آرتينيه مغتربه كتب:
_ما هو السؤال الذي اذا سألك اياه حدا بتحذفوا او ما بتجاوب عليه وشو السبب لحذفك السؤال او الي منعك من الاجابه عليه؟
صراحة ما في يعني انا ما بخجل من اعمالي او وضعي فا دائما" جاهز للرد وبصراحو وماعندي شي متل ما بقولو استحي فيه
آرتينيه مغتربه كتب:
2_شو هوي الأمرالي بتتمنى يرجع الزمن لورا حتى تغيروا؟
صراحة أنا مابطلع لورا كتيير يمكن بكون هالشي غلط أحيانا" فا اي شغلة عملتها ما بندم عليها ولو كانت غلط يعني لم يكن بالإمكان احسن مما كان
آرتينيه مغتربه كتب:
_شو هوي الامر الي بخليك تغضب؟
التعصب الأعمى للفكرة
آرتينيه مغتربه كتب:
_بنسمع كتير ناس بيقولو والله العقل زينه ...شو رأيك بالناس الي بيقول
(قد تأتيك النصيحه النافعه على لسان مجنون)؟
المجنون برأيي عقلو أحسن من غيرو بكتير
آرتينيه مغتربه كتب:
_من هم الاعضاء الذين تتمنى ان تقابلهم شخصيا؟ومين هنن الاعضاء الي بتحسن غامضين_ومين الاعضاءالي بتحب تابع مواضيعهن؟
عبيدة أكتر شي مع أنو أصدقاء
الغموض أمر نسبي بس انا ما بحس حدا غامض لأني بحاو أفهمو من وجهة نظري
كتييرين
آرتينيه مغتربه كتب:
_احكيلنا عن موقف صار معك وزعجك ولهلأ كل ما بتذكروا بتنزعج؟
صراحة مرة حسيت حالي أناني بموضوع واتصرفت بطريقة انو انا كون مرتاح فا من يومتا وكل مابذكروا بنزعج
آرتينيه مغتربه كتب:
*_الغربه
الفقر بالوطن غربة والغنى بالغربة وطن
آرتينيه مغتربه كتب:
*_البحر عند الغروب
حلو بس صراحة مو كتير بأثر فيي بحبو بس يكون هايج أكتر
آرتينيه مغتربه كتب:
*_فيروز عند الصباح
رائعة كما هي عند المساء
آرتينيه مغتربه كتب:
*_المطر
كرم الخالق في المطر
آرتينيه مغتربه كتب:
الأب الذي توفي ابنه
الحياة ما بتوقف عند موت حدا
آرتينيه مغتربه كتب:
*_المرأه المطلقه
متل الغير مطلقة
آرتينيه مغتربه كتب:
_بدي تحكيلي عن علاء سليمان بجمله بسطرين بصفحه المهم من خلال الكلام نشعر انو نحنا عرفنا كل شي عنك او بالأحرى نقول هاد هوي العقل زينه
هوي هون المشكلة واحد مافيه يحكي كتيير عن حالو
بس أنا بشكل عام فوضوي يعني عايش لحالي فا غراضي كلها مزتوتة وين ماكان بحب اقرا كتب كتيير وخصوصا" كتب أدبية وتاريخية عندي ادمان فيروز وزياد بشكل كامل بحب كون لحالي أكتر الأوقات وبرتاح بس كون لحالي يمكن متل ما بصنفوني جامد شوي وغير رومانسي بحب اضحك كتيير ما بحب الزحمة بحب الرواق منيح هيك؟
آرتينيه مغتربه كتب:
_اذا داقت الدنيا فيك وحسيت حالك مخنوق شو بتقول بينك وبين نفسك ولمين بتحب تروح بعدها؟
عادي هيي دنيا
مابروح لمحل بس كون مزهوج بحب ضل لحالي
هوي شوي أسئلتك طويلة بس استمتعت بالرد عليها
أهلن وسهلن