :mrgreen:

شو ماركة التياب المفضله عندك ؟

انس ترى كنا انا وعبد الرحمن سهرانين وما نمنا فلهيك حاسس حالي
حششت شوي لا تواخذني
:mrgreen:

و الله يوفقك بدراستك وسلم ع شلة السعاده من صوبك *ورود

بانة · **Posted:** Tue Oct 21, 2008 2:08 pm

ما طالت غيبتي كتير بعرف بس هيك حبيت إرجعلك

فيما يلي مقتطفات من أغاني , المطلوب منك إنك كل أغنية من الأغاني هالموجودة تكتبلنا لمين ممكن توجهها ........ أوكي

1- ممنونك انا عالبعد ممنوك .
2-أخاف ان تمطر الدنيا ولست معي .
3-كن صديقي .
4- الله معه .
5- صبري عليك طال .
6-لو ما بتكذب .
7- ما بدي قللك شو بني .

love whisper · **Posted:** Tue Oct 21, 2008 8:34 pm

جنت على نفسها براقش :cry:

فيرست شوهو مفتاح قلبك :?:

سيكوند مع أني معك هالفترة بس ما عم أفهمك شو السبب :?:

ثيرد أحيانا بلاقيك شرير :evil:

.......... أنت نعسان ولا نعسان :!:

جاوب على الأسئلة الصغيرة هي بعدين منشوف

z-r-11 · **Posted:** Wed Oct 22, 2008 12:06 am

شادي,

Quote:

انووووس

ابو الشيييييييييد :mrgreen:

Quote:

رجعتلك يا حبيبي بعد الفراق والعذاب ؟ <<< كنك شاطر تعرف لمين هالغناي رح قربلك اياها مشان ما تتعقد الي بيغنيا اسما اسمهان يلا جاوب ع السؤال

عجزت بس ليكو نزار جمبي عم يقلي اسمهان عاد مدري شو عرفو فيها :mrgreen:

Quote:

طيب هي كام سؤال لاحلى انس و ما رح اقتصد هالمره بالاسئله

حيك والله انت ما بتقصر :mrgreen:

Quote:

1- اذا حسيت حالك عم تعمل شي ع حساب شي تاني شو بتعمل ؟

بحاول ارجع وازن و شوف بشو مقصر بالشي التاني و بعملو و بخلي هالشي الي اخد زيادة عن حقو على الهولد :mrgreen:

Quote:

2 - ايمت بتحس العمر ممكن يأثر على علاقاتنا مع غيرنا يعني ايمت بتحدد بقاء
صداقتك او حبك لشخص على اساس العمر ؟

اممم ما بعتئد انو العمر رح يأثر على علاقتي مع شخص مقرب الي لانو لو بدو يأثر كان اثر من الاول و ما كانت علاقتنا صارت بهالقوة

Quote:

3- شو هيي فوائد التفاح الاخضر بالسنبه لمرضى القلب ؟ <<< مع اني ما بعرف الجواب

اممم ولا انا بعرف بس بعرف شو فوايدو لعلاج تساقط الشعر :mrgreen:

Quote:

( السؤال الي فوق مشان طري الجو بس ) هلق سؤالي رقم 4- شو جواب السؤال رقم 3

Quote:

اممم ما بعتئد انو العمر رح يأثر على علاقتي مع شخص مقرب الي لانو لو بدو يأثر كان اثر من الاول و ما كانت علاقتنا صارت بهالقوة

Quote:

5- كتوب اسماء 5 اشخاص بتعرفون وكتوب شو الصفه الي عندون اياها وبتتمنى انك تكتسبا منون ؟

انت (الحكمة)بس لا تشوف حالك هلأ :mrgreen:

عبوود(البراءة) :mrgreen:

احمد enegma مهارة الحساب عالسريع
شريف (حب الدراسة و الدح) :mrgreen:

نزار (الرقص الشيخاني ) :mrgreen:

Quote:

6 - شو الكتاب الي حابب تقراه ولسه ما قريته غير كتبك المقرره عليك ؟

لا تحزن تبع عائض القرني الو منزلو شي مليون سنة و لسة ما صحلي اقراه

Quote:

