آرتين لتعليم اللغات
https://forum.art-en.com/

الــيــوم unknown عــلــى كــرســي الاعــتــراف
https://forum.art-en.com/viewtopic.php?f=82&t=17564		 Page 1 of 4
Author:  ثـــائـــر [ Mon Jul 27, 2009 3:47 am ]
Post subject:  الــيــوم unknown عــلــى كــرســي الاعــتــراف
خلصت أيام Hidding Rose على كرسي الاعتراف يلي بقيت استثنائيا اسبوعين بسبب الاعطال يلي واجهت آرتين و النت ... و هادا الأسبوع عنا عضو  هو بالأصل مانو معروف .. عدد مشاركاتو  كبير .. بس مع هالشي مانو معروف ... و اسمو غير معروف ... يعني مجهول الهوية .. لكن بعد هالكرسي رح يصير معروف ...  و يلي هو ...

unknown

و هي أحلى كرسي من انتقاء  صديق الضحية  .. عبيدة  ...  :mrgreen:

Sorry, you have to register to see the link If you are a member, just sign in


1- اسمك الحقيقي  و عمرك و دراستك ؟؟
2- ليش اخترت انك تكون  unknown
3- عدد أفراد عائلتك ؟
4- من هذا المنتدى من اقربائك ؟
5- أكتر قسم بتحبو وليش ؟
Author:  unknown [ Mon Jul 27, 2009 4:43 am ]
Post subject:  الــيــوم unknown عــلــى كــرســي الاعــتــراف
يسلمو ثائر عنجد احلى كرسي ..وبعدين احسابي مع عبيدة..
طيب..شكراً لكل واحد صوتلي وحابب يتعرف عليي..

Quote:
1- اسمك الحقيقي  و عمرك و دراستك ؟؟

جمال 18 سنة نجحت بالبكالوريا بعلامات بتشرف بكل معنى الكلمة..بس الحمدلله علامتي الانكليزي عالية ورح فوت على علامة الاختصاص ان شاء الله ..

Quote:
2- ليش اخترت انك تكون  unknown

هادا أصعب سؤال ممكن حدا يسألني يا..بس خلينا نقول في كتير أسباب..(بتمنى مايتكرر السؤال)..

Quote:
3- عدد أفراد عائلتك ؟

3 أنا وماما وأخويي الأكبر مني

Quote:
4- من هذا المنتدى من اقربائك ؟

أخويي بس مارح قول اسمو بركي هو مابدو ..

Quote:
5- أكتر قسم بتحبو وليش ؟

 ارتين كافيه ..لأنو أكتر شي بيسليني وحلو
Author:  Python [ Mon Jul 27, 2009 4:57 am ]
Post subject:  الــيــوم unknown عــلــى كــرســي الاعــتــراف
unknown,  
ما بعرف شو بدي قول الف مبروك ولا يجعلها اكبر المصايب  :)  :)  :)
بعدين شو هدا الكرسي ؟؟؟ يا إلهي  :shock:  :shock:
وفي عندي سؤال صصغغغييير ؟؟؟  ما بدي احرجك
مين اللي إلو الفضل الكبير بحياتك؟ وليش,,.؟
*1  *1  *1  *1  *1  *1
Author:  سليمان الحسن [ Mon Jul 27, 2009 4:13 pm ]
Post subject:  الــيــوم unknown عــلــى كــرســي الاعــتــراف
unknown,  
انشاء الله بتكون مرتاح عالكرسي :mrgreen:
اسئلتي:1-هل الشيئ الغير معروف صعب المنال ويبقى غير معروفا بنظرك؟
2-هل الفتيات بنظرك سهلات المنال بنظر الرجال ام الرجال سهلين المنال بنظر الفتيات(من الناحية العاطفية) ام لا هذا ولا ذاك؟
3-هل جربت الانتقام بغض النظر عن طريقته او سببه؟

وشكرا لك ولثائر *1  *1
Author:  سحر [ Mon Jul 27, 2009 6:03 pm ]
Post subject:  الــيــوم unknown عــلــى كــرســي الاعــتــراف
ايييييييه شو هالكرسي متوصي فيك على الأخر

