محمد عصام,
أولاًً : أهلاً بك وشرف لنا نقاشك معنا
تانياً : أحياناً بالعامية الواحد بيحكي براحة وطالما الموضوع ما بيخص قسم اللغة العربية فيسامحونا
اقتباس:
انا مع كل الأسف و برجع بقول (مع كل الأسف) بميل بطبيعتي للأجمل و الأحلى و الأبهى شكلا .. و ما برتاح بداخلي اذا ما كنت مصدر اهتمام بهاد الموضوع .. و يمكن بحياتي ما كنت بهي الصراحة و
والله أخي شوف متل ما قلنا كلنا هيك منميل للأجمل ولكن بدرجات وانت على ما يبدو من الدرجات المرتفعة
ما دام عم تقول للأسف وبالنسبة انك انت تكون محط الاهتمام ، يعني طبيعي الواحد يحب انو يجذب الناس بس بالنسبة للشب أول مرة بشوف أو يمكن ما كنت انتبه انو بيحب الناس تنتبه لجمالو
اذا هيك كنت بتقصد
اقتباس:
"لكن" و متل ما بتعرفو "لكن , تلغي ما قبلها" في شي بخليني ما اسمح لنفسي اتعامل بهالطريقة بأكتر من اللقاء الأول او التاني ,, و بخليني ارجع لصوابي و للمبدأ العظيم يلي هو "جمال الروح" يلي سبقتوني و حكيتو عنو
حلوة لكن هي ، حلو كتير حلو انو الانسان يقدر يوقف شعور عندو عند حدوده ويعرف انو لهون وبس ، جد أخي والله ما مجاملة نحنا بشر ومنختلف كلنا عن بعض وما ممكن أبداً نكون منفكر بنفس الطريقة والنا قلب وعقل بيشتغلو سوا حتى بأهواءنا وعواطفنا لذلك ما لازم أبداً نلوم أنفسنا على شعور عنا أو عاطفة منلوم نفسنا لما منخلي شعورنا أو أفكارنا ( اللي هو ) ياخدونا باتجاه غلط لا سمح الله ومادام عم تمسك نفسك وتعيد حساباتك بالوقت المناسب فهاد شي كتير رائع وأبداً حبك للجمال ما لازم يشعرك بمشكلة أو انو فيك شي غريب وكمان ان الله جميل يحب الجمال
اذا هي صورتك ( أكيد ما مستعيرها ما ) فواضح انك بتهتم بالموضوع وما غلط الجمال حلو بأي شي بالدنيا
اقتباس:
بتمنى ما اكون ركزت ع منحى ديني يمكن ما يكون هون محلو , بس بالنهاية هاد موقفي و وجهة نظري و دستور تعاملي و ما فيني ما اصرح فيه بمنتهى الشفافية ..
الحديث الشريف كتير رائع أكيد والحمد لله انو في شي غالي عليك بيعمل ستوب باللحظة المناسبة ودائماً أكيد لما منتبع كلام الله جل جلاله وأحاديث سيدنا محمد رح نمشي دوماً بالطريق الصحيح ووجهة نظرك رائعة والله يوفقك
بشكرك كتير على صراحتك وانا كتير سعيدة انو هالموضوع خلاكم تفتحوا قلوبكم وتحكوا بصراحة( أصلاً الواحد بيرتاح لما بيحكي بصراحة) وبتمنى الفائدة والراحة للجميع
محمد الصالح