الـــيــــوم ابراهيم محمد على كرسي الاعتراف

ثـــائـــر · **Inscrit le:** 02 Mars 2007

بس بدي افهم انو Wissamo كيف عم ينفد من ها الكرسي ....يعني صرت حاطتو أكتر من 3 مرات و كل مرة بينفد منها و بيطلع متل الشعرة من العجين ...
بس بسيطة ...أنا و انت و الزمن طويل ...و لنشوف ....

هادا الأسبوع عنا عضو مميز بقصائدو و بردودو ....شاعر بكل معنى الكلمة ...صديقي و أخي ...

ابـــــراهـــــيـــــم مـــــحــــــمــــــد

Shakespearean

هو ضيفنا ها لأسبوع ....و مية أهلا و سهلا فيه ..... و هاي أحلى كرسي لأحلى برهووووم ...

Désolé, vous devez vous inscrire pour voir le lien Si vous êtes membre, il suffit de signer po

رح اسألك كالعادة كام سؤال ...كوجبة خفيفة و مبدأية ....

1- ابراهيم محمد ...من وين و شو بتدرس و أي سنة ؟
2- عدد أفراد عائلتك ؟
3- عملك و هواياتك بها الحياة ؟
4- بعض من أحلامك ؟؟ يعني شو مشاريعك بالنسبة للمستقبل ؟
5- يا ترا ابراهيم محمد .... خاض غمار الحب ؟
6- عندي سؤال كتير حابب اعرف جوابو ....و نسيت اسألك اياه لما بحكي معك ...
شو سبب تسميتك الأولى .... Shakespearean .هل يا ترا لانك بتعشق اعمال شكسبير مثلا ؟

انشا الله يكون اسبوع مريح و يمر بسرعة .... لانو بصراحة و الله رح ازعل عليك يا رفيقي ...
بس شو بدك تعمل ..؟ هاي سنة الكون يوم الك و يوم عليك .....

سلام

خالد الهبل · **Publié:** Sam Fév 21, 2009 6:29 am

ابراهيم محمد
انشالله ألف مبروك والله هالمرة متوصي ثائر بهالكرسي
حاططلك كل أنواع الأسلحة مشان بس حدن يزعجك من الأعضاء تشوف شغلك :mrgreen:

هلا أنا كالعادة بسأل سؤال واحد أو اتنين بس:
- سؤال اختياري شو أكتر صفة من هدول الصفات تتواجد بشخصيتك؟ احكيلنا شوي عن هالصفة...
العصبي , الحنون , الدرويش , البارد , اللطيف , المبدع
- إذا كان عندك سر ولازم تحكيه لأي شخص بالدنيا لأنك ما عاد فيك تتحمل, طبعاً هالشخص ولا واحد من أهلك ولا أصدقائك فلمين ممكن تحكي؟ وليش؟
بتمنى أنو ما بيكونو تقال هالأسئلة والله يعينك يا سيدي
وعندي سؤال لثائر : وين التصويت لهالأسبوع؟
وبرجع بتشكرك ثائر

سليمان الحسن · **Publié:** Sam Fév 21, 2009 6:49 am

مشكور ثائر
وانشالله ابراهيم بيرتاح عكرسي الاعتراف
أسألتي
-هل تفسح المجال لبعض الاحزان ان تخترق جدار ذاكرتك من ايام الماضي؟
-كيف تتعامل مع الناس السذج؟
-هل تعفو عن خصمك ان هزمته ام تعاقبه؟
-ما هو طموحك المستقبلي وهل تظن بأنه سيتوقف عند حد معين؟

ارجو أن تكون أسألتي خفيفة عليك وغير محرجة ولكن ما العمل هذا كرسي الاعتراف
تحية مني لك ولثائر

ابراهيم محمد · **Inscrit le:** 15 Septembre 2007

انو غير تا عملتوها وحطيتوني على الكرسي

بس مو مشكلة انا من عادتي انو بحب أنسأل أكتر ما بحب انو أسأل

يسلمو حبيبي ثائر على الترحيب وانشا الله بنردلك اياها بالأفراح

ومن دون مقدمات رح بلش بالأجوبة

Citer:

1- ابراهيم محمد ...من وين و شو بتدرس و أي سنة ؟

أنا من درعا بدرس أدب عنجليزي سنة تالتة ناجح ويعيد

Citer:

2- عدد أفراد عائلتك ؟

عندي 2 أخوة و 4 أخوات وأمي

Citer:

3- عملك و هواياتك بها الحياة ؟

عملي حالياً : أعمل بكفي نت وهواياتي الكتابة والشعر

Citer:

4- بعض من أحلامك ؟؟ يعني شو مشاريعك بالنسبة للمستقبل ؟

مممممممم أخلامي الشخصية انو أدخل عالم الانترنت بجحميع أبوابو من خلال التصميم والبرمجة وأنا حالياً عم أعمل جهدي وبخطط انو كون شركة صغيرة تختص بهالمجال

Citer:

5- يا ترا ابراهيم محمد .... خاض غمار الحب ؟

ما في حدا ما خاض غمار الحب .. اي نعم ابراهيم حب

Citer:

6- عندي سؤال كتير حابب اعرف جوابو ....و نسيت اسألك اياه لما بحكي معك ...
شو سبب تسميتك الأولى .... Shakespearean .هل يا ترا لانك بتعشق اعمال شكسبير مثلا ؟

هالسؤال كتير حلو ورح قلك قصتو
انا قبل ما فوت على المنتدى ما كنت أعرف عنو أي شي ومرة كنت أسأل رفيقي عن موضوع عنا بالانكليزي قلي فوت على موقع آرتين بتلاقيه هنيك وسألتو بعض التفاصيل وقلي انو هو اسمو بالمنتدى ثائر شكسبير وربطت الاسم مع مقولة قلي اياها الدكتور أحمد العيسى أستاذ مادة النثر في جامعة تشرين "لو كان شكسبير جنرالاً في الجيش...." وغير عن هاد كلو الشي اللي قريتو لشكسبير عجبني كتير وأثبتلي قدي كان كاتب عظيم

شكراً كتير الك صديقي ثائر على الأسئلة

تحياتي

ابراهيم محمد · **Inscrit le:** 15 Septembre 2007

أخي خالد الهبل

أهلا بك ومهما كان عدد الأسئلة فانا جاهز تماماً انشا الله

Citer:

- سؤال اختياري شو أكتر صفة من هدول الصفات تتواجد بشخصيتك؟ احكيلنا شوي عن هالصفة...
العصبي , الحنون , الدرويش , البارد , اللطيف , المبدع

والله يا غالي فيك تقول انو أنا عصبي زيادة عن اللزوم وهالصفة سببتلي كتير مشاكل مع كتير ناس وبالأخص أهلي
هالصفة يمكن كون ورثتا وراثة أو بسبب ظروف صعبة مريت أنا فيها ما كنت أتحمل انو حلها بهدوء لذلك كانت العصبية هي ملاذي

Citer:

- إذا كان عندك سر ولازم تحكيه لأي شخص بالدنيا لأنك ما عاد فيك تتحمل, طبعاً هالشخص ولا واحد من أهلك ولا أصدقائك فلمين ممكن تحكي؟ وليش؟
بتمنى أنو ما بيكونو تقال هالأسئلة والله يعينك يا سيدي

بحكي هالسر للورق وبس لأنو هو الوحيد اللي فينو يحفظ السر حتى عني أنا نفسي

مع انهون كانو بس سؤالين بس كانو كتير ظريفين

اهلا بك أخي خالد

ابراهيم محمد · **Inscrit le:** 15 Septembre 2007

sleman alhasan,

اي أكيد رح ارتاح على هالكرسي مو أنا اللي اخترتو

رح بلش فوراً

Citer:

-هل تفسح المجال لبعض الاحزان ان تخترق جدار ذاكرتك من ايام الماضي؟

أكيد بسمح لكتير من الأحزان انها تخترق جدار ذاكرتي لأنو بحس انو عميعطوني قوة وتمسك بشي انا مقرر انو أتمسك فيه