7 - اكيد الواحد بيكتسب من والده كتير صفات فشو الصفات الحلوه الي اكتسبتا منو (وطبعا ما حدي كامل ومعصوم عن الخطأ الله يخليكون لبعض ) فاذا في شي سلبيه اكتسبتا كمان شو هيي ؟

طبعا متل ما بئولوا الابن سر ابيه و انا تعلمت كتير شغلات من ابي و خصوصي انو هو قدوتي و رح اذكر قليل من هالشغلات الي تعلمتن من ابي: الحساب لقدام ,اني فكر منيح ابل ما اقدم على اي خطوة ,اد ما درست ما رح اخسر شي بالعكس كل شي بتعلمو جديد رح يفيدني بالمستقبل اممم هاد الي طلع معي هلأ

Quote:

8 - رح حط ها لسؤال لاني ما بحب الارقام الفرديه شو ماركة التياب المفضله عندك ؟

زارا و لي كوبر

بس ما لقيت منن بحمص للاسف :mrgreen:

Quote:

انس ترى كنا انا وعبد الرحمن سهرانين وما نمنا فلهيك حاسس حالي
حششت شوي لا تواخذني

اييييييييه ما في داعي تقلي من اجتمع حدا من اعضاء شلة السعادة كلو بيصير خارج التغطية :mrgreen:

Quote:

و الله يوفقك بدراستك وسلم ع شلة السعاده من صوبك

و اياكم يا رب و سلامك واصل ان شالله
موفق حبيبي

z-r-11 · **Posted:** Wed Oct 22, 2008 1:02 am

بــانــة,

Quote:

ما طالت غيبتي كتير بعرف بس هيك حبيت إرجعلك

اهلا و سهلا فيكي *sla

Quote:

فيما يلي مقتطفات من أغاني , المطلوب منك إنك كل أغنية من الأغاني هالموجودة تكتبلنا لمين ممكن توجهها ........ أوكي

يلا

Quote:

1- ممنونك انا عالبعد ممنوك .

ما بهديها لحدي
ان شالله ما يبعد حدا عني

Quote:

2-أخاف ان تمطر الدنيا ولست معي .

لتوأم روحي

Quote:

3-كن صديقي .

للزمن الجميل

Quote:

4- الله معه .

بهديها لحبيبة صديقي بوجهلو تحية :wink:

Quote:

5- صبري عليك طال .

للدراسة

Quote:

6-لو ما بتكذب .

لـثــائــر :mrgreen:

Quote:

7- ما بدي قللك شو بني .

كمان متل التانية لتوأم روحي

3a$õØöLê · **Posted:** Wed Oct 22, 2008 1:22 am

بـــــــــاكوو أنا مع هــــــــع كبيرة(لزيادة المحبة والمودة ولتعطف عليي هــع)

اي هلئ عندي بس سؤال واحد خاطرلي

إزا ماطلعت أنا بعدك ع الكرسي..شو رح تعمل بالحساب اللي مخبيلي ياه كلوو؟؟ وشو رح يكون شعوورك؟؟ :mrgreen:

شريف · **Posted:** Wed Oct 22, 2008 2:23 am

احلى انووووووس والله
والله حارقلي قلبي بس ما فيني ساعدك
لذلك رح ساعدون :mrgreen:

أول شي حابب اتشكرك على وصفك الي (فطحل- بيحب الدراسة- والدح :oops:

)
لذلك عندي هالسؤال
1-ما عم تضيعلك وقتك هالمحاكمة :mrgreen:

؟
على نمط اسئلة بانة لانها عجبتني تبع مع أو ضد لانها مثيرة للجدل:
2-هل انت مع الموت الرحيم(قتل شخص متألم ولا يستطيع الطب مساعدته)؟
3-شو هيي الصفات يلي ما بتحبها بكل شخص بالشلة وبتتمناه يغيرها؟
4-ومين اقرب شخص الك من الشلة بعدي اكيد :mrgreen:

؟
5-اي فصل من فصول السنة بتحبها وليش؟
صحي كل سؤال من ديرة بس كنت نعسان وما عم يطلع معي شي :mrgreen:

لا تواخذني
*ورود

Latest Posts

اليوم Z-r-11 على كرسي الاعتراف