تقديم موعد امتحان اللغة للقيد في الماجستير

Portia · **Inscrit le:** 28 Mars 2007

السلام عليكم :

شذى :

اللي فهمتو من الموظف انو كل شي اختصاص دراسات عليا لازم يعمل هاد الامتحان اللي ب 21 آب

باستثناء دبلوم تأهيل تربوي - لأنو مالو علاقة بالانكليزي

فإذا كنت عم تفكري بالدراسات اية نوع منها لازم تقدمي و تعملي هالامتحان , إلا اذا كنت عم تفكري ب دبلوم التأهيل التربوي فمالو داعي

blackbeauty :

كنت بدي جاوبك بس لأنك حاطة عن مكان الاقامة ( مالنا علاقة ) فبطلت *hh

, ليه يعني ؟؟ *hh

Citer:

متى هو موعد التسجيل؟

التسجيل لهذا الامتحان بدأ من فترة و ينتهي ب 17 آب

Citer:

وهاد الامتحان هو خاص بماجستير الادبيات واللغويات مو هيك؟ ومالو علاقة بموعد امتحان ماجستير التأهيل والتخصص؟

حسب ما فهمت هاد الامتحان للاثنين ( الادبيات و اللغويات ) و ( التأهيل و التخصص ) وكل شي الو علاقة بالدراسات العليا E

Citer:

ووين لازم الواحد يسجل لأمتحان ماجستير التأهيل والتخصص ؟ومتى موعده اذا ما كان ها هو موعده؟؟؟؟؟

بما انو امتحان واحد , التسجيل في معهد اللغات - كلية العمارة , كل يوم من 9 صباحاً وحتى 1 ظهراً

و الامتحان موعده ب 21 آب , يعني دوبك تلحقي

Citer:

وشو هي الحدود الدنيا لماجستير التأهيل والتخصص ؟

مشان هاد الامتحان , أقل شي لازم يكون معدلك ( جيد ) يعني 60 فما فوق

مشان الماجستر التأهيل و التخصص , بعتقد الزملاء اعلاه عطونا فكرة
ويمكن كل سنة بيتغير

Citer:

وماهي الاوراق المطلوبة للتسجيل مشان الماجستير ؟

هلأ اللي فهمتو لسا المفاضلة ما طلعت للتسجيل عالماجستير

اما مشان الامتحان :

صورة عن المصدقة - أو إشعار التخرج

صورة عن الهوية

2 صورة شخصية

500 ل.س

طابع مالي 10 ل.س

ونصيحة انتبهي انك تجي قبل الوحدة الضهر

لأن المحاسب بسكر بعد هالوقت

بتمنى من اللي عندو معرفة اكتر من اللي ذكرتو او خلافو , ينورنا

.................................................

......................................

Mohammed · **Inscrit le:** 23 Mars 2007

عصام,

سلامتو لعقلك :mrgreen:

دبلوم التأهيل .. تقديم طلب والتفاضل عالمعدل .. في مقابلة صحية متل ما قلت قبل

دبلوم التأهيل والتخصص .. فحص كتابي وشفوي متل الماستر
= = = موازي ========
دبلوم الافترضي بكلية العلوم وفي تقديم مرتين بالسنة .. والتفاضل عالمعدل (كانت تكلفته 55 ألف لكن رفعوها لل 90 )

Shaima · **Inscrit le:** 25 Janvier 2008

السلام عليكم
عندي سؤال بالنسبة للتقديم على فحص القيد للماجستير (اللغويات)
ياترى بيحقللي قدم عالامتحان مرة تانية بما اني تقدمتللو السنة الماضية و نجحت فيه و بموجبه أنا هلأ طالبة ماجستير طرائق تدريس
و ازا بيحقللي: يا ترى بيحقللي قدم على ماجستير اللغويات بما اني لسا ما خلصت ماجستير الطرائق و ساعتها بقدم طلب توقبف دوام ؟؟؟؟
الرجاء الرد على أسئلتي بالسرعة القصوى بحيث ازا كانت الاجابة ايجابية إلحق قدم *خوف

يااااااااااااااااااااااااااااااااااااااارب يمشي الحال :roll:

يامن · **Inscrit le:** 22 Mars 2007

السلام عليكم و رحمة الله و بركاته

الله يخليكن ساعدوني

انا معدلي 59.2 ؟؟؟!!!

ممكن انو اتقدم لماجستير اللغويات على امل الاكمال و الوصول الى الدكتورة

الله يبلغكن كل خبر منيح و مفرح

طمنولي قلبي و ريحوني

بجوز ما بطلعلي احكي لانو معدلي مو كل هلقد منيح

بس و الله الذي لا اله غيره انا مظلوم كتير و في متلي كتير

الله يخليك يا اخي محمد ساعدني و نورني الله ينور دربك

اسف على الازعاج بس و الله من حرقة قلبي

و السلام عليكم و رحمة الله و بركاته

Nastia · **Publié:** Ven Août 13, 2010 10:28 pm

اووووف ما في غير اللأسئلة هون بس والله معنا حق لأنو الأمور فايتة ببعضا، هلق أنا عندي سؤال صغير وهوي انو فحص 21-8 الو أسئلة دورات بالنفق؟ يا ريت تجاوبوني والله يجزيكن الخير

Nastia · **Publié:** Ven Août 13, 2010 10:28 pm

اووووف ما في غير اللأسئلة هون بس والله معنا حق لأنو الأمور فايتة ببعضا، هلق أنا عندي سؤال صغير وهوي انو فحص 21-8 الو أسئلة دورات بالنفق؟ يا ريت تجاوبوني والله يجزيكن الخير

blackbeauty · **Publié:** Ven Août 13, 2010 11:17 pm

thanks a lot for answering my questions that was so sweet of all of you

May Allah bless you an grant you all your wishes

thanks again

Mohammed · **Inscrit le:** 23 Mars 2007

Shaima,

بيحقلك التقديم عاللغويات مدى الحياة طالما معدلك فوق ال60 وما انقبلتي السنة الماضية

ازا انقبلتي باللغويات وانت عم تدرسي معنا طرائق لازم تلغي تسجيلك بواحد من ال2 ..
ايقاف الدوام ... تأكدي من شؤون الطلاب بالجامعة ازا ممكن توقفي وترجعيلو بعدين بس اللي بعرفو انو ما بيصير

يامن,
ما بدي أحبطك اخي بس مشان ما تتعب حالك وفرصك باللغويات تحديداً
زميلتنا شيماء اللي ردها قبلك قدمت السنة الماضية عاللغويات ومعدلها 70 وما انقبلت !
فيك تقدم عالدبلوم الافتراضي ودبلوم التخصص بالمعهد العالي حسب توقعي بمعدلك .... الا ازا طلع قرار ال50 بالمية للمعدل و50 % لاختبار التخصص وحتى اليوم ما طلع هيك قرار رسمياً

Nastia,

Citer:

اووووف ما في غير اللأسئلة هون بس والله معنا حق لأنو الأمور فايتة ببعضا، هلق أنا عندي سؤال صغير وهوي انو فحص 21-8 الو أسئلة دورات بالنفق؟ يا ريت تجاوبوني والله يجزيكن الخير

فيكي تسألي بدون ما تنفخي :wink:

ليش مستنية لهلأ .. سألتي قبل مرة ومحدا رد عليكي أو حاول يساعدك !

بيلتقا أسئلة دورات (غير) مختصين لأن دورات المختصين ما بتتسرب لبرا المعهد والورقة بتتسلم مع الأجوبة
وعميد المعهد د. رياض طيفور بيقفل عليهن بخزنة

بس أنا قريت أسئلة دورات غير مختصين واستفدت كتير

أهم شي المدة قصيرة .. يعني حلي أجوبة النصوص الطويلة بالبداية وبعدين الاسئلة القواعدية والقصيرة

سبق وذكرنا اسم كتاب Understanding and Using English Grammar by Petty Scharmpfer Azar
واللي بيركزو عليه كتير بالأسئلة القواعدية لأنه شااامل

انشالله كون قدرت فيدك ... وأهم شي طولي بالك وما تعصبي

blackbeauty,

God bless you too ... You're welcome

maysa · **Publié:** Sam Août 14, 2010 1:10 pm

يا جماعة الامتحان الي ب 21 الشهر هو نفسو الي بخليك تتاهل للماجستير و خاصة انا حابة جرب قدم على ماجستير التاهيل و التخصص و كيف برايكن مستوى الاسئلة بالنسبة لالنا المختصين بتجي صعبة و لا لاء بليز ردوا بسرعة

عاشقة العربية · **Publié:** Sam Août 14, 2010 2:22 pm

Mohammed, *ورود

maysa,

Citer:

يا جماعة الامتحان الي ب 21 الشهر هو نفسو الي بخليك تتاهل للماجستير

من اسمو .. الامتحان الخاص للقيد في الماجستير.
يعني كل مين بدو يقدّم ع الماجستير بيسجّل عليه وبيمتحن، التسجيل بيخلص بـ 17 الشهر.
بالنسبة لمستوى الأسئلة بشكل عام، فهي بتنقسم لعدة أقسام ..
Every day langauge
Grammar
Reading
vocabulary

وفي أسئلة الدورات لهالفحص عم تنباع ع سي دي بكوة التصوير بكلية العلوم بـ 25 ليرة.
فيا الأسئلة وحل لهالأسئلة.
وبالنفق في أسئلة دورات لغير المختصين، يعني هي أحسن من بلا للمختصين، ع القليلة منتعرف ع نموذج الامتحان وطريقة الأسئلة.
موفقين

Latest Posts

تقديم موعد امتحان اللغة للقيد في الماجستير