Citer:

-كيف تتعامل مع الناس السذج؟

وإذا خاطبك السفيه فلا تجبه **** فخير من اجابته السكوت
فإن كلمته فرجت عنه ***** وإن خليته كمداً يموت
هذان البيتان كفيلان بالاجابة على سؤالك وهما للإمام الشافعي

Citer:

-هل تعفو عن خصمك ان هزمته ام تعاقبه؟

هالشي بيعتمد على سبب الخصومة اللي صارت بيني وبينو
فلو كانت شيء لا يغتفر كالخيانة بعقبو وما بصفح عنو
أما اذا كانت عن سوء تصرف أو مبالغة بشي معين بصفح عنو بس بخليه يحس بالذنب مشان ما يكرر هالشي معي أنا أو مع حدا تاني غيري

Citer:

-ما هو طموحك المستقبلي وهل تظن بأنه سيتوقف عند حد معين؟

طموحي أن أتعلم كل ما يتعلق بتصميم مواقع الانترنت وهكذا مجال لا يتوقف عند حد معين فكل يوم يظهر شيء جديد وهذا ما أحببته بهذا المجال وفضلته عن أي مهنة أخرى

ما في اي غبار على الأسئلة أخي سليمان

تقبل تحياتي

ثـــائـــر · **Inscrit le:** 02 Mars 2007

خالد الهبل,

Citer:

وعندي سؤال لثائر : وين التصويت لهالأسبوع؟

كالعادة ... الاحد او الاتنين انشا الله ...

Hidding Rose · **Inscrit le:** 16 Octobre 2008

ابراهيم محمد,
لك ميييييية هلا اخي ..... منور و الله

شو هالكرسي هاد ... كتير غريب ... بس يللا حماية مشان ماحدا يفكر يدايقك ويصعبلك الاسئلة :mrgreen:

حبيت اجي باركلك تربعك عالكرسي :mrgreen:

وقت صوتتلك كان ببالي سؤال ( شكسبيريان ) كسؤال اولي اسأله ... بس سبقني ثائر ...
بس كيف يعني ناجح ويعيد ؟؟؟!!!

موفق اخي

اكيد لي عودة :wink:

Wissam · **Inscrit le:** 19 Janvier 2008

ثـــائـــر a écrit:

بس بدي افهم انو Wissamo كيف عم ينفد من ها الكرسي ....يعني صرت حاطتو أكتر من 3 مرات و كل مرة بينفد منها و بيطلع متل الشعرة من العجين ... *ممم

بس بسيطة ...أنا و انت و الزمن طويل ...و لنشوف .... :mrgreen:

أنا والكرسي رفقة :mrgreen:

والقادمات من الأيام رح تكشف هالشي :wink:

ثائر.....الله يعطيك العافية

Wissam · **Inscrit le:** 19 Janvier 2008

ابراهيم محمد,
:lol:

لك ألف مبروووووووووك الكرسي حبيبي برهوووووووووووووووووووم :mrgreen:

بس لا تفكر شمتان.......الله وكيلك مو شماتة هه :mrgreen:

.....بس حبيت قلك مبروك قبل ما اسألك

هلق أنا ما بحب كتر أسئلة......لذلك كم سؤال خفاف ظراف :wink:

1- قبل ما تدخل هالفرع شو كان طموحك؟
2- كيف بتتعامل مع الخسارة؟ ( بأي شكل من أشكالها )
3- شو بتحب تعمل بأوقات فراغك؟
4- أي نوع من أنواع الشعر بتفضل؟
5- لو طلبت منك توصفلي الكلمات التالية ( كل وحدة بجملة) شو بتقول:
البحر.........السماء.........النجوم..........الوحدة.........الحياة

يلا حاج هدول هلق........انشالله كون ضيف خفيف الظل عليك :wink:

وانشالله ببقى بطل عليك مرة تانية :mrgreen:

Latest Posts

الـــيــــوم ابراهيم محمد على كرسي الاعتراف