يا محلا الخواريف :mrgreen:  وماحلى ريحتهم

اسئلتي حلوة كتير  كتير
ليش اسمك هيك انون

شو هي أكلتك المفضلة؟

وقت بتكون معصب او دايقة خلاقك مازا تفعل :mrgreen: ؟
من اقرب شخص الك من عيلتك؟

شو هي البلد الي قدرت نزورها؟

ما رأيك بهذه الحكمة اذا لم تكن ذئبا ف أنت حيوان أخر؟

شو رايك بقيادة الفتاة للسيارة؟

شو بتتمنى تغير بحالك اذا قدرت؟

باي مدينة انت؟

شو رأيك ب آرتين وفارس؟ بلا تمسيح جوخ ها :evil:  :mrgreen:
*خوف

هذا كان الموجز
:mrgreen:
Author:  LILAC [ Mon Jul 27, 2009 8:36 pm ]
Post subject:  الــيــوم unknown عــلــى كــرســي الاعــتــراف
unknown
مبروك الكرسي
يمكن صار لازم تغير اسمك بعد هلا
لانك عقولة ثائر رح تصير known
اسئلتي
لونك المفضل؟
اكتر سنة او فترة كانت مميزة بحياتك و اكتر سنة سيئة؟
شو بتعمل باوقات فراغك؟
شو نوع موبايلك؟
بتحب السفر ؟اذا اي ,اي بلد بتحلم تسافر عليه وليش؟
قديش نمرة رجلك؟ :mrgreen:
شو اكتر مادة كنت شاطر فيها بالمدرسة؟

سؤالي الاخير بتمنى تتخيل حالك عنجد بالموقف و تجاوب  بصراحة
اذا كنت ماشي بغابة لحالك وطلعلك ذئب بنصف الطريق شو بتعمل
1-بترجع وما بتكفي الطريق
2-بتحاول تقتل الذئب
3- بتحاول تكفي الطريق من دون ما تخلي الذئب ينتبه عليك
يالله حاجتك هدول انشالله مايكونو تقيلين دم عليك
 *1  *1
Author:  خالد الهبل [ Mon Jul 27, 2009 10:28 pm ]
Post subject:  الــيــوم unknown عــلــى كــرســي الاعــتــراف
جمال..
أخي الكريم
أنا عندي سؤال واحد وبدي وضحو أول شي بعدين بطرحو...
هلأ في جان منيح وجان سيء متل البشر تماماً بس نحنا لأننا ما نشوف الجان وما بنعرف عنو شي نضل مرتابين وخايفين منو....
بما أنك أن نون من أول ما فتت عالمنتدى لقبل هالموضوع أنا شخصيا انتابني شعور غريب تجاهك فيك تقول نوع من الرهبة أو الخوف لذلك بصراحة كنت دائما أتحاشى أني أرد على مواضيعك ولما بشوف إلك رد على مواضيعي بقول بقلبي يا ساتر..ههههه
طيب سؤالي..
هل أنت بالطبيعة انسان بيخوف؟؟ غامض؟؟ وحداني, تحب العزلة؟؟ يعني بطبيعتك أنت شرس فينا نقول؟؟
بصراحة ها؟ ههههههه
ما تواخذني على هالسؤال البايخ بس هاد احساسي بصراحة..
Author:  أنس الدالي [ Mon Jul 27, 2009 10:29 pm ]
Post subject:  الــيــوم unknown عــلــى كــرســي الاعــتــراف
unknown,   *1
مبروك الكرسي ولنا عودة أكيدة ان شاء الله
مع التمنيات بعدم رفض أي سؤال يتوجه لك
*1  *1  *1
Author:  unknown [ Tue Jul 28, 2009 3:32 am ]
Post subject:  الــيــوم unknown عــلــى كــرســي الاعــتــراف
Python,   *1
سؤالك مانو محرج والجواب.. أكيد ماما لأنها كانت أب وأم بالنسبة قلي وانا من دونها ولا شي..

sleman alhasan,   *1
Quote:
1-هل الشيئ الغير معروف صعب المنال ويبقى غير معروفا بنظرك؟

الشي الغير معروف.. سهل المنال لانو واقع ومكتوب قبل مايصير(اذا هيك كان اصدك مابعرف) ..والنص التاني مافهمتو؟
Quote:
2-هل الفتيات بنظرك سهلات المنال بنظر الرجال ام الرجال سهلين المنال بنظر الفتيات(من الناحية العاطفية) ام لا هذا ولا ذاك؟

هيك صح وهيك صح ..بتوقع الطرفين هيك بيفكرو..
Quote:
3-هل جربت الانتقام بغض النظر عن طريقته او سببه؟

أكيد لاء ..
سحر,   *1
Quote:
ليش اسمك هيك انون

(قصة طويلة)..و لأنو هيك اكتر شي مناسب لشخصيتي..
Quote:
شو هي أكلتك المفضلة؟

الرز..
Quote:
وقت بتكون معصب او دايقة خلاقك مازا تفعل  ؟

اذا معصب.. بطلع من البيت أو بحاول هدي حالي ..اذا دايق خلقي بتسلى بأي شي..
Quote:
من اقرب شخص الك من عيلتك؟

ماما أو جدي
Quote:
شو هي البلد الي قدرت نزورها؟

ولا شي كلشي بعرفو حمص حماه حلب :cry:
Quote:
ما رأيك بهذه الحكمة اذا لم تكن ذئبا ف أنت حيوان أخر؟

أول مرة بسمع هيك شي ..بس أكيد صح.. وللاسف الارانب صارت أكتر من  الذئاب ..والذئاب ماكانت تشبع..(وياريت فيني وضح أكتر)
Quote:
شو رايك بقيادة الفتاة للسيارة؟

عادي ..وين المشكلة..
Quote:
شو بتتمنى تغير بحالك اذا قدرت؟

ولا شي ..
Quote:
باي مدينة انت؟

حماه
Quote:
شو رأيك ب آرتين وفارس؟ بلا تمسيح جوخ ها   


له يا سحر أنا شو عاملك هيك سؤال ممكن يكلفني عضويتي :lol: ..
..ارتين ممتاز وحلو  وتعودت عليه كتير ومافي شي غيرو في الا اذا بطل يعطل كل أترة والتانية..بالنسبة لفارس مابعرف شي عنو بتمنى السنة الجاية أتعرف عليه..وبجهلو تحية ..
LILAC,   *1  
Quote:
لونك المفضل؟

أزرق ..وبالنسبة للبس أسود ..
Quote:
اكتر سنة او فترة كانت مميزة بحياتك و اكتر سنة سيئة؟

المميزة ..السنة الماضية ..(لأنو صار معي كتير شغلات حلوة)..أكتر سنة سيئة
يلي قبلها..(..)..  
Quote:
شو بتعمل باوقات فراغك؟

بالنادي.. بس هلئ رجلي واقع عليها ف بالبيت أنا دائماً (تقريباً) :wink:
Quote:
شو نوع موبايلك؟

هادا أغرب سؤال.. :lol: ..بس حالياً ماني شايل شي
Quote:
بتحب السفر ؟اذا اي ,اي بلد بتحلم تسافر عليه وليش؟

اي..مصر..مشان الاهرامات..
Quote:
قديش نمرة رجلك؟

لاء لحظة هادا أغرب سؤال.. :lol: ..
43..
Quote:
شو اكتر مادة كنت شاطر فيها بالمدرسة؟

قولي شو هية المادة الوحيدة يلي شاطر فيها.. :lol: .. وهية الانكليزي..
Quote:
سؤالي الاخير بتمنى تتخيل حالك عنجد بالموقف و تجاوب  بصراحة
اذا كنت ماشي بغابة لحالك وطلعلك ذئب بنصف الطريق شو بتعمل

حسب..اذاكان معي سلاح بقتلو..اذا الذئب صغير بهرب..(أكيد كلنا منعرف ليش)
اذا كان نايم بكمل طريقي..اذا كان لازم ضروري أوصل على الطرف التاني وكان في سبب قاهر ..فأكيد رح حاول مو بكل الطرق حتى ولو كلفني هادا الشي حياتي
خالد الهبل,   *1
Quote:
هل أنت بالطبيعة انسان بيخوف؟؟

لاء أنا كتير حباب.. وهادا عنجد أغرب سؤال بدون اي منافس..يامحلى سؤال نمرة رجلي.. :lol: ..
Quote:
غامض؟؟

شوي..بس يمكن كل انسان عندو أسرارو..
Quote:
وحداني, تحب العزلة؟؟

اي كتير..
Quote:
يعني بطبيعتك أنت شرس فينا نقول؟؟
بصراحة ها؟ ههههههه

أحياناً بس انت ماتعصبني.. :lol: ..
ملاحظة:أنا انسان
أنس الدالي,   *1
هلا فيك انس ..أكيد ما رح أرفض اي سؤال..عشرط..مايكون متعلق السؤال بنمرة رجلي أو كم ايد قلي وكم عين عندي..
Author:  سنا [ Tue Jul 28, 2009 8:57 am ]
Post subject:  الــيــوم unknown عــلــى كــرســي الاعــتــراف
دوري..

- كيف تعرفت عآرتين؟
- شو الشي اللي بتحب تنتقدو ؟
-  في ببالك شي جديد أو وسيلة ممكن انو نزيد قوة المنتدى فيها؟
- اذا كان معك صلاحية لدة يوم بالموقع شو بتضيف عليه ؟ وشو بتشيل منو؟

- نجاحك بالباكالوريا لمين برأيك الفضل بعد الله؟
- جبت علامات بترضيك؟
- شو بتتمنى انك تكفي بأي فرع؟
- رح تكفي بناء على رغبتك أو على معدل العلامات؟

- شو أكتر دعاء بترددو؟
- وقت بتكذب و بتغلط لمين بتعترف أول الشي؟ وكيف بتصلح غلطك؟
Page 1 of 4 All times are UTC + 2 hours [ DST ]
Powered by phpBB® Forum Software © phpBB Group
http://www.phpbb.com/