دعوة لحضور مناقشة رسالة الماجستير (الخميس القادم!)

Naim Kishi · **مرسل:** الأربعاء أغسطس 13, 2008 12:20 am

[align=center]تتشرف كلية الآداب والعلوم الإنسانية – جامعة البعث
بدعوتكم لحضور مناقشة رسالة الماجستير التي أعدتها
الطالبة في قسم اللغة الإنكليزية

هبة كيشي

بعنوان:

دراسة نقدية للحب وعناصر الطبيعة
في مجموعة سونيتات لسبنسر وشكسبير من منظور التحليل النفسي

A Psychological Study of Love and Elements of Nature in Spenser's Amoretti and Shakespeare's Sonnets

بإشراف الدكتور عبد المجيد جانسيز

لجنة الحكم والمناقشة:

د. محمد حلمي الأحمد عضواً
د. منذر عبسي عضواً
د. عبد المجيد جانسيز مشرفاً

وذلك في تمام الساعة الثانية عشر ظهراً من يوم الخميس القادم 14/8/2008
في قاعة الندوات والمحاضرات – كلية الآداب – الطابق الأول

الدعوة عامة

[/align]

Widad · **مرسل:** الأربعاء أغسطس 13, 2008 12:24 am

Naim Kishi,
قرأت الإعلان اليوم بالجامعة بتعرف توقعت تنزل الإعلان

يا أخي الدم بيحن

موفقة أخت هبة بتمنالك التوفيق وعئبال الدكتوراه

Tami · **مرسل:** الأربعاء أغسطس 13, 2008 12:49 am

Naim Kishi,
بالتوفيق ان شاء الله لهبة...ان شاء الله عقبال المراتب الأعلى...
و اذا اقدرت رح احضر ان شاء الله...

Raghad · **مرسل:** الأربعاء أغسطس 13, 2008 12:57 am

Naim Kishi,
بتمنى التوفيق من كل قلبي للأخت هبة

ما شاء الله عليها
شكرا" نعيم عالإعلان ان شاء الله بحاول إجي أنا كمان

غانم · **مرسل:** الأربعاء أغسطس 13, 2008 6:50 pm

ان شاء الله موفقة الاخت هبة

وان شاء الله منشوفك بالمراتب الاعلى دائما

وان شاءالله راح يكون النا الشرف ونحضر المناقشة

LYLA · **مرسل:** الأربعاء أغسطس 13, 2008 11:53 pm

إن شاءالله موفقة ..
يعني أنا بدعيلك من كل قلبي إلك و لكل بنت عربية أن توصل لهل المرتبة و لهل المستوى ..

حاولت مرة سابقة أن احضر مناقشة ماجستير بس قالولي انو بس للاختصاصيين ..يعني هل المرة إنشاالله يسمحولي كطالبة سنة ثانية..
كتيييير فرحانة !

Naim Kishi · **مرسل:** الخميس أغسطس 14, 2008 1:18 am

Widad, Tami, Raghad, غانم, LYLA,

شكرا الك جميعا ..
بالمناسبة يمكن مالكل بيعرف بس هبة بتكون اختي الكبيرة

بالنسبة لبرنامج المناقشة رح يكون تقريبا على هالشكل

1- حوالي ربع ساعة شرح من الطالبة عن الرسالة
2- مداخلة من لجنة الحكم حول الرسالة وملاحظات شخصية لكل دكتور حول الرسالة
3- باقي الوقت يتم فيه توجيه اسئلة من قبل اللجنة و الإجابة عنها من قبل الطالبة
وفي النهاية يتم اعلان النتيجة مع الدرجة
تقريبا المناقشة ستستغرق ساعتين

اقتباس:

حاولت مرة سابقة أن احضر مناقشة ماجستير بس قالولي انو بس للاختصاصيين ..يعني هل المرة إنشاالله يسمحولي كطالبة سنة ثانية..
كتيييير فرحانة !

لا الدعوة عامة اي شخص ممكن يحضر اكيد

LYLA · **مرسل:** الجمعة أغسطس 15, 2008 4:19 pm

اليوم معي وقت ..و لو كنت متأخرة شوي ..بس حابة قول ألف مبروك ل هبة

كلنت البارحة رائعة ..بس كتير هادية

يعني أنا قول هلأ بدا تعصّب ..بس الحمدالله كان معها صبر لتتحمل هاالسعتين و نص ..
ألف مبروك و عقبال ما يطلعلها شي بعثة انشالله لتكفي و تاخد الدكتوراة ..
عقبالي

بس في عندي طلب صغير..ما بعرف إذا في مجال تذكر اسم كتاب لفرويد أو حتى لأحد تلاميذه بالانكليزي طبعاً لأني كتير حابة اطلع عل المجال و أنا قد قرأت كتاب (الانتصارات المذهلة للتحليل النفسي ل د.بيير داكو)عن ذلك بالعربي ..فإذا في مجال تذكرلي واحد و كيف فيني احصل علي عن طريق الانترنت لأني بعرف أنو في كتير مكتبات عالمية إلها مواقع مجانية على النت .و إذا كان معي اسم الكتاب بكون أكيد البحث أسهل..

Maya · **مرسل:** الجمعة أغسطس 15, 2008 7:54 pm

Naim Kishi,
مبرووووووووووووووك لهبة وعئبال الدكتوراة يارب

اطروحة حلوة ومناقشة رائعة
الحلو انو المصطلحات نفسها بين الفرنسي والانكليزي
عئبالك نعيم

Widad · **مرسل:** الجمعة أغسطس 15, 2008 8:14 pm

Naim Kishi,
بالفعل نعيم هبة كانت روعة بالمناقشة كمان صحي ما ني كتير بالإنكليزي بس المصطلحات الأدبية مشتركة تقريبا وبالفعل أثبتت قوة شخصية بس أبشع شي إنو بدها تحكي خلال أقل من نص ساعة عن كتاب أو مشروع حضرتلو ,وكمان اللجنة كتير كتير عذبتها جد الله يعينها بس فعلاً بلأخير حصلت على درجة الماجستير بعد مناقشة دامت ساعتين ونص و بتقدير جيد جداً وبعلامة قدرها 84

إنو ليش مو 85,ما يئوم مشان الفاصلة يلي نكشلها ياها الدكتور حلمي ويلي كانت سقطت سهواً بتوقع عن طريق الطباعة لأنها بتصير كتير ,اتصوروا الفاصلة حاسبوها عليها

بهنيكي من كل قلبي مرة تانية هبة وعئبال الجميع ,جد لحظة إعلان النتيجة كانت لحظة مؤثرة كتير كتير وأكيد بهني أهلها وأخوها نعيم وبقلو عئبال عندك يارب

LATEST_POSTS

قوانين المنتدى

دعوة لحضور مناقشة رسالة الماجستير (الخميس القادم!)

الموجودون الآن