• عنوان المشاركة: نهضـــــــــــــة آرتيــــــــــن
مرسل: السبت آب 08, 2009 5:15 م
المدير العام
اشترك في: 01 آذار 2007
المواضيع: 316
المشاركات: 4957
المكان: دوحة العرب
القسم: اللغة الانكليزية
السنة: متخرج
الاسم: فارس النائب
لا يوجد لدي مواضيع بعد
:: ::
السلاااااااام عليكم
آسف ع التأخير
كل الشكر لكلشي شارك بهالموضوع لأنو بدل ع اهتمامو بالموقع , و خصوصا أحمد أكيد
قصة العقبات اللي واجهها آرتين متل ما قال أحمد كانت متعددة , أهمها برأيي هي مشكلة السيرفر اللي مرينا فيها , هيك مشكلة هي من أحد أو المشكلة الوحيدة اللي ما بقدر سيطر عليها مع الأسف , طبعا كلكم بتعرفو انو نقلت منتدى آرتين ع سيرفر لحالو خاص بالمنتدى , و صارت المشكلة بسبب عطل عند شركة السيرفرات بالشبكة , مما اضطرني الى انو انقل السيرفر ع مكان تاني بالشركة مشان شبكة تانية فعالة .
طبعا هيك مشكلة رح تأثر و الحمدلله انو قدرنا نتخطاها بأقل أضرار ممكنة , و هي بكل الأحوال ما دامت اكتر من اسبوع تحسن فيها الوضع شوي شوي . مالنا فيها , لأنو خارجة عن السيطرة .
الجزء التاني هو جو آرتين . أكتر شي مهم بالمكان اللي نتواجد فيه هو روح الإلفة و المحبة بين الكل , و هاد شي بهمنا كإدارة و كأعضاء أكيد . بس هالشي و بعد تجربة , تبين انو شبه مستحيل , كمثال : وقت منكون بصف , بإيام الثانوي مثلا , منكون كلنا منعرف بعض لأنو العدد ما بيتجاوز الخمسين , و بآرتين كنا هيك و حتى لبعد ما صار في اكتر من الفين . بس وقت بزيد العدد بشكل أكبر متل كوني واحد بالدفعة بالجامعة من أصل الف واحد , ما رح لاقي هالجو متل ما كان بالثانوي , رح يكون في الي اكيد كتير اصدقاء , بس بالآخر مو كل الدفعة ولا نصها , لأنو اعداد كبيرة . فما بالكم بمنتدى عم يجمع كل الطلاب بمختلف السنوات و الأقسام و حتى من برا الجامعة ؟ و مع هيك نحن كإدارة متابعين بأنو حافظ على أكبر قدر ممكن من الجو العائلي بآرتين , مثلا بالرغم من انو شريط آخر المشاركات صار شريط الأقسام العلمية فقط , مع هيك خلينا المشاركات من قسم "عائلة آرتين " تبقى عم تظهر فيه
الجدير بالذكر انو اهتمامنا بآرتين أو نهضة آرتين ولا نجاحو أو فشلو , هو ما بالمنتدى فقط . الموقع بتم تقييمو بخدماتو بشكل عام . اللي لازم يصير انو ع الأقل نذكر و نفتخر بالايجابيات اللي عملناها , متل مجلة آرتين , اللي ما صار متلها ع مستوى الوطن العربي كلو لحد هلأ !! مع هيك , المشاريع و الخدمات الجديدة جاية أكيد و رح تكون ع العام الدراسي الجديد و بوعد انو في خدمات ما رح تلاقو متلها ولا بموقع عربي , طبعا كخدمات تعليمية . بالإضافة لمجلة آرتين الاصدار التاني العملاقة !!
و لازم اعترف انو في تقصير مني سببو خط الانترنت مع الأسف , عنا بمقسم الهاتف التخديم سيء جدا و عم حاول اتلافي هالشي قدر الامكان .
