[color=#298AEB]بروين,  

مرحبا..

بوجهة نظري مو كل واحد بنتعرف عليه و بنقضي معو وقت بالجامعه أو بالعمل و بنحكي و نضحك معو ممكن نعتبرو صديق.. كلمة صديق كلمه كبيره.. انا مثلا مش مستعده كل حدا أعرفو بشغلي أعتبرو صديقي لأ.. في مقاييس معينه لازم هالشخص يخضع لإختبار حقيقي إلها لحتى بعدين أحكم عليه إذا بيستاهل يكون صديق و لا لأ..
الحكي ب هالموضوع إلو شعارات كتيره و ما بيخلص..
بس بوقتنا و حياتنا ما بيسمحلنا نكتشف العالم إلي بنختلط معها بحقلها تكون صديق لإلنا و لا لأ..

بالنسبه إنو ننجرح من أصدقائنا هادا شي طبيعي بالنسبه لإلي و منو ب هالشغله إلي ممكن تخليني أزعل أو أتعب..لإنو للأسف الصداقه ب هالوقت مبنيه على أساس مادي و و مصلحي..
و تخيلي يكون هدول العنصرين أساس تكوين صداقه فلا تستبعدي الأسوء من الأصدقاء...
العداوه بين الأصدقاء.. شي صعب كتير..بتخلق نوع من الحقد و البغيضه بدون ما نحس على حالنا و بيصير قلبنا عباره عن غمامه سودا مملوءه بالأفكار السيئه اتجاه الأصدقاء و بالتالي بتخلينا نفكر بطريقه سلبيه.. و إذا هالشعور سيطر على قلوبنا و عقولنا وقتها رح نكون حساسين من أقل تصرف ممكن بوقت تاني يكون عادي..
مو شرط الطرف التاني يثبتلي أديه هو وفي بصداقتو لأ.. بالمقابل أنا بدي أتصرف بطريقه سلميه و من خلالها هو بيتعلم و بيتذكر و بيعرف حالو إنو جرح ناس.. يعني امشي على مبدأ ساعد المخطئ.. يمكن عالم ما بتدرك و بتفهم شو يعني المعنى الحقيقي للصداقه..
الصديق الحقيقي بدو يكون عندو القدره إنو يتنازل لأخطاء صديقو.. كلنا بنخطئ ز كلنا إلنا هفواتنا..ليه ما نتعلم إنو نساعد بعض على أخطاءنا.. ليه نوصل الأمور لدرجة العداوه.. الله سبحانه و تعالى خلق قلوبنا و هي بيضا و ما بتشوبها الغمام السودا بس إحنا بطريقتنا السيئه في التعامل مع الأمور بنخلي الأمور توصل لدرجة العداوه..لازم نكون أوسع من هيك.. ما نخسر بعض عموقف لإنو أصلا ما في شي حرزان.. اوكي ممكن نعصب و نحتد بالكلام.. بس انا غذا بحب صديقي عنجد ما بسمح للإمور إنها توصل لدرجة العداوه حتى لو هو بدو هيك.. عالقليله بكون علمتو شو يعني معنى الصداقه الحقيقي...


صديقي يا من تقاسمني يومي·· صديقي يا من أرى فيك طريقي·· صديقي يا من جعلت لحياتي معنى·· صديقي يا من تركت لي أحلى ذكرى·· صديقي قف بجواري لآخر العمر·· صديقي لا تتكرني الا في القبر·· صديقي الصداقة بحر من المعاني، فلنجعل هذه المعاني جسرا متينا يربط بيننا لا يهدمه أحد، ويظل مرافقاً لنا للأبد·· صديقي الكلمات لن توفيك حقك·· ولن تبين مقدار احترامي لك·· صديقي أشكرك على الأيام التي قضيتها معك، وسأقضيها معك إن شاء الله عز وجل..[/color]