ماذا تقول عن الشعوربالغيره........؟؟؟؟؟؟؟؟

Fattoun · **Posted:** Wed Aug 03, 2011 1:56 am

بسم الله الرحمن الرحيم
السلام عليكم ورحمة الله تعالى وبركاته
أناحبيت تشاركوني بهالموضوع من الشباب والبنات......
الموضوع عن الغيرة...
في أشخاص بتكون الغيرة عندهن زايدة عن حدها ..
وفي أشخاص "وخاصةالبنات"بقولونحنا مامنغار أوبالأصح بحاولويخبواغيرتهن بس بالواقع بكونوعم ينكوابالغيرة....
وفي أشخاص بكون ماعندهن هالإحساس"وبرأي هدول نادرين بين العرب"
هلألغيرةشي حلوبس بعتدال "وخير الأمورأوسطها" بدي جواب لهالسؤالين:
1-إنت أوأنت من أيانوع ؟
2-إذا كان عندك أصدقاء من البنات أوكنت بتحب بنت بس بصدق بتقبل لأختك لحب البريئ أوالصداقة؟؟؟؟سؤال خاص للشباب وإذا الصبايا عندهن رأي بكون شي حلو

موسى محمد موسى · **Posted:** Wed Aug 03, 2011 2:34 am

1_لِمَ أغارُ وأنا أحتبسُ نفسي ضِمنَ نفسي
ولِمَ شدت الغيرة إن كنت أعلم ماهي قسمتي
وإن كنتُ أعلم كيف أنالُ ما أحلم والجمال أن
أصنع من غيرتي شخصاً يكسّر قيدي ويعدِلُ أمسي
*********************
2_كيف أمنح قلبي مايريد.............وأمنعه عن من هي بالقلب أمثل
فالشعور ليس لنا فقط ..............هي أيضاً لها شعورٌ ولها أيضاً حِلل
ليس في الموضوع عيباً..............إن كانت قصتها حباً وفياً وفيهِ غزل
على أن يكون بشرعِ ربّنا............فلا مانعاً ولا عائقاً أن نمنحها أمل
*******************
هذهِ وجهت نظري وأنا أحترمها ولكل شخص رأيهُ الخاص

Fattoun

safa · **Posted:** Wed Aug 03, 2011 3:19 am

اممممم هلأ الغيرة حلوة أو الاهتمام الزايد بس بأعتدال متل ما تفضلتي وقلتي وخير الأمور أوسطها بقا لاغيرة ولا بروود هاد رأيي
أما سؤالك التاني"بظن أن مو كل شبابنا بيقبلو بهيك شي لأن متل مابتعرفي شباب الشرقي ب يصل الموضوع قدامن بالمقارنة بيصيرو "سي سيد" وبيقولولك نحن متحررين و كوووول بقا مابقدر احكم ع الكل...
تقبلي مروري

Fattoun · **Posted:** Wed Aug 03, 2011 12:40 pm

شكرا كتير عالمرور

فراشةالربيع · **Posted:** Wed Aug 03, 2011 3:34 pm

منشان السؤال الأول فأنا أول الناس الغيورة وأحيانا غيرتي بتزيد عن حدا بس بحاول اتمالك أعصابي وما نرفز لأنو أنا بطبعي عصبية كتير ومن ناحيتي بحب الغيرة كتير بس طبعا مو لدرجة المرض النفسي وبحب انو اللي بغار عليهم يغاروا عليي هنن كمان
أما السؤال التاني فبظن انو أغلب الشباب بيسمحوا لحالن بشغلات ما بيسمحوها لإخواتن البنات بحكم إنن شباااااااب وع راسن ريش مو بس ريشة وأنا عن جد بحترم الشب يلي بيتصرف مع البنت متل ما بحب الناس تتصرف مع إختو وما بيرضا ع حالو يقلل من احترام البنت اللي بحبها هو لأنو عنجد هيك بكون جنتل مان
تقبلي مروري وتحياتي *ورود

لما · **Posted:** Wed Aug 03, 2011 8:20 pm

الغيرة هي أكبر دليل على اهتمامنا بالطرف التاني ........وحبنا إلو ...وبظن إنو الإنسان اللي مابغار ماعندو إحساس أو تقدير للإنسان اللي معو.........وعفكرة هالإحساس مو عيب مشان نخبي أو ننكرو بس في أوقات الواحد بيضطر يخبي إحساس الغيرة مشان ماحدا يستغلها ويلعب بمشاعرو.............
ومتل معظم البنات فأنا بشوف إنو الشب بيحلل لحالو شغلات مستحيل يحللها لإختو ....... :wink:

Fattoun · **Posted:** Wed Aug 03, 2011 11:47 pm

شكرا كتير على مروركن

بس بعتقد إنو إذا حدابحب حدا وبغار وبخبي لأن خايف هالشخص يستغل هالموقف بكون لأفضل برأي يتركو لأن الإنسان لبستغل لشخص لبغار علي ممكن إذا موأكيديسغلو بأشياء تاني كتير......... :wink:

مرة تاني شكرا عالمرور....... *ورود

rehab · **Posted:** Thu Aug 04, 2011 12:02 am

الغيرة الطبيعية شعور حلو للطرف التاني طبعاً لأن الأول بيكون قلبو عم يحترق
وكلنا عنّا بطبيعتنا الإنسانية شعور الغيرة ولكن بنسب متفاوتة
أنا بغار أكيد ولكن غيرتي بتكون ضمن الحدود وبحاول ما بينها بأي شي

بالنسبة للشباب الغالبية ما بتقبل ولكن في ناس كتير وخصوصاً اللي ضمن العقلانيين وأنا بعرف هيك
ناس ما بيمانعوا علاقة بريئة لأختون إذا واثقين منها وهاد برأيي شي رائع

على كل لكل انسان نفسية وعقلية مختلفة
شكراً فتون مية أهلا وسهلا فيكي *ورود

فــلـك · **Posted:** Thu Aug 04, 2011 1:35 am

السلام عليكم..
الغيرة موجودة عند كل انسان منا بس بنسب متفاوتة..
اول شي الغيرة دليل حب و اهتمام... الحياة علمتني انو اظهار الغيرة بكون حسب الشخص اللي عم نغار عليه ونتعامل معو..
في ناس بحبو انك تغاري عليهم واذا ما ابديتي غيرتك بفكروه عدم اهتمام وقلة حب
في ناس بحبو انك تغاري عليهم لمجرد انهم يحسو انو هنن موجودين ومحبوبين
وفي ناس ما بحبو الغيرة ابدا لانهم بحسو انها قيد بقيد تصرفاتهم..
هلأ كتير احيانا منصادف ناس مو لازم تبديلهم غيرتك... لانو كل ما ابديتي غيرتك بزيدوا تصرفاتهم اللي بتخليكي تغاري...لمجرد انهم يحسو انو هنن شخص كتير محبوب وهيك ناس مو لازم تظهرلهم غيرتك ابدا أريحلك ...

شكرا لهذا النقاش المميز..
تقبلي مروري..

تـــــــــــــــــــم نقـــــــــــــــــــــــــل الموضـــــــــــــوع الى القســــــم المناســـــــب..

رشا · **Posted:** Thu Aug 04, 2011 3:57 am

بنسبة الي ما بغار لا من جمال بنت ولا من رفاهية حدا بس بغار غيرة اجابية بتحفز التنافس مثلا بنتائج الامتحانية وعندي الغيرة بتشكل من نفسي شي 40% واقل حتى لانو الناس بتنغاظ مني احيانا بس ما غار :mrgreen:

اما الشق التاني من السؤال فمعظم الشباب بحللو عحالن وبحرمو عغيرن وما كتير شايفين مشاركة من الشباب حتا بخصوص هاد السؤال

Latest Posts

Forum rules

ماذا تقول عن الشعوربالغيره........؟؟؟؟؟؟؟؟