أسماء المرشحين لاختبار المقابلة الشفهية لطلاب دبلوم وماجستير ELT

Safa alaasi

أنا ما بعرف ليش عم تباركو عالنجاح بالامتحان الكتابي

حتى مديري بدو التحلاية مشان النجاح بالامتحان الكتابي :shock:

لسا باقي نتيجة المقابلة ... بعدا بيشوفو مين بدن ياخدو و مين ما بدن

يعني الشغلة طويييلة و يا بتزبط يا ما بتزبط :roll:

Portia

السلام عليكم :

Safa alaasi:

اقتباس:

أنا ما بعرف ليش عم تباركو عالنجاح بالامتحان الكتابي حتى مديري بدو التحلاية مشان النجاح بالامتحان الكتابي
لسا باقي نتيجة المقابلة ... بعدا بيشوفو مين بدن ياخدو و مين ما بدن يعني الشغلة طويييلة و يا بتزبط يا ما بتزبط

لسا ما باركنا , هي بالمشاركة الاولى تمهيد بس :wink:

ومأجلين التحلاية لبعد النتيجة *sla

بس انو ما لئيت ضمن الناجحين ( صفاء ) بلا همزة *ممم

لا تكوني ساحبتيها علينا همزة وبلا همزة و هامزتيها علينا :wink:

خبرينا كيف كانت معك المقابلة ؟

موفقة

Portia

السلام عليكم :

شلون طلعتو ؟؟؟؟؟

عصام

سيرين

الملاك

Adnan

مرح

مين لسا ما ذكرتو ؟

خبرونا ؟؟

:roll:

عصام

Portia,

والله عكيت عك عجيب وفتت لجوا وبلشت تخبيص رشا ودراكا
انشالله تكوني اتوفقتي ومعك سيرين وصفا والملاك

مرح

والله يا جماعة أحسن شي قول ما بعرف بس ان شاء الله خير
بس يعني بعد وقفة 3 ساعات ليجي دوري بيسألوني اذا الحياة عادلة او لا! واذا صار معي شي موقف ما كان عادل معي؟
وانا برأي هاد الموضوع بدو صفنة وفلسفة يعني المقابلة ما كانت عادلة معي *hh

بس حلو الواحد يجرب موقف جديد بحياتو وبعتقد يمكن مشيت حالي *ممم

عكلن و بصراحة انا ما كتير فارقة معي لاني حاطة اول رغبتين ترجمة
بتمنى التوفيق للجميع *ورود

مرح

صحي بورشيا انت ما خبرتنا كيف كانت المقابلة و شو سألوك؟؟؟؟؟؟
و عفكرة انا ما عملت هاد الفحص يلي صار قبل قبل هاد الفحص وبصراحة انا اكتر شي كان اعتراضي على الوقت بس الحمد الله نفدنا

Mohammed

اليوم شفت أحد الأساتذة المدرسين بالمعهد واللي كان ضمن اللي عم يعملو مقابلات وهو : أستاذنا : رياض الحمصي
وطمني أنو انشالله ضمن الأسبوع القادم النتائج النهائية
وعلى ما أعتقد التسجيل فورا بيبدأ و الدوام كذلك الأمر ...

Portia,

مشان الحفلة مسامحة .. عم أمزح :mrgreen:

التحلاية أوكي بما أنك حلفتي *sla

بالتوفيق للكل بالنتائج

الملاك

احم احم

والله أنا من الناس اللي ما بيحملوا هم الشفهي بنوب لأني جرارة وقد حالي :mrgreen:

بس كنت خايفة من الامتحان لأنو تاني يوم من المعياري بس مرق بسهولة متناهية ولله الحمد *sla

بس أنا معدلي ضعيف كتير.... لهيك لا الامتحان ولا المقابلة إلن هالدور العظيم

بس هالشي ما بيعني أني ما أبدعت :mrgreen:

كنت أكتر بنت طولت بالمقابلة وجريت كتير وحكيت قصة حياتي :mrgreen:

لأنو الدكتور رياض سألني ليش بحب حالي :mrgreen:

فكان أحد الأسباب اللي قلتا "وهي كتيرة *hh

" أنو لأني قدرت اتحدى الصعاب الكتيرة اللي واجهتني ووصلت لهون *sla

فسألوني شو الصعاب ووقتا :mrgreen:

حكيت قصة حياتي :mrgreen:

وسمعوني والله وعطوني مجال احكي واحكي واحكي وبصراحة عوضت يومين من الصمت لأنو صوتي كان رايح بسبب الرشح *---

بس انبسطت

ويا أعزائي ويا صفاء ألف مبروك النجاح بالكتابي لأنو بالنهاية يُعتبر نجاااااااااااااااح :mrgreen:

Mohammed

الملاك,
ألف مبروك .. وعقبال النجاح بالشفوي

والحمدلل عالسلامة .. ماشالله عودة قوية

2

1

1

1

9

Portia

السلام عليكم :

عصام

ربي يخترلك الخير الك و النا جميعاً

مرح

اقتباس:

صحي بورشيا انت ما خبرتنا كيف كانت المقابلة و شو سألوك؟؟؟؟؟؟

اقتباس:

كيف طلعت ؟ مابعرف

شو انسألت : ايمت تخرجت ؟ وهل درّست ؟ و عأساس الجواب , تسلسلت الأسئلة : وكيف بتلائي اثر الاحسان على المجتمع ؟

وصار شوية لبكة بالاخير , بس ما بنعرف

موفقة

Mohammed

ان شاء الله تكون النتائج مبشرة

شو مشان الشيفرة بآخر مشاركة :roll:

تنين حيحلوك وواحد مصدوم فيه وواحد شايف حالو وواحد عنجد زعلت عليه و التسعة الباقيين خرجن بيستاهلو

الملاك

اقتباس:

بس أنا معدلي ضعيف كتير.... لهيك لا الامتحان ولا المقابلة إلن هالدور العظيم

اللي عرفتو انو بالعكس الامتحان و المقابلة هنن اللي الهم الدور الاكبر بالقبول

او بالتساوي , يعني كلو الو علامة

عكلن موفقة هون او بالدراسات العليا

آخر المشاركات

أسماء المرشحين لاختبار المقابلة الشفهية لطلاب دبلوم وماجستير ELT