Omama, و عليكم السلام و رحمة الله و بركاته الحقيقة مابعرف شو بدي قلك ... يمكن طالب التعليم المفتوح ممنوع حتى يكون طموح
متل ما تفضلوا الإخوة ... نحنا فرصنا تكاد تكون معدومة و حتى لو قدمتي لأقرب شي لاختصاصنا بجامعة البعث "دبلوم الترجمة و التعريب" فمارح يكون في غير مقعد واحد فقط لاغير لطلاب الترجمة مع إنه اختصاصنا و بأفضل الحالات عم يآخدوا 2 و حتى بماجستير و دبلوم التأهيل و التخصص بتعليم اللغة الانكليزية نفس الوضع مع إنه في اختبار كتابي و شفهي و الطالب المفروض بينجح بكفائته و مستواه العلمي ... و طبعاً بنفس الوقت مايروح فرص لزملائنا بالأدب الانكليزي على حسابنا و إنما يكون في تساوي فرص
المهم اللي حابة قوله إني ماوقفت عند هون و حاولت أعمل شي على الأقل افهم "ليش" و قدمت كتاب مفصل لوضعنا لنائب رئيس جامعة البعث لشؤون التعليم المفتوح و رجعت بعد أسبوع و كان الرد بسيط جداً من السكرتيرة "حاليا مافي شي" و رجعت معي الكتاب و أنا بقمة السعادة طبعاً بعد ما أخدوا صورة عن الكتاب مابعرف ليش ... و بصراحة لما قدمت الكتاب و مشان ماكون متشائمة 100% كنت حاطة أمل ولو 0.001% إني أعرف "ليش" أو آخد جواب منطقي أو نتيجة أو أي شي ... و قدمت هالكتاب مشان بيوم من الأيام ما لوم حالي و قول ماحاولت
شي طبيعي يلتقى بين طلاب التعليم المفتوح مستويات متفاوتة من حيث المستوى العلمي متله متل أي فرع ... لكن للأسف النسبة الأكبر لامبالية و همها شو حذف الدكتور من المادة و ينجح مجرد نجاح ... و هيك عم يروح الصالح مع الطالح
و شرّ البلية ما يضحك
الحمد الله على كل حال من الأحوال ... و بتمنى من زملائي بالترجمة اللي فعلاً حابين يكملوا بالمستقبل يعملوا شي و يحكوا و يبقوا عم يحاولوا ... لأن بتصور الفكرة المأخودة عن طلاب الترجمة إنهم "نايمين و ما سائلين" ... و كمان بتمنى انه أي طالب من طلاب ترجمة يعكس صورة حلوة عن هالفرع و يدرس الترجمة دراسة مو ينجح نجاح بمواده و يعلق هالشهادة على الحيط و ينحسب خريج ترجمة
بالأخير بقلك لا تتفائلي كتير مع ذلك لا تقطعي الأمل نهائيا ... و آسفة إذا كلامي محبط بس هاد الواقع للأسف
بتمنالك التوفيق
حببتي احنا الي منصنع الطموح ومننقلو للغير مش العكس المهم عم يقبلوا حببتي الشغلة مابدها غير دفشة يعني بدنا شي واسطة بس تحكي كلمة بيعدلوا وضعنا اكتر خخخ هههه ال يعني طلاب الاداب احسن بهمن الاختصار اكتر وشوف الغش بالامتحانات خخخ عالقليلة الترجمة طلابا اغلبن دارسين احسن فروعة وماسسين حياتن وداخلين هالفرع لانو كان رغبتن بس بعد مااسسوا حياتن بس طلاب الاداب اغلبن ماطلعلن غير ادب وبضلوا عشر سنين ليتخرجوا وبالاخر يادوبن بيعرفوا يحكي كلمة او يعلموا حرف متل الخلق خخخ وبعدين ان جيتي للحقيقة ماحدن بيحسن يتعلم اللغة ويتقنها تمام الا الي بساوي مية دورة مدسمة وياخد توفل وغيرو وطبعا بيحاكي ويخالط الاجانب لانو اللغة ممارسة واكتساب تفائلي حببتي تجدي الخير وإن شاء الله انا بعد كم شهر رح قدم عدبلوم تاهيل الي وزارة تربية قال انو عندي امل كبير فيه وببقى بخبركم مشكورة ياغالية
بصراحة ..لا تعليق المشكلة هاد هو الواقع وما في إنصاف لطلاب الترجمة بمجال دراستن أبدا .. بس على كل الأحوال نحن كطلاب ترجمة لازم نتفائل كتير لأنو رح نلاقي صعوبة بكلشي لنحقق بس أدنى مستوى من طموحنا عالقليلي .... ويااارب نحقق ولو شي بسيط بالمجال *المتاح* لألنا ..
صحيح شوفيني بكرى إن شاء الله بس اعدل وضعي واخد دبلوم تربية خخخ مشكورة ياغالية عالدعمة
والله يا امامة ما بعرف شو قلك غير ما النا الا الله
بخاف قول شي هلا بقول هي مشرفة القسم حكت يعني لا يحق لنا شي ليش فتحو قسم الترجمة وليش درسنا ونضربنا على قلبنا 4 سنين أو أكتر وبالنهاية ماذا حتى القطاع الخاص لا يقبل اختصاص الترجمة الكتب في اختصاصنا تحتاج الى تغير للأفضل
يبدو اخصصنا يحتاج الى تغير من الجذور حتى يحق لنا ما يحق لغيرنا
ههههه التغيير كمان لكتب الادب لازم قصة تتخرجي وتلاقي واقع غير هي بكل جامعات ياغالية القطاع الخاص ياغالية بموت علينا بدليل مافي مرة قلت لشركة او مكتب اني ترجمة الا قلي شو ناطرة تفضلي هاد المطلوب ... هلا ياغالية اي شخص بيعمل دورات وياخد التوفل بحط جاكعة ترجمة والاداب بجيبتو خخخ مشكورة ياغالية
الحقيقة مرة بس لازم نقولها هل تعلمون ان ميزانية الجامعة كلها تحسب من التعليم المفتوح يني الوزارة مابتخصص مصروف للجامعة ليش لان البركة فينا لحنا طلااب المفتوح لان عملية حسابية بسيطةفي 10000 طالب ترجمة و10000 زراعة وغيرو لو كل طالب دفع سنويا 20000 فقط حسبو المبلغ ياكرام يعني لحنا عم يتاجروا فينا وتجارتهم مربحة جددا مندرس وبعد التخرج بيقولو بي باي دبرو راسكم شهادتكم ادارية مو تدريسية ولحنا متل الجدبان ماعلينا الا نحكي بس فعل مامنقدر حقيقة للي ما بيطالب بحقوا بيضيع لان الحق يؤخذ ولا يعطا انا مستعد لكل اشي مسعد اقابل المسوليين بس بدي يكون الحركة منسقة ومدروسي انا بدعي الطلاب لااجتماع في احد الايام في اي مكان بتريدوا لانفكر شو ممكن نعمل لان السكوت لان يفيد ومابطعمي خبز بس بيطعمي هوااااااااااااااااااا وصحتين سلغا انا جميعا كم واكلنا وبسسسسسسسسسس
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى