تابع: سياحة .. في كورنيش أبوظبي و(حدائقه)

عاشقة العربية

مرحبا جميعا

كثيرا ما سمعنا عن (دبي) ومدى التطور الذي وصلت إليه ..ولكن لـ(أبوظبي) جمال وسحر آخر
وهذا ما جعلني في هذا الموضوع أن أنتقي لكم صورا لعاصمة الإمارات (أبوظبي) وتحديدا على كورنيشها الذي يعدّ من أجمل المواقع السياحية فيها

نبدأ جولتنا في النهار

هذه صورة للمنظر العام من أعلى ، البرج الأزرق سنلمحه كثيرا في جولتنا ويدعى برج بينونة .. وتراه يكتسب ويعطي للبحر زرقته

إن نزلنا إلى الشاطئ المطل على البحر .. سنجد ..

أصفى من هيك بحر ما لقيت ولا حتى عنا شوفو برج بينونة لونو من لون الجو كلو

إضغط على الصوره لتراها بحجمها الطبيعي

تستطيع أن ترى الصورة بحجمها الطبيعي بعد الضغط عليها

سنجد مبنى له قبة وهذا المسرح الوطني ، طبعا هو على الضفة التانية لجوا

هنا زاوية أخرى من الشارع نفسه ، لكن للأمام قليلا، وهذه المظلة تحتها مقاعد أخرى غير المقاعد المنتشرة على طول طريق الكورنيش
طبعا واضح المباني العالية الموجودة، هذه أغلبها تتوزع بين سكن وبين شركات بترول

وعلى طول الكورنيش تتوزع الحدائق المجهزة بالألعاب والمصليات والمرافق العامة

بين هذه المباني والحدائق، وشارع الكورنيش المطل على البحر أنفاق للمشاة تحت الأرض ، لاحظوا هندستها وفنّها :

أما الآن ..

شوفولي بالله هالطريق الأزرق الضيق .. هذا ممر خاص لراكبي الدراجات الذين يحبون قضاء وقت في الكورنيش ويمارسوا الرياضة
بالله نحن البسكليتات عنا كيف بمارسو صحابا الرياضة ؟

إلى أن حلّ الليل .. ولكورنيش أبوظبي سحره الخاص ليلا

هذه هي الضفة الثانية، وفيها للترفيه مكان .. تسوق وركوب قوارب ومسرح وطني، وهذا ما يسمى بـ(كاسر الأمواج)
هو بالأساس بحر .. ولكنهم بلطوا البحر وكسروه كسرا

لاحظوا الهدوء الممزوج بأضواء المدينة ، وأين ما أدرت ستجد هذه الأضواء وهذا الأنس في كل زاوية، وفي كل ضفة

وبصراحة .. لا نستطيع أن نغادر الكورنيش إن لم أطلعكم على قصر الإمارات ، ويقبع على الزاوية التي تفصل بين الضفتين وقد سمي في البداية بقصر المؤتمرات

أخيرا .. أتمنى أن تكونوا قد قضيتم معي رحلة ممتعة على كورنيش أبوظبي
وانتظروني في رحلات أخرى

باسل العمروش

نعمه شو بدي علّق لعلّق
يا الله شو هالمناظر هي؟؟؟

ايمت رح يصير عنا هيك شي ع شاطئ اللادقية؟؟ او طرطوس؟؟؟ :cry:

و لا مصرين يطفشونا؟؟؟
يا الله شو حلوين... طريقة المسكليتات, و لا منظر البحر و لا قصر الإمارات و لا المنشاء يلي تحت الارض و لا المسابح و لا الليل ولك وليييييييييي على حظي
:cry:

يسلمو ايديكي هدى

و عئبال ما فارس يعملنا رحلة لهنيييك :mrgreen:

الله كريم

..nano..

هدى,

بلفعل الو سحرو الخاص ..

الصور كتير حلوين والبحر مريح للنظر ع قد مو حلوو ..

يسلموو.. *ورود

عبيدة

لعمش ,,

شو بتعملولي إزا بإلكون هالمنظر طلع من عيووووني :mrgreen:

,,

بس شو مشان الجو :mrgreen:

شي مرة بدي فرجيكون كيف بكون بالصيف :mrgreen:

,, ما بتعودي تشوفي البحر ,, لأنو الرطوبة ,, رح تغطي عليكي هالجمال الخلاب :mrgreen:

بس مبين هالصور بالشتى ,,

واستنوا للشتى الجاية ,, منجبلكون صور تازة :mrgreen:

هدى, سلمون خيتو ,,

Celina

هلأ هلأ بدي روح لهنيك خلص رح أركب بطيارتي الخاصة وسافر :mrgreen:

مشكورة

ابراهيم محمد

لك هاي هدى عمتضحك عليكون لأنها ماخدة الصور من قدام بيتنا

ولي عليي أنا على هالمناظر ..

ال شو لادئية وطرطوس ومدري شو كمان لك كل هدول ما بيجو ولا 0.1 % من جمال هالصور

الله يطعمنا ونزور هديك الأماكن

يسسلمون هدى على هالتقرير الروعة

تحياتي

سحر

لك متل عنا فرد شكل ولو بصير هيك
عنا مناظر طبيعة أحلى من هيك لو بيعمللو هيك حضارة بعرف مخيتلي و اسعة كتير............................. :mrgreen:

بس شو مشان البسكليتات
نحنا طريق نمشي عليه على رجلينا متل الخلق والعالم مافي :shock:

على قولتكون ولي على حظي

عاشقة العربية

والله تعليقاتكن ضحكتني

باسل العمروش,

اقتباس:

يا الله شو هالمناظر هي؟؟؟
ايمت رح يصير عنا هيك شي ع شاطئ اللادقية؟؟ او طرطوس؟؟؟

سؤال يطرح نفسو
بدك تقول مطولييين كتييييير ، وأهم شي ليتطور شعبنا اللي بخرّب كل شي

اقتباس:

و عئبال ما فارس يعملنا رحلة لهنيييك

وحق التذاكر علينا يمكن
نوّرت باسل

..nano..,
فعلا جبتيا : (مريح)
أهلا فيكي

عبيدة,

اقتباس:

شو بتعملولي إزا بإلكون هالمنظر طلع من عيووووني

بس متل أبوظبي ؟

اقتباس:

بس مبين هالصور بالشتى ,,

اي أكيد .. لأنو إيدك ما بتشوفا من الرطوبة الصيفية وما بتشوف ولا بتتنفس حتى

اقتباس:

واستنوا للشتى الجاية ,, منجبلكون صور تازة

خلص عم نستنى تقريرك من السعودية

Celina,

اقتباس:

هلأ هلأ بدي روح لهنيك خلص رح أركب بطيارتي الخاصة وسافر

تعي خدي طيارتي ليكيا واقفة
منورة

ابراهيم محمد,

اقتباس:

لك هاي هدى عمتضحك عليكون لأنها ماخدة الصور من قدام بيتنا :mrgreen:

من قدامي بيتي انا ليش الكل بيقلدوني

اقتباس:

الله يطعمنا ونزور هديك الأماكن

ان شالله ، ليش لأ .. هو بيني وبينك عنا جبال وطبيعة بتغطي ع كل هاد

اقتباس:

يسسلمون هدى على هالتقرير الروعة

الله يسلمك .. واهلا فيك دائما

سحر,

اقتباس:

عنا مناظر طبيعة أحلى من هيك لو بيعمللو هيك حضارة

هاد حكينا

اقتباس:

بس شو مشان البسكليتات
نحنا طريق نمشي عليه على رجلينا متل الخلق والعالم مافي

منمشي بالشارع لأنو كل المحلات حاطة كراسيا برا وقاعدين او بتلاقي البسطات

اقتباس:

على قولتكون ولي على حظي

لك سلاااامتكن

..nano..

خلص عم نستنى تقريرك من السعودية

ههههههه هدى حبيبتي بلعكس أنا بكون تقريري من سعوديه وعبيده من الاماارت حصرا لانو عايش هونيك .. :mrgreen:

أحمد الدالي

من زمان حابب ثبت موضوع...وهلقفي عندي مشكلة بلوحة التحكم ورح يمشي الحال بس يفوت فارس :mrgreen:
لأنو موضوع متعوب عليه...الله يسلم ايديك...
وبعد التثبيت فينا نقول:
أبو حميد الإداري

آخر المشاركات

تابع: سياحة .. في كورنيش أبوظبي و(حدائقه)