بعد مراسلة مثالية (ranoo.sh و Wissamo) فلاشة 8 غيغا , هدية !

Ranaa · **Posted:** Wed Jun 24, 2009 10:46 pm

عصام,
الله يبارك فيك يا عصام و شكرا

Quote:

بس بيني وبينكن شوفولي اذا في فضا بالمراسلة عندكن لاترك الاشراف واجيكن لانو الاشراف ما بيطعمي خبز

له له ....يلا إلا ما يرفعوا الرواتب شي نهار :mrgreen:

عصام · **Posted:** Wed Jun 24, 2009 10:50 pm

ranoo.sh,

Quote:

يلا إلا ما يرفعوا الرواتب شي نهار

ذكرتيني بالشركة عندي واعدينا بزودة عالراتب صرلن من اول السنة وكل شهر بينيمونا للشهر اللي بعدو
بس يالله باقون باقون باذن الله

Hidding Rose · **Posted:** Thu Jun 25, 2009 12:16 am

Wissamo, ranoo.sh,
مبروكة الفلاشة ...ان شاالله بتشوفو ع وشا النجاح و التخرج :mrgreen:

جد الله يعطيكن الف عافية عجهودكن و تعبكن .....
الله يوفئكن واللي عندو نجاح ينجح و اللي عندو تخرج يتخرج

و الله بتستاهلوا اكتر من هيك

و لفتة حلوة كتييييير منك فارس و ان شاالله ارتين نحو القمم دائما *ورود

Widad · **Posted:** Thu Jun 25, 2009 12:52 am

من وقت يلي شفت الموضوع وأنا عم اندب نئرت راسو لفارس
انشالله ألف مبروك لوسام ورانو وعئبال فلاشتي

Raghad · **Posted:** Thu Jun 25, 2009 1:59 am

Wissamo, ranoo.sh,
*good

والله انكم بتستاهلو كل خير على جهودكم المبذولة *ورود

الله يعطيكم الف عافية ما قصرتوا والله :wink:

بس فارس يمكن نسي :mrgreen:

نسي يكتب انو هالفلاشة تقسم نصين بين المراسل ومشرف القسم :mrgreen:

يعني فلاشة 4 غيغا الي ولعلاء و 4 غيغا لوسام ونفس الحالة لرنوش ومازن :mrgreen:

تتهنوا فيها *ورود

عاشقة العربية · **Posted:** Thu Jun 25, 2009 10:04 pm

ranoo.sh,
wissamo,
اي ان شالله ألف مبروك على جهودكن وتعبكن .. خصوصي متابعتكن للآخر بالمراسلة

Mazen Aloush,
ومبروك علينا كمان متابعتنا وإفادتنا لكل الطلاب
نحن مشرفين وهاد واجبنا بكرا منجيب فلاشة 12 غيغا ومنطققن فيا

وكل قمة وآرتين أعلى وأعلى

Ranaa · **Posted:** Thu Jun 25, 2009 11:36 pm

Hidding Rose,
الله يعافيكي و يسلمك يا رب ...و إنشالله منشوفك متخرجة بأعلى الدرجات و تنالي االلي ببالك *ورود

Widad,
الله يبارك فيكي ...و شكرا إلك كتير

Quote:

وعئبال فلاشتي

إنشالله مو بس فلاشة ....لاب توب بكامله يكون إلك ( هلق فارس بيقول هدول ما بينعطو وش :mrgreen:

)

Raghad,
تسلميييييييييييييي

تكرم عينك ....مقدّمة الفلاشة كلها ...مو بس 4 غيغا :wink:

هدى,

Quote:

بكرا منجيب فلاشة 12 غيغا ومنطققن فيا

والله بيطلعلكن يا عمي ليش لأ ....و الله بتستاهلوا كل خير على تعبكن و متابعتكن ....شكرا كتير
*ورود

Wissam · **Posted:** Fri Jun 26, 2009 2:52 am

ranoo.sh,

Quote:

بس على فكرة أنا سرقت بالبداية منك الأسلوب( بس شوي ) مو مشان شي بس مشان تكون الفلاشة حلال

لك حلال عليكي :mrgreen:

الله يعطيكي ألف عافية على تعبك

عصام,
الله يبارك فيك يا رب :mrgreen:

أحلى أب وسام والله *ورود

Quote:

بالشركة عندي واعدينا بزودة عالراتب صرلن من اول السنة وكل شهر بينيمونا للشهر اللي بعدو
بس يالله باقون باقون باذن الله

إي ابقا قابلني :lol:

Hidding Rose,
الله يبارك فيكي يا رب ..... تسلمي

Widad,
الله يبارك فيكي...... وعقبال سيارتك :mrgreen:

Raghad,
لك عحسابك الفلاشة وصاحبها :mrgreen:

... خلص الفلاشة الجاي إلكن :lol:

هدى,
الله يبارك فيكي

Quote:

بكرا منجيب فلاشة 12 غيغا ومنطققن فيا

إي والله حقكن.....بس فكرك نحنا منزعل؟ لا والله
وجودكن بالمنتدى أحلى فلاشة .... قصدي هدية :lol:

ومنرجع منقلو للبوس ..... يعطيك العافية ويسلم هالإيدين

mahd114 · **Posted:** Fri Jun 26, 2009 9:57 pm

ranoo.sh wrote:

فارس,
واللله العظيم خجلتي يا فارس :oops:

معقول ....أنا كنت داخلة عالمنتدى بالصدفة و كان دايق خلقي و بعدين بلاقي إسمي على لوحة الأعلانات مع فلاشة كمان عنجد مفاااااااجأة كتير حلوة .....شكرا كتير كتير و طبعا هالشي مارح أنساه بحياتي ......خلص ما بعرف شو لازم قول هلق ...بس عنجد هي أحلى مفاجأة هالسنة .....و إنشاء الله آرتين دائما لفوق

بسم الله الرحمن الرحيم
الف مليون بليون ترليون تزلون مبروك رنووووووووووووووووووش
والله انك بتستاهلي هيك مكافئة على عملك وجهدك الجبار لخدمة زملائك الطلاب بدون اي مقابل . وعقبال المكافئة الاكبر بالتخرج يارب
ولا تنسينا من حلوان المكافئة!!!!! بدي الحلوان لا تقولي مافي
والف شكر لمدير الموقع على هذه البادرة الكريمة.
صحيح نسيت شغلة نزلني الملخصات ياريت تتطلعي عليهن .
موفقة يارب
واتمنى كل التقدم والازدهار لهذا الموقع الرائع

Ranaa · **Posted:** Fri Jun 26, 2009 10:52 pm

mahd114,
الله يبارك فيك يارب

و أنت كمان بتستاهل كل خير ..

Quote:

ولا تنسينا من حلوان المكافئة!!!!! بدي الحلوان لا تقولي مافي

أكيد ...ولو :wink:

بانسبة للملخصات أنا رح أطلع عليهن خلال هاليومين إنشالله و أهلا وسهلا فيك *ورود

Latest Posts

بعد مراسلة مثالية (ranoo.sh و Wissamo) فلاشة 8 غيغا , هدية !