آخر شي حلو انو نناقش امور الموقع كعيلة وحدة , و انا بيسعدني هالشي , ع شرط طريقة النقاش تكون صحيحة و مستوفية جميع المؤهلات اللي بتجعلها نقاش مفيد مع نتائج و حلول ناجحة . لهيك برجع بذكر أنو المجال مفتوح لأي شخص عندو رأي أو فكرة لتطوير المنتدى بأي من الاشكال , حتى بالقوانين الرئيسية , منحكي و منشوف و منتفاهم و اكيد ما رح نصل لنتيجة غير بالآراء و التفاهم .
• عنوان المشاركة: نهضـــــــــــــة آرتيــــــــــن
مرسل: الأحد آب 09, 2009 12:44 ص
آرتيني فعّال
اشترك في: 23 تموز 2007
المواضيع: 121
المشاركات: 1774
المكان: حــــلــــب
القسم: Translation
الاسم: Basel al-Amroush
لا يوجد لدي مواضيع بعد
:: ::
عم تحي درر فارس... الله يبارك فيك, و نحن مؤمين بآرتين و بقدراتك و الله يختار الخير لأنو الله بس بيعرف اديه عم تتعب انت و الإدارة كرمال المنتدى و الاعضاء.. و ان شاء الله رح نشوف مشاريع و انجازات اكبر بكتير من كل شي عملناه
• عنوان المشاركة: نهضـــــــــــــة آرتيــــــــــن
مرسل: الأحد آب 09, 2009 2:20 م
مشرفة قسم Say It in English
اشترك في: 19 شباط 2009
المواضيع: 129
المشاركات: 1752
القسم: اللغة الانكليزية
السنة: دبــلــوم
لا يوجد لدي مواضيع بعد
:: ::
اقتباس:
السلاااااااام عليكم
و عليكم السلام و رحمة الله و بركاته
اقتباس:
آسف ع التأخير
المهم أنك وصلت
اقتباس:
أكتر شي مهم بالمكان اللي نتواجد فيه هو روح الإلفة و المحبة بين الكل
اقتباس:
و نفتخر بالايجابيات اللي عملناها , متل مجلة آرتين , اللي ما صار متلها ع مستوى الوطن العربي كلو لحد هلأ
أكيد كلنا ألنا الفخر بهيك انجاز كبير وراقي بالإضافة لانجازات آرتين الباقية*ورود
اقتباس:
المشاريع و الخدمات الجديدة جاية أكيد و رح تكون ع العام الدراسي الجديد و بوعد انو في خدمات ما رح تلاقو متلها ولا بموقع عربي , طبعا كخدمات تعليمية . بالإضافة لمجلة آرتين الاصدار التاني العملاقة !!
انشاء الله يارب منشوف آرتين متربع على قمم أعلى و أعلى و أكيد فارس أنك ما قصرت من قبل و هلق انشاء الله كمان مارح تقصر بتقديم أي شيء من شأنه أن يرتقي بآرتين قمة القمم و الله يعطيك ألف ألف عافية على جهودك و متابعتك المستمرة و منا ألك و لآرتين القمة أجمل المنى و نحو مزيد من الانجازات و الخدمات التعليمية الراقية
• عنوان المشاركة: نهضـــــــــــــة آرتيــــــــــن
مرسل: الأحد آب 09, 2009 2:52 م
المدير العام
اشترك في: 01 آذار 2007
المواضيع: 316
المشاركات: 4957
المكان: دوحة العرب
القسم: اللغة الانكليزية
السنة: متخرج
الاسم: فارس النائب
لا يوجد لدي مواضيع بعد
:: ::
Basil, سيرين, شكرا على ردودكم
بس ضروري ذكر انو وقت منحكي ع نهضة آرتين او منتدى آرتين , فهالشي بيعني الكل و ما بيوقف ع شخص واحد حتى لو انا , لهيك المنتدى هو كل الأعضاء و انا عضو متلكم , فقط انو متحمل عبء تطبيق القوانين و الإدارة التقنية ... سألو علاء كيف صار شعورو بعد ما خلص من مسؤولية الاشراف
• عنوان المشاركة: نهضـــــــــــــة آرتيــــــــــن
مرسل: الأحد آب 09, 2009 10:23 م
آرتيني مؤسس
اشترك في: 24 كانون الثاني 2008
المواضيع: 131
المشاركات: 3280
القسم: ترجمي
السنة: الرابعة
لا يوجد لدي مواضيع بعد
:: ::
والله معك حق أبو حميد وحكيت الي بدي احكيه
بس يمكن السبب كمان الصيفية وانشغال الكل بالعطلة ف الواح بدو يصيف وينسى الكتب والجامعة والمحاضرات والعلم ويرفه عن نفسو هاد رايي بالنسبة للمشاركات اما المشرفين ففي مثلا ناس بترك شغلها وبتشوف شغل غيرها شو ردوا ليحطو رد مثلا بالنسبة للأعضاء وانه ما بقى نعرف بعض قلك شي انا جيت ل أرتين لوحدي وبعد فترة تعرفت على الجميع وكسبت أروع أخوة وأروع صديقات بالعالم بتمنى طبعا يرجع آرتين لمتل ما بنعرفوا وعرفناه وان شاء الله متل ما قلت قصة صيفية
• عنوان المشاركة: نهضـــــــــــــة آرتيــــــــــن
مرسل: الأحد آب 09, 2009 10:35 م
مشرف موسوعة الأدب الانجليزي
اشترك في: 17 كانون الأول 2007
المواضيع: 60
المشاركات: 1898
المكان: Britain
القسم: Literature, Film, and Theatre
السنة: MA
لا يوجد لدي مواضيع بعد
:: ::
اقتباس:
سألو علاء كيف صار شعورو بعد ما خلص من مسؤولية الاشراف
ايييييي أحلى شعور بالعالم بربي
يا جماعة انا بستغرب باللي بحبو يصيرو مشرفين ؟؟!! حدا بكونو حر طليق بيجي عالمسؤولية و الهم و الغم و التعتير ..
مشرف = سجين و مقد عضو عادي او مؤسس = حر طليق .. تدخل متى شئت و تغيب متى أردت و ليس لديك أية مسؤولية ادارية
أحمد أنا بتشكرك من كل قلبي على هالموضوع الرائع .. يا سيدي فعلا حطيت ايدك عالجرح .. و أنا كمان حسيت انو المستوى عم يتراجع .. بس ما بدنا ننسى العوامل الي ادت لهالشي .. و أبرزها انو هلق "استراحة" صيفة لا دراسية .. يعني ان شاء الله بكرا بس بلش العام الدراسي بتتحسن الأمور شوي ..
بس ما لازم ننسى دور المشرفين .. و المؤسسين كمان !! هدول لازم يلعبو دور محفز بالمشاركات .. خود قسم Say It in English على سبيل المثال .. من أهم الأقسام بالمنتدى .. مع انو الأعضاء من طلاب الإنكليزي .. أو حتى المشرفين .. هنن الي بشكلو الأغلبية بهالمنتدى .. مع ذلك المشاركات بهالقسم محدودة على أسماء معدودة .. و أحيانا في عالم كل شهرين بتدخل عليه مرة!! و على مواضيع غير مهمة كمان!!!
أقسام تعلم العربية نفس الشي !!!
باختصار .. أنا بشوف انو للمشرفين و المؤسسين ..و الأعضاء المميزين الدور الأبرز بتنشيط هي الأقسام ... لذلك لازم يصير في تعاون من الكل بهالموضوع !!
و أهم نقطة .. أنو ماحدا يشلف عالتاني .. لازم الكل يحاول يقدم أفضل ماعندو .. و معلش خلينا نتجنب المشاركات البايخة البلا طعمة .. مو تجنب شامل .. خلينا نقول نصفي .. و نعطى أهمية أكبر للأقسام التعليمية الإنكليزية .. العربية .. أو الفرنسية!!
و بتمنى لآرتين التقدم من الجيد إلى الأفضل .. .. و يا فارس .. صحيح أنا قلتلك مرة انو كل شي عالي لابد انو ينزل .. بس أنا بستثني آرتين من هالقاعدة .. طالما انت موجود فوق راسو أكيد رح يتم بالعالي ..
• عنوان المشاركة: نهضـــــــــــــة آرتيــــــــــن
مرسل: الاثنين آب 10, 2009 2:07 ص
آرتيني فعّال
اشترك في: 22 شباط 2008
المواضيع: 29
المشاركات: 1074
السنة: رابعة
لا يوجد لدي مواضيع بعد
السلام عليكم أنا بحيكن جميعا لأنه لسا ببالكن قصة التحسين. من فترة مو كتير بعيدة لما صرت فوت على أرتين صرت حسه متله متل أي منتدى تاني ضحك و أنغلة و ما في شي جد. الفكرة إني ما ضليت برا و كل فترة كنت إرجع فوت بس للأسف ما لاقي شي يفيد قوم إطلع بدون و لا مشاركة. اليوم صدفت الموضوع و كتير حبيت هالجو, فعلا أرتين إنبنى على أسس قيمة و صدقوني رح يضل راقي بجهودنا كلنا أنا فتت لهون لقول كلمة للإدارة و المشرفين إنو نحنا كأعضاء مستعدين لنعمل أي شي منقدر عليه للنرتقي بأرتين. عندي أفكار ممكن تساعد هالموضوع, بس لنسقها رح إعرضها إنشالله. بتمنى للكل التوفيق
• عنوان المشاركة: نهضـــــــــــــة آرتيــــــــــن
مرسل: الاثنين آب 10, 2009 2:51 ص
مشرف ألبوم الصور
اشترك في: 15 تموز 2007
المواضيع: 130
المشاركات: 2134
المكان: حبيبتـي الــــ:::ــــام
القسم: TRANSLATION
لا يوجد لدي مواضيع بعد
:: ::
بسم الله الرحمن الرحيم..... أول شي في كم كلمة عجبني وبدي علق عليهن وهنن أساس موضوعنا
اقتباس:
بمنتدى آرتين ما فينا نقول عضو ومشرف وإداري وووو،
وهالشي هو يلي خلاني اطرح الموضوع على القسم العام ويشاهدو الكل.. وما رضيت حط الموضوع بالقسم الاداري لأنو الكل معن..وهون الكل متل ما قال فارس عيلة وحدة......
يلي بخلينا نتفءل إنو الكل حاسس بالمشكلة والكل حابب التغيير والنهوض.. ... يمكن يكون البعض فهم موضوعي غلط... أنا قلت إنو آرتين مازل محافظ على الدور التعلمي وبالعكس عمينهض أكتر بهدا المجال..... [color=#408000]ومشروع المجلة تاج على رؤوسنا وما فينا ننكر هالشي.. المشكلة هي بالدور الإجتماعي والمواضيع الجتماعية الأخرى وليست الترفيهية.. ومافينا ننكر دور القسم الترفيهي وآرتين كافي..لأنو قسم متمم ومافينا نستغني عنو...بس انو ناخدو غاية بحد ذاتها هون المصيبة...
وأنا صدقوني ما بلوم حدا من كبار الشخصيات بالمنتدى..لأنو كل واحد الو دورو المحافظ عليه يعني مافيني لوم عضو معروف بردودو القوية [/color]على الرغم انو هاعضو ما بنزل مواضيع...فإذا غابت المواضيع هالعضو وين بروح بحالو... وهاي نقطة مهمة جدا لأنو الأغلبية عنا بترد ونادرا لحدا ينزل مواضيع.. ومن جهة تانية في عالم معنية بدورها بتنزيل المواضيع ومتعودين على المواضيع تبعهن الحصرية والقوية ولو كانت منقولة......
على كل الأحوال..الأحوال ما زالت بخير بما انو الكل موافقني وحابب يغير... منجي لشغلة رئيسية بآرتين... وهاذا أول شي حابب احكي عنو..وهو قسم بوح المشاعر..يلي هو عماد آرتين وهو السبب بنهوض آرتين لقمتين وأمسيتين..تشجلو بتاريخ آرتين الحافل.... قسم بوح المشاعر: محبب للجميع والأغلاط يلي صارت فيه مايلي:
انو غاب الشعراء الكبار يلي كنا ننتظر كتاباتهن بفارغ الصبر...مثال على ذلك:شكسبيريان و ثائر وصفوة وهدى ومون لايت وإلخخ... صار البعض ينزل أشعار بشكل كبير وهدات الشي خلا الشعر تضيع قيمتو ويلي كانو ينزلو قصايد قوية صارو يتخوفوا من قلة الردود وقلة الإهتمام... وحاليا ما نشوف شي جديد الهن بآرتين..حتى انو البعض بعد ما نزل قصائد صار يطالب بحذفها بسبب الصدمة يلي تلقاها.... وكمان من ناحية تانية...قسم بوح المشاعر مو بس للشعراء هو لكل الأعضاء يلي بيكتبو مذكرات أو خواطر بسيطة ...أنا اذا نزلت خاطرة هالشي ما بيعني اني شاعر...بس بدل من انو احتفظ فيها بدفتري الخاص ب..بحطها بآرتين وبشوف الآراء...وما في حدا فينا مو قادر انو يعبر عن مشاعرو..لأنو مو شرط يكون شاعر...بس إني اكتب خواطر بسيطة وقول للعالم اني شاعر هاي مصيبة كبيرة...ووقعنا فيها للأسف..........
هاي احدى المشاكل الرئيسية يلي حبيت احكي عنها.....
على كل الأحوال أنا متفائل كتير بردود الأعضاء والمشرفين وناطرين منكن أي شي ولو كان بسيط للننهض بآرتين.... فارس متعاون جداااااا وهالشي الكل منعرفو...والسيرفر الحمد لله عمتنحل أمورو شوي شوي.. والأمور الحالية جيدة وهدا الوقت المناسب لنبلش شغل..
ناطرين من الكل يظهرو أفكارهن ونتناقش فيها بكل أريحية وبشك عائلة وحدة
وتقبلو مني فائق الإحترام جميعاً... ...وأكيد لنا عودة للنقاش
_________________
آخر تعديل بواسطة أحمد الدالي في السبت آب 15, 2009 11:54 م، عدل 1 مرة
• عنوان المشاركة: نهضـــــــــــــة آرتيــــــــــن
مرسل: الاثنين آب 10, 2009 10:26 م
آرتيني مشارك
اشترك في: 14 حزيران 2007
المواضيع: 3
المشاركات: 111
المكان: سوريا . حمص
القسم: لغة انكليزية
السنة: lecturer
لا يوجد لدي مواضيع بعد
:: ::
اقتباس:
نو غاب الشعراء الكبار يلي كنا ننتظر كتاباتهن بفارغ الصبر...مثال على ذلك:شكسبيريان و ثائر وصوفة وهدى ومون لايت وإلخخ...
صوفة ........؟؟ مين هالشاعر ؟ بس ذا قصدك صفوة فكلامك صح ........وين يا ترى اللي بفوت من زمان و بيقرا قصص ايسوب مترجمة باشراف نعيم و افنان ؟؟؟؟ و بلا قي هلق انو العلاقات الشخصية و المونة صارت تحت قناع اسمو التعاون .... عم تحكوا عن الفة .لك في عداوات كتير بارتين ...و في للأسف لي بفوتو من اصحاب عقد النفص مشان يبعتوا للبنات ...... انا بفوت بالسنة مرة .المنتديات الاجنبية بتعلم اكتر و منستفيد منها بالمفردات و القواعد و القراءة ....... يا جماعة لازم يكون في خطط و دعم للأفكار الخلاقة و اهم شي الحرص على تقديم اروع نمتذج المواضيع التعليمية
طبعا جهود فار س ممتازة
مقابلات حلوة جدا أخبار ممتازة ....عن الجامعة و المواد خدمات منيحة بعتذر ع الرد الطويل و بتمنى لآرتين ..... انو يكون طموحو القمم .....بس بالحفاظ ع القيم ..........
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى