تقديم موعد امتحان اللغة للقيد في الماجستير

Nastia · **Posted:** Tue Aug 10, 2010 10:27 pm

Ala Al-Ibrahim, بصراحة اجابتك واضحة جداً وشكرا عالمعلومات، بس في شغلة انا ما فهمتا لهلق .. وهيي انو كيف بقولو انو مو كل أنواع الماجستير والدبلوم بدا فحص، وكيف الواحد بدو يعرف شو بدو قبل المفاضلة؟ يعني هاد الفحص يللي ب 21 /8 للكل؟؟؟ بتمنى كون وضحت السؤال .. لأني عنجد فايتة بالحيط

فادي · **Posted:** Tue Aug 10, 2010 10:50 pm

هدى, Ala Al-Ibrahim,

شكرا على المعلومات *ورود

بس عندي استفسار :?:

انو المقابلة الشفهية شو بتشمل :?:

و فحص اللغة للعربي شو مستواه :?:

يعني ازا واحد كل مواد الانكليزي عندو فوق 80 :!:

ممكن تكون علامتو عالية بهل الامتحان ولا بدو دورات تقوية :shock:

عاشقة العربية · **Posted:** Tue Aug 10, 2010 11:31 pm

نبال,
لالا ماني عم امزح، حتى علاء خفف نسبة مزحتي

Ala Al-Ibrahim,
شكراً كتير ع التوضيح علاء
فعلاً كنت ماني منتبهة لمعدل الإجازة وخلطت بينو وبين معدل الفحص بفروع التأهيل وتخصص.

Nastia,
أنا اللي بعرفو انو في فحص للكل ، حتى التأهيل والتخصص عندن فحص تاني فيما بعد.
ومنشوف علاء شو بيقلنا

فادي,
المقابلة الشفهية بس لأهل التأهيل والتخصص.
وما عندي فكرة كيف طبيعة الأسئل، المفروض حدا مختص يجاوبنا
بالنسبة للإنجليزي، فراح تختلف القواعد بين مواد الانجليزي بفرع العربي وبين القواعد المكثفة المطلوبة بدورة الماجستير، لذلك إلها دورة خاصة قبل الفحص.
يعني المقياس إنك تحل أسئلة دورات وتشوف أمورك.

Odysseus · **Posted:** Tue Aug 10, 2010 11:32 pm

Nastia,

Quote:

وهيي انو كيف بقولو انو مو كل أنواع الماجستير والدبلوم بدا فحص،

مين الي بقول هيك؟ حسب معلوماتي الكل بدو فحص ... إلا دبلوم التأهيل التربوي فيه مقابلة شفهية شكلية بس .. البقية بدا فحوص ..

Quote:

يعني هاد الفحص يللي ب 21 /8 للكل؟؟؟

هلأ الي بعرفو انو هاد الإمتحان هو للماجستير البحثي .. يعني لماجستير الدراسات الأدبية و اللغوية .. و يمكن هاد الإمتحان لدبلوم الترجمة .. بس حسب المعلومات الي عندي انو امتحان التأهيل و التخصص شي تاني . . ماني متأكد .. بركي محمد بيعطي الإجابة الشافية لأنو هو ماجستير تأهيل و تخصص ..
بس ماجستير الدراسات اللغوية و الأدبية ما فيهن فحص مقابلة .. النجاح من 60 للمختصين و من 50 للأدب العربي و بقية الأقسام .. طبعا الأسئلة بتختلف و بتكون أقل مستوى لغير المختصين .. ما بتهم العلامة لهدول الماجستيرات المهم نجاح و بعدا المفاضلة عالمعدل ..

Quote:

وكيف الواحد بدو يعرف شو بدو قبل المفاضلة؟

بترك الإجابة لحدا متأكد :roll:

فادي,

Quote:

يعني ازا واحد كل مواد الانكليزي عندو فوق 80

ممكن تكون علامتو عالية بهل الامتحان ولا بدو دورات تقوية

ما بدي شائمك بس مانا مقياس علاماتك بالإنكليزي .. لأنو حفظي صح؟ يعني المدرس بيعطيكون نوط و منا الأسئلة .. في الواحد يبصم و ياخد 100 .. امتحانات اللغة بتعتمد على مدى مستواك بالإنكليزي .. بقا انت قدر حالك و شوف اذا بدك دورة او لا .. على العموم بمعهد اللغات بيعملو دورات خصيصا مشان امتحان اللغة للقيد في الماجستير لغير المختصين .. و سمعت انا مفيدة جدا و حتى بتجي نفس المعلومات الي بيعطوها أحيانا .. هيك سمعت و على ذمة الراوي .. :mrgreen:

موفق

Portia · **Posted:** Tue Aug 10, 2010 11:44 pm

السلام عليكم :

هدى : شكراً عتجاوزك اللطيف

عفكرة قريت اسمك بالدورة

Nastia :

Quote:

لأني عنجد فايتة بالحيط

مو بس انتي حبيتي , كتير غيرك

لأن مافي وضوح بشي اي مو معقول , مافي شي مفصل

مشان هاد الفحص , سألت الموظف اللي بمعهد اللغات فقلي

انو هاد الفحص حتى لطلاب الانكليزي , بس لشو ؟ ؟؟؟

ما بعرف .و بخلص التسجيل ب 17 آب

قلكن شغلة :

قلت لحالي اجى رمضان , تاري ماخرجي اسهر

لأن داء خلئي واللي ديئلي خلئي اكتر , البلادة و الظرافة

هفففففففففففف

......................................

Mohammed · **Posted:** Wed Aug 11, 2010 12:18 am

Quote:

أما ماجستير التأهيل والتخصص فقد قُبل 20 طالباً من المعدل 80 حتى 71.
وفي الموازي حتى 67.
ودبلوم التأهيل والتخصص قُبل 20 طالباً من المعدل 71 إلى 67.
والموازي حتى 64.

للنجاح المضمون باذن الله بفحص اللغات للمختصين أنصح بشدة بقراءة كتاب اللغة المقرر لطلاب السنة الثانية على ما أعتقد :
Understanding and Using English Grammar
ل Petty Scharmpfer Azar

اللي بيدرسو كاملاً انا بضمنلو باذن الله ياخد علامة القواعد كاااااااااااملة

بالنسبة للغلة الأنكليزية فأبشر الأخوة الطلاب أن معنا في ماجستير التخصص من كانت معدلات تخرجهم 59
لكنهم حصلو على درجة عالية في الامتحان الكتابي والمقابلة الشفوية

تفائلو بالخير تجدوه

*ورود

شذى · **Posted:** Wed Aug 11, 2010 8:53 pm

أنا معدلي طلع 59.63 وحابة اتقدم لدلبلوم التأهيل والتخصص اللي بمعهد الغات سؤالي ... هاد كمان نفس المجستير بدو تقديم للامتحان وبيخلص ب 17 آب؟ وفي موازي بهاد الدبلوم؟ و بالنسبة للامتحان سمعت انو صار في دورة ورح تخلص بعد يومين يمكن وراحت عليي فكيف لازم ادرس لحالي و على شو ركز
مع اني حاسة حالي عم احلم ومارح يطلعلي هالدبلوم ولا غيرو بس بدي شوف حظي
وليش كاتبين انو الاوراق المطلوبة صورة مصدقة عن الاجازة والمعدل جيد على الاقل وكيف عم تقولو انو في متل معدلي وانقبلو مجستير

عصام · **Posted:** Thu Aug 12, 2010 6:16 pm

شذى,
لابدو فحص لوا بطيخ الدبلوم
طيرولي عقلي الله يعطين العافية هون
قالو الدبلوم كمان الو فحص بس طلع مالو شي
بتروحي بتسجلي تسجيل عادي وبس
وفي موازي وحتى فينك تقدمي دبلوم تاهيل بالافتراضي وبيكلف عحسب ماقلي رفيقي بحدود ال100 الف

Mohammed,
كان معدلهن 59 بس جايبين بالفحص علامة ممتازة اولا
وتانيا الدفعة اللي انت مقدم فيها معدلاتها اقل من الدفعة الحالية لهيك بتوقع المعدلات ترتفع

شذى · **Posted:** Fri Aug 13, 2010 1:05 am

عصام,

معقول مين ما كان بيقدم عليه بدون فحص وبدون معدل ؟؟؟؟؟؟؟؟؟؟؟؟؟؟
ياعمي ضيعتوني كلكن خلص رح اطلع الاحد واسأل الموظفين هنيك و بئلكن شو المطلوب انشالله

blackbeauty · **Posted:** Fri Aug 13, 2010 5:30 am

thanks a lot for this topic , however i have some question

the question is :

متى هو موعد التسجيل؟
وهاد الامتحان هو خاص بماجستير الادبيات واللغويات مو هيك؟ ومالو علاقة بموعد امتحان ماجستير التأهيل والتخصص؟

ووين لازم الواحد يسجل لأمتحان ماجستير التأهيل والتخصص ؟ومتى موعده اذا ما كان ها هو موعده؟؟؟؟؟

وشو هي الحدود الدنيا لماجستير التأهيل والتخصص ؟

وماهي الاوراق المطلوبة للتسجيل مشان الماجستير ؟

وشكرا لكم

Latest Posts

تقديم موعد امتحان اللغة للقيد في الماجستير