كذبك حلو؟؟!

Celina

بتقول ميادة بسيليس كذبك حلو بس يا ترى كيف ممكن يكون الكذب حلو وبأي طريقة؟
يعني في كذب حلو وكذب بشع؟ولأي مدى ممكن نعيش الكذبة ونغوص فيا؟
يعني كيف ممكن الشي السلبي إيجابي ولأمدى ممكن يأثر الكذب (الحلو) بحياتنا؟ :roll:

حلواني

شكرا عالموضوع بخصوص الكذب هو كذب وليس له أي أصناف مطلقا اي لايوجد بشع وحلو وطبعا له تأثير سلبي عالشخص

Safa alaasi

Celina,

ميادة قالت (كذبك حلوو و شو حلو لما كنت شي كذبة بحياتك )
يعني كانت عم تستهزئ بالكذب ...ما كانت عم تمدحو
الكذب بشع كتير و الو أشكال كتير ... و صار منتشر بأيامنا بشكل فظيع
.. بس بيضل الكذب حرام و حبلو قصير و الصدق أنجى ...
أنا برأيي أفضل طريقة لتجنب الكذب هيي انو نحط النية الخالصة بإنو ما رح نكذب..و الله بعينا على هالشي ...و طبعا الشخص الصادق شخص شجاع لأنو ما بيخاف من قول الحقيقة لو شو ما كانت ..
و بالنسبي لنوع الكذب الي ممكن يحلي أيامنا .. فهوي يمكن نوع من الكذب الحلال .. يعني لما رجل بيرع عبيتو بلاقي مرتو طابخة أكلة و فرحانة بحالا فما غلط يجاملا و يقلا انو يسلمو ايديكي أطيب أكلة بدوقا بحياتي :mrgreen:

يعني أحسن ما يكسر بخاطرا و خصوصا المرأة موقفة عدقرا لتزعل *sla

حتى الرسول عليه الصلاة و السلام قال ( كل الكذب مكتوب لامحالة كذباًإلا ان يكذب الرجل في حرب فإن الحرب خدعة أو يكذب الرجل بين الزوجين ليصلح بينهما أو يكذب الرجل على امرأته ليرضاها بذلك )
يعني فيه كذب نابع عن حب لحتى نرضي الشخص الي منسعى لرضاه بس طبعا مو المفروض نبالغ بالهشي يعني لازم نكون واقعيين كمان و ننقد بشكل بناء إذا لزم الأمر..

Golden RoSe

أنا بشوف إنو في كذب حلو وممكن يعطينا شعور حلو حتى لو كنا بنعرف إنو كذب, لكن طبعا بحالات وأوقات خاصة جداً :wink:

اسمك عم تحكي بالأغاني فـ كمان فيروز قالت تعا ولا تجي واكذب عليّ :wink:

فــلـك

Celina,
لاء ما حلو..
انا بشوف الكذب بداية لنهاية اي علاقة..
شو ما صار ما لازم الانسان يكذب الصدق انجى..

Golden RoSe,

اقتباس:

أنا بشوف إنو في كذب حلو وممكن يعطينا شعور حلو حتى لو كنا بنعرف إنو كذب, لكن طبعا بحالات وأوقات خاصة جداً

كيف يعني؟؟
يعني اتخيلي انك تشعري بالفرح بشي حالة من هالحالات يلي عم تحكي عنها...
وبعد فترة تكتشفي انك كنتي عايشة بكذبة!!!
بدك تبقى فرحانة؟ ولا رح تندمي على كل لحظة كنتي مخدوعة فيها؟؟

*

1

Golden RoSe

خدي مثال,,,

مريض سرطان وماشي بالعلاج والدكتور بيقلك وضعو منيح, كذبة حلوة أو لأ؟؟؟

كلنا بنجزم إنو هالمريض عم بيموت, لكن لما بنسمع هيك كلمة بنحس حالنا طايرين للسما من الفرحة, وهيك بيكون وفر علينا فترة يأس قاسية جداً.. وبس تجي الساعة اللي توفى فيا بنقول الحمدلله كان وضعو منيح وما وصلنا لمرحلة نقول فيا يارب ترحمو, لن هالدعوة بتقتل اللي بيقولها, طبعا فيكي تتخيلي ليش

هاد مثال 1 :wink:

في غير أمثلة لكن اهميتها صغيرة قدام هالكذبة

Prof.Amer

سمحولي بالبداية قول اني ما بعتقد انه في انسان بالعالم ما بيكزب و إلا فبيكون مانه طبيعي!
و أنا بوافق هون الأخت صفا بإننا أحياناً لازم نستخدم الإختراع اللي اسمه " كزب ابيض" لأغراض سامية مثلا لمصالحة بين شخصين ع مبدأ "الغاية تبرر الوسيلة" أو حتى الزوجة غزل يعني؛ انتي قمر و هية بنفس الوقت سودا محروقة...
بنفس الوقت بشوف انه الواحد ما لازم يغالي كتير باستخدام الكزب فمثلا ما المشكله في ان يصارح الصديق صديقه بكل عيوبه باسلوب لطيف بس بدون تجريح اكيد بحيث انه ما يأثر على ثقته بنفسه و تخليه يقتنع بضروره تغيير حاله
...

أنس الدالي

ليس هناك أجمل من الصراحة والصدق بكل شيء بكل شيء
وليس هناك أنواع للكذب لا صغير ولا كبير ولا قبيح ولا جميل
سيلينا
شكرآ لك على الطرح

Celina

حلواني,
مشكور عمرورك العطر

Safa alaasi,
مشكورة حبيبتي ومنورة عطول

Golden RoSe,
مشكورة حبيبتي ومنورة عطول

فــلـك,
مشكورة حبيبتي والله منورة

AmerB,

اقتباس:

حتى الزوجة غزل يعني؛ انتي قمر و هية بنفس الوقت سودا محروقة

يا لطيف شو بيكون كذااااااب :mrgreen:

مشكور

أنس الدالي,
هلا فيك ومشكور عمرورك العطر

العربية

Celina,
أنا رح جاوب عالسؤال بشكل مختصر
في كذب حلو؟
أكيد وهو مانو محرم !!!!!واسمو الكذب المحمود
لما شخص بحاول يصفي النفوس بين طرفين كأن يقال للزوج قالت عنك زوجتك
انك ماشاء الله ذكي ونشيط ومحبوب هاد كذب لكنه محمود
يعني ماقصد فيه الأذية وراح لعند الزوجة وقال نفس الشي
هاد الكذب ولايؤثم عليه.

ونقلتلكن فتاوى من موقع اسلام ويب...تأملو معي:

لقد صح في الحديث جواز الكذب لتحقيق مصلحة أو دفع مضرة. روى البخاري ومسلم عن أم كلثوم بنت عقبة بن أبي معيط قالت: سمعت رسول الله صلى الله عليه وسلم يقول: ليس الكذاب الذي يصلح بين الناس فينمي خيرا أو يقول خيرا. وفي رواية: ولم أسمعه يرخص في شيء مما يقول الناس إلا في ثلاث: تعني الحرب، والإصلاح بين الناس، وحديث الرجل امرأته، وحديث المرأة زوجها.

وفي شرح النووي على صحيح مسلم: قال القاضي لا خلاف في جواز الكذب في هذه الصور...

وقال العز بن عبد السلام في كتابه قواعد الأحكام في مصالح الأنام: والتحقيق أن الكذب يصير مأذونا فيه ويثاب على المصلحة التي تضمنها على قدر رتبة تلك المصلحة من الوجوب في حفظ الأموال والأبضاع والأرواح. ولو صدق في هذه المواطن لأثم إثم المتسبب إلى تحقيق هذه المفاسد, وتتفاوت الرتب له, ثم التسبب إلى المفاسد بتفاوت رتب تلك المفاسد.

والله أعلم.

آخر المشاركات

قوانين المنتدى

كذبك حلو؟؟!