السلام عليكم :
Mohammed :
اقتباس:
عم تتفرجي ع أبو جانتي معناها
اي والله تفرجت عليه
و زعلت انو خلص , لح نشتئلو لابو جانتي هوي و ابو ليلى و كلن
, و آخر حلقة كانت جزينة بعد ما اكلت اتلة عواطف و بدن يجوزوها غصب
من واحد شغيل بس مشكلتو تشتوش و ابو طرطور
......زعلت عليها و على ابوجانتي اللي خسر شغلو , شكلو اكيد في جزء تاني
................................................
اقتباس:
مافي داعي لكل هالتحضير
الشاطر والواثق من معلوماته رح ينجح
ان شاء الله يا رب , بس القصة صارت انو فحص لغة عمل متل ردة فعل كسرتنا شوي و شككتنا بمقدرتنا
عكلن الحمد لله , وما توفيقنا إلا بالله
وشكراً كتير محمد عالنصائح
......................................................................................
عبير :
اقتباس:
بالنسبة للامتحان التحريري للتأهيل و التخصص: كل مافي الأمر وحسب تجربتي السنة الماضية حاولي تعملي مراجعة للنقاط القواعدية اللي حاسة إنه لازم تراجعيها و تثبتيها منيح ... يعني لا تكتري مراجع وتدرسي شي مو لازم للامتحان وبالتالي تلبكي حالك ...
هي هون النقطة , يعني شو نقرأ ؟؟ شو نراجع , هي النقاط القواعدية وين مثلاً بدها اعملها مراجعة سريعة
يعني كتاب قواعد كامل صعب , بس بدنا نحاول نلائي شوية مصادر سريعة المراجعة
اقتباس:
بالإضافة لأسئلة الدورات لغير المختصين حلها بفيد كتير وكافي
قصدك فحص اللغة لغير المختصين ؟ هو اطلعنا عليهم يعني سهلين , بس ما يكون في مفاجآت
اما أسئلة دورات سابقة لهاد الامتحان فما لئينا
اقتباس:
إجى سؤال قواعد نظري و طرق استخدام علامات الترقيم ... في واحد متذكرته على هالنمط (اختيار الترقيم الصحيح للجملة)
اقتباس:
2-My father always said: "Be careful what you wish for."
بعتقد انو التانية هي الصح
ما دام فيه كوتشين ماركس ف نقطتين بيزبطو
اقتباس:
وطبعاً كتير بتجي الاسئلة المتعلقة بالتمني و الزمن التام بأنواعه
يعني Wish واخواتا
اقتباس:
وبالنسبة للامتحان الشفهي الجو بين الطلاب بكون كتير حلو أهم من ستار أكاديمي الكل بكون مستنفر و عم ينتظروا اللي بيطلع بفارغ الصبر لحتى يسألوه: "شو سألوك؟" وكل طالب هوي و حظه مافي اسئلة محددة ... بكون في لجنة من 3 دكاترة رايقين و حبابين ... بيسألوكي أسئلة مختلفة بالانكليزي
حلو
هنجرب جو الستار الاكاديمي اذا الله راد , يعني نحضرحالنا للإثارة
اقتباس:
طبعاً الهدف من هالأسئلة معرفة مدى طلاقة الشخص باللغة و سلامتها ... مهما كان السؤال و الجواب
ايوه
اقتباس:
أهم شي تكوني واثقة من نفسك و بأكدلك انه مافي شي بخوف وإن شاء الله بكون الامتحان ميسر للجميع هالسنة
ان شاء الله , وشكراً
كتير
عبير على النصائح , عنجد حطتينا بالجو
اقتباس:
والحمد الله نجحت بالفحصين التحريري و الشفهي ... مع هيك كله لخير أكيد وما بصير غير اللي كاتبه رب العالمين
بإذن الله دايماً رب العالمين بخترلك الخير وين ما كنتي ووين ما رحتي
محمد
عبير
شكراً جزيلاً
و بالتوفيق للجميع
واللي عندو شي يساعد او شي بيدعم مشان الامتحان , بنتمنى ما يبخل علينا
................................