الملاك,
Citer:
وقت دخلت المرة الماضية لأقرا قريت بأحد أجوبتك شي خلاني حسك مانك صادق
نفرني هالشي وطلعت وأنا ماني رضيانة عن الوضع
" طبعاً مشان ما تسألني شو الجواب اللي زعجني بين أجوبتك..فهو وقت قلت أنك لو شفت إمرأة بالشارع عم تدعي (الله ينتقم منكن) بتقرب لعندا بتحكيا وبتواسيا وبتاخدا عالبيت ممكن "
أنت بتعرف أني ما بقول كلمة ماني واثقة منا...وأنا واثقة أنو محدا بيعمل هيك
نحنا بمن اللي عم يقولو "الله ينتقم منكن" كتااااااااااااااار وصارت هالكلمة غير مسموعة ومحدا بحس فيا..وكمان مافي شب بيلتهي بهيك أمراءة حتى عن وقت فراغو
انت كنت ماشي با الشارع انت و خالك او انت و اخوكي الكبير ... شفتي امرأة على باب مشفى ماسكة ابنها الصغير بحضنها و عم تبكي و عم تقول ( الله ينتقم منكم ) لانهم بالمشفى ما قبلو انو يعملو لابنها الصغير عملية ضرورية كتير و مستعجلة ... هو عم ينزف ... يا ترا ما رح تروحي و تفوتيها عا المشفى مع ابنها و تمنحيها وقتك كلو انت و اخوكي او خالك .. و بعدها ما رح تاخديها لعندك عا البيت و تحاولي انك تساعديها على قد ما بتقدري ....
طيب بلاها هاي .... انا بعرف انو اقناعك بشي انت مانك مقتنعة فيه هو من المستحيلات بس انا ثـــائـــر و ما في بقاموس حياتي شئ اسمو مستحيل ...
انت ماشي بالشارع مع اخوكي ... شفت امراة عجوز عم تبكي لانو مرت ابنها المسافر قلعتها من البيت لانو الام ما عم تقدر تمشي و مقعدة ..لذلك مرت الابن رمتها با الشارع ... و الام عم تقول .. ( الله ينتقم منك ) و الدنيا برد و شتي ... يا ترا شو موقفك مني اذا شفتيني انا بالسيارة و مريت حد ها لعجوز و شفتها و ضليت ماشي و لا عرتها اي اهتمام ..؟؟ قليلي ؟؟
صدقيني الدنيا لسا بخير ... و اذا خليت خربت ... مع احترامي لظنك السيئ بكل يلي قلبو طيب و يلي بحب يساعد الناس ... Citer:
شي خلاني حسك مانك صادق
انت الملاك صح ... بس كمان انا من البشر يلي ما بحب انو يكذب .. Citer:
1- أنت بتلاحظ أني قاسية معك بشكل عام؟
اي بعض الاحيان ... بس قسوتك بتجيب مانها عن عبث .. يعني الها فائدة .. Citer:
2- بتسامحني على هالشي؟
اي اكيد .. لانو يمكن لولا قسوتك يمكن كنت لهلأ ماني موجود ... Citer:
3-ملاحظ أنو هالكرسي "ومعك أنت بالذات" ممكن يعمل معجبين من الجنس الآخر للقاعد عليه؟
اي ملاحظ .. و شايف .. Citer:
4- هل القاعد عالكرسي عم يلمع أجوبتو؟
بعض يلي قعدو اي ..( بدون ذكر اسماء ) Citer:
- ثائر...أنت حاطط ببالك أنو حبيبتك تقرا كل سؤال وجواب بهالموضوع؟
"عفواً..بقصد حبيبتك سابقاً"
لا ..حبيبتي ما رح تفوت منوب عالمنتدى .. حتى لو عرفت اني على الكرسي ..
Citer:
6-أنت بتراعي هالشي بحيث أنك تخلي أجوبتك توصللها على شكل رسائل؟
لا ..و لما بجاوب ما بفكر انها رح تعرف انا شو جاوبت .. Citer:
7- بس تحب مرة تانية...بتريدا تعرف؟
لا .. لانها رح تتدايق و يمكن تبكي ..و انا عندي دموعها بغلاوة دموع امي ... Citer:
8- وقت جاوبت عن هروب عروستك بيوم العرس أنك بتنقي أحلى وحدة من الحضور "بغض النظر عن الدراما" فهل كمان وقت نقيت حبيبتك الأولى نقيتا عأساس الجمال فقط؟
اي ... Citer:
9- بتتذكر أسماء الكتب "أو روايات مثلاً" قريتن من بداية مراهقتك لهلأ؟ عددلنا منن شوي
بداياتي كانت بروايات عبير ... روايات قصيرة و حلوة .. بس بعدين صرت اقرا أعمال أكثرها مترجمة مثلا عندك ...
سجان العواطف . لمارجريت روم ... عجبتني كتير ... لانو من بداية الرواية و الحبيبين عم يكابروا بحبهم .. لحتى بالنهاية اعترفو الاتنين سوا ..
رواية ..قلب من ذهب.. لليندن جريسون .. بس بصراحة ما عجبتني كتير ..لأنو ماكان في تمهيد للحب .. كان يكرهها و بآخر الفصل صار يحبها ..
و في كمان ..مبادئ الحب العشرة .. لأحلام .. Citer:
10-مين أكتر كاتب عربي بأثر فيك؟ ومين أكتر كاتب انجليزي أو أميركي؟
نجيب محفوظ ... و انا بحب شكسبير كتير .. مع انو مجنني بلجامعة .. 
Citer:
11- بحبك للشعر...وكمشرف لبوح المشاعر...شو قريت دواوين شعر؟
انا قريت تقريبا كل دواوين نزار قباني ... و أغلب اعمال جبران خليل جبران ..
و قريت معلقة امرئ القيس .. و اجمل بيت فيها هو :
أغَـرَّكِ مِنِّـي أنَّ حُبَّـكِ قَاتِلِـي
وأنَّـكِ مَهْمَا تَأْمُرِي القَلْبَ يَفْعَـلِ Citer:
12- ما مدى استمتاعك أمام البرامج الوثائقية؟ وعلى أي قنوات بتحضرن؟
بعشق البرامج الوثائقية ... و بحضر اغلبها على العربية يلي بيطلعو الصبح يعني بعد الساعة 3 فجرا .. و في منن بيطلعو على الجزيرة كمان ... Citer:
13- شو نوع الأفلام اللي بتأثر فيك؟ ومين المخرجين أو الممثلين اللي بكون سماع اسمن سبب لتحضر الفلم؟
بصراحة مافي شي محدد ... يعني بالنسبة للأفلام فانا من عشاق الزمن القديم ..يعني بحضر افلام لعبد الحليم إن وجدت و أن لم توجد بحضر الافلام المصرية الحديثة .. و بصراحة اكتر مابتأثر في .. يعني بتكون تعباية وقت مو اكتر .. Citer:
14- هل كنت طفل مطيع بصغرك لأمك؟
لا ..كنت عذبها كتير .. Citer:
15- أكيد في شي بتعارض أهلك فيه..أو كلمة ما بتنفذا..فبشو بتعارضن؟
في كتير .. و أهمها اني ارتبط ..يعني اخطب ... بس أكيد لسا بكييييييييييييير .. قال شو ..امي بدها تفرح بابنها الوحيد ... و جدي بدو يأمن على نسل العائلة Citer:
مين تيماء؟
ضحكة آرتين الغائبة ..
الغائبة الحاضرة دوما ...
You can register from here to get free full access . We highly appreciate any participation from teachers and professors 
Connexion
Mobile
FAQ
Rechercher
::
"
كيفك اليوم 
بس وجودك معنا بالمحاضرات بضل غير شكل 
...........والله الك وحشة 
::
