حدا عندو فكرة عن مقابلة التوظيف بالبنك؟؟

Golden RoSe · **Posted:** Tue Oct 05, 2010 4:49 pm

السلام عليكم

كيف الجميع إن شاء الله أموركم تمام

لو سمحتوا منتظرة تحديد موعد لمقابلة بأحد لبنوك العربية, نوع الوظيفة تماما مابعرف بس المهم إنو في فحص مقابلة وفي دورة 40يوم بالمركز بالشام

ماسبق وعملت مقابلة لتوظيف, برأيكم شو المهم هون؟ طبعا اللغة عندهم اكيدة ورح ركز عليها هالفترة, بس حبيت استعين فيكم, اللي بيعرف شو المهم عندهم, شو المعلومات اللي بيطلبوها, ياريت تخبروني

بتمنى حدا يكون مقدم من قبل ويفيدني

تحياتي للجميع وشكرا سلف

Obada Arwany · **Posted:** Tue Oct 05, 2010 11:04 pm

Golden RoSe,
السلام عليكم ...
بما انك عم تقولي انوا ما بتعرفي شو الوظيفية بفهم انك ما دارسة اقتصاد
و بدك تتوظفي ببنك فمفهومة انك رح تكوني خدمه عملاء... Costumer Care or Service و هون عاد بعرف فيدك لما بعرف شوية معلومات عن البنك
يمكن اقدر أعطيكي شوية معلومات و شغلات مشان ما تتفاجئي بأسئلة المقابلة ..

بالمقابلات بشكل عام بيركزوا على شخصية الموظف .. و بيحاولوا يشوفوه مهاراته
و بالنسبة الك بظن بدن يشوفوا مهارات التواصل معك ..
يعني بدن يسألوكي مثلا .. كيف فيكي تقنعي زبون يشترك و يفتح حساب ببنكم دون البنوك الأخرى ..
هون عاد بقا بدك تشرحيله انوا انا رح قله للزبون شو بيزمك الحساب ؟
فبيقلك مثلا حساب جاري ..
فانت بتعديله مزايا الحساب الجاري عندكم و بتحكيله عن عراقة اسم البنك تبعكم
و هيك يعني بيشوف مهارات التواصل و الإقناع عندك كيف؟
يعني جلفة مثلا و لا بتاخدي و بتعطي مثلا ؟
بالمقابلة عادة بيسألوا عم أشياء انت بتفكريها ما الها علاقة و هي بالصراحة بيكونوا عم يعرفوا شخصيتك فيها
و في أسئلة صعبة ..
مثلا بيقلك ايمت بتفيقي و كم ساعة بالعادة بتنامي ..

او مثلا بيسألك انت بتعرفي تشتغلي على المسنجر .. بتقليله اي
بيقلك بتقوي لغتك مع أجانب و سرعة طباعتك مع رفقاتك ..
بتقليله اي .. بيقوموا يا بيرفضوكي يا اما بيقطعو عنك النت
لانه عرفوكي شغل مسنجر :mrgreen:

فبيقولوا إجباري هي رح تتلهي عن الشغل

ما بعرف في كتير نصائح بتتبع لمعلومات عن البنك و هيك
و موفقة

Golden RoSe · **Posted:** Wed Oct 06, 2010 9:54 pm

والله يا أخ عبادة ما مبين شي عندي لهلا, حتى التقديم مدري كيف صار وخبروني إنو رح يتصلو فيني, وأكدولي إنو إذا قدرت اتوفق معهم باللغة رح يفضلوني على غيري رغم إنو ما طلبو لغة, أدنى شهادة كانت البكلوريا

بالنسبة للبنك فـ هو بنك عودة, ياترى عندك شي عنو أو لا؟

بكل حال شكرا كتير لجوابك, تخيل في حدا قدم من قبل على وظيفة مشابهة سألوه طاقم الباخرة من كم شخص بيتكون :shock:

يعني الواحد ما بيتخيل شو ممكن يسألوه,

ع ا لهامش, شو أنسب جواب لو سلوني كم ساعة بتنامي :mrgreen:

شكرا مرة تانية

katea · **Posted:** Thu Oct 07, 2010 11:25 am

Golden Rose ممكن انك تعطينا فكرة ايمت وكيف قدمت ع الوظيفة بركي نحن كمان منقدم وبحالفنا الحظ اذا ماعندك مانع وبالتوفيق انشاالله

Obada Arwany · **Posted:** Fri Oct 08, 2010 1:46 am

Golden RoSe,

Quote:

بكل حال شكرا كتير لجوابك, تخيل في حدا قدم من قبل على وظيفة مشابهة سألوه طاقم الباخرة من كم شخص بيتكون

بنك عودة لمعلوماتك نظامه غير اسلامي على فكرة .. ( اذا بتهمك المعلومه )
شؤال سخيف جدا..
و الهدف منه ارباك الشخص ...
و هون بيشوفوا شو ردة فعله ...
الجواب بكل بساطه حسب حجم الباخرة

يعني الباخرة الصغيرة بتختلف عن الكبيرة ..
و اذا أصر على جواب عطيه جواب انوا مثلا باخرة ( اخترعيله شي اسم باخرة )
مثلا اندرسون الامريكي تتسع في داخلها ل 305 أفراد ضرورين :>
و هيك بتلبكيه أكتر .. او ما في داعي للكذبة كلها بس قليليه بعتمد على حجم الباخرة ..ز

بالنسبة لكم ساعة بتنامي ... جاوبيه بصراحة جواب منطقي ..
يعني قليله مثلا انا وقت اللي ما بكون عندي شي بنام لاشبع بس مثلا أيام الإمتحانات أو شي بلتزم مثلا بنظام 7 ساعات أو 6
انا كنت أكل هم الفيقة و كذا و الألتزام بالنظام ..
الشغل لحاله بيخليكي تلتزمي ..

الفكرة بالمقابلة انوا لو ما جاوبتي مثلا على الاختبار
انوا يشوفوا مستواكي ... بيفحصوا انوا هلق انت مثلا متلبكة أو تفاجأتي بالأسلئة مثلا
بس بقا بيشوفوا انوا مخك شغال او اذا تبينلك الشي ممكن تحليه مشاكل او كذا

الحكي بيطول بس بقا حبيت الفت نظرك انوا بنك عودة نظامه التعامل فيه غير اسلامي ... اذا بيهمك الموضوع

اذا في سؤال تاني انا جاهز ان شاء الله

Dr.Ruba · **Posted:** Sat Oct 09, 2010 2:45 am

[color=#298AEB]Golden RoSe,

مرحبا كيفك ؟؟

اول شي لا تنسي تعملي سي في
CV
وتاخديه معك بهيك حاله بتقنعي الي رح يعملك المقابله انو انت النظام عندك اهم شي
تاني شي انت مارح تعرفي شو ممكن يسألوكي بموضوع المقابلات الي متل هي
فما تهكلي هم
!!!
لانو عندك اهم شغلات بالتوظيف عموما
الثقه بالنفس تكون شخصيتك قويه وتاني شي شخصيتك تكون جذابه وصوتك وقت المقابله واضح و مفهوم كلامك من دون اي محاول لفت النظر بنبره الصوت !!!
والشغله الاهم
بصراحه هيه الشكل الخارجي
!!!!
مو مهم الجمال طبعا لا بالعكس بس اللبس والاناقه مهمين كتير
يعني عالمقابله انا مابعرف طريقه لبسك بس يفضل انك ماتروحي لابسه جنز
وحاولي تلبسي كعب عالي ويكون لبسك سبور شيك او مائل للرسمي اكثر
حتى لو بتلبسي بانطو حاولي يكون انيق وتكوني لابسه كعب عالي
!!!
رح تستغربي ههههه ويمكن تحسيها موضوع ثانوي بس
الاخيره مهمه كتير وروحي لاي مكان توظيف خاص بتلاقي الموظف لابس رسمي والشباب بطقومه وكرافات وحتى ازا اجتك الموافقه انشالله رح يطلبو منك تلبسي هيك واكيد حيكون الجنز ممنوع ازا مو للبنات للشباب اكيد ما رح يسمحولهن فيه وبدون مااعرف قوانين البنوك وازا سألتي اي حدا بيشتغل ببنك رح يقلك هيك ازا كان بده مصلحتك طبعا
..
وبصراحه انا كتير بقتنع بقصه الانطباع الاول والاناقه مهمه يعني شوفي شخص لاول مره مو مرتب ولبسو مبهدل رح تاخدي عنه انطباع عدم الرتابه واللامبالاه وبعدين قد ماحاول يلبس ويكون انيق مستحيل تغيري فكرتك عنو انو هوه مرتب لانو اول انطباع مهم كتير وبيعلق بذهنك
:roll:

....
اذكر انو لما درسنا بالجامعه كان عنا كورسات كامله تشرح هي المواضيع لانو بتعرفي نحنا اكتر الصيادله بيشتغلو سواء بمعامل التصنيع الدوائي كموظفين او مندوبين او بصيدليات وتقريبا اكترها وظائف وبدها مقابلات والتدريب لمثل هالمواضيع كان مهم كتير لمصلحه الطالب ليفتحو امامه افاق العمل ويسهلو عليه
وكان التركيز غالبا عطريقه لبس الصيدلي الي عم يقدم عوظيفه جربي عم احكيلك عن دراسة مانك خسرانه شي

انشالله كون فدتك عن مواضيع العمل بشكل عام
وموفقه

[/color]

Golden RoSe · **Posted:** Wed Oct 13, 2010 11:29 am

katea wrote:

Golden Rose ممكن انك تعطينا فكرة ايمت وكيف قدمت ع الوظيفة بركي نحن كمان منقدم وبحالفنا الحظ اذا ماعندك مانع وبالتوفيق انشاالله

هلو كاتيا

أول شي كتييير بعتذر ع التأخير, كان الانترنت عطلان عندي

بالنسبة للتقديم, ياستي ما عندي خبر كيف بس لمن كنت بحمص عم قدم امتحانات الصيف في مين حب يعمل مليحة مع أخي وطلب منو الـ CV كرمال يعطي فرصة لأخي يتوظف ببنك, فراح عطاه اسمي وشوية معلومات وعملي CV وانا ما عندي خبر بشي, يعني بصراحة الشخص من حالو حاب يقدم خدمة, ومن اول الشهر جديد انا عندي خبر هاد بعد ما قررو يعملو فحص المقابلة, شغلتهم بالها طويل كتير, على كل حال لو اتصلو وفهمت أي شي أكيد برجع لهون وبترك خبر

صدقيني حتى اسم البنك انا ماني متأكدة منو لكن سبق وقالولي عودة, وفي مين قال لأ مو هو

بالنهاية بدها الشغلة دعمة لأن هيك شايفة

شكرا لكل الي شاركو ولي عودة (ع الموضوع)

Golden RoSe · **Posted:** Sun Oct 17, 2010 1:54 am

Obada Arwany, Dr.Ruba,

بتشكركم كتير ع المتابعة والمشاركة

قريت كتير عن موضوع المقابلات ولاحظت إنو تنوع الاسئلة فقط للإرباك وقوة الشخصية هو المهم

اجاني ملف كتير مفيد عن موضوع المقابلات رح ضيف الرابط هون

Sorry, you have to register to see the link If you are a member, just sign in

دكتورةربا بصراحة اكتر شي كان على بالي اسأل عنو هو اللبس وطريقة الكلام وحتى القعدة, بس ترددت ضيفها بالموضوع وقلت لابد جدا ينبه عليها

بيني وبينك كنت مجهزة جينز اسود ورسمي شوي بس هلا غيرت رأيي :mrgreen:

على كل حال أنا مازلت بإنتظار المكالمة, لأن الجماعة عم بيجهزو ليفتحو فرع وشغلتهم بدها وقت (ادعولي)

كمان بظن معظمنا رح يقدم على وظيفة بدها فحص مقابلة لهيك ممكن نعمل موضوع خاص بطبيعة الاسئلة وبالنصائح المفيدة, شو رأيكم *ممم

Latest Posts

Forum rules

حدا عندو فكرة عن مقابلة التوظيف بالبنك؟؟