بالبداية بتمنى تسمحولي اشارك معكن بهالنقاش اللطيف  

         و  بتمنى كمان تسمحولي احكي بالعامية للمرة الأولى بتاريخي بهالمنتدى  و السبب اني حسيت هالموضوع هزني من داخلي  و أثر فيني كمان

           انا مع كل الأسف و برجع بقول (مع كل الأسف) بميل بطبيعتي للأجمل و الأحلى و الأبهى شكلا ..  و ما برتاح بداخلي اذا ما كنت مصدر اهتمام بهاد الموضوع .. و يمكن بحياتي ما كنت بهي الصراحة و الوضوح

   "لكن" و متل ما بتعرفو "لكن , تلغي ما قبلها" في شي بخليني ما اسمح لنفسي اتعامل بهالطريقة بأكتر من اللقاء الأول او التاني ,, و بخليني ارجع لصوابي و للمبدأ العظيم يلي هو "جمال الروح" يلي سبقتوني و حكيتو عنو , وهو استرجاعي دائما لحديث النبي صلى الله عليه و سلم (رب أشعث أغبر لو أقسم على الله لأبره , الترمذي1183) و هاد الكلام بأنقذني كل ما حسيت اني وقعت بمصيدة الشكل  , هاد الحديث النبوي  يا جماعة بصراحة هزني من اعماقي و ما سمحلي اتجاوز اللقاء التاني مع اي شخص بعرفو بدون ما فكر بطريقة منطقية تجاه الآخر مصدرها كلام الإنسان الأغلى على قلبي رسول الله.

بتمنى ما اكون ركزت ع منحى ديني يمكن ما يكون هون محلو , بس بالنهاية هاد موقفي و وجهة نظري و دستور تعاملي و ما فيني ما اصرح فيه بمنتهى الشفافية  ..
 
rehab شكرا الك  

محمد عصام,  

أولاًً : أهلاً بك وشرف لنا نقاشك معنا
تانياً : أحياناً بالعامية الواحد  بيحكي براحة وطالما الموضوع ما بيخص قسم اللغة العربية فيسامحونا  

والله أخي شوف متل ما قلنا كلنا هيك منميل للأجمل  ولكن بدرجات وانت على ما يبدو من الدرجات المرتفعة    ما دام عم تقول للأسف وبالنسبة انك انت تكون محط الاهتمام ، يعني طبيعي الواحد يحب انو يجذب الناس بس بالنسبة للشب أول مرة بشوف أو يمكن ما كنت انتبه انو  بيحب الناس تنتبه لجمالو    اذا هيك كنت بتقصد

 حلوة لكن هي ، حلو كتير  حلو انو الانسان يقدر يوقف شعور عندو  عند  حدوده ويعرف انو لهون وبس ، جد أخي والله ما مجاملة  نحنا بشر ومنختلف كلنا عن بعض وما ممكن أبداً نكون منفكر بنفس الطريقة والنا قلب وعقل بيشتغلو سوا حتى بأهواءنا وعواطفنا  لذلك ما لازم أبداً نلوم أنفسنا على شعور عنا أو عاطفة  منلوم نفسنا لما منخلي شعورنا أو أفكارنا ( اللي هو )  ياخدونا باتجاه غلط لا سمح الله ومادام عم تمسك نفسك وتعيد حساباتك بالوقت المناسب فهاد شي كتير رائع  وأبداً حبك للجمال ما لازم يشعرك بمشكلة أو انو فيك شي غريب وكمان ان الله جميل يحب الجمال
اذا هي صورتك ( أكيد ما مستعيرها ما ) فواضح انك  بتهتم بالموضوع وما غلط الجمال حلو بأي شي بالدنيا  

الحديث الشريف كتير رائع أكيد والحمد لله انو في شي غالي عليك بيعمل ستوب باللحظة المناسبة ودائماً أكيد لما منتبع كلام الله جل جلاله وأحاديث سيدنا محمد رح نمشي دوماً بالطريق الصحيح ووجهة نظرك رائعة والله يوفقك
بشكرك كتير على صراحتك وانا كتير سعيدة انو هالموضوع  خلاكم  تفتحوا قلوبكم وتحكوا بصراحة( أصلاً الواحد بيرتاح لما بيحكي بصراحة)  وبتمنى الفائدة والراحة للجميع

محمد الصالح    

موسى محمد موسى,  
أهلاً بك أخي وتسعدني مشاركتك

من خلال تجربة  كلام جداً رائع ولك من خلال ما سمعت عنه أعتقد هنا أنك أخطأت لأن كل انسان له طريقة تفكير مختلفة وآراء مختلفة فعلينا أن نحكم على الناس من خلال تجربتنا نحن


هنا لديك حالتين اما من خلالك وتجربتك وأما من آراء الآخرين وهنا أنت حكمت عن بعد
عذراً أخي لكنك ناقضت نفسك وعلى كل الأحوال طبيعي أن يأخذ الانسان فكرة  مبدأية من الآخرين ولكن لا أن يحكم على الناس من أراءئهم  
حسناً أخي لكل وجهة نظر كما قلت
أكيد الأخلاق أهم من الشكل الخارجي

بالنسبة للثقة بالنفس فأعتقد تعتمد على الانسان نفسه وميوله ان كان يتأثر بالجمال فهو حتماً سيشعر بالنقص ويحاول أن يعوض بأشياء أخرى ولكن صدقني سيبقى متأثراً ويتمنى لو كان أكثر جمالاً ولن نكذب على أنفسنا ونقول ان الجمال ليس مهماً انه مهم جداً ولكن ليس أهم من الأخلاق أكيد والإنسان يستطيع أن يعوض بشكله الداخلي بأناقته بحديثه بلباقته بأشياء كثيرة وبالنهايه  لن يكون هناك قبيحاً ولو أني لا أحب هذه الكلمة وأعتبرها غير موجودة في حياتنا

هذه الزبدة

أهلاً بك   وشكراً لك  

rehab,  

اكيد صورتي ولو .. وشكرا هاد من زوئك

انا جدا سعيد و متفائل بكلامك .. يلي عم يجي بهاد الزمن يلي  تم الابتعاد فيه عن  كتير من المبادئ السامية يلي تربينا عليها .. شكرا الك من جديد