آرتين لتعليم اللغات https://forum.art-en.com/ |
|
التقرير الكامل لاحتفالية آرتين الثالثة (نسائم إبداعية) https://forum.art-en.com/viewtopic.php?f=75&t=20297 |
صفحة 2 من 5 |
الكاتب: | سيرين [ الثلاثاء آذار 30, 2010 9:33 م ] |
عنوان المشاركة: | التقرير الكامل لاحتفالية آرتين الثالثة (نسائم إبداعية) |
فارس ,هدى , و ثائر الله يعطيكن ألف ألف ألف عافية على التقرير الشامل و الرائع أكيد و ألي بيستمد روعتو من الأشخاص ألي كانو بمثابة العناصر القوية و الرائعة ألي شكلت الهيكل المتكامل للأمسية ![]() ![]() ![]() و للملاك ![]() ![]() ![]() كل أمسية آرتينية و آرتين بمن فيه بألف ألف خير ![]() ![]() و متل ما سبق و قلت أمسية من العمر ![]() و إن شاء الله بيبقى آرتين مكمل بمسيرة النجاح و الإزدهار و الرقي ![]() ![]() ![]() |
الكاتب: | Ranaa [ الأربعاء آذار 31, 2010 12:34 ص ] |
عنوان المشاركة: | التقرير الكامل لاحتفالية آرتين الثالثة (نسائم إبداعية) |
هدى, الله يسلم هالإيدين يا هدى عالتقرير الحلو والمميز متل العادة ![]() ![]() بس للصدق ![]() ![]() يعنى من البداية.. ![]() ثائر بتقديمه الرائع للأمسية و تنظيم الشعراء و الشعر اللي ألقى بهالأمسية وهون بقول أنو القصائد كانت متنوعة و كل وحدة و كان إلها جمالها الخاص واللي حاول كل شاعر أنو يوصل إحساسه للحضور بأبلغ طريقه و طبعا الأطفال اللي كانو شعراء صغار و كبار بنفس الوقت ![]() و الموسيقى و أعضاء الإدارة اللي هلكو من عند فارس و هدى والملاك ولجين و كل المشرفين والمشرفات كاااان كلو مبين و بجد بجد كان شي رائع ![]() والله آرتين بيرفع الراس . ![]() ![]() ![]() ![]() طموحنا القمم ... و عم نشوف القمم سنة بعد سنة ... ![]() و بهنيكم من كل قلبي يا آرتين ![]() |
الكاتب: | شادي [ الأربعاء آذار 31, 2010 10:12 ص ] |
عنوان المشاركة: | التقرير الكامل لاحتفالية آرتين الثالثة (نسائم إبداعية) |
أولا : بهني كل الي تعبوا و فكروا وساعدو عنجاح هالامسية و خصوصا : (فارس ) مدير المنتدى و (هدى) الي ساعدتني خصوصا و شكرا على التقرير الشامل بس شو هاي القصيدة الي حاطينا كأنو مو كلامي ![]() ![]() ثانيا : تحية لمحمد المصري الي كنا متفقين نعمل مناظرة انا وياه بس الظروف منعته بعد ما خلصناها و اتدربنا عليا فما كان باقي غير كلمة رائع من المشاهدين بعد ما يلقيها بس الظروف منعت و كنت متمني وجوده ![]() الملاك, الله يعطيكي العافية على هالرد و بتوقع الكل كان مستنيه ![]() و بصراحة كنت خايف تلاحظي شي الف غلط بعد الامسية كونك ما حضرتي البروفات و نبهتيني على شي بس الحمد لله ردك و كلامك قبل طمني ![]() فشكراً كتير ![]() ![]() و اجتني الضحكة لما شفت محمد المصري ![]() ![]() Widad, بصراحة هالمنتدى فادني بموضوع المشاركة بالامسيات لاني شفت ردك بالامسية الاولى و كنت وقتا متحطم من الاداء الاول و الاخطاء ![]() ![]() ![]() اقتباس: القصيدة ابدعت بس بلاه لقب شاعر الأسى والحزن شكرا على مدحك ... و انا كمان والله ما عجبني اللقب وقت قاله حسيت حالي شي واحد معقد ![]() Mohammed, يا اهلين بمحمد و شكرا على دعمك و مشان المناظرة انا اكتر شي زعلني انو انت ما حصدت تعبك بس ان شالله بتتعوض ![]() و انا بوافق رايك باداء هبة و ثائر ![]() و مشان الي ما تعلقت معن الاعلانات عنجد انا كنت متمني شوف الاعلان لان عم يقولو صاحبا كتير كتير قوي و بيلعب حديد عنجد حرام ينشال الاعلان ![]() ![]() |
الكاتب: | عاشقة العربية [ الأربعاء آذار 31, 2010 1:45 م ] |
عنوان المشاركة: | التقرير الكامل لاحتفالية آرتين الثالثة (نسائم إبداعية) |
مرحبا من جديد ![]() ![]() طبعاً هداك كان ردي الرسمي بموضوع رسمي ، هلأ ردي اللي مانو رسمي ![]() مستوى الأمسية برأيي كان جيد جداً جداً جداً ، والسبب التنوع اللي صار فيه إضافة للتميّز بالأداء ، بالإضافة للتعب والجهد اللي انبذل لتوصل الأمسية لمرتبة الاحتفالية المتكاملة ، أنا فعلا فخورة أني كون منظمة ومشاهدة لهيك عمل لاقى نجاح كبير وأصداؤو كانت أحلى . منجي للتعليق ![]() وسام ![]() افتتاحو للأمسية كان مميز كالعادة لأنو صوتو وإلقاؤو بيقدرو يعبرو عن إحساسو ويوصّلو المعنى اللي حب يوصل للجمهور ، قصيدتك وسام معانيا حلوة ، ألفاظا مفهومة إيقاعا خفيف وسهل وأداءك معبّر وبخلي الكل يسكت ليسمع شو ما كان ![]() ميسم ![]() وقفتو كانت حلوة ع المسرح بس ما فات بالجو كتير ![]() يارا ![]() صوتا كان بيجنن ، رقيق لأقصى درجة ، عرّفتنا على أغنية ما كنت بعرفا أنا وكتيرين غيري ، وحتى وقفتا ع المسرح كانت حلوة . ثائر ![]() بالرغم من انو ثائر انشغل كتير بالتجهيزات وتنظيم كل تفاصيل الأمسية ، فأنا خفت على إلقاؤو كتير وأنو ما يلحق يتدرب ، بس للحقيقة كان رائع لما عم يقدّم مشاركيننا ، وبهرني وهو عم يقدّم فقرتو بالحوار الشعري لأنو بيّن متمكن كتير ومتمرس وكأنو صرلو شي شهر عم يتدرب ، بس هو كان عم ينظّم ترى ![]() ![]() وربما تواضع إلقاء هبة كان بيلبقلا لأنو عم تودع حبيبا الشهيد وفايتة بجو الحزن ، وحتى لما حسيناها نسيت شوي كانت بنفس اللحظة عم تحط ثائر بالجو وانو هي خايفة يروح وزعلانة ![]() أ. طلال قصاد ![]() ألقى أ. طلال هالقصيدة بالبروفات وهي عبارة عن 40 بيت ، قرأ شي 20 بيت ووقف ووقتا طلبت يكملا للآخر من روعتها وجمالا وراهنت فعلا تكون أجمل قصائد الأمسية ، الأجمل أنو تصفيق الجمهور لإلو كان نابع من قلبو ، طبيعة الغزل اللي قدّمو كان رقيق جداً موسيقي قريب من القلب هادئ واللي خلانا نفهمو جميعاً ، أ. طلال أبدعت بحق وفعلاً بالنسبة إلي كنت نجم الأمسية بقصيدتك المذّهبة . نورا ![]() أحلى شي بقصيدة نورا تراوح مستويين من العاطفة ، مضحك ساخر ومن بعدا جدي وطني ، و ع قد ما أضحكتنا ألفاظ نورا بالقصيدة في مقطعا الأول واللي كانت ألفاظ غير متوقعة تنوجد بشعر ع قد ما حطتنا بجو مليء بالقوة بالإضافة لمخارج حروفا الواضحة والسليمة . شادي ![]() إحساسك بهي القصيدة هو اللي دفعك تختارا من بين كل القصائد التانية ، وهاد الإحساس كان واضح جدا بإلقاءك . أنجلينا ![]() هي البنوتة المبدعة ، قدرت بوقت قياسي بالنسبة لعمرا تفهم علينا فوراً طبيعة الإلقاء والوقفة ع المسرح ، الجو اللي انحطت فيه قبل الإلقاء انحطينا فيه نحن كمان ، إطفاء الأضواء ، صَمْت الجمهور وهو عم يستنى طفلة بعمرا تلقي شي بيستاهل الوقفة ع المسرح ، عمل أجواء رائعة جداً وخصوصي انو أنجلينا فهمت كل كلمة بالقصيدة والفضل بهالشي للملاك ![]() أغيد ![]() على قد أداؤو بالساخر كان مميز ، ع قد إلقاؤو بالوطني كان آسر وحلو ، بس تمنيت لو بيّن أنو فعلا خلصت قصيدتك لأنو ما لقيتك غير نزلت كأنو خلصت القصيدة ![]() بس الشي الممتع أنو أغيد اول مرة بيكتب شعر تفعيلة وأول مرة بيلقي ![]() إهاب ![]() معاني قصيدتك رائعة جداً وبتعرف رأيي فيا ![]() راما ![]() حبيبة قلبي هالبنت ، اللي مانا طفلة إنما صبيّة واعدة إلقاءا مليان إحساس مخارج حروفا ولفظا الواضح ، هي انظلمت شوي وقت وقفت ورا الستاند الخشبي لأنو ما بينت ، بس ما بعرف وقتا ليش ما اشتغل المايك اللي كان بالنص ![]() طبعا بشكر سحر اللي ما قصرت معنا ببروفات راما واللي هي بنت خالتا . الفرقة الموسيقية ، المقطوعات اللي عزفوّا كانت حلوة كتير وغيرت اجواء المدرج والكل كان بالإيقاع السريع يصفق وينفعل وبالإيقاع البطيء الهادي يسمع مصغياً ، حتى بفيروزيات سمعت كتير عالم عم تدندن كلمات الأغنية الأساسية ![]() وفعلاً بدي أشكر الكل ع تعبن معنا بالبروفات ![]() ![]() فارس وثائر شكر خاص إلكن ![]() ![]() لجين وفلك ![]() ![]() وكل مين ساهم لتكون الأمسية متكاملة . ودوبا صايرة وصايرة ومتل عوايدي ، رح أهدي حالي ![]() ![]() مشان قصيدة ميسم فهي مانا موجودة عنا لذلك ما حطيناها ، وقصيدتك شادي عندي النسخة قبل التعديل . الملاك ![]() ![]() ![]() ![]() |
الكاتب: | عاشقة العربية [ الأربعاء آذار 31, 2010 2:00 م ] |
عنوان المشاركة: | التقرير الكامل لاحتفالية آرتين الثالثة (نسائم إبداعية) |
في رد شكر بدي ضيفو من إحدى الحضور : والدة فارس النائب ، واللي لما عرفت أنو أنا من منظمين الأمسية ورح نزّل التقرير حبت تعطي رأيا . أتقدم بكل الشكر إلى الشعراء الذين أغنوا الأمسية بكلماتهم الجميلة وإحساسهم العالي . وقد أعجبتني المناظرة الشعرية التي عبرت عن حب الوطن والرغبة القوية في الدفاع عنه ، وذلك الإيثار الذي تظهره المرأة في ترك من تحب والبعد عنه فداءً للأرض والحرية . كما أشكر نورا عساف ، التي عبرت عن أحاسيس المرأة اتجاه الوطن والرغبة في التحرر من الأفكار القديمة والتطلع إلى الحرية لا القبوع في المنزل لممارسة أعمال يومية لا تضيف شيئاً إلى قضيتنا ، إن مشاعر هذه الفتاة هي مشاعر المرأة المناضلة في سبيل الوطن والحرية ، لذا أشكر كلماتها كل الشكر . وأشكر كثيراً والديّ انجلينا الذين كان لهما العامل الرئيسي في نجاحها ، وأشكر من دربها كذلك . وأخيراً ، أتقدم بجزيل الشكر إلى منظمي الحفل ومن كانوا وراء الكواليس الذين سعوا لتظهر الأمسية بأبهة حلة بعملهم وتعبهم الذي أضفى السحر والمتعة . ونحن بدورنا نشكرك لحضورك ورأيك الكريمين ![]() |
الكاتب: | Odysseus [ الأربعاء آذار 31, 2010 5:19 م ] |
عنوان المشاركة: | التقرير الكامل لاحتفالية آرتين الثالثة (نسائم إبداعية) |
يعني ما بعرف شو بدي قول . . المفروض يكون ردي بالأول لأنو هلق ما عندي شي جديد ضيفو .. كلشي كان بدي قولو قالوه الملاك و هدى .. و مافي داعي للتكرار .. على العموم .. الإحتفالية كانت رائعة جدا جدا .. و أنا شخصيا بعطيها 90 % لأنو بضل في بعض الأمور لازم يتم تلافيها بالإحتفاليات القادمة ! بقدم الشكر لكل مين كان الو دور بنجاح الإحتفالية .. من ثائر .. الي أمتعنا بتقديمو الرائع .. و عجبتني كتير فكرة انو ينزل من بين الجمهور و يقدم .. لهدى و الملاك الي كان الون دور كبير بتوجيه المشاركين للوصول لإلقاء جميل .. للجين و فلك و فارس و الكل بدون استثناء .. كنت بالحديقة من يومين تلاتة .. و سمعت بالصدفة 5 شباب عم يحكو مع بعضون عن الإحتفالية ... فواحد قلون بتصدقو انو أغليب القائمين على الإحتفالية من قسم اللغة الإنكليزية مو من قسم العربي !!! الي عملتوه رائع رائع .. و التقدم واضح بين الأمسية الأولى و التانية و الإحتفالية التالتة .. و أنا متأكد ان شاء الله الرابعة رح تاخد 100 على 100 .. طبعا عم احكي دون مجاملات !! ما رح علق على الشعراء لأنو متل ما قلت الملاك و هدى حكو بأدق التفاصيل و كل الآراء بعدون رح تكون تكرا لرأيون و لو بصورة غير مباشرة .. من نجاح لنجاح ان شاء الله ! هدى الله يعطيكي العافية على تعبك بتنزيل التقرير .. و كمان شكرا لكل مين ساعدك بإعدادو |
الكاتب: | خالد الهبل [ الأربعاء آذار 31, 2010 5:47 م ] |
عنوان المشاركة: | التقرير الكامل لاحتفالية آرتين الثالثة (نسائم إبداعية) |
فارت أعصابي أنا ها............
![]() ![]() يعني كنت مشتهي أحضر هالإحتفالية بشدة والله بس يلعن أبو الشغل والسفر.. ورتبت أموري والله أني أكون بحمص قبل ساعة من موعد الإحتفالية بس جواز السفر ما طلع للتنتين الضهر..... ![]() ![]() بس رح أشتري السيدي وأحضرها الف مرة جكر فيكن كلكن.... ![]() تحياتي للزعيم فارس وللعميد ثائر وللجين وهدى والملاك وكل أخواتنا وأخواننا اللي ساهموا بإنجاح هالإحتفالية... وإن شاء الله تعالى السنة الجاية رح أكون موجود وأحضرها وأشارككم الاحتفال والفرحة بعون الله... |
الكاتب: | سيرين [ الأربعاء آذار 31, 2010 5:57 م ] |
عنوان المشاركة: | التقرير الكامل لاحتفالية آرتين الثالثة (نسائم إبداعية) |
هدى, و نحنا كمان هدى بدورنا منشكر والدة فارس كتير و كانت لفتة حلوة كتير منها ![]() منتمنالك يا خالة العمر الطويل و الله يديم عليكي الصحة و العافية و شرف كبير لألنا أنو نسمع رأيك ![]() ![]() ![]() ![]() |
الكاتب: | Safwat [ الأربعاء آذار 31, 2010 11:57 م ] |
عنوان المشاركة: | التقرير الكامل لاحتفالية آرتين الثالثة (نسائم إبداعية) |
بداية الف مبروك لانو امسيات ارتين عم تكبر الله يعطيكن العافية فارس و ثائر و المشرفين و المشرفات و اللي دايما بيخلصوا لنجاح الامسية طبعا الانجاز لحالو انتاج حلو و الجمعة على امسية لارتين اكيد بتعمل صدى و ضجة حلوة يعطيكن العافية يا شعراء الامسية مشكورين لانو لبيتوا الدعوة يا دكاترة في وجوه اختفت كنا منتمنى نشوفها و في وجوه بقيت ..و كمان منتمنى نشوفا ...التطويرات حلوة Mohammed, اقتباس: وقبل ما أنسى آخر شي بحب أشكر اللي عملونا أحلا جو بعد الأمسية وتحية كبيييرة للحرس الشخصي لكل واحد كان بالأمسية .. واللي ما كان معو حراس لا ينسى المرة الجاية يستأجرلو تنين (لأن الدنيا غدارة والمعجبين كتار) هي حرية شخصية مالو حدن دعوة فيها اكيد و ان شاء الله يصير يطلع بايدي و ايدك و ما منقصر ... نحنا حابين نتذوق الشعر و نعيش النشوة المرغوب فيها ....و بالنهاية نحنا بمجتمع دكاترة و طلاب و ضيوف فخلونا نعمل الفة و نحترم بعض |
الكاتب: | Safwat [ الخميس نيسان 01, 2010 12:01 ص ] |
عنوان المشاركة: | التقرير الكامل لاحتفالية آرتين الثالثة (نسائم إبداعية) |
شادي, اقتباس: و مشان الي ما تعلقت معن الاعلانات عنجد انا كنت متمني شوف الاعلان لان عم يقولو صاحبا كتير كتير قوي "تماما" شادي انت كبير و حكيم ....و ع فكرة الاعلان نشال بناء عطلب من هاد الكبير يلي عم تحكي عنو .... بقي نتوحد كلنا سوا باسم ارتين .......اريتن و بس |
صفحة 2 من 5 | جميع الأوقات تستخدم GMT + ساعتين [ DST ] |
Powered by phpBB® Forum Software © phpBB Group http://www.phpbb.com/ |