Celina,
اقتباس: كيف يعني غريبة؟
ممممممممممممم لقلك كيف
هلأ أنتي كاتبة
أنو ما عندك حقد عأي انسان مع بعض الاستثناءات "وهادا الوضع الطبيعي عند البشر" بقا محدا بيحكي عن حالو الأشيا اللي بيشترك فيا مع كل البشر إلا إن كان شي استثنائي أو غريب أو بدرجة ملفتة للنظر
ولو أنو ما عندك استثناءات بالمرة... لكان طبيعي تخبرينا أنو ما عندك حقد عحدا... بس بما أنو عندك استثناءات ... وبما أنو الوضع الطبيعي "الشائع للبشر" أنو ما يحقدو بالكامل عكل الناس ولا يكونو عالآآآآآآآآخر متسامحين.. إذا وضعك طبيعي 
عفكرة سيلينا ما تدققي كتير عكلامي  أنا بحلل زيادة.. بس هيك بكون شعوري تجاه أي حدا بيكتب مثلاً :
بحب الصدق والأمانة والتسامح والمحبة وبكره الخيانة والكذب والخداع و و و
ليش يا ربي مين بحب الخيانة؟
ما حتى الخونة بيكرهو الخيانة.. وبيكرهو حالن كمان.... لك مين بحب الكذب؟
بس وقت بكون أنا بحب الكذب وبستمتع فيه.. وبمارسو بشدة.. وقتا بستاهل بموضوع عم يقلي عرفنا عن حالك قول أنا بحب الكذب وبستمتع بأني أكذب و و و
لأنو صار شي مميز منافي للطبيعة البشرية ويستحق الذكر... ما صح 
هادا رأيي... وبدك تتحملي عاد... ....
محمد عصام,
فعلاً أسلوبك بطرح نفسك بحد ذاتو مميز... مختصر ومقتضب وشامل بنفس الوقت.
إلنا الشرف أخي الكريم فقد حللت أهلاً ونزلت سهلاً... ولو أنك من بداية وجودك حسستنا بأنو طلتك زيارة ما أكتر للأسف 
فإن كانت تلبية لدعوة فشكراً للي دعاك وأحيي كرمك رغم الوقت الديق على ما يبدو
وإن كان لإعجابك فينا... فسمحلي أحترم رأيك من يوم ورايح
أما اهتمامتك الواسعة ومجالات ممارستك العملية فممتعة وملفتة للنظر... وبتخليني بشوق للنقاش معك....وأرجو نلتقي بأحد المواضيع قريباً
والشكر الأول والأخير للي بشارك بالموضوع ولاختيارك لهالمكان لتعرفنا عن نفسك 
خالد الهبل,
عنجد صدمتني 
معقول ملاقي وقت لكل هالأشيا
طالب وبتشتغل شغلة بنظري صعبة و3 منتديات.. أي أنا آرتين ما عم لحقلو يارجل
هو انشالله بس يطلعو هالتلت مواد وتخلص من الرابعة بعدن... وبعدا كلو بصير إلو طعمة
بس طول مانك علقان بمقبرة اللغة الإنجليزية "التالتة" رح تضل حاسس في مية كيلو رابصين على كتافك ليلاً نهاراً
يا سيدي الله ييسرلك أمرك بالجامعة.... ويزيد ويبارك بجهودك النتية...وشكراً لدعوتك لمدير منتداك.... لازم يكون في سبب مهم وراء استقطاب هيك شخص
رح حاول اكتشفو من ردودو 
وشكراً لتعريفك عن نفسك هون
Yamen,
يعني كنت على وشك غنيلك يا أهلا والله بهالطلة.. بس رجعت غطيت.... 
هادا ويامن يا ناس وعدنا برد.. وعالوعد يا كمون
لاحظ أنو أنا وأسامة ما بطلنا نقار وأنت بطلت تطل...دليل أنو الناس على العهد باقون وأنت للعهد قاطع
بانتظار العودة الميمونة يامن... بس بدي أفهم كيف كنت بيوم من الأيام شخص مافي آرتين بدونو وهلأ بتزورنا كل سنة مرة
|
"
