بسم الله الرحمن الرحيم
السلام عليكم ورحمة الله تعالى وبركاته
مرحبا للجميع
الحئيئة الموضوع حلو كتير و ياريت من زمان يصير هيك شي لحتى نوصل لدرجة يتواصل الطلاب فيون مع الدكاترة و تتطور جامعاتنا بشكل مريح للجميع
من اكتر المطالب اهمية بالنسبة للطلاب غير اللي انحكت
1-ازا كانت نسبة النجاح 80% مثلا بالمواد متل بقية الجامعات الغربية و المتطورة ليش لحتا نحط درجة محددة للنجاح ، ليش ما يكون لكل مادة نسبة نجاح بتتحدد بعد النتائج تحئئ نجاح 80 % من الطلاب و ما نلائي علامة النجاح 60 و 20% بالمية من الطلاب نجحوا و الدكتور بيئول هيك القانون
2-تطوير المدينة الجامعية و تحسين تجهيزاتا و ما تكون متل وحدات العساكر و بناء وحدات جديدة لحتى يصير طالبين بالغرفة الوحدة ما 4  و  5
3-فتح فروع جديدة بكل الأقسام و بكل الكليات لحتى نئدر نستوعب طلاب أكتر بالدراسات العليا و نزيد عدد الطلاب الموفدين
4- و أهم نئطة هي إلغاء فكرة الحضور الإلزامي إذا كان الحضور لمجرد زيادة عدد الطلاب أمام الدكتور ، لأنه الدكتور القوي و الناجح الطلاب كلا بتحضرلو بغض النظر عن إلزامية الحضور و السبب التاني هو انو كتير من الطلاب أحوالا المادية سيئة و مضطرة للعمل فشو المشكلة إزا الطالب كان عميشتغل  متل جامعات برا و ئدم موادو و نجح فيا و ما يضطر يجي يحضر لمجرد إلزامية الحضور بدون سبب ، و هيك بيصيرو الدكاترة يحاولو يطوروا أساليبون بإلقاء المحاضرة من ترغيب و ليس ترهيب و شد الطلاب عالمحاضرة و ترطيب الجو وئت هالشي بيستدعي مو الجدية القاسية متل عند البعض
5- و طبعاً كمان متل الجامعات اللي برا ليش ما يكون في معاش لكل طالب بالجامعة تساعدو على الدوام والسفر و هاد الشي بيرفع من مستوى الطلاب المعاشي و بحسن أحوالن و بيأدي لنجاح الطلاب بشكل أكبر
6- كتير دكاترة بيعطوا مواد و بيدرسو بدون منهاج محدد فياريت أي دكتور بدو يعطي مادة يكون في إلا مرجع أو كتاب ضمن شروط يتم الاتفاق عليها مو الطلاب بتكتب ورا و كل طالب بيكتب شكل و العالم ما بتلحئ و الدكتور بيخربط أحيانا بالمعلومة فبيضيع الطالب بالشي الصح
7-تبني المواهب و القدرات العلمية عند بعض الطلاب و تطويرا و تقديم المساعدة الكافية الو بمجال البحث العلمي لحتى نصير نسمع بعلماء و مخترعين عرب
8-ياريت يصير في مكتب محدد أو مركز داخل الجامعة بيئدرو الطلاب اللي أحياناً بيتعرضوا للإضطهاد يشتكوا عالدكتور أو عالموظف لأن في كتير من الطلاب بينظلموا من الدكاترة و ما بيئدروا يشتكوا لأن بيخاف يرسب بالمادة أو الدكتور يحطو بيبالو و ماعاد يتخرج بعدا أو الموظف الي بيبهدل طالب لأنه معصب أو دايئ خلئو و الطالب بياكل بهدلة ببلاش
9-ياريت يصير في جهود بمجال الخدمة الإلزامية عند الطلاب لأن الشب اللي ما بيدرس بيخدم أما الطالب فعندو أول صدمة بعد التخرج هي العسكرية و هو بكون عميفكر شلون بدو يطور حالو أو يسافر أو يشتغل  لأن الطالب الي درس سنيتن معهد غير الي درس 4 سنوات جامعية غير 5 هندسية غير اللي درس أكتر من هيك فحرام يضيع سنة  نص من عمرو متلو متل اللي مادرس جامعة بنوب
و شكراً للجميع و انشالله نتطور و نتحسن و نرفع اسم سوريا لفوء

لا ... أنه يشيلو الموظفين هاد أمر صعب
بس لما بيصير في لجنة تحاسب الموظفين  و الدكاترة و ما تعطيون الصلاحية ليكونو مستبدين بدون رادع ساعتا بيصيروا هني بحطوا حدود لحالون و بيرفعوا أسلوب تعاملون و بتصير جامعاتنا كلا أرقى

والله ياشباب بالنسبة لموضوع المصلى...أنا قدمت طلب من 7 سنين وتورطت..لان بدنا موافقة الحزب وموافقة رئاسة الجامعة
وقالولي طلبك ((غريب)) بس لحد الان وانا اسعى لهالموضوع..مع العلم..اني قلتلهم بس يحددوا المكان ومايعترفوا على اي شي بالنسبه للتكاليف...وانا لحد الان عند كلمتي
والله يقويكم على فعل الخير ..وشكرا.

واو معقول بعد بدكم اكتر من 8

[size=150]والله انا برأيي يلتغي قرار هل التكميلية ونرجع متل قبل احسن

6- الإعتراف بشهادة التعليم المفتوح كشهادة جامعية .
و خاصة ليتمكن طلاب التعليم المفتوح من التوظف في دوائر الدولة او تكملة الدراسات العليا

و مشكور جدا موقع آرتين على هالمطالب و ياريت يحاولو بالتعليم الفتوح انهم ما يخففو كتير من نسبة النجاح لأن فعلا في طلاب عم تروح و ترسب من هيك قصة
و مشكورين جدا على اي شي بتقدمولنا ياااه

جزاك الله كل خير على هذا الطرح الرائع
     

تحية طيبة
انا بتمنى انو تكون المواد مأتمتة

وخصوصا المواد النظرية
ويكون لطلاب السنة الرابعة دورة تكميلية خاصة بهم
مع الغاء شرط 8 مواد للدورة الاستثنائية