الملاك,  
والله بما انو عنوان الموضوع وهم؟؟؟؟ ليش لحتى يفكر فيه!!!!!!!
يعني اذا بنعرف انو الشغلة وهم بنفكر فيها؟؟؟؟؟؟؟
وبعدين على عيني وراسي اني خبرة وما بعرف شو بس أنا عن نفسي ما وئعت بهالوهم لإني بعرف حئيئتو من وئت اللي كنت صف عاشر وئعت بهالشغلة لإني كنت مراهق وولد صغير بس بعدين الواحد ما بيوئع بالجورة مرة تاني.....صح؟؟؟؟
وبعدين طرق هدول الشباب وخصوصي بالمنتديات واضحة ومعروفة من وضع اسمو الكامل وافتتاح هيك مواضيع!!!!!
يعني من 7-8 سنين وأنا بشتغل عل انترنت وبعرف هاي الئصص كلا
ومافي داعي لحتى توئفي كمحامية دفاع عن الشب!!!!!!
وبعدين بما انو هوي اللي كاتب الموضوع ، معؤول لهلأ ما قرا الرد تبعي ورد عليي؟؟؟؟ أنا عم استنا رد الشب نفسو ما رد حدي تاني عنو
وبتمنى تتئبلي ردي بكل موضوعية وحياد وآسف اذا أزعجتك

Nawwar,
بجوز يكون معك حق بس كمان حرام ممكن تكون عم تظلمو
وبدي علق على كلامو لرامي

ازا عجبتا للبنت وانت متنازل عن كرامتك فهدا بيكفي لتعرف انو هي البنت مو مناسبة
وانو ازا كان هدفك من التعرف هوي الارتباط وانشاء اسرة فهدا بكير علي كتير وانت بالجامعة
وانت حطيت العنوان -وهم الحب في الجامعات- فأنا بقلك هدا مو وهم بس هدا باب للتجربة ومو كل واحد بتكون تجربتو ناجحة من اول مرة
اما موضوع الزمالة فانت غلطان في مية بالمية لأنو نحنا بجامعة مشان ندرس ونتعلم ونكون صداقات والحب مانو هدف اساسي
واساسا نحنا ما مندور على الحب الحب بيجي لحالو
يعني ما كل ما واحد شاف بنت شكلا حلو وعجبتو فخلص بيقرر يحبا

lili.,  

أنا ما ظلمت حدي!!!!!!! بس كان يخليني ائرا ردّو!!!!!! ونفتح نقاش سوا

شكرا لمشاركتكم  وخاصة المتعاطفين   ولكن اريد ان اوضح بعض الامور
اولا بالنسبة للاستاذ نوار انا ما ني مستجد ابدا فانا سنة تالتة ومو بس هيك انا فتت على الجامعة بعد فترة طويلة من انهائي للبكالوريا  وتقريبا هيأت نفسي  ماديا للارتباط وكمان الي تسع  سنين بستخدم النت وبالنسبة لاني عم اعمل دعاية لحالي فالامر  شوي مضحك فاي دعاية يا اخي  فاسمي ليس حقيقي وهو مستعار واذا كان احتجاجك على  اننا نتمتع بقدر من الوسامة والاخلاق فكان الهدف من تلك العبارة هو توصيل فكرة انه المشكلة مو فينا
اما مسألة الخبرة   ومو غرور قليلين اللي بيمتلكوا متل خبرتي على الاقل لسني الاكبر من الاغلبية
ومسألة انه انحنا فايتين على الجامعة مشان ندرس مو نحب فهي نسبية بين شخص واخر بالنسبة الي انا فايت اولا مشان احصل على الشهادة وما بيمنع هدا الامر من البحث عن نصفي الاخر
يمكن كنت كتير متشائم في طرحي للموضوع بسبب انه وقتها كنت مزعوج شوية  
ما بعرف كأنه فعلا عبارة انه ما بيفهم الامرأة الا امرأة مثلها صحيحة  فالصبية اللي كنت ضحيتها   من يومين صادفتها بالجامعة وكانت تنظر لي وعلى وجهها ابتسامة عريضة لا ادري ما معناها هل هو نوع من الاعتذار على ما بدر منها اتجاهي او هو نوع من السخرية كأنها بتقلي تعيش وتاكل غيرها على اي حال الاصدقاء ينصحوني بالمحاولة مرة اخرى ولكني حتى اللحظة متردد

أنا حابة قول لرامي أنو كيف يتناقش بموضوع مثل العلاقة بالجنس الاخر وكلنا بنعرف انو هيك أساسو غلط وما بني على باطل فهو باطل وهل ياترى أنت قد كلامك انو مارح تعمل علاقة جديدة ؟؟ صدقني انا من الناس اللي مابيحبوا يخسروا ولا ينجرحوا ولا يجرحوا وهالشي مجرد راي غير مبني على علاقة فاشلة القصة بدها شوية تفكير بغض النظر عن كلشي فات أنا مابامن بالحب لانو عالاغلب بينتهي بجرح وخسارة وهدا الكلام بقولوا  بكل ثقة مع احترامي لكل العلاقات الجارية حاليا

بالنسبة للمشاركة الاخيرة لغدير لا ادري ما كان قصدك بعبارة انه اساسه غلط وانت قدها انك ما تعمل علاقة جديدة؟ شو يعني  برايك انه الشاب بيكون بطل اذا ما عمل علاقة مع الفتيات و اما للاستاذ الكبير والمخضرم والخطير  نوار  اللي كان بيدعي اني بعمل دعاية لحالي والشي المثير للسخرية ان يأتي هذا الكلام منه وهو عامل لحالو اكبر دعاية بوضع صورته ضمن كل مشاركاته لاتنهى عن خلق وتأتي مثله ....عار عليك اذا فعلت عظيم واذكر  مجددا باني وضعت اسم مستعار

انا بدي قول يارامي اني برد عليك بناء على طلبك وبالنسبة لأساس العلاقة الغلط هي مسألة أراء وأنا راي أنو العلاقات هي غير متينة ومبنية بشكل وقتي وأنا ماقصدت أعمال بطولية بردي بس أنا رديت على كلامك اللي قلت فيه أنو معاد لك ثقة بالبنات حتى الزمالة...  الدنيا بالنهاية أراء والأيام بتثبت الصح والغلط وبتمنى انو تفهم ردي بأبسط طريقة لأنو مو قصدي عصبك