الاثنين 26 /5 ندوة عن الترجمة في مدرج الآداب الجديد

Widad

Naim Kishi,
شكراً كتير إلك الدكتورة سونيا مو اختصاصا لا شعر ولا ترجمة وكمان الدكتور جهاد اختصاصو لغويات ولسانيات تفاجئت لما شفت اسماؤن لو كانت الدكتورة سامية كفا حاضرة كنت شفت أكيد محاضرة ولا أروع
شكرا مرة تانية

Tami

كان بودي احضرها و خاصة انو كان في الدكتورة سلوى و الدكتور محمد العلي, بس هلأ لحتى عرفت انو كان في ندوة...

على كل الف شكر الك زميل نعيم...
و عم انتظر مقطع الفيديو بخصوص الندوة...

عاشقة العربية

فعلا متل ما قال نعيم :

اقتباس:

بس افتقدت لاي تعليق او شرح لطرق الترجمة الشعرية واللي كانت بهمني بالمقام الاول واكتفى الدكاتره بالالقاء و التعريف

لكن ترجمة قسم الفارسي والانجليزي كانت مميزة جدا ..
من دكاترة العربي .. كان موجود الدكتور غسان مرتضى ، أحمد دهمان ، أحمد علي محمد ، ليلى رضوان ، مروان غصب ، نايف شقير ، محمد العيسى ، عبد الكريم الحبيب
ان شالله ما كون نسيت حدا :roll:

وألقى الدكتور عبد الكريم بنهاية الندوة قصيدة بيلخص فيا رأيو بالندوة ومسارا .. وكانت فعلا راااااائعة ..
يعني بصراحة شديدة قد ما تُرجمت قصائد للعربية وحاولنا نخضعا لروح العربية بيبقى للشعر اللي نظَمو إنسان عربي مميز زمتقن وموزون .. وهالشي تحدث عنو الدكتور غسان ببداية الندوة .

Naim Kishi

mare,

اقتباس:

بس متل ما قال دكتور اللغة الفرنسية جهاد سلوم .الترجمة للشعر تحديدا اذا بدها تكون جميلة فما رح تكون أمينة

بعتقد اذا كان المترجم متمكن وعنده حس شعري بيقدر يوصل على القليلة لحل وسط بحيث يعطي القصيدة المترجمة انسيابية و وزن شعري
براي اثر الشعر مانه بالكلمات بحد ذاتها بل بترابط الكلمات مع بعضها البعض
يعني اذا ترجمنا كلمة كلمة رح تفقد القصيدة اثرها بشكل كامل
انا من مؤيدي الخروج عند الحاجة عن النص في ترجمة الشعر

اقتباس:

ترجمت الدكتورة سلوى رائعة .بس بتكون لاحظت انو مانها امينة مئة بالمئة واخدت من روح اللغة العربية ما يكفي لاعطاء النصوص جمالا جعل من ترجمتها الاجمل

صحيح كانت الترجمة رائعة بس ماقدرت احكم عليها من خلال النص الانكليزي لان صعب الواحد يقارن الترجمة مع النص الاصلي

اقتباس:

على حد علمك لسة فيه دبلوم ترجمة ولا لغو....شي بيقولو التغى بس مع ذلك بتسمع ناس عم يدرسو دبلوم ترجمة .....شو القصة .......وبتعرف في حال في قديش المعدل المطلوب عادة

لا دبلوم الترجمة ما التغى لسبب بسيط انو ماله ماجستير حاليا
لذلك تم الابقاء عليه بس ممكن باي سنة يلغو اذا توفرت الكوادر لرسالة الماجستير
بالنسبة للمعدل كل مانو عم يرتفع لان اتمته المواد رفعت المعدلات بعتقد السنة الماضية كان حوالي 64 بس السنة ممكن يرتفع
على كل في بالشام المعهد العالي للترجمة (ماجستير) فورا وممكن الواحد يقدمله اذا بده ماجستير
Widad,
لا السبب الرئيسي ان الندوة بالاساس كانت عن شعر المرأة يعني المفروض مايكون في شرح للمشاكل بل فقط القاء بالمجمل بس انا توقعت انو يحكو شي ولو بسيط عن الترجمة الشعرية او اسسها ..
Tami,
العفو تامي وان شاء الله يكون في ندوة تاني قريبا
ان شاء الله المقطع بنزله اليوم

*ورود

الملاك

كانت وحدة من أجمل الندوات اللي حضرتا بحياتي

طبعاً أنا ما كان بهمني يحكو عن مشاكل الترجمة..لأنو نحنا طلاب أدب ومنعرف هالمشاكل وما بهمني اسمعا مرة تانية
اكتفيت بالاستمتاع بروعة الالقاء بلغات مختلفة..وبعد هيك ترجمات حلوة ورايقة وما بقدر احكم على دقتا

عالعموم الندوة كانت بحاجة آذان موسيقية تستشف روعة اللفظ باللغات الأوروبية لأنو القصيدة الفرنسية كانت أشبه بمقطوعة موسيقية...وكأنو سيمفونية عم تنعزف على مسامعنا
كل دكتور أبدع بطريقتو..وأنا بهرني الدكتور اللي ألقى بالألماني
لتعمقو القوي بالألمانية..حتى انو كان حافظ القصائد وعم يلقين بتعمق..ومن خلال دراستي قريت عن طوع اللغة الألمانية بالشعر وكانت هي فرصتي الوحيدة لاسمع شعر ألماني
وكأنو والله كل كلمة خلقت للكلمة اللي جنبا
وذكرني الشعر الألماني ببيت أمروء القيس..مكرٍ مفرٍ مقبلٍ مدبرٍ.....
لأنو هيك كان وقعن عالأذن

قد ما حكيت ما رح اقدر أوصف روعة وجمال وشاعرية هالمؤتمر وهالجمعة الحلوة
بس الدكتور عبد الكريم بهرني بالنهاية
لطالما حسيت حالي عدم أمام الشعراء..بس هي أول مرة بحس بالانعدامية بهالقوة هي
ماشاء الله عنو
ونحنا قاعدين نظم القصيدوة...وزنا..ونقحا...وضمن فيا كل مجريات الندوة من أسماء وعناوين القصائد وموضوعاتن وشوي عن اللي ألقو القصيدة

آه...كان يوم مؤثر..بتمنى انساه مشان أقدر أدرس

زمردة

كانت الندوة حلوة ... تم فيها ترجمة عدة قصائدة من لغات مختلفة(فارسي-ألماني- فرنسي- اسباني-انكليزي-سرياني) إلى اللغة العربية مع أنغام الموسيقى الهادئة
طبعا أكتر شي عجبتني ترجمة الدكتورة سلوى و إلقائها كان رائع و خصوصي أول و آخر قصيدة

اقتباس:

وأنا بهرني الدكتور اللي ألقى بالألماني

الدكتور شاكر مطلق دائما بشارك بهيك فعاليات و بالمناسبة هوي دكتور عيون حسب مابعرف ... و السنة الماضي ألقى محاضرة بالندوة اللي دامت على مدى 3 أيام بعنوان "الترجمة: أمانة أم خيانة" و متل العادة مو بحب يلقي جالساً فألقاها واقفاً :mrgreen:

إن شاء الله السنوات القادمة يكون في إفساح مجال لمناقشة الإشكالات خلال عملية الترجمة لأنه كل نص إله خصوصيته

*ورود

ريمة

شكرا نعيم على المعلومات بخصوص الدبلوم
..........

ياترى بالمنتدى هون بأعلنو عن موعد التقديم الدبلوم والماجستير على حد علمكوأنا بوافقك الرأي بالنسبة لترجمة الشعر ....بترجمة الشعر يمكن فينا نقول الغاية تبرر الوسيلة .... ونخرج شوي عن الحرفية وهذا ما بينافي الكلام لي ذكرتو مسبقا

كأن المدرج كان نصو دكاترة ومحاضرين والنص التاني أعضاء ارتين!
:mrgreen:

ولسه في اعضاء كانو حاضرين بس يمكن ما عندهم وقت يفوتو يعلقو ....

شايف جهودك نعيم ...جهود مثمرة *good

فارس

و الله بالنسبة الي أكتر شي عجبني هو القاء الدكتورة سلوى و ترجمتها اللي فعلا مشتغلة عليها و انا متأكد انو عادت تنسيقها بالعربية أكتر من مرتين متل ما عودتنا

بس الحلو بالندوة كان آخر شي لدكتور العربي اللي ما شاء الله كاتب معلقة ما مخلي حدا من المحاضرين الا ما ذكرو فيها

و اللي عجبني أكتر انو قال آخر الشي يالله ع حفلة الشاي و طلع مافي شاي .... كان لازم يسموها حفلة كولا

و لاحظو انو الشعر الفارسي (( احم احم )) كان أول شي

الملاك

اقتباس:

لاحظو انو الشعر الفارسي (( احم احم )) كان أول شي

لاحظنا

Naim Kishi

الملاك,

اقتباس:

لأنو نحنا طلاب أدب ومنعرف هالمشاكل

طلاب أدب وليس طلاب ترجمة .. والترجمة تعطى كمادة فرعية لا اساسية!!!
على كل ان شاء الله قريبا رح اعرض بعض المقالات عن مشاكل الترجمة ككل من وإلى العربية لمترجمين كبار وان شاء الله وقتها رح تعرفي قصدي عالضبط وتلمسي ان البعد بين اللي اخدناه واللي مفروض ناخده بالحد الآدنى هو بعد الثرى من الثريا
:arrow:

mare,

اقتباس:

ياترى بالمنتدى هون بأعلنو عن موعد التقديم الدبلوم والماجستير على حد

بعتقد التسجيل للدبلومات بكون من بداية الشهر القادم
اما ماجستير الترجمة بالشام ففيه امتحان دخول قسمين يمكن بشهر 7 او 8

اقتباس:

بالنسبة لترجمة الشعر ....بترجمة الشعر يمكن فينا نقول الغاية تبرر الوسيلة .... ونخرج شوي عن الحرفية وهذا ما بينافي الكلام لي ذكرتو مسبقا

انا معلوماتي بمجال طرق ترجمة الشعر ضحلة جداً لانه مجال واسع جداً جداً
لذلك كنت مهتم كتير بطرق الترجمة الشعرية و مشاكلها
بس معك حق الحرفية ان كان بالكلمات او الاستعارة او التشبيه اضر باللغة العربية بشكل كبير

اقتباس:

كأن المدرج كان نصو دكاترة ومحاضرين والنص التاني أعضاء ارتين!

هي الندوة اجت بوقت امتحانات ومتأخرة شوي لذلك ما الكل حضر
بس منيح اذا كان كل الطلاب من آرتين

اقتباس:

شايف جهودك نعيم ...جهود مثمرة

العفو

فارس,
وانا عجزت فيك يافارس تقوم عالمنصة و تشارك وتقرأ موضوع " على من تضحكون"
بس انتي مابدك ؟! :mrgreen:

يلا خيرها بخيرها بركي بالمستقبل بصير في ندوة خاصة لموقع ارتين

ليه لأ!

بالنسبة للفيديو للي بحب يحمل : مقطع الدكتور فؤاد عبد المطلب والدكتور سلوى الوفائي
كلك يمين وحفظ باسم :
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

آخر المشاركات

قوانين المنتدى

الاثنين 26 /5 ندوة عن الترجمة في مدرج الآداب الجديد