• عنوان المشاركة: نهضـــــــــــــة آرتيــــــــــن
مرسل: الثلاثاء آب 11, 2009 7:58 م
مشرف قسم عائلة آرتين
اشترك في: 02 آذار 2007
المواضيع: 142
المشاركات: 2431
المكان: حمص العدية
القسم: الانكليزية
السنة: الــرابــعــة
لا يوجد لدي مواضيع بعد
:: ::
أول شي بحب أشكر صديقي احمد الدالي على طرح هالموضوع يلي فعلا بيستحق النقاش و بصراحة انا أول ما شفتو لمتو و قلت مكان هالموضوع مو هون بس لما شفت الردود و تفاعل الاعضاء حسيت بنشوة رائعة و قلت فعلا يلي بميز آرتين هو أعضاؤوا ....
رح فوت بالموضوع بدون مقدمات ...
لما فتح آرتين سجلت انا فيه بعد كام ساعة و كان فيه بالظبط 21 عضو و كنت انا رقم 22 .. تخيلو آرتين ب 22 عضو بس .و بعد أسبوع صرت مشرف بآرتين و كان الي الفخر إني كون من مؤسسين آرتين و كون من المشرفين الأوائل فيه .. بعد فترة قصيرة و بوقت قياسي جدا تضاعف عدد الأعضاء و صار الكل يعرف بعضو و ازداد عدد المشرفين و المشرفات و اتطور آرتين و صار لكل طلاب الآداب بعد ما كان مختص باللغة الانكليزية فقط ...
و بعد فترة قصيرة انفتحت الساحات و اتعددت الاختصاصات و صار آرتين موقع رائع و شامل لكل شيء في جامعة البعث و الشي يلي كان بميزوا هو الأعضاء يلي كانو كعيلة وحدة و ايد وحدة و أي موضوع بينزل بآرتين لازم يلاقي نقاد و مادحين و أي استفسار بينزل بلاقي الجواب الشافي بعد ساعات معدودة و هادا الشي بعتبروا ميزة بآرتين لا يمكن انو تتواجد بمنتدى آخر ... و هاي السنة بالذات كان لآرتين بصمات و خطوات و قمم وصل صداها لخارج سورية و يلي هي الأمسية الآرتينية الثانية و مجلة آرتين و المراسلين يلي أثبتو جدارتهم و نالوا مكافأة على الجهود يلي بذلوها ...
بالنسبة للكبوة يلي متعرضلها آرتين هلأ .. انا برأي انو هادا شي طبيعي بالفترة الصيفية و بكثرة الأعضاء .. الصيفيات الماضية كان عدد الأعضاء أقل من هلأ بكتير و كان الوضع محمول و حتى غير ملاحظ .. بس هاي الصيفية لاحظ الكل انو آرتين اتخذ اتجاه آخر غير التعليمي و هو الاتجاه الترفيهي يلي كان بمثابة مكمل للدعامات الأساسية يلي انبنى عليها آرتين و بالطبع هادا الشي مؤقت لحتى يرجع الدوام بالجامعة و يرجع جو الدراسة لزملائنا الطلاب ...
آرتين ضد الصفعات و مو آرتين يلي بيضعف بس كل عملاق مارد الو فترة بنام فيها فترة مشان يرجع يصحى و يصير أقوى من ذي قبل و حاليا آرتين بهالفترة يلي رح نتجاوزها كلنا بإذن الله ...
لاحظت انو في ردود قالت انو الحق على المشرفين و الإدارة .. و هادا الشي مرفوض تماما ... المشرفين مقيدين بقوانين و شروط لا يمكن تجاوزها مع الأعضاء كافة دون استثناء و كل يلي بيقدروا يعملوه هو تشجيع الأعضاء فقط ... المشرف مو بإضافة المواضيع و كثرة الردود . المشرف بأنو يكون قادر على امتلاك زمام الأمور و السيطرة و الكلمة المسموعة بقسمو ...
في نقطة حكيتو عنها و هي قسمي ... قسم بوح المشاعر ... هادا القسم كان عماد آرتين بيوم من الأيام و أهم قسم فيه لما نزل فيه من روائع و ما يحتويه من أقلام ... بس بالآونة الأخيرة صار في تعدد عضويات عشان تفعيل القصائد و يلي انكشف و قدرنا انو نعاجلو بطريقة أو بأخرى و كثرة القصائد يلي صارت تنزل كانت بمثابة عوائق سببت ضعف القسم و انسحاب بعض الشخصيات الهامة يلي كانت تنزل فيه كل فترة والتانية ...
بالنسبة لقسم بوح المشاعر رح يكون في خطط قريبة جدا سيتم اتباعها للرقي بالقسم و العودة به إلى سابق عهده ... رح يكون في مسابقات رمضانية و رح يتخصص قسم داخلي او موضوع مثبت للنقد فقط و رح يكون في لجنة تحكيم و انشا الله مع حلول الفصل الدراسي الأول رح يبدأ التخطيط لأمسية شعرية آرتينية ثالثة اذا توافرت الشروط المناسبة الها و على مستوى عالي جدا ... يعني نحنا على أبواب تغيرات كبيرة و طبعا رح يرجع المراسلين و يرجع النشاط التعليمي لأرجاء المنتدى و هون بتكون مهمة الأعضاء و التفاعل و طبعا التفاعل ماهو بكثرة الردود .. بل بكيفية الردود و انتقاء المواضيع يلي بتحتوي على الفائدة و المتعة ..
و هادا القسم مخصص لاقتراحاتكم و آراءكم و أي عضو عندو أي فكرة يطرحها هون و نحنا جاهزين للنقاش فيها و التحاور حتى نوصل لأرضية نبني عليها إنجازاتنا ..
و شكرا للجميع على الاهتمام . و شكرا لأحمد الدالي على طرح الموضوع ..
أول شي بحب أشكر صديقي احمد الدالي على طرح هالموضوع يلي فعلا بيستحق النقاش و بصراحة انا أول ما شفتو لمتو و قلت مكان هالموضوع مو هون بس لما شفت الردود و تفاعل الاعضاء حسيت بنشوة رائعة و قلت فعلا يلي بميز آرتين هو أعضاؤوا ....
ولك ع راسي يا شريك...والله بعرفك ما بتقصر بواجبك... ومشان الموضوع والملامة...لاحظت انو كتير لاموني على تنزيلو وخصوصا بعض المشرفين...بس صدقني لو ما بعرف انو الموضوع بمكانو ما كنت نزلتو..... على كل الأحوال تفائلت كتير بردك وبردود الكل وهالشي خير ان شاء الله رح يتم تصحيح كل الأخطاء ورح نشتغل بكل ما منقدر .... مشان تحليلك للركود يلي حصل...فهو بمحلو ويسلم تمك على كل شي حكيتو.. ناطرين من الكل التفاعل والمشاركات والمواضيع القوية يلي تعودنا عليها... وناطرين المزيد من الأفكار والمقترحات وخصوصا من المشرفين
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
يمكنك أن تستفيد من الصلاحيات الإضافية للعضو و المشاركة في المنتدى بالتسجيل من هنا , كما يشرفنا أن ينضم إلينا الأساتذة و المعلمون 
تسجيل الدخول
تصفح جوال
الأسئلة المتكررة
بحث
::
