آرتين لتعليم اللغات :: لمن لديه الخبرة في شؤؤن الناجستير الرجاء المساعدة : ما بعد التخرج و طرائق التدريس

آرتين لتعليم اللغات https://forum.art-en.com/

لمن لديه الخبرة في شؤؤن الناجستير الرجاء المساعدة https://forum.art-en.com/viewtopic.php?f=115&t=25572	صفحة 1 من 1

الكاتب:	reham.katmah [ الأربعاء أيلول 28, 2011 11:43 م ]
عنوان المشاركة:	لمن لديه الخبرة في شؤؤن الناجستير الرجاء المساعدة
ياجماعة انا طالبة في كلية الاداب الثانية في حماه واليوم سمعت انو الاحد فحص الماجستير للآداب في حمص.. طب نحن موادنا للفصل الثالث لسه ماطلعو وانا قرأت بنفسي قرار انو اللي دخل ع الفصل الثالث يحق له التقدم للماحستير في نفس السنة او السنوات اللاحقة...يعني معقول لاني أجلت مادة يروح علي الماجستير سنة كاملة؟؟؟ وسمعت كمان انو لفحص التقديم على الماجستير في ثلاث دورات في هيك شي؟؟؟ و اذا راح علينا فحص تقديم الماجستير ياترى منقدر نقدم على المعيدية...ارجووووكم المساعدة لان شؤون الطلاب عنا يااما موعرفانة شي يااما مابدن يردو علينا..وشكرا

الكاتب:	*قطرب* [ الخميس أيلول 29, 2011 12:13 ص ]
عنوان المشاركة:	لمن لديه الخبرة في شؤؤن الناجستير الرجاء المساعدة
ياعزيزتي مشان الشؤون بتقدري تقولي مو عرفانين ولابدن يعرفو مشان مايردو... تاني شي الأحد هو فحص اللغة مشان التسجيل بالماجستير مو فحص الماجستير ويلي بيرسب بهالفحص بتروح عليه سنة كاملة.. تالت شي الدورة التالتة دورة نظامية وعلى هالشي بيحقلكن تقدمو عالماجستير وهيك على ما أظن إنو بيعملو فحص تاني للغة خاص مشان جماعة الفصل التالت أو بيأجلو هاد الفحص كم يوم بينما يخلصو مواد يعني مو عكيفن يطنشو وتروح عليكن سنة كاملة ووقت يصير هالشي لكل حادث حديث بس ماحيصير ان شاء الله (وعكل حال إذا معك المعلم توفل مابدك تتحملي منيتن).. رابع شي لأ المعيدية مادخلا بالماجستير بس وين بدك تقدمي عالهالمعيدية... سابع شي ان شالله كون قدرت فيدك بشي أول شي السلام عليكم وبالتوفيق ان شاء الله

الكاتب:	Wissam [ الخميس أيلول 29, 2011 12:54 ص ]
عنوان المشاركة:	لمن لديه الخبرة في شؤؤن الناجستير الرجاء المساعدة
reham.katmah, مشان شغلة إنو ما طلعو كل موادك هني فتحو التسجيل الشرطي لمدة 3 أيام للي لسا ما مخلص موادو وبهيك حلو القصة وباقي الإجابات وصلوكي من الأخ قطرب مشكورا بالتوفيق

الكاتب:	reham.katmah [ الخميس أيلول 29, 2011 2:11 ص ]
عنوان المشاركة:	لمن لديه الخبرة في شؤؤن الناجستير الرجاء المساعدة
مشكورين والله يعطيكن الف عافية بس بما اني ماقدمت شرطي يظهر راحت للسنة الجاية..يلا خيرا بغيرا

الكاتب:	*قطرب* [ الخميس أيلول 29, 2011 3:20 ص ]
عنوان المشاركة:	لمن لديه الخبرة في شؤؤن الناجستير الرجاء المساعدة
ولك شو خيرا بغيرا شو الشغلة هيك..حاولي انزلي بكرة إذا بتقدري أو وصي شي حدا بحمص ومري عالمعهد أول شي بتقليلن مالنا خبر مشان التمديد الشرطي وانتو ماحطيتو إعلان عالنت من وين بدنا نعرف واطلعي عليهن بالعالي بيسجلولك هي إذا ما كانو مددينو أصلاً للخميس وإذا ما مشي الحال بتحملي ضربت ريقك وبوجهك عالإدارة المركزية عرئيس الجامعة أو النائب العلمي أو الإداري وبتعملي نفس العملية وبتحطي الحق عليهن إنو ما أعلنو هالشي المهم تكوني قوية قدامن وانشالله بيمشي الحال( هي بحال فعلاً سمحو بتلت أيام للشرطي بس أنا ماسمعت بهالشي وعكل حال عموقع الجامعة ما أعلنو هيك شي يعني قوي قلبك) وبالتوفيق انشالله إلك ويلي وضعن متلك

الكاتب:	reham.katmah [ الخميس أيلول 29, 2011 3:52 ص ]
عنوان المشاركة:	لمن لديه الخبرة في شؤؤن الناجستير الرجاء المساعدة
مشكوووووور وبكرا انشاءلله رايحة ع حمص دعولنا وبالتوفيق للجميع

الكاتب:	paradise [ الخميس أيلول 29, 2011 11:46 م ]
عنوان المشاركة:	لمن لديه الخبرة في شؤؤن الناجستير الرجاء المساعدة
كيفك اخت ريهام بس حابة اتطمن اذا رحتي سجلتي ولا لأ لأني أنا اليوم رحت سجلت و كانو ممددين التسجيل و مشي الحال انشاء الله بتكوني رحتي و سجلتي

الكاتب:	reham.katmah [ الجمعة أيلول 30, 2011 12:56 ص ]
عنوان المشاركة:	لمن لديه الخبرة في شؤؤن الناجستير الرجاء المساعدة
اي اللحمدلله رحت وسجلت مع انو الموظفين مارضيو يسجلولي لان اجيت بآخر الوقت بس الله يجزيها الخير الدكتورة مي جرجور ساعدتني ...يظهر الموظفين مابيعرفو انهن عم يلعبو بمصير الطلاب ومستقبلن ..وشكرا الكم جميييييعااااااا وبالتوفيق للجميع

الكاتب:	Wissam [ الجمعة أيلول 30, 2011 1:48 م ]
عنوان المشاركة:	لمن لديه الخبرة في شؤؤن الناجستير الرجاء المساعدة
paradise, reham.katmah, بالتوفيق انشالله

الكاتب:	Equilibrium [ الجمعة أيلول 30, 2011 5:17 م ]
عنوان المشاركة:	لمن لديه الخبرة في شؤؤن الناجستير الرجاء المساعدة
أخ قطرب والله تكبير الخط ببلاش ما بيكلفك شي و مشكور عالإفادة كبر الخط شوي والله بدنا مجهر لنشوق رغم تكبير الصفحة 500%

صفحة 1 من 1	جميع الأوقات تستخدم GMT + ساعتين [ DST ]
Powered by phpBB® Forum Software © phpBB Group http://www.phpbb.com/