ثـــائـــر,
أول الشي بشكرك ع استضافتي و بشكرك ع كلامك الحلو
اقتباس:
1- لنفرض انو عامر كان يحب بنت من حوالي 3 سنين .. بقي معها سنة كاملة .. و بعدها أجبروها أهلها على الزواج .. عامر مر بأزمة نفسية شديدة جدا و تعب كتير بس بالآخر قدر انو يطلع من هالأزمة و هلأ هو عم يعيش قصة شبيهة بالحب مع بنت جديدة بس طبعا مو بقدر حبو الاول ... بعد سنة اجت لعندك البنت و قالتلك انو هي تركت زوجها و طلبت الطلاق منو لانو ما قدرت تنسى عامر و بدها منك ترجعها لعامر لانو هي خايفة انو تقابل بالصد بعد الجرح يلي جرحتو اياه .. يا ترى شو بكون موقفك وهل بترجع عامر لهالبنت مع انو تركتو مرة أو بتقلها روحي شوفي حياتك متل ما عامر شاف حياتو..؟؟؟
افترضنا هالفرضية مع انو جوابها مستحيل ...اول شي بشوف شو وضع عامر مع البنت الجديدة مرتاحين سوا، تاني شي بشوف اذا لساتو بفكر بهديك البنت و شو وضعها عندو و ع هالأساس بقرر يا بقول لعامر عقصتها يا بقلها روحي شوفي حياتك و لا تخليه يشوف وجهك مرة تانية
اقتباس:
2-انت كنت تحب بنت من حوالي 4 سنين ... و بعد حوالي سنتين مثلا تركتو بعض لأنو انت حسيت انو في شب جديد بحياتها .... طويت الموضوع و شفت حياتك .. بيوم من الأيام بتكون ماسك موبايل عامر و فجأة برن و بكون الاسم ( حبيبتي ) و الرقم المكتوب هو نفس رقم حبيبتك القديمة يلي تركتها . بيجي عامر و بتقلو ليه هيك عملت يا عامر . بقلك انا كنت أعرفها للبنت قبل ما تحبها انت بس لما شفتك حبيتها تركتها لانك أخي بس لما تركتو بعض انت و اياها انا رجعتها و ما حبيت قلك مشان ما اجرحك و صدقني انا ما خنتك .. يا ترى شو بكون موقفك ؟؟
هادا السؤال ما زابط معك منوب لأنو اول الشي لما انا بدي حب بنت عامر اول شخص رح يعرف اني بدي هالبنت و متأكد انو ما رح يخبي عني انو بيعرفها و اذا لا سمح الله عمل هالشي مع اني متأكد انو ما رح يعمل هيك الله يهنيهن سوا بس طبعا انا رح كون متدايق.
اقتباس:
3-انت وعامر بتحبو بنتين اخوات .. هن أخوات و ما بخبو على بعض و لا سر و دايما مع بعض و كل أسرارهم مكشوفة لبعض و انتو كعامر و اسامة عايشين أحلى قصة حب .. بيوم من الأيام بتكتشف انو حبيبة عامر عم تخونه .. بتيجي انت بتسال حبيبتك يلي هي أختها . بتتلبك و ما بتعرف شو تجاوب .. يا ترى بعد هالشي رح تكمل مع حبيبتك أو رح تفقد الثقة فيها بما انها قبلت انو أختها تخون حبيبها علما انو هو أخوك ؟؟؟
يعني رح نصير عدايل؟ ؟ و قلوا الله حيك عديل يا سيدي احلى عالم بشرفي بالنسبة لسؤالك جوابي اني رح افقد الثقة فيها بعدين رح اتركها بس كمان بدي اعرف ليش خانت عامر و على قولة سنا فليم هندي من تلت اجزاء
اقتباس:
4-انت هلأ على جرف صخري عالي جدا وعلى وشك الانهيار و معك طيارة لراكب واحد فقط مع الطيار ... و يلي معك هن عامر و حبيبتو .. و حبيبتك ... عامر ما بيعرف كيف يطير بالطيارة ووزن عامر تقيل بحيث انو في احتمال 50 % انو توقع الطيارة و تموت انت و اياه . اما حبيبتك وزنها خفيف و احتمال النجاة أكيد .. يا ترى شو بكون قرارك بهاللحظة ؟؟
طيب ليش ما سألتني ع حبيبة عامر؟؟ هلأ عالحالتين رح كمل حياتي حزين ع و احد من بيناتن ما بدي اقعد اضرب وطنيات رح انقذ حبيبتي على مبدأ الكحل احسن من العما و برجع لعند عامر بركي بلحقوا
اقتباس:
5-انت و حبيبتك عم تتمشو بشارع بالليل و ما فيه حدا و فجأة بيهجم عليكم 2 شباب و بدهم ياخدوا حبيبتك منك و يخطفوها و بهالوقت بتسمع أصوات عامر عم يناديك من الشارع التاني و هاجمين عليه 4 شباب و معهم سكاكين و ممكن انو يموت بطعنة و اللحظات يلي معك للتفكير و للتصرف قليلة كتير .. يا ترى شو بتعمل وقتها ... بتترك حبيبتك و بتروح بتنقذ عامر او بتترك عامر يموت و بتنقذ حبيبتك ؟؟؟
شو وين عايشين يا زلمي؟؟ اذا هجموا عليي تنين مقدور علين بلحق الطرفين لا تخاف سريع بالركض بس يا زلمي شو هالحظ هاد باب الحارة صار بأربع أجزاء
اقتباس:
6-بيوم من الأيام بيجيك اتصال بقلك انو روح شوف عامر قاعد مع البنت يلي بتحبها بحديقة معينة ... انت طبعا هون بدك تضحك و تقول انو حدا بدو يوقع بينكم .. بس فضولك بخليك تتصل بعامر .. بتلاقيه خارج التغطية .. بتتصل بحبيبتك بتلاقيه خارج التغطية ... بتبلش الشكوك عندك طبعا و بتروح على الحديقة يلي قلك عليها الشخص يلي عالتلفون و فعلا بتلاقي عامر قاعد مع حبيبتك على مقعد واحد .. يا ترى شو أول فكرة بتتبادر على ذهنك و شو هو اول شي بتظنوا لما رح تشوف هالشي ؟؟
انن عم يحكوا عليي اكيد بكون عامل شي مشكلة يا معاه يا معها و عم يحاولوا يصلحوا الموقف. و صارت ان كان من طرفي او من طرفوا، بس ما مقفولة الموبايلات
اقتباس:
7-انت و عامر ماشيين بشارع من الشوارع و خلينا نقول شارع الغوطة .. بتفوت انت على سوبر ماركيت مشان تشتري باكيت سيجارة . عامر بيوقف لحالو و بتمر بنت بسمعها كلام و بلطشها ... بتطلع انت و بتكملو المشي و بعد شوي بتشوف انت بنت قرايبتك ... بتترك عامر انت شوي و بتقرب منها مشان تسلم عليها و أول جملة بتقلك اياها هادا رفيقك يلي عم تمشي معو سمعني كلام بخجل .. يا تر ى شو بتقلها و شو بتقول لعامر ؟؟
اول شي انا ما بطلع من الحارة الا و معي دخان !! ثانيا عامر ما بيلطش (انا ممكن) !!و انا ما بسلم على قرايبيني بالطريق !! بعد كل هالأفكار يلي ضربت سؤالك بقلها للبنت انو هلأ بحكيه و بخليه يعتذر منك، بروح لعند عامر و طبعا انا وجهي احمر بقلوا انو هي قرايبتي و هوي بيشوفني معصب كتير لحالو بيعتذر و نقطة انتهى بس بضل عم متدايق شي ساعة زمن بيعزمني عالعشا بيمشي الحال.
مشكور اول الشي و الله يعطيك بس انت لما قلتلي رح تحطني بمواقف و مدري شو قلت لحالي اكلت هوا بس يا زلمي و الله كانوا عاديين كتير و شغلة تانية انو يمكن لهلأ ما حدا مقدر قوة علاقتنا ببعض ياما عالم حاولوا يفرقونا بس....
ابراهيم محمد,
و انا قلبي معاك كمان
سنا,
و متأثر بباب الحارة بأجزائو الأربعة كمان
اقتباس:
الك شي تار مع أسامة؟؟؟
سؤال وجيه!!
nano,
سلامتك من الحولان
سحر,
تعيشي و تترحمي
مشكورين جميعا و الله يعطيكن